ค้นหาร้านอาหาร / ย่าน
Strawberry Wong
2462
ไปมาแล้ว
43
ติดตาม
121
ผู้ติดตาม
My Best
2024
2023
2022
2021
2020
2019
2018
2017
พื้นที่
พื้นที่ (ทั้งหมด)
สีลม・ช่องนนทรี・สุรศักดิ์ (1)
ประเภทอาหาร
ประเภทอาหาร (ทั้งหมด)
อาหารฝรั่งเศส (1)
Strawberry Wong
2024/05/08
sen-ryo (Tsim Sha Tsui, Gateway Arcade)
อาหารญี่ปุ่น
今日到千両吃午餐,發現他已經轉咗新餐牌,每一款都好吸引。 中吞拿魚腩丼定食$158 真係估唔到150幾蚊有中拖羅,而拖羅的質素相當唔錯,相當肥美,肉質纖細柔滑,充滿油份,其實同大拖羅唔會差好遠,魚脂甘香,又有魚味,加上滑滑吞拿魚蓉和三文魚子,味道鮮味非常可口。 再吃一口清爽嘅沙律,呷一口麵豉湯十分滿足。
เพิ่มเติม
1
0
Strawberry Wong
2024/05/05
The Praya
อาหารเอเชีย
由於Restaurant嘅關係今日試吓一間位於西環嘅摩登酒店內中菜廳。餐廳裝修美輪美奐,比較似西餐格局,感覺現代又開揚,坐得舒適。 Restaurant week/Brunch $388 -位 Starter 素菌XO凍豆腐 豆腐賣相精美,一啖一口,豆味濃郁,入口冰涼,質感綿滑,味道清爽。 Appetiser: 芝麻龍蝦多士 這蝦多士炸得鬆脆可口,表面鋪滿黑白芝麻,配上蝦膠和鬆化的多士,味道鮮味又唔油個頭膩。 Main: Honey 選擇炭燒三黃雞 三黃雞表皮微微燒焦,雞味濃郁,雞肉相當嫩滑可口,而且係帶骨部位,雞肉更加嫩滑,另外有兩種醬汁配搭,可以試吓唔同嘅口味。 我選擇炭燒黑毛豬叉燒 黑毛豬叉燒係厚切嘅,口感不錯,半肥帶瘦,口感軟滑,相當肥美又帶脂香,加上輕輕的蜜汁風味,味道甜美。 Rice and noodle: 煙鴨自家酸菜淮山麵 這個比較似豉油王炒麵,麵條係幼的,有口感,配上少少鴨肉,甜豉油風味,唔會好油膩。 Vegetables 海味啫啫通菜煲 通菜煲充滿鑊氣,通菜口感嫩滑,又有海味鮮香,少少辣椒,微微的辣,香口惹味。 Dessert 椰子黑糯米西多士 這個迷你西多士看似甜膩,但吃落味道剛剛好。西多士炸得香脆鬆化,當中夾着軟綿綿嘅黑糯米,再加上表面甜香嘅花生醬和煉奶,奶醬風味甜到剛剛好,惹味可口又唔會炸到成口油。
เพิ่มเติม
1
0
Strawberry Wong
2024/04/30
Giando Italian restaurant and bar
อาหารอิตาเลียน
星期日到一間位於新界嘅意大利餐廳吃午餐。週末只有brunch供應,$488 一位。 Vittello tonnato Slow cooked veal loin, tuna and caper sauce 這個慢煮小牛肉味道不錯,既有肉香,口感相當軟滑又唔肥膩,感覺輕盈。 Prosciutto di devodier Devodier parma ham 這parma ham 沒有太乾,切得夠薄,口感比較油潤軟身,略帶鹹香,若有蜜瓜,可更理想。 Carpaccio di ricciola Amberjack carpaccio , lemon & capers 這鰤魚十分新鮮,魚肉柔嫩又有光澤,加上檸檬汁,是清新鮮美的意大利風味。 Polipo e patate Marinated octopus & potato salad 油漬八爪魚口感帶一些韌道,味道平平;但薯仔沙律中的紅黃蕃茄卻出奇的清甜可口,是充滿南意風味特色。 Minestrone Classico Minestrone soup 這什菜湯有十多種蔬菜,蔬菜粒份量不少,是純天然的蔬菜原風味,健康口味。 Insalata cesare Cesar salad, black garlic sauce. 沙律菜十分新鮮,口感清爽脆口,加上輕盈的黑蒜沙律汁和芝士粉,芝味十足,味道唔會太單調。 Braciola di mariale +48 Grilled herb crushed pork chop, cabbage 豬扒是厚切的,是豬柳部分,啖啖肉,沒有肥膏,肉質柔軟纖細,帶香草風味,不錯。 Bistecca di manzo +68 Grilled Wagyu beef rump, rocket and tomato salad. 和牛賣相不錯,烤至半熟,肉味濃,可惜唔係肥美的那種,而且帶少少筋,真係有少少韌。然而火箭菜和蕃茄都幾新鮮, refreshing. Desserts 估唔到一共有五款甜品!tiramisu 真可口!是沉隱的朱古力風味,又有少少酒香,creamy 又濕潤,又唔太甜,好吃!sorbet 是典型雪芭風味,酸酸的,入口冰涼。菠蘿正!超甜又多汁!泡芙creamy 軟滑,充滿空氣感。 crème brûlée 表面焦脆甜美,加上香滑燉旦,豐盈甜美。 這一頓午餐真豐富,晚餐也不用吃了。
เพิ่มเติม
0
0
Strawberry Wong
2024/04/22
Senti
Senti 今日試下dining city lunch set. 這家樓上餐廳的環境不錯,裝修雅緻又有單邊窗戶,感覺都幾開揚。 午餐$248,有前菜、主菜及甜品,包咖啡或茶。 先送上homemade bread, 橄欖油法包入口香脆鬆化,帶橄欖油清香,暖暖的,味道不錯。 Lobster bisque 蟹肉龍蝦湯 這蟹肉龍蝦湯味道真好,有着濃嘅龍蝦味,當中又真蟹肉,味道非常鮮美,湯嘅稠厚度剛剛好,天氣炎熱,口感香滑唔會好膩口。 香煎迷你蟹餅 這蟹餅有絲絲蟹肉和洋蔥,真材實料,蟹肉餅味道鮮美,炸得不油膩,配上清新嘅香甜芒果粒粒,味道不錯。 主菜選挪威三文魚 這三文魚是魚柳部份,完全冇骨;而且一啲都唔腥,雖然煮到差唔多熟晒,仍口感軟滑,唔會鞋口,味道係OK。 Honey 選M7 Wagyu ribeye 這M7 和牛肉眼扒煮至medium rare, 雖然牛扒份量十足,但有部份帶筋,不能吃;整體而言,牛扒有肉味,煮得比較熟,味道可以,但前菜更出色。 烏龍茶雪糕配海鹽泡芙 這個是它們的signature, 個雪糕真係唔錯 味道帶啲烏龍茶嘅幽香,加上自家製嘅黑芝麻薄脆,再配上香滑嘅忌廉同脆脆嘅夏威夷果仁,再配上冰凍嘅雪糕,整體味道清爽香滑,口感滑溜冰涼,味道輕甜,好吃! Tiramisu 這Tiramisu也不錯,口感香滑,質地比較輕盈,略帶奶香和朱古力味,質感口感幼細又滑溜。 Cappuccino 泡沫咖啡口感香滑,有豐厚嘅泡沫,咖啡味比較溫和。
