Connie Mht
451
Went
10
Follows
49
Followers
Area
Category
2019/12/27
AHAN THAI Thai
有段時間冇食東南亞菜，呢晚就去咗K11新開嘅阿閒泰試下創意泰西fusion菜，除咗食物大份有水準之外，服務都好殷勤！
餐廳食物選擇好多，而且好多都好特別，心大心細咗一輪先決定好！
幸運七式拼盤($168)
拼盤可以一次過試齊餐廳7款招牌小食，包括：秘製三式串燒、泰式單骨雞翼、香煎肉餅、芒果牛油果海蝦米紙卷、脆炸薯條。單骨雞翼蘸上泰式香辣醬汁，帶微辣，非常惹味！香煎肉餅充滿肉香，外面煎得微焦帶脆，可惜細咗少少，唔夠喉呢！芒果牛油果海蝦米紙卷都唔錯，米紙卷煙煙靭靭，包住香甜嘅芒果，軟滑嘅牛油果以及爽口嘅海蝦，口感豐富！當日串燒售罄，改為蝦多士。蝦多士炸得香脆，蝦膠真材實料，彈牙爽口，好食，不過size偏迷你，而且原本三串串燒改為兩件蝦多士，感覺就好似唔夠划算。
阿閒泰手切蝴蝶腩豬肉丸船麵($98)
呢度嘅船麵都幾出名，一向鍾意食船麵嘅我又豈能錯過！湯底肉味香濃清甜又唔會過鹹，味道對辦。麵條亦是泰國空運直送嘅新鮮手造幼粉，難怪食落特別滑同實在，唔會因為浸得耐而變腍！配菜仲有豬肉丸、炸豬皮，豬肉丸口感彈牙，炸豬皮份量都多。蝴蝶腩因為無貨，所以轉咗豬腩肉，肥肉比例較多，可能下次要試下佢嘅手切蝴蝶腩先試到真章啦！
阿閒泰虎蝦卜卜蜆冬蔭功濃湯risotto($158)
非常推薦！呢度嘅冬蔭功雖然唔係好正宗嗰D咁辣，但我自己就好啱口味，湯底食到唔同海鮮嘅精華，特別係蝦味好突出，食落鮮味十足，risotto軟硬度調節過，唔會好似西式咁硬，飯粒完全吸收冬蔭功湯汁嘅鮮甜，加少少青檸仲能夠大大提鮮，味道開胃！
See more 
2
1
2019/12/27
ISHINABE CAFE Japanese
旺角做嘢做到八點幾，求求其其去通菜街醫肚，無意中發現呢間主打手打烏冬嘅小店！質素好有驚喜👏🏻👏🏻👏🏻👏🏻.
.
燒鰻魚黑松露香菇湯石燒手打烏冬好抵食😍晚餐$88有原條鰻魚！手打烏冬用石鍋上，烏冬係粗身嗰種，口感彈牙🍜黑松露香菇湯一上枱已經聞到好香松露味，反而入口菇味比較突出，雖然我覺得菇香可以再濃郁一D，但食得岀冇落味精，誠意十足😋.
.
燒牛仔骨牛舌石鍋飯一樣份量十足，牛仔骨牛舌舖滿成個石鍋，非常豐富♥️$78我覺得都冇嘢值得挑剔😎.
.