เพิ่มเติม
0
0
Strawberry Wong
2024/04/22
幸匠燒
幸匠燒 午餐價格由$168-$308。 今日試吓蒲燒鰻魚定食$208。 燒鰻魚大大份,而且十分厚肉,燒到表面脆香,魚肉比較軟身,但帶一點厚度,有少少碎骨。鰻魚汁嘅味道唔錯,甜度剛剛好,亦都唔會好鹹,配上醃菜,味道不錯。面鼓湯也十分順喉,唔鹹,有少少面鼓香。再吃一口白飯,很滿足。
เพิ่มเติม
0
0
Strawberry Wong
2024/04/20
Chun Shui Tang(TST)
อาหารเอเชีย
春水堂 今日試吓台式午餐。這間店沒有午餐供應,只有散點。 半筋半肉蕃茄牛肉麵 半斤半肉牛肉麵嘅牛肉,基本上係牛腱和牛筋,牛腱切得夠厚身,口感唔錯,而且炆得軟腍入味;牛筋口感軟滑,充滿滿滿嘅骨膠原,同樣相當入味。加上厚切麵條,口感Q彈和充滿蕃茄味嘅湯汁,惹味可口,不錯。 鐵觀音奶茶 這款奶茶係台式奶茶,茶底有幽幽嘅鐵觀音香氣,質地唔會稠厚,輕輕的甜,唔會澀口,係淡口嘅台式奶茶。
เพิ่มเติม
0
0
Strawberry Wong
2024/04/20
咕嚕啦牛肉麵
อาหารเอเชีย
今日試吓重慶大廈商場附近商場嘅餐廳。餐廳唔係好大,但座位尚算舒適,用QR code落單主打台式餐飲。 滷水牛腱拼肉燥飯$78 滷水牛腱同肉燥飯係分開上嘅,肉燥飯味道唔錯,肉燥口感濕潤肥美,但又唔係半肥瘦,而且有甜香嘅醬汁味道,配上軟身嘅白飯,惹味可口。滷水牛𦟌嘅份量唔少,而且口感軟滑,帶一些厚度,滷得相當入味又唔會好鹹,送飯一流。 原味奶茶+$18 這奶茶大大杯,茶味比較重,奶味唔太重,加上輕甜風味,質地唔太稠厚,是台式奶茶風味。
เพิ่มเติม
0
0
Strawberry Wong
2024/04/14
鮨山月
อาหารญี่ปุ่น
餐廳嘅裝修係典型嘅日式高級壽司店嘅裝修,燈光柔和,感覺開揚又高雅,十分舒適。 今日試吓原價$680, dining city$530的omakase. 先送上的柚子蘿蔔,口感清爽,帶柚子清香;薑片酸酸爽口,-點也不辣。 茶碗蒸 這個真好吃,賣相精美,瑩光鱿魚正值時令,而蒸旦口感滑溜如豆花,味道鮮美。 1.右口魚 先送上味道淡身的右口魚,魚肉爽口清甜,配上烏魚子粉,帶少少咸味,口感輕盈。 2.帶子 帶子十分肥美帶光澤,厚切令人滿足,配上的柚子,口感嫩滑又清新,味道也不會太單調。 3.墨魚壽司 這墨魚切成小粒,口感黏滑柔軟,帶有墨魚的獨有鮮甜味,清甜口味,不錯。 4.深海池魚 深海池魚十分肥美油潤,帶魚脂的甘香,魚肉柔軟可口,味道濃厚,正! 5.赤貝 師傅把赤貝切得剛好,入口爽脆,-咬即散,赤貝味道鮮甜爽口,有貝類的獨有鮮甜味。 6.池魚 這池魚味道濃厚,魚肉柔而爽脆,配上清香的蔥花,更加惹味。 7.銀鱈魚 用刺身級銀鱈魚,用上備長炭燒,表面微微燒焦,味道甘香油潤,口感軟滑肥美,帶油脂香,好吃。 8醬油漬中拖羅 醬油風味味道濃厚,帶少少赤身風味,又唔會太鹹;雖然油份唔多,但魚味突出柔潤,正! 9.大拖羅 這大拖羅用上魚鮫部分,加上豉油,非常肥美!大拖羅充滿油花,口感極為滑溜又無筋,魚肉纖維極為幼細,入口即融,魚脂在口中迴旋,醬油令大拖羅無咁膩口,正正正! 10.車海老 車海老大大件,車海老烤至剛剛熟,啖啖蝦肉,爽口鮮甜,不錯。 11. 燒右口魚邊 燒右口魚邊正呀!紫菜脆口,加上燒右口魚邊,火炙逼出油份,甘香油潤,配上紫菜的清香,正! 12. 青森紫海膽、三文魚籽 青森紫海膽色澤明亮,海膽味唔係最濃但味道鮮甜又creamy, 而且份量十足,再次配上鮮美的三文魚籽,每一口都吃到海膽和三文魚籽,真可口。 湯 這魚湯真鮮甜,魚是煎過才熬出奶白色魚湯;魚湯鮮甜又唔唔腥,配上本茹,暖暖胃,好味道。 甜品是柚子雪芭 雪芭味道清爽,又有柚子的酸甜風味,為這餐作完美句號。
เพิ่มเติม
0
0
Strawberry Wong
2024/04/13
銀座,鮨
銀座,鮨 這間位於天水圍嘅日式餐廳。 餐廳裝修很簡單,但一啲日式風格,但整體光猛企理又整潔。 炒雜菜 炒雜菜幾好鑊氣,炒得唔油膩,雖然係全素,但味道都不錯。 西京銀鱈魚 西京銀鱈魚份量十足,銀鱈魚大大件,燒得口感香滑又冇乜骨,啖啖肉,帶一點點西京燒醬的甜味,加上魚脂的甘香,送飯一流。 雞軟骨 雞軟骨十分爽口爽脆,帶少少鹽燒風味,唔係好乾。 牛肉卷 牛肉卷份量足,味道唔錯,牛肉口感軟滑唔柴,有肉味,充滿日式風格。 炸天婦羅蝦 天婦羅蝦雖然炸衣比較厚,但勝在口感鬆脆,又有少少蝦嘅鮮味,味道唔錯,炸得唔油膩。
เพิ่มเติม
0
0
Strawberry Wong
2024/04/13
日山
今日試吓海景壽喜燒。 餐廳嘅環境10分掗緻,有單邊海景,維港景色一覽無遺。餐廳裝修都10分簡單,但係點和風日式風格。 午餐有九款價錢有238至498。 壽喜燒A五嚴選部位$498 和牛約100克 先送上前菜,茶碗蒸十分香滑,海帶清新,柚子汁配上金菇,味道鮮味又清爽。 壽喜燒和牛入口香滑,和牛充滿油脂,牛脂甘香,口感柔軟又肥美,但又唔會油膩,加上生雞蛋嘅蛋汁,口感非常滑溜,味道濃厚,再配上壽喜燒嘅甜味送飯一流。 第二件和牛用上洋蔥風味,這和牛同樣的美味,肥美軟滑的和牛,肉纖維很幼細,加上甜美嘅洋蔥和壽喜燒汁,再配上芋絲味道更加清爽,好吃。在吃一口香軟嘅白飯10分滿足。 麵豉湯清清地,味道唔會好濃,入口暖和,感覺舒適。 柚子雪葩 柚子雪葩味道清新,入口冰涼,味道甜甜酸酸,十分醒胃清爽,而且有解膩嘅作用。
เพิ่มเติม
0
0
Strawberry Wong
2024/04/12
Hashtag B
今日經過銅鑼灣,發現人氣蛋撻店。 基本上光顧嘅人都係幫襯葡撻,佢哋嘅葡撻幾特別大大個嘅,而且有普通焦糖味和柚士味。 先試吓原味 這焦糖味味道香甜,但不過甜;葡撻口感香滑creamy, 撻皮係比較厚嘅,但口感鬆化感覺份量有點多。 再試吓柚子味葡撻 這柚子味葡撻味道比較清新,但酸酸甜甜嘅柚子風味,仲有啲芝士味,滋味十足,味道都比較特別有啲似new York cheesecake.