食到最後，竟然有甜品送！和菓子水準都唔錯，甜度適中☺️。雖然只係小小嘅甜品，但食完一餐飯有甜品作結，真係太完美啦！最後要一讚嘅係店員服務非常有禮👍🏻
See more -
2
-
1
2019/10/22
長坂燒
想在旺角吃好少少的日本菜，朋友推薦來長阪燒。一入去，已經覺得充滿日式風味！吧檯前放滿不同的新鮮海鮮籃，師傅在面前即整壽司和燒海鮮，門口位置又擺放了自家釀梅酒桶及生蠔盤，置身其中有點像去到日本居酒屋！
餐廳每日都有幾款日本直送的海鮮，秋刀魚在秋天最為肥美，當然要把握秋天的尾巴，就點了店員推薦的秋刀魚刺身($240)。有些人可能會嫌秋刀魚較為腥，但我卻獨愛秋刀魚的魚味，一小口已經令人齒頰留香，可惜秋刀魚不算大條，有點不夠喉的感覺。
點了北海道松葉蟹蓋($68)，上桌後才發現原來是甲羅燒！蟹膏燒後味道香滑鮮味，如果加蟹子口感會更豐富呢！
最後點一客牛肉烏冬($78)填飽肚子。烏冬很有驚喜，口感滑溜又彈牙，而且非常掛湯，盡吸湯底的鮮味。牛肉份量很多，而且牛肉脂肪比例剛好，不會太肥或太瘦。烏冬上還有粟米和腐皮條，味道毫不單調。
See more -
4
-
1
2019/10/15
Granada Spanish
元朗高質私房菜 Granada by JW～記得以前食過屋企附近嘅西班牙餐廳Granada，印象深刻，後來餐廳無再做仲覺得好可惜！最近先知原來老闆大廚有新定位，開咗間Granada by JW，私房菜形式，可以更加專心一致招呼客人。
今晚同好姊妹訂枱嚟食私房菜，6-course 每位$658，雖然價錢喺元朗區算係幾進取，但食材上乘，環境亦偏向溫馨格調，無九龍區嘅餐廳咁焗束，我哋都覺得收費合理。
1st course ：帶子‧海苔‧檸檬味
帶子刺身用料新鮮，質感柔軟，清新嘅檸檬汁珠珠亦增添帶子鮮味，係好聰明嘅配搭。
2nd course：火燙藍鰭吞拿‧魚子醬‧蘆筍
藍鰭吞拿魚魚味極濃，入口軟滑無渣，加上魚子醬點綴，鮮味更加突出。
36個月西班牙火腿‧車厘茄‧醋漬蒜頭‧橄欖
Parma Ham份量不少，而且不愧係36個月，入口油香滿溢，鹹香十足，質感亦柔軟硬，鍾意食Parma ham嘅一定唔可以錯過！
3rd course：周打魚蠔湯
比想象中稀身，不過超鮮甜，開頭以為係用咗某D魚先會咁鮮，後來先知原來係加咗蠔！
4th course：龍蝦‧龍蝦汁
龍蝦爽口彈牙，非常新鮮，加上鮮甜度爆燈嘅龍蝦汁，每啖都迸發鮮味！推薦！
松葉蟹肉‧三文魚子‧海膽汁
呢三樣食材配搭起來其實本身就已經贏在起跑線，鮮甜嘅松葉蟹肉混合鮮味嘅海膽汁，面頭再擺上鹹鮮嘅三文魚子，正！
5th course：Daily Starter
今晚好正呀，有新鮮蟶子！蟶子巧妙地加入茴香，味道更有層次，面頭嘅黑魚子亦增添鮮味。蟶子鬆脆鮮甜，完全無沙！
6th course：Main Course
其中一款係招牌燒西班牙伊比利豬鞍架肉味濃郁，肉質細膩油潤，完全唔會嚡！雖然松露薯蓉都好食，但係我覺得唔駛蘸更加食到肉味！
另一道主菜我哋就揀咗烤日本海鯛魚(+$30)，海鯛魚表面烤得微微焦脆而內部柔軟，可惜嘅係魚味唔算好突出。
加$38點了一件朱古力慕絲蛋糕，不過就比較失望。朱古力用料未夠優質，甜度略高，大廚處理主菜方面明顯好好多呢！
See more -
3
-
1
2019/10/15
Akita Hamayaki Japanese
男友在facebook見到秋田浜燒有宣傳活動，只要like Facebook就可以玩遊戲，用一隻手抓蝦，抓到幾多隻都可以免費做刺身或浜燒。這晚就來到點了一個二人北海漁港餐，等候期間店員已經主動介紹活動！
男友取了10隻蝦，很厲害呢，因為每隻蝦都非常大隻，我們選了8隻作刺身，蝦肉嫩滑彈牙，鮮味十足，剩下的兩隻則浜燒，蝦味較重。
二人北海漁港餐十分豐富。
先上前菜河豚魚乾，蘸上沙律醬，惹味開胃。清酒昆布大蜆沒有太多調味，因為蜆夠新鮮的話，真的只用清酒和昆布已經能吃到蜆的原汁原味。
接著店員就送上浜燒海鮮拼盤。店員會幫客人燒熟食物，我們只需慢慢等食，哈！
青森網鮑非常生猛，上桌時仍然會動，難怪鮮味仍然保留，食落仍然很有鮮味！因為肉身較厚，所以都需要一點時間慢慢燒才能燒熟，不過店員控制火候極好，熟透之餘，成品很腍，不會燒得太硬。
接著有我喜歡的蠔，這次是兵庫縣直送的播磨蠔，店員燒得邊邊脆口，內裡軟滑，外脆內軟，口感甚佳，加上播磨蠔本身有濃濃的蠔味，真叫人滿足！一隻實在不夠喉呢！
九州松葉蟹不算肥美，但勝在用料新鮮，浜燒後單是吃蟹那份鮮甜已經足夠。
厚燒紐西蘭羊架的羊味比想像中重，我倆一向愛羊味，所以非常喜歡，特別是脂肪位置，充滿羊騷味，正！羊架不但大份足料，亦燒得軟腍多汁，有水準！
浜燒海鮮拼盤最後剩下甲羅燒，店員先將蟹肉、蟹膏和鵪鶉蛋攪勻再燒，店員一邊燒，我們已在旁邊一邊吞口水！這款甲羅燒的蟹膏味道突出，沒有腥味，加上蟹子，食落很有口感。
吃完海鮮少不了來一點蔬菜，這份黑松露茸野菌燒誠意十足，一打開已經聞到濃濃的松露香飄來！
吃完已經很飽，餐廳還怕我們不夠，最後再來多碗鰻魚茶漬飯，雖然已經很飽，但貪心的我們還是希望鰻魚可以大塊一點就好了。
是晚甜品有抹茶雪糕，雪糕入口香滑，抹茶味道清香回甘。
See more -
3
-
1
2019/10/15
LAB EAT Restaurant & Bar Seafood
已經連續幾晚都留在家吃飯，心情很受壓抑，因此這晚即使港鐵8pm暫停服務都要出街吃餐好放鬆一番。
Lab Eat正正在巴士站旁，地點方便，環境和氣氛亦輕鬆。
我們見到二人套餐($1288)包一枝200ml 的 Moet & Chandon香檳，食物亦豐富，二話不說就點了！
先上頭盤，這晚是法國生蠔，生蠔肥沃飽滿，肉質清脆，配香檳蠔味更加提升！
前菜有我喜歡的法式牛油焗田螺以及生牛肉薄片。
法式牛油焗田螺好好味，特別是底下的薯蓉，充滿牛油香之餘還吸收田螺的鮮味，不時還會吃到薯仔微粒的口感，好食！
生牛肉薄片最重要牛肉質素要高，這兒灑上芝士粉，和火箭菜同吃，簡單卻好吃。不過如果芝士粉能改為芝士片就更好了。
湯可以選擇黑松露野菌忌廉湯及龍蝦湯。套餐有兩碗，我們當然兩款都要試。
黑松露野菌忌廉湯口感香滑，黑松露濃郁，加上野菌口感豐富！龍蝦湯則鮮甜鹹鮮，同樣出色！
手打墨汁天使麵伴香煎西班牙紅蝦添加食用花和番茄乾去裝飾，賣相吸引。西班牙紅蝦肉質嫩滑，精華在於蝦膏，香濃甘甜，還多到瀉出來，令墨汁天使麵更添鮮味。手打墨汁天使麵麵質其實不錯，但略嫌煮得腍了一點。若要吹毛求疵，用蝦湯會比香蒜牛油汁更驚艷呢。
主菜炭燒西班牙黑毛豬配法式煎鵝肝亦誠意十足，份量很足，黑毛豬肉質軟腍，炭燒後令肉味更為濃縮香濃。鵝肝軟滑豐腴，配上酸甜有致的蘋果蓉，吃起來不會太膩。
最後竟然有甜品拼盤，多款精緻的甜品放在眼前，未吃已叫我興奮！這晚有泡芙、開心果macaron、tiramisu以及焦糖燉蛋。整體甜度我覺得偏高，主菜比甜品更加出色。
See more -
3
-
1
2019/10/03
The Butterfly Room Sweets/Dessert
又大一歲啦🎂最佳慶祝活動就係食餐好！想去Rosewood 食tea好耐，謝謝妹早佐一個月book The Butterfly Room😘呢度嘅Afternoon tea分五個 courses：Savory canapes、Elegant surprise、Freshly Baked Scone、Pastry Trolley以及Confectionery Trolley朱古力（$720/2位，3位份量需另加$380)😮.