เพิ่มเติม
0
0
Strawberry Wong
2024/04/07
The Drawing room
The drawing room 這餐廳位於灣仔St. Regis 𥚃,餐廳的裝修氣派十足,天花吊住巨型特式燈飾,加上素雅的色調,感覺高級又充滿現代感。 Dining city lunch menu set$358/person 先送上麵包,麵包有幾款種類,各有特式,暖暖的,還不錯。 Smoke salmon , avocado salad 嘩!前菜沙律份量十足,沙律十分新鮮,牛油果口感軟滑,加上嫩口的三文魚和爽口沙律菜,味道清爽淡口,感覺輕盈。 teriyaki beef ribs Squid, cherry tomatoes, chili, garlic 這道菜非常受歡迎,牛肋骨位置有啲似牛腩,肉質軟腍腍,又有少少口感,當中有少少牛脂,味道甘香,加上照燒汁嘅甜香,10分惹味可口,再吃一口香滑嘅薯蓉,10分滿足。 Hazelnut 70% chocolate finger 這榛子蛋糕味道唔錯,薄薄嘅脆餅底上面有香滑嘅朱古力慕絲,還有甘香嘅榛子蓉,味道唔太甜,口感香滑,不錯 Flat white 奶白咖啡是正常水平,咖啡味唔太濃郁,但口感順滑。
เพิ่มเติม
0
0
Strawberry Wong
2024/04/07
Lobby lounge ( Regent)
อาหารนานาชาติ
今日麗晶酒店嘅lobby lounge 。餐廳 位於酒店大堂維港海景海景一覽無遺空間感十足。restaurant嘅午餐10分相宜,大概$240左右到三道菜。 送上麵包, 麵包10分香軟,熱呼呼的,還有牛油味,味道不錯。 前菜選擇了溫泉蛋配煙三文魚 這道菜味道一般般。是半熟蛋配上蘆筍片及煙三文魚,味道冇乜特別,亦都冇乜驚喜。 香煎海鱸魚 這道菜有許多配菜,鱸魚煎得有點熟,是無骨的,味道係正常水平,加上蕃茄黃椒等等嘅配菜,帶點地中海嘅味道。 芒果雪芭 雪葩入口冰涼,味道酸酸甜甜,口感清新。
เพิ่มเติม
0
0
Strawberry Wong
2024/04/01
UCC Coffee Shop, Causeway Bay Plaza1
อาหารญี่ปุ่น
這café 長期都有人排隊,今日無乜人,試一下。 已經是三四點,全店滿座。 下午茶都幾抵食,$73-$98包飲品,因為單點咖啡也是$55, 所以茶餐是比較抵食。 蜜糖檸檬法式多士$73 雖然叫法式多士,感覺比較似炸麵包多一啲。這法式多士口感香脆,但保留麵包質感,輕輕嘅甜味,無乜檸檬味,有少少蜜糖味道輕怡。 炭燒咖啡唔落糖都ok, 口感順滑,沒有酸味或苦味,有陣陣炭燒風味,係幾特別嘅日式風味咖啡。
เพิ่มเติม
0
0
Strawberry Wong
2024/04/01
Peninsula Boutique, The Peninsula Hong Kong
เบเกอรี่/เค้ก
今日不吃旦糕,試吓scone set. 這scone set 有兩件scone, 有原味和提子味 鬆餅好得香脆鬆化,又有蛋奶香,加上滑滑的clotted cream和香甜嘅果醬,很滋味,完全沒有膩口嘅感覺. 感覺比吃旦糕充實。 Flat white 口感香滑,有陣陣豆奶香,完全沒有酸或苦的味道,咖啡味道平和,沒有獨特的風味,是容易入口的那一種。
เพิ่มเติม
0
0
Strawberry Wong
2024/03/31
淂記
Duckee 今日準時放工,可以和屋企人食晚飯。 這間店裝修時尚,充滿現代感,加上昏黃燈光和節奏音樂,一點也不像吃烤鴨的地方。 二人套餐$298/1位 紫甘藍雞絲拉皮拼紅蜇頭 這雞絲粉皮真好吃,雞絲軟嫩,配上青瓜絲,麻醬味道濃厚、味道甘香,口感滑溜,加上滑滑嘅粉皮,好味道。紅蜇頭爽口柔軟,味道清爽。 乾燒波士頓龍蝦半隻 這波士頓龍蝦份量十足,啖啖肉,彈牙又鮮美,加上紅燒汁的甜酸蒜香,-點也不辣,惹味可口,正! 烤北京填鴨半隻 北京填鴨已經去肥,鴨皮又薄又脆,鴨肉柔軟,加上甜醬、香蔥、青瓜和砂糖等,豐富的味道,好吃! 上湯蒜片油麥菜 油麥菜爽口清新,加上充滿蒜味嘅上湯,味道鮮美,這道菜素而不寡。 牛肉餡餅 這隻牛肉餡餅餡餅皮十分酥香,完全不油膩,牛肉餡料爆汁,超級juicy, 加上淡淡嘅芫荽香,熱乎乎的,真好吃! 蛋白杏仁茶 杏仁茶好香滑,奶白杏香的滋味,還有滑溜旦白,輕甜健怡口味,十分滋潤。
เพิ่มเติม
0
0
Strawberry Wong
2024/03/31
晴空日本料理
見到餐廳全日餐$498做緊買一送一,即刻訂位試吓。 沙律菜很清新,用少少沙律汁,口感清爽;茶碗蒸熱辣辣,口感軟滑。 刺身有真鯛、螢光魷魚、鯛魚、烤白身魚同松露蝦。刺身每一款都很新鮮。螢光魷魚BB味道幾特別,鮮美爆汁;特別值得讚吓個醬油蝦,有陣陣松露香,口感爽滑,好吃!其他的就夠新鮮,沒有特別嘅印象。 壽司五件,對板對位。中吞拿魚肥美,口感嫩滑,有魚油香,而且切得幾厚,口感唔錯;帆立貝大大件,味道鮮甜,同樣係厚切。火炙左口魚裙邊肥美而火灸白生魚口感爽彈;海膽唔係最甜嗰種,但係算鮮味帶甜味。 燒明太子雞翼幾好食,啖啖肉雞翼裏面夾住明太子,少少辣,少少鹹香;燒帆立貝係香口嘅,但係有少少着感而燒Tim味道香。 最後仲有麵豉湯同日式蕨餅。麵豉湯味道唔會好鹹,熱辣辣的,吃過壽司,一口熱湯感覺唔錯,而且日式蕨餅味道輕甜,充滿和風味道。
เพิ่มเติม
0
0
Strawberry Wong
2024/03/27
NINETYs Roastery
餐廳裝修有型有格,樸素又有現代感,而且座位幾舒適,大少少禪意。 這天早上嘅客人唔多,這兒是用QR code自行落單,枱上有水供應。 牛油果多士 看似很簡單嘅牛油果多士,但味道也不錯,簡單嘅調味加上果仁,令牛油果的軟滑口感中帶一啲堅果口感,再加上水波蛋和酸種好啊麵包份量少少,但飽足感十足,味道亦都唔錯。 Flat white 奶白咖啡帶nutty 的咖啡風味,溫度剛剛好,入口醇香,吃少少藍莓乾,果甜令咖啡的堅果味突出一點,不錯。
เพิ่มเติม
0
0
Strawberry Wong
2024/03/18
Ovo cafe