.
鹹點樣樣都好精緻，我最鍾意食紅菜頭鵝肝珍寶珠，外面甜酸，入面是軟滑香濃嘅鵝肝醬😍煙三文魚魚子卷充滿鹹鮮，我本人都幾鐘意食中式叉燒酥，個皮做得好鬆化，不過松露蛋撻個皮就偏腍，口感一般🤔值得一提嘅係，因為酒店想擺碟靚D，所以我哋3位都會照上4人咸點份量，即刻覺得好抵，哈哈😏😏😏😏.
.
之前已經睇定IG，呢排嘅Elegant surprise都會係七彩蔬菜三文治🌈配上sour cream，都幾清新👍🏻.
.
第三道 Scone原來每人只有一個，有D失望，因為我係超鍾意食scones😫！有原味同提子味兩款，開頭職員送漏咗一個scone略為扣分，如果可以問埋我哋想要邊款會比較好😅scones質素還好，唔會焗到過乾，但始終無文華東方咁重牛油香，果醬甜度稍高，clotted cream亦唔夠軟滑奶香。反而Madeleine 就可有水準，外脆內軟，入口仍然係微暖，一粒一啖，好食😁.
.
之後就係甜品車啦🍰🍮🍭職員會推車逐一介紹，每人可以揀兩款，如果仲有想試嘅，之後都可以refill☺️每款都好吸引，我哋3個人索性點齊6款蛋糕share，最推薦覆盆子撻，酸甜有致，撻皮夠脆😉杏桃撻都果香十足，質感濕潤。cupcake我本身一般般，估唔到都ok，蛋糕濕潤，忌廉香滑之餘又唔會太甜🍰反而開心果Eclairs就太甜，唔太建議🥄.
.
最後嘅Chocolate Trolley真係非常邪惡😈原先都想樣樣試下，但實在眼闊肚窄，只係食咗黑森林蛋糕、Butterfly kiss及手工朱古力🍫黑森林蛋糕好出色，奶油綿密香滑，蛋糕濕潤帶酒香，我竟然忍唔住食咗大半件！🙈🙈🙈反而招牌Butterfly Kiss內裡夾住棉花糖及果醬，食起來就比較甜漏，唔係我杯茶😣.
.
整體嚟講，以Rosewood嘅名氣，食下午茶可以食到咁飽，我覺得都抵，哈哈🤣.
.
See more -
2
-
2
2019/09/19
Tonkichi Tonkatsu Seafood (Yuen Long) Japanese
這晚工作有點累，突然想吃一點邪惡的東西放肆一番，就去了吃吉列豬扒。
食物選擇甚多，看得我花多眼亂，set dinner 其實更加抵食，百多元已有交易，但這晚我們都想點自己喜歡的，決定好要一份豚肉，一份海鮮。
吉列鹿兒島特定厚切豚肉定食($288)
這個定食數量限定，難得還有供應，當然不能錯過。不愧是鹿兒島豚肉，肉味特別濃，而且厚切口感更實在，炸漿亦不會太厚，蘸上醬汁更惹味。
特上吉列海鮮定食（$218）
有大蝦、北海道帶子、蠔、蟹肉薯蓉，全部都炸得薄脆，炸功很好。大蝦好大隻，咬落肉質彈牙。蠔外脆內軟，鮮味十足。北海道帶子肉質柔軟，炸後依然保留鮮味。蟹肉薯蓉非常飽滿，同樣叫人滿足。
意猶未盡，點多了一客雜錦刺身拼盤，有三文魚、八爪魚、油甘魚和吞拿魚，不過每款只有薄薄兩片，性價比就稍低。
See more -
3
-
1
2019/09/11
% Arabica, Kennedy Town Cafe
% Arabica 是我其中一間很喜歡的咖啡店，不過平時都是去開天星碼頭分店，選擇不多，這次經過PMQ對面這間分店，地方更加闊落，選擇亦更多，就和妹妹買兩杯咖啡稍歇片刻。
妹妹選了Matcha Latte，Matcha Latte抹茶味道香濃帶少少回甘，奶味香濃之餘卻不會搶去抹茶風頭，反而令到口感順滑，質素很高。
我點了天星碼頭沒有的Spanish Latte，自從上次初嘗燕麥奶後，每次我都會+$5轉燕麥奶。燕麥奶不但更有奶香，而且多了燕麥香味，口感比較醇厚。咖啡味依舊濃郁，質素不俗。
這間分店走木系建築風格，到處都是打卡位。呷一杯咖啡，坐在裡面看看書，過一個悠閒的下午，特別寫意。
See more -
3
-
1
2019/08/29
Uptop Bistro and Bar Sweets/Dessert
呢排食咗幾個AFTERNOON TEA SET，呢間UPTOP BISTRO嘅夏日北海道下午茶相對價錢比較相宜，質素亦對得住價錢，賣相亦唔錯容易打卡。夏日北海道下午茶以北海道富良野3.7牛乳整成鹹甜點各5款及飲品，唔少都頗有特色，盡見心思。
鹹點：
北海道牛奶蟹肉薯球
黑松露雞蛋沙律三文治
煙三文魚配黑魚子
明太子雞翼
大蝦菠蘿串燒
甜點：
北海道牛乳椰子球
北海道富良野3.7牛乳布丁
北海道富良野3.7牛乳炸鮮奶
牛奶朱古力芝士蛋糕
鬆餅配伯爵茶醬及北海道富良野3.7牛乳士多啤梨果醬
鹹點賣相精緻，最鐘意食煙三文魚配黑魚子，煙三文魚厚切肥美，包住粒粒黑魚子，口感有層次！黑松露雞蛋沙律三文治食落充滿黑松露香，不過如果雞蛋沙律改為牛乳炒蛋就更好啦！明太子雞翼皮脆肉嫩，入面塞滿鹹鮮茄明太子，同樣好食。大蝦菠蘿串燒就較為普通，驚喜不大。北海道牛奶蟹肉薯球炸得香口，入面係流心嘅牛奶薯球，外脆內軟，奶香十足，不過就完全食唔到蟹肉。
下午茶重點當然係鬆餅，呢度嘅鬆餅雖然牛油香一般，但兩款果醬大大加分。特別係伯爵茶醬，伯爵茶味香醇，甜而不膩，同熱辣辣嘅鬆餅味道好夾。士多啤梨果醬創新低加入北海道富良野3.7牛乳，果香依然，但味道更豐富，都唔錯。
甜品方面，牛乳布丁最得我心，質感香滑，用上3.7牛乳奶味特別濃郁。牛奶朱古力芝士蛋糕可能因為加咗牛奶又加咗朱古力，所以甜度稍高。炸鮮奶幾特別。牛乳椰子球如果減低甜度會更好。
加$32點咗一杯士多啤梨牛油果奶昔特飲，奶昔用北海道富良野3.7牛乳，奶香十足，入口幼滑，同時士多啤梨及牛油果味都好平衡，味道天然唔人工，凍冰冰好解渴。
See more -
4
-
1
2019/08/12
God Of Sushi Japanese
近月以來嘅好消息，近近地去咗壽司之神食omakase 慶祝！我本身黎過一次，但👦🏻未食過成日想試，遇到Lampo師傅真係好彩，今次比我2年前嗰次岀色太多👏🏻👏🏻👏🏻.