在一間型格嘅傢俬店內設有一間別墅一格嘅Cafe 。只能Cafe 10分寧靜舒適而且食物嘅價格便宜,比外面許多Cafe還要平。 下午茶全日早餐$108 全日早餐,份量十足, 有漢堡、蘆筍,甜薯餅、炒蛋、蕃茄、大蘑菇和牛角酥餅!漢堡似是素肉,唔會好油膩,蘆筍十分軟嫩可口;甜薯餅是蕃薯蓉,味道香甜又脆口,唔油膩;炒旦炒得香滑;還有爽口大蕃茄、軟滑的大磨菇和脆口的牛角酥餅,吃過後,晚餐也不用吃了,美味又飽足。 朱古力香蕉西多士配雪糕$68 這港式西多士加上朱古力香蕉,加上凍的雪糕,味道香濃甜又香滑,沒有糖漿的死甜。 百香果茶 這百萬香果茶入口冰涼,口感清爽,酸酸甜甜的,感覺輕怡 Flat white soy milk 這咖啡的泡沫比較多,帶少少稠厚的豆奶風味,咖啡味比較中性,沒有太酸或苦,容易入口的味道。
เพิ่มเติม
1
0
Strawberry Wong
2024/03/16
Nata-steak, wine & cocktail
อาหารนานาชาติ
這家位於觀塘的西餐廳美侖美喚,和外邊的工業大廈如兩個世界。餐點的選擇唔少,而且價格合理。 Corn soup $58 這泡沫粟米湯真不錯!泡沫湯口感滑溜,有濃厚的粟米味,味道香甜,不錯。 Smoke salmon salad $88 煙三文魚沙律份量十足,煙三文魚是正常水平,沙律菜十分新鮮,用沙律汁,是輕盈風味。 Cheesy scallop potatoes $78 這個前菜真可口!芝士焗到焦香半溶,加上嫩滑的帶子和薯蓉,芝味濃厚又帶奶香,熱乎乎的,正! Grilled us ribeye $283 這牛扒幾正!用蠟燭保持熱度,牛扒肉質軟嫩,又有肉味,雖然有部分帶筋,配上海鹽、香草汁或gravy, 各有特色。 Hazelnut, chocolate & caramel banana soufflé pancake $95 榛子朱古力焦糖梳乎厘班戟即叫即做,班戟空氣感十足,口感輕軟,帶少少旦香和朱古力的甜香,加上朱古力忌廉,很creamy,但又不甜膩。香蕉有脆皮焦糖,香脆甜美,不錯。
เพิ่มเติม
1
0
Strawberry Wong
2024/03/16
食飯
食飯 今日試吓泰式船麵,有聞其水準可和samsen 相比,而且價格比較相宜。餐廳的裝修比較地道,是接枱和木椅,帶點街頭風格。 泰式牛肉船麵$88 入座後等了四十分鐘,終於吃到。牛肉切得很薄、半生熟的,口感嫩滑;這湯底是ok的,有牛骨湯風味,味道鮮甜,唔辣,可惜沒有samsen 那麼多層次,金邊粉也順滑可口。 Pad thai $80 這炒河粉口感帶濕潤,甜甜酸酸,可選蝦、雞等,今次選蝦,但全碟只有兩隻,而且很細隻,但整體味道係OK嘅。 蒜蓉炒通菜$80 炒通菜份量十足,蒜蓉味亦都充足,而且惹味可口,唔會太油膩。 芒果糯米飯$45 這芒果糯米飯份量唔多,味道是正常水平,糯米飯粘糯,加上香甜的椰汁和酸甜的芒果,味道不錯。 泰式奶茶$30 這奶茶口感香滑,入口冰涼,味道輕甜,茶味也比較淡,是ok的。 食物水平是ok, 但由於人手不足,上菜等了三十分鐘才陸續上菜。
เพิ่มเติม
0
0
Strawberry Wong
2024/03/16
DALLOYAU(Admiralty)
อาหารฝรั่งเศส
今日想吃甜點,到了位於金鐘的甜點店。餐廳的裝修高雅又時尚,又不會太拘謹,坐得舒適。 單點飲品$80,-件旦糕約$58,而cake set 為$138包糕和飲品一杯,不錯吧! 北海道柚子芝士旦糕 這旦糕份量十足,柚子味濃郁,酸酸的,味道清新,口感十分香滑creamy, 質地稠厚但又不會厚實,唯一缺點是味道比較酸。 朱古力棋盤旦糕 這朱古力旦糕朱古力味超濃厚,是厚身的mousse 質地,好creamy滑溜,每一口像在吃朱古力似的,朱古力迷大愛,但個人覺得味道比較甜。 Flat white/soy milk 這奶白咖啡有少少令人失望,口感未算香滑,咖啡味比較酸,上次點玫瑰牛奶咖啡比較好喝。 Earl grey 這伯爵茶口味清新,口感香滑,茶味幽幽,一點也不澀口,配蛋糕不錯。
เพิ่มเติม
1
0
Strawberry Wong
2024/03/14
Odelice!, Tsim Sha Tsui
อาหารฝรั่งเศส
Odelice 今日試吓一間法式小餐館。餐廳裝修唔錯美輪美奐,而且坐得舒適。 午餐有沙律,意粉、意大利飯和精選等等,價錢由$85至$175,有主食及飲品。 今日試吓半隻燒雞$135 半隻燒雞,番薯條及煙燻辣椒沙律醬。 燒雞份量十足,可惜肉質唔係好軟滑,比較乾身同埋鞋口,冇乜雞味,唯有點沙律醬食。味道中等,不過不失。番薯條炸得乾身,有少少甜味,但係唔油膩。 咖啡味道非常一般,咖啡味道比較苦和酸,但熱度十足。
เพิ่มเติม
1
0
Strawberry Wong
2024/03/11
TIRPSE
อาหารญี่ปุ่น
今日到訪k11musea 的西餐廳。餐廳的裝修美侖美奐,是摩登高雅的設計,還有全視線海景,坐在窗邊,看著海,很寫意。 下午茶餐$249 -位,兩位起。 Wagyu katsu sando 和牛三文治細細件,和牛帶一點厚度,肉質一點也不韌,口感軟滑,配上美奶滋,口感濕潤,雖然是溫的,但味道仍不錯。 大刀魚 淡淡的炸衣,配上魚肉,味道淡淡的,帶少少海苔風味,沒有半點油膩感。 芝士餅 這芝士餅口感香滑,芝味十足,還有酸香的紅莓味,酸酸甜甜的,好味道。 綠茶mousse 這慕絲賣相很美,口感creamy 絲滑,如空氣的口感,輕甜的綠茶風味,加上雜莓的果甜和酸香,味道十分合拍。 Petite fours 朱古力慕絲 這朱古力慕絲味道真濃,真正朱古力風味,味道濃而不膩,香甜creamy ,正。 法式小甜餅 這法式小甜餅真可口,外脆內軟,沒有一般過甜的問題,味道甜香,配咖啡不錯。 Cappuccino 咖啡口感香滑creamy, 咖啡味道適中,沒有太苦太酸,是平易近人的味道。 雖然天氣灰濛濛的,但又別有一番意境,靜靜的看海吃甜點,滿滿幸福的感覺
เพิ่มเติม
0
0
Strawberry Wong
2024/03/08
山本屋
อาหารญี่ปุ่น
今日試吓日本過江龍新店,這間店主打烏冬,天氣稍涼,最適合食熱乎乎的烏冬。 餐廳嘅面積唔少,有部份窗戶面向海景。烏冬有兩款,分別係手切烏冬和平烏冬,價錢由$88至$108,另外有一品料理和甜品等等。 美國安格斯牛肉煮烏冬$108 這烏冬熱乎乎的冒著煙,表面有生旦和牛肉片。牛肉沒有預期的軟滑,是正常水平,或許味噌湯味道濃厚,帶鹹香的風味,蓋過了牛肉味。而那手打烏冬是粗身的,口感香滑又彈牙,滿有麵粉香,而掛湯力也不錯。
เพิ่มเติม
0
0
Strawberry Wong
2024/02/25
Afternoon tea tearoom
這家店常常滿座,雖然已經三點,但食客不少。餐廳唔係好大,座位也不算好寬。 今日試吓草莓甜品精選套餐$198 雖然份量的式,但可多試幾款又不錯。 草莓麗哥塔芝士忌廉旦糕 這旦糕真係高水平,海綿旦糕十分綿滑creamy, 當中的忌廉又滑又輕盈如空氣般,加上鮮草莓,好味道。 草莓鮮忌廉三文治 這三文治有D似旦糕pancake , 口軟滑有旦香,加上鮮亷草莓,味道香甜,又不膩口。 草莓慕絲和苿利花果凍 這果凍有D奇怪,果凍不凍,有D變左水狀,唔敢吃了。 鬆餅 鬆餅又脆又鬆化,加上甜美的藍莓果占和奶油,香滑滋味,好吃。 草莓紅茶 這果茶是無糖的,口感順滑,有清新的草莓氣息,配旦糕不錯。
เพิ่มเติม
0
0
Strawberry Wong
2024/02/25
十里洋場
十里洋場 商務午市套餐$398/1位,由於是會員有買一送一。 點心三拼(金牌小籠包,螞蟻上樹春卷、蒸素菜餃) 小籠包皮薄餡靚,充滿湯汁,味道鮮美;螞蟻上樹春卷炸得又乾身,香口惹味;素菜餃子皮很軟身,味道素雅不油膩。 蟹肉冬蓉羹。 這湯羹真係正!冬蓉羹口感香滑,稠厚度剛剛好,味道鮮美,啖啖蟹肉鮮味,正! 清炒江蘇河蝦仁 這蝦仁份量十足,炒得十分爽口彈牙,加上浙醋,味道唔單寡。 獅子頭 濃油赤醬,獅子頭口感軟滑,沒有太多肥膏,惹味香滑,配上冬茹和筍片,送飯一流。 十景楊州炒飯 這楊州炒飯真材實料,啖啖有蝦肉旦絲,飯粒粒粒分明,完全夠味也不油膩,正! 夠薑芝麻湯圓 這湯圓真香滑,湯圓皮很薄,芝麻餡味道香蓤,滿滿芝麻味,加上輕甜的薑水,驅寒又味美。 這一天午餐買一送一,正!
เพิ่มเติม
0
0
Strawberry Wong
2024/02/20
Chee Kei (Tsim Sha Tsui)
เมนูเส้น
這家店的裝潢滿有現代感,食客以遊客居多,主打雲吞麵,但也供應粥品。 皮蛋瘦肉粥$50 這皮蛋瘦肉粥口感幾綿滑,皮旦有少少溏心,而瘦肉帶少少咸味,唔會好柴,粥的稠厚度適中,可惜吃到大半,有少少水狀,但味道是幾ok的。
เพิ่มเติม
0
0
Strawberry Wong
2024/02/15
Penna
อาหารนานาชาติ
今日encore下這店。店內空間感十足,加上典雅深棕色的裝修,配上暗昏的燈光,氣氛十足,但餐牌的價格只係cafe 的價位。午餐兩道菜$168、三道菜$208。 麵包熱乎乎,口感鬆化香軟,加上油醋汁,不錯。 蕃茄湯 蕃茄湯有蕃茄粒,口感香滑creamy, 帶蕃茄的天然酸香,加上忌廉的奶滑,質地沒有太稠厚,味道不錯。 烤三文魚配白味噌忌廉汁 烤三文魚烤到剛剛好,魚肉內部保持粉紅色,口感嫩滑,完全唔腥又無骨,加上白味噌忌廉汁,帶少少咸香和味噌的甜,加上烤脆薯,味道不錯。 炭燒澳洲頂級西冷+$98 Honey 的牛扒有少少令人失望,雖然賣相美,肉味濃,但肉質大部分帶筋,口感比較韌,能吃的只有一大半。 Bloom coffee +$18 咖啡味道幾香,咖啡味幾gentle, 感覺是蒸溜咖啡的味道,加上熱奶,是幾ok的。
เพิ่มเติม
0
0
Strawberry Wong
2024/02/11
Le Salon De Thé de Joël Robuchon (Hong Kong)
อาหารฝรั่งเศส
今日是大年初一,沒有很多食肆營業, 然而這間食肆今日有營業。 這餐廳主要提供輕食有迷你漢堡三文治,還有午餐等等。 今日試吓迷你漢堡和班尼迪蛋。 Egg Benedict with salmon $188 班尼廸蛋配煙三文魚味道真不錯,那荷蘭醬汁非常香滑,味道調到剛剛好,酸甜到拿捏得10分準確,口感香滑,十分開胃。加上那菠菜和煙三文魚,拌以水波蛋嘅蛋汁,簡單而美味,滿足。 迷你漢堡 迷你漢堡嘅水準亦相當不錯。漢堡雖然迷你,但有兩塊肉餅,帶些厚度,又有肉汁,肉味濃郁,正,不錯!再加上薯條炸得脆口,又夠乾身,雖然份量比較少,但也十分滿足。 flat white$65 相比咖啡店感覺差一點點,因為咖啡非常熱,有少少飲滾水嘅感覺,而且咖啡味道比較淡,口感未算香滑,所以還是喜歡咖啡店的咖啡多一點。
เพิ่มเติม
0
0
Strawberry Wong
2024/02/10
Cabin crew coffee by Holly Brown
這cafe 的裝修滿有穩重的現代感,感覺時尚,加上寬濶的卡座,坐得舒適。 午餐有八款,由$98起,是西式午餐配飲品。 安格斯牛肉漢堡包 這漢堡的味道不錯。麵包十分鬆軟,漢堡牛肉滿有肉味又juicy, 帶些厚度,完全唔會太油膩或太乾身,加上半溶芝士,味道不錯,十分滿足 Cappuccino 這咖啡真係幾唔錯。咖啡奶泡順滑幼細,咖啡味道甘香,帶堅果風味,口感香滑,不錯。 朋友點的French toast很好看。法式多士味道甜香,口感又脆又鬆,加上鮮果和忌廉,味道唔太甜,啱曬佢的口味。 另外的芋頭特飲也打卡一流,芋頭味濃厚又自然,creamy香滑,味道甜美。
เพิ่มเติม
0
0
Strawberry Wong
2024/02/10
Lei garden ( Yuen Long)
今日同honey 提早吃團年飯。週末的利苑不單排滿領年糕的人,連晚市也坐無虛席。 精品燉品餐$428位 叉燒、素鵝、醬蘿蔔 叉燒是瘦肉為主,但味道香甜,肉質軟身,是幾恰意的;素鵝口感鬆化,炸得唔油膩,加上茹菌餡,素而不寡;醬蘿蔔口感香脆,配上叉燒素鵝中和一下油膩感,幾恰當。 淮杞燉美國響螺 這燉美國響螺好足料!有好多響螺!湯汁清澈又足火侯,味道鮮美有螺頭的鮮甜味,正! 野菌翡翠煎海魚球 海魚球啖啖肉,又無骨,口感軟嫩,如上爽口的荷蘭豆,很清爽輕盈的一道菜 美極煎斗門大花蝦 這大花蝦大大隻,啖啖肉,口感爽彈,加上美極醬汁,吊起鮮味。 燒bb乳鴿 這bb乳鴿的皮薄如蟬翼,香脆甘香,乳鴿肉又嫩更滑,十分juicy, 好吃! 漁香肉末蒸飯伴菜苗 這個的味道一如咸魚肉鬆飯,配料唔多,但味道咸香,配上醬油灼菜,不錯的配搭 腐竹糖水配擂沙湯丸 腐竹糖水很香滑,有濃厚的腐竹味,口感奶滑,味道輕甜;擂沙湯丸口感輕糯,芝麻饀味道濃厚又甜香,加上擂沙皮的香,好滋味!