.
$1100 set有前菜、刺身及小食三款、壽司十貫、湯及甜品。呢個價錢有咁嘅質素真係好抵食👍🏻.
.
❤️前菜：靜岡番茄及北海道白粟米
❤️刺身：
🔸鮫鰈魚薄切配酸汁啫喱(輕輕燒過真係好聰明嘅做法，魚味好突出).
🔸北海道厚岸牡蠣(加上昂貴嘅金箔令到牡蠣食落多咗金屬味，更有層次).
🔸赤尾池魚（魚肉厚實，紫蘇花和薑更加突顯魚肉的鮮味）.
.
❤️壽司：
🔸帶子（北海道帶子厚身鮮甜，慷慨的caviar增添鹹鮮).
🔸石門貝(夏日限定，一拍就即刻收縮，超脆口！).
🔸竹葉包蜜柑鯛(蜜柑鯛即係食蜜柑嘅鯛魚，本身呢隻魚已經有清香嘅蜜柑味，估唔到包左竹葉，竹葉香會更加襯托出蜜柑鯛嘅甜！有驚喜！).
🔸海螺(簡單落咗柚子同黑椒調味已經好夠).
🔸赤貝(夏天特別多貝類，👦🏻表示滿足👏🏻）.
🔸深海池魚
🔸白海膽（色澤超靚！一瓣瓣好完整，非常新鮮！呢件壽司要擺手背食，好有after taste 😌）.
🔸大拖羅(師傅將所有筯都一早挑咗，所以入口油脂豐腴，口感好順滑，然後師傅再將筋燒香放面，更有口感，更有油香😝）
🔸煙燻鯖魚（視覺、味覺及嗅覺嘅享受😉師傅用蘋果木係我地面前煙燻鯖魚，望住煙霧慢慢消失，然後再食，估唔到會咁入味，煙燻香更加襯托魚味🐟）
🔸牡丹蝦（師傅將蝦頭膏燒過，再疊上面，好濃蝦味🦐).
.
❤️洋蔥湯. ❤️靜岡蜜瓜（噴埋威士忌，果香更加突出呢🥃) .
.
PS 每次食omakase 都希望學多少少野，所以交流真係好重要！呢晚同師傅都傾得好開心，難得係師傅仲有不斷求進步嘅心，期望下次去可以再食到更岀色嘅料理💪🏻
See more -
2
-
1
2019/08/02
光榮冰室 Hong Kong Style
好耐冇食過太陽蛋豬扒豉油汁飯，突然心血來潮想食，上網搵到呢間光榮冰室，環境光猛企理，座位之間竟然毫不擠逼，坐得舒適。冰室除佐有常餐同碟頭飯外，仲有煲仔飯系列。飲品方面亦有好多懷舊飲品。
點咗三眼仔扒飯($52)，三眼仔指嘅就係三隻太陽蛋，太陽蛋煎得好靚，搖搖欲墜，好吸引。豬扒絕不欺場，非常大塊，完全遮蓋成個飯！豬扒肉質鬆軟，不過䜴油汁就未夠甜香，可以改良。
煲仔飯只於晚市供應，點咗鮮牛肉片煲仔飯($72)加潤腸($15)。鮮牛肉片剛剛熟透， 肉質鮮嫩，完全唔韌。潤腸肥瘦均勻，潤香十足，男友唔食我一個人食曬成條！不過煲仔飯唔算好濃炭香，略為失色，飯焦亦唔多，有改進空間。但店內冷氣充足，食嘅時間唔會大汗淋漓。
加$20點佐一碟油菜，菜心好大碟，喺尖沙咀區黎講真係超級抵食！
飲品方面亦都選擇好多，當中唔少都係懷舊冰室先有，好有特色！簡單點左杯鹹檸蜜，真材實料，檸檬嘅酸同蜜糖嘅甜平衡得恰到好處！
See more -
3
-
0
2019/05/26
Harvest House Sushi Japanese
大吞拿魚腩($200 五件)率先上場！