เพิ่มเติม
0
0
Strawberry Wong
2024/02/10
Ming court, Wan Chai
อาหารเอเชีย
今日和屋企人和father in law 吃生日飯。 餐廳的裝修高雅別𡟹,燈光十分柔和, 枱與枱有一定距離,感覺開揚又舒適。 點心嚐味套餐 Dim sum tasting menu $428 明閣兩小碟 醋香小黃瓜黑木耳、極品蜜汁叉燒 Chiller cucumber and black fungus in black vinegar sauce, supreme barbecue pork loin in honey sauce 蜜汁叉燒真係極品!叉燒帶一些厚度,肉質又腍又juicy, 口感鬆化,加上香甜的蜜汁吊起肉味,好好味!真想多吃一點。再吃一口醋汁木耳和青瓜,感覺輕盈、爽口解膩,不錯。 老火湯 Soup of the soup 忘記湯的名稱,湯汁沒有半點油膩,但感覺足火候,帶點肉味,十分順喉。 明閣精選點心 蝦餃、欖菜蓮藕素粉果、金銀旦鮮蝦菜苗餃、旦白海皇春卷、雲腿茸蝦多士、櫻花蝦臘味蘿白千絲酥、香煎泡菜豚肉窩貼 Shrimp dumping, vegetable dumping with pickled leaves and lotus root, vegetable dumplings with salted egg, preserved egg and shrimp ,,deep-fried spring roll with egg whites and assorted seafood, deep fried shrimp toast with yunnan ham, baked turnip pastry with red cherry shrimp and air- dried meat , pan fried pork dumpings with kimchi 點心分兩次上,保持新鮮。蝦餃爽口彈牙,蝦餃皮薄,滿有蝦的鮮味;欖菜蓮藕素粉果是素的,但素而不寡,反而發現香口的欖菜配爽口的蓮藕惹味可口,真不錯;金銀旦鮮蝦菜苗餃是不會出錯的組合,味道幾豐富,比菜苗餃更濃味;旦白海皇春卷和雲腿茸蝦多士同樣吸引,這兩款都炸得夠乾身,不油膩,春卷外脆內軟,旦白海鮮感覺輕盈,比傳統的春卷味道更有新鮮感;而蝦多士啖啖蝦肉,加上甘香雲腿,既惹味又無吃到成口油,幾ok; 櫻花蝦臘味蘿白千絲酥入口鬆化,有D似酥皮蘿蔔糕,蘿蔔絲柔軟帶甜,惹味又唔滯;香煎泡菜豚肉窩貼和平日的窩貼相約,但窩貼皮唔會好厚,而且唔會好乾身。 芭樂香芒鮮果露 Chilled guava cream with mango and sago 由於天氣較涼,其實我希望甜品是熱的,可惜這個是冰的。這鮮果露是鮮奶風味,芭藥清爽,配上酸香的芒果和西米,感覺清新,輕輕的甜。 雖然只是吃點心,但感覺十分滿足,唔會吃不飽,個人覺得這兒的服務比唐閣更恰意,會再訪。
เพิ่มเติม
0
0
Strawberry Wong
2024/02/10
Cruising Coffee
เบเกอรี่/เค้ก
以為是一家中等大小的咖啡店,原來是間小店,座位比較少,然而裝修隨性,帶自然氣息和休閒感。 今日試下芝士香蔥scone 這scone 的味道有驚喜!scone 外脆內軟,口感鬆化,帶芝士的咸香,又有香蔥的青蔥味道,加上香甜的旦奶味道,再沾上奶油,更加油潤,好吃! Flat white Flat white 是正常水平,咖啡帶甘香的深焙味道,配上燕麥奶,口感香滑,沒有太酸或太苦,是比較適合大衆的味道。在這兒吃早餐,看看街景,很寫意。
เพิ่มเติม
0
0
Strawberry Wong
2024/02/06
海言
อาหารญี่ปุ่น
這間店長期要訂座,今日walkin剛剛有位,真幸運。 餐廳的裝修簡單整潔,燈光明亮,但座位比較狹窄。 餐牌一目了然,有壽司或海鮮丼等,價格由$220-$430。 先送上沙律,沙律菜新鮮清爽;而那蒸旦只是正常水平,口感香滑,比較似布甸質地。 海言廚師發辦魚生飯(特上)$430 這招牌魚生飯很精美,有成十五種魚生,每一款都好新鮮,由於個人不吃白子,師傅用另一魚生補上。魚生片切得帶一些厚度,口感不錯,加上色澤明亮,又有香甜的海膽和肥美的大拖羅,沒有太多淡味的白身魚,很滿足。 江戶前散壽司(特上)$370 相比招牌魚生飯,相差$50,用料相約,但有好幾件不是魚生,只是玉子和腐皮,感覺性價比唔高,但用料是好新鮮的。尤其大拖羅,十分肥美;壽司飯也滿有心思,當中拌有漬瓜,令醋飯的味道更豐富。
เพิ่มเติม
0
0
Strawberry Wong
2024/02/06
Pho Le (Yuen Long)
อาหารเวียดนาม
今日試吓新產品:越式蟹肉餅蕃茄湯檬$82 這越式蟹肉餅蕃茄湯檬的蕃茄味很天然,沒有太人工的味道,原來蟹肉餅是少辣的,其實無乜蟹味,比較似扎肉,叫人有些失望,而且配料唔多,主要是蕃茄和豆卜,味道正常。 越式滴漏咖啡 我平日會點熱的,但原來凍的越式滴漏咖啡味道更好,或許冰令煉奶咖啡無咁甜膩,多一份冰涼清爽,加上口感香滑,不錯。