藍鰭吞拿魚是日本料理的頂級食材，當中這個稱為「拖羅」的魚腩部位更是極品，每次去日本市場，我都會不惜工本地狂吃，只因回到香港很難吃到又高質價錢又相宜的拖羅。在這兒一看到有大拖羅，二話不說就點了一客五件，因為先別說質素，單是$40一件拖羅刺身這個價錢就值得一試了。餐廳也沒有將貨就價，拖羅佈滿油脂雪花紋，油分豐富，分佈平均，入口完全即溶，魚油香在口中濃得化不開，實在回味無窮。雖然和日本吃到的相比，新鮮度還是有別，但在香港可以吃到這個質素，已經是感動的味道。
什錦魚生丼($68)
不同魚生舖滿整個飯，色彩繽紛，材料豐富。魚生厚切成粒，吃落彈牙，甚有咬口。雖然價錢便宜，但店方沒有將貨就價，魚生仍然新鮮鮮美，而且份量甚多，質素喜出望外，亦是飽肚之選。
值得一提的是壽司飯粒粒飽滿圓潤，入口濕潤，粒粒緊緊黏着不鬆散，醋味恰到好處，吃到飯香。
我們點了帆立貝，汁燒海鰻和特大赤海蝦壽司($50/5件）。帆立貝軟滑甜美，海鰻惹味彈牙，特大赤海蝦鮮甜肥美。$10一件完全是超值！
#traveltobkk
See more -
3
-
0
2019/05/26
ClubONE In Bloom Dim Sum
法式圍蝦伊麵($90)
心血來潮想食伊麵，午市優惠才$90，當然要點一客。想不到伊麵除了擺有四隻大蝦，還有芝士薯蓉圍邊。我十分愛廚師的配搭，薯蓉香滑惹味，帶有芝士咸香，令整道菜生色不少。大蝦也大隻彈牙，真材實料。因為用上忌廉汁並混和了薯蓉同吃，伊麵十分creamy美味！
招牌焗雪山叉燒包($28)
一見到，就不期然想起添好運的雪山叉燒包，添好運整體點心質素平平，惟叉燒包確實做得好，不知愉花園質素如何呢？一客三件，甜甜的菠蘿麵包中包裹著滿滿的叉燒蜜汁醬，惹味非常，而酥皮口感鬆化，甜味剛好，同樣好吃。
#traveltobkk
See more -
2
-
0
2019/05/26
Harlan's (Tsim Sha Tsui) International
Ham 2 ways with sweet melon and caramelized figs
這道starter有齊Parma ham和iberico ham我兩款至愛！
Parma ham因為風乾時間達24個月，入口鹹香更加濃郁。36個月iberico ham切得薄薄的一片，上桌時脂肪已在室溫稍稍溶解，油脂甘香豐腴，散發香氣。兩種ham份量都頗多。
風乾火腿和蜜瓜一向是絕配，而蜜瓜也絕不馬虎。使用西西里哈蜜瓜，瓜肉豐厚，多汁香甜，和兩種ham的鹹香甚為配搭。
Pan seared Hokkaido scallops, summer fruit salsa and vanilla pepper sauce
北海道帶子肉質豐厚，鮮味十足，醬汁帶少少甜味，原來是雲呢拿汁呢，兩者味道出奇地配搭！菜亦很新鮮，爽脆又多汁，帶子和菜及水果粒同吃，又是一道開胃的頭盤。
Grilled US Prime Beef Rib Eye, Braised Wagyu beef cheek, Glazed vegetables and Shallot Red Wine Jus