เพิ่มเติม
0
0
Strawberry Wong
2024/02/06
何富記
อาหารเอเชีย
這間店開幕不久,但食客不少常常坐滿虛。這餐廳嘅裝修就如茶餐廳嘅格局,座位非常合璧,而且繁忙時間需要搭枱坐. 今日試吓佢出名嘅牛腩,我選擇崩沙腩米粉$65。這崩沙腩味道的確不錯,崩沙腩肉質軟腍,帶少少嚼感,半肥帶瘦,口感鬆化,又有少少肉味,加上清湯味道都有牛骨湯風味,配上米粉,味道不錯。 $8熱奶茶係正常水平,茶同奶嘅比例差唔多,但口感順滑,唔會澀口。
เพิ่มเติม
0
0
Strawberry Wong
2024/01/28
Tim Ho Wan, the Dim-Sum Specialists ( Central )
ติ่มซำ
今日是星期天,雖然只是上午11時半,但店內已經有長長嘅人龍在等,等候嘅人士已遊客居多有韓國人日本人及內地的。 餐廳嘅裝修非常簡單座位非常合璧基本上是肩並肩而坐。 而今時今日嘅物價這兒嘅點心的確抵食。今日我點咗蝦餃和招牌嘅酥皮叉燒包。 蝦餃非常好吃蝦餃皮晶瑩偷薄內裏嘅蝦餃餡口感爽滑又有蝦味沒有太多肥膏,口感清爽好味道。 酥皮叉燒包是必點之物。香甜嘅酥皮一下是蜜汁叉燒餡料叉燒餡料沒有太肥膩有香甜嘅蜜汁亦沒有太多,比例合宜,好好吃。
เพิ่มเติม
0
0
Strawberry Wong
2024/01/28
Blue bottle IFC
Blue bottle 這樣環境真寫意, 雖然是正午時分,但客人唔多可以靜靜嘅望着窗外嘅海景,遠眺對岸嘅尖東景色,休閑地一個人嘆吓咖啡,享受寧靜,真係寫意。 Latte 這鮮奶咖啡口感香滑,咖啡豆有堅果風味,咖啡味道圓潤甘醇,沒有太多嘅酸味或苦味,係比較mild嘅咖啡豆風味,加上入口嘅溫度剛剛好, 加上豐富嘅泡沫,這杯咖啡很合我心。
เพิ่มเติม
0
0
Strawberry Wong
2024/01/28
Afternoon Tea Tearoom
เบเกอรี่/เค้ก
今日試吓這曰本過江龍下午茶. 餐廳的裝修簡單舒適,走休閒自然風,枱的距離有D密,但正是四時半,食客唔多,感覺寧靜。 Afternoon tea set$178 包飲品及三款自選半份甜品。 今日選擇了鬆餅三文治配草莓醬、蘋果批、栗子忌廉香橙旦糕兩人分享。鬆餅三文治配草莓醬真令人失望,實物和照片相差很遠,兩片鬆餅比較乾身,中間夾少少忌廉,和旁邊有少少士多啤梨jam, 味道香甜,但比較單一,加上這鬆餅比較乾和實在,感覺平平。蘋果批熱乎乎的,有香軟的蘋果茸,有著蘋果的甜香和果味,唔係好膩口。反而栗子忌廉香橙旦糕是不錯的。旦糕軟腍綿滑,加上味道濃郁的栗子cream, 甜美幼滑,好味道。 Double apple tea $68( set drink) 這蘋果茶是無糖的,既有蘋果果香,味道也有天然感的蘋果味,口感順滑,十分輕盈。 Sweet fruit tea $78 剛試第一口,就覺得十分水果味,比較似熱的果汁,內有香蕉、橙和蘋果,味道不是不好,但喝下一壺,糖分太多了,有少少膩。 下次吃甜點,還是點無糖的茶或咖啡,可更恰意。
เพิ่มเติม
0
0
Strawberry Wong
2024/01/26
How to Live Well
อาหารนานาชาติ
今日到訪一間寫意嘅Cafe吃午餐,餐廳嘅裝修充滿悠閒素雅氣息,水泥牆身換上木系布藝梳化,簡約自然嘅感覺,而且空間感十足,感覺舒適。 午餐有15款,價格由$138-$238。 三文魚西京燒$188 這烤三文魚真好吃!三文魚外層有彩色脆皮,而三文魚肉保持嫩紅柔滑,口感軟熟,還有陣陣西京燒嘅甜味,惹味可口,再配上烤黃椒紅椒等等配菜,好味道又滿足。 Flat white oat milk$49-$15 咖啡味道甘香醇厚,入口温度剛剛好,咖啡帶一點點咖啡豆嘅酸味,感覺圓潤而溫和,加上燕麥奶,口感香滑。 這兒的環境寫意,加上食物的水平不錯,會再訪的。 The How to live well 尖沙咀河內道18號K11購物藝術館2樓201-01號
เพิ่มเติม
0
0
Strawberry Wong
2024/01/24
The HUNTER
อาหารนานาชาติ
今日和好友在將軍澳聚餐,發現這間位於海旁的餐廳幾吸引。餐廳的裝修充滿休閑氣氛,燈光明亮,是活潑的現代感覺。 Calamares frites $138 這炸魷魚真可口!炸得又脆又乾身,魷魚柔嫩,充滿鱿魚味,香口惹味,唔會食到一口油。 Lobster bisque $128 龍蝦湯嘅質地比較稀,口感香滑,都有幾濃嘅龍蝦味,飲完都唔會好膩口。 T bone steak 800 gram$980 炭燒T骨扒份量十足,烤到外面焦香,帶陣陣炭火風味,一邊牛柳相當軟腍,又有濃厚肉味,正!可惜另一邊有少少筋,口感有少少韌,滿滿嚼勁 Chargrilled chicken $298 這個烤黃油雞嘅味道都唔錯,烤雞的雞皮唔厚,色澤明亮油潤,雞髀部份尤其香嫩有汁,雞胸都唔會好鞋。 這一天的晚餐幾ok.
เพิ่มเติม
0
0
Strawberry Wong
2024/01/19
Charcoal Bar
อาหารนานาชาติ
今日到訪一間新餐廳,餐廳位於海港城,餐廳嘅裝修十分雅致,採木系色調和流線的線條,高高的天花配以柔和的燈光,充滿高雅和現代感,感覺舒服。 午餐有八款,是西式午餐,主打炭火燒烤,包前菜或餐湯,主菜、配菜和飲品,價格由$148-$348不等。 是日餐湯:龍蝦湯 呢個龍蝦湯好正啊!龍蝦湯夠熱,口感香滑,質地薄身,沒有太膩口,味道濃郁,有濃厚的龍蝦風味,正! 荔枝木煙燻阿根廷安格斯菲力牛扒$278 Lychee wood- smoke Argentine Angus fillet mignon 200g 這阿根廷安格斯菲力牛扒幾正!份量足,造型也美。牛扒選medium rare, 烤至嫩紅的半生熟,有淡雅的炭火風味,肉質軟腍,纖維幼細,完全不用花勁咀嚼,加上濃口牛肉味,再配上炸蒜片,真可口! 木火烤西蘭花,辣椒,oregano,巴馬臣芝士 Charred broccoli- chilli, oregano, Parmesan 烤西蘭花也十分可口,是長身的西蘭花,特別好吃軟嫩,西蘭花有著濃厚的芝士和香草風味,味道濃厚,軟熟適中,好吃。 Cappuccino 這泡沫咖啡熱呼呼,泡沫薄薄一層,咖啡味道溫和,沒太苦或酸。 加班至半夜,身心俱疲,在一家別緻的餐廳,吃一頓豐富又美味的午餐,真係最令人賞心悅目又給力的事。
เพิ่มเติม
0
0
Strawberry Wong
2024/01/14
Hogan coffee
อาหารนานาชาติ
今日到訪別緻的咖啡店。店內的裝修有型時尚,手繪牆畫,配上藍白的色調,再配上深木色桌子,感覺現代又悠閑。 French toast set $148 這French toast 製作需時,但份量十足!這法式多士大大件,好厚身,外脆內軟, 味道香甜,充滿雞旦和牛奶的味道,加上忌廉奶油,更加香滑,沾上藍莓醬,好吃! Flat white / 補差價$7 這奶白咖啡口感香滑,泡沫幼細,帶有少少咖啡的堅果風味,是老少咸宜的口味。 Earl grey 補差價$10 這伯爵茶口感香滑,有茶的幽幽氣息,不澀口,很順喉。
เพิ่มเติม
0
0
Strawberry Wong
2024/01/14
金鶴拉麵
อาหารญี่ปุ่น
今日套房依家別緻嘅拉麵店。這家店位於旺中帶靜的通菜街。 店的裝修滿有日本feel, 座位也不會好擠擁。雖然這間是拉麵店,但這裏也有鰻魚飯供應。拉麵嘅湯底除咗基本嘅醬油湯以外還有主打嘅雞白湯、龍蝦湯和蟹湯等等,價格由$138至$198。 極濃龍蝦湯拉麵$138(不加配龍蝦尾) 這拉麵的龍蝦湯真係幾正,湯汁味道濃郁,口感香滑,有濃濃的龍蝦鮮味,味道鮮甜。叉燒是薄切,肉質軟嫩,半肥瘦。而溏心旦是醬油漬的,口感creamy 帶醬油味;而那拉麵十分軟滑,掛湯力也不錯。 朋友點的鳗魚飯幾正$238,但忘記拍照。 雖然製作需時,但是物有所值。鰻魚是厚切,即點即燒的,鰻魚口感具彈性,加上甜度剛剛好的醬油,帶些焦香,配上鳗魚汁白飯,正!
เพิ่มเติม
0
0
Strawberry Wong
2024/01/13
泰館
อาหารเอเชีย
Samsen 已經好久沒有到訪,店未開門,店外已經有人龍,顧客以遊客居多。 店的裝修一如以往,有泰國街頭氣息,又有點休閑的現代感,加上節拍音樂,氣氛不錯。 泰北咖喱牛金麵$158 這個麵有牛腩粒、炸麵條和旦麵,牛腩唔韌,軟硬適中,那咖喱湯十分惹味,少少辣,麵條粗身好彈牙,加上脆麵條,口感不錯。 Watermelon slushies$56 這西瓜冰大大杯,是沙冰口感,入口冰涼,是西瓜的天然甜味,解辣又解渴。
เพิ่มเติม
0
0
Strawberry Wong
2024/01/11
Boat Thai
อาหารเอเชีย
Boat Thai 今日到訪這家泰式餐廳。餐廳的裝修明亮簡單,座位有點狹窄,但感覺整潔。 午餐有六款,大多數人都係點船麵同海南雞,價格由$78-$88,包飲品。 泰式船湯河粉$78 這船河有牛肉片、牛丸和炸豬皮。這個船粉不是泰式細細碗,而是香港的風格和份量足的那一種。湯汁味道濃厚,是牛骨湯風味,唔係好油膩,完全唔辣。這牛肉片是普通米線牛肉片的那種,唔太韌又唔係好軟滑,牛丸細細粒,幾爽口,炸豬皮好香口,河粉好滑,索左湯汁,好滋味。 泰式奶茶 這泰式奶茶的茶味較淡,奶味亦不多,沒有過份甜膩,入口冰涼。
เพิ่มเติม
0
0
Strawberry Wong
2024/01/03
烹煮慢意
這一家餐廳的裝修別緻,天花懸著綠化植物,加上明亮的光線,感覺舒適。 午餐定價由$58-$178,有招牌流心牛角包和意粉、意大利飯等。 香煎挪威三文魚配南瓜蓉$108 這三文魚煎得幾香,三文魚差唔多九成熟,而個人比較喜歡半熟的粉紅軟滑三文魚魚肉,,配上帶南瓜蓉,無咁乾肉,所以這三文魚是ok。 Flat white /oat milk +$20 這咖啡口感香滑,薄身的奶泡,咖啡味比較淡口,但咖啡無酸味或苦味,所以也是ok.
เพิ่มเติม
0
0
Strawberry Wong
2023/12/24
Duddell's ( airport)
都爹利會館 今日去旅行,發現機場多左好多有名的餐廳。而這一家都爹利會館的中環店曾獲二星。 行過好幾間機場的餐廳,價位差唔多,就試吓這家。 欖菜肉碎炒飯$88 這炒飯份量十足,炒飯炒得粒粒分明有鑊氣,味道有欖菜的鹹香,少少肉碎和旦𢇃,唔會吃到一口油。 姬松茸燉螺頭$68 這燉湯湯汁清澈,-點也不油膩,有淡淡的姬松茸香,又有少少螺頭的鮮甜味,味道幾ok. 蝦餃王$58 蝦餃一客三粒,蝦肉爽彈鮮美,蝦餃皮亦不太厚,唔錯的。 熱奶茶$26 奶茶是港式奶茶,茶味濃郁,唔澀口,口感順滑,ok啦。
เพิ่มเติม
0
0
Strawberry Wong
2023/12/21
Lemna of the alchemist
อาหารนานาชาติ
佳節即至,今日為自己選擇特色午餐。 這兒的環境別緻,柔和暗黃的燈光,加上現代風格,特別有情調。在這兒一個人吃午餐,也感覺沒有太奇怪。 今日選的午餐Start + main $128 Daily soup 這一天的南瓜湯是正常水平,質地比較稀身,有少少忌廉,口感香滑,有少少南瓜的甜香。 Seared tuna salad with perilla, green apple, sweet fennel with vinegar 這沙律賣相不錯,吞拿魚的份量唔少,質量也不錯。吞拿魚很fresh, 是厚切,外層有黑芝麻,帶一點芝麻香之餘,又有口感。沙律菜好新鮮,用上沙律醋汁,當中又有青蘋果,帶一些果甜和爽口風味,感覺輕怡。 Flat white $28 + oat milk $5 這奶白咖啡口感香滑,咖啡味道很溫和,或者是天氣冷,咖啡沒有熱呼呼的感覺。
เพิ่มเติม
1
0
1 / 1
ค้นพบร้านอาหารแนะนำ
พื้นที่
ประเภทอาหาร
รวมบทความแนะนำร้าน
ร้านยอดนิยม
ร้านเปิดใหม่
รีวิวล่าสุด
หน้าหลัก