牛面頰毫無疑問是牛十分幼嫩的一個部位，這部分筯位較少，肉質軟腍柔潤。而牛肉本身已甚為濃郁，用紅酒燉後不但肉味更加提升，肉汁也能保持豐盈，吃時還帶有陣陣酒香，我很喜歡！
#traveltobkk
See more -
2
-
0
2019/05/26
Cafe Bauhinia Sweets/Dessert
神秘初夏花果園之旅下午茶。
每款鹹點和甜點都有一個切合初夏主題的名稱，實在欣賞店主的心思。
店員建議先試"愛你多一些"(香蕉 花生醬 朱古力S'more)，因為棉花糖新鮮剛焗好，焗至微微焦脆，趁熱吃口感更佳。起初擔心棉花糖+花生醬+朱古力三種邪惡之物加起來會超級甜漏，但把燕麥餅乾蘸在入面連着吃，甜度卻沒想像中那麼高，而且花生醬有花生碎粒，棉花糖外脆內軟，燕麥餅又入口鬆化，口感多重，味道豐富，我倆最驚喜甜點莫過於此。
接着我主攻鹹點。
首當其衝的是可愛的"食得有形"(原隻鮑魚迷你漢堡包)。鮑魚煮得軟腍，夾住新鮮沙律菜一起吃，味道不錯。"食得出色"(意大利醋汁蟹冧肉配青瓜雞茸撻)有大大份蟹肉放頂，青瓜的加入令整體味道清新，如果蟹肉味道可以更突出，相信會更"出色"。思念"(車厘茄配水牛芝士串)配搭清新，十分開胃。"黑芝迷惑"(黑椒芝士蝴蝶酥)是驚喜的一個，蝴蝶酥做得鬆化，牛油味香，而黑椒的微辣刺激味蕾，很是過癮。
#traveltobkk
See more -
2
-
0
2019/05/26
Nakamura Tokichi Hong Kong Ten, Tsim Sha Tsui Japanese
一向喜歡中村藤吉的出品，自從搬了新鋪後到未有機會一嘗，這天碰巧有空，就去了買一杯雪糕消消暑。抹茶拼焙茶雪糕（$53）
雪糕質感軟滑，不會冰感太重，既有奶香，亦有茶味。焙茶一向不是中村藤吉的強項，但也不賴，茶味濃郁帶回甘。反觀我一向最喜歡的抹茶這次則有少許失望。抹茶依舊香濃，但感覺偏甜了一點，以致茶的甘味被遮蓋了，如兩者可以再平衡一點則更好。旁邊的紅豆蓉軟綿清香，白玉軟糯煙韌，出色好味。窩夫筒略嫌比較硬身不夠脆口。
$53一份雪糕雖然不算便宜，但以中村藤吉這個牌子來說也不算太貴，但可能我對中村藤吉的期望比較高吧，這次的抹茶質素沒有the One店時候的高，難免有點失望。就給它一個OK，希望店方繼續努力吧！
#traveltobkk
See more -
1
-
0
2019/05/26
Sonata Western Restaurant, Rosedale Hotel Kowloon International
不只一次來協奏坊吃BUFFET了！全因使用OPENRICE優惠券後價錢親民之餘，食物質素和選擇都很好，性價甚高，加上地點方便，所以我們一家不定時見到有吸引的主題就會過來大吃一頓。
偶然下得知7月至9月協奏坊推出了以龍蝦為主題的「龍捲瘋海鮮自助晚餐」，有多款以龍蝦入饌的美食，我家最喜歡龍蝦的人是老爹。最喜歡自助餐的人也是他，所以一知道協奏坊有『龍蝦自助餐』，他又怎能錯過呢？我遂提議找一日來，結果一呼百應，5天前預訂優惠價每位才$288，價錢更加已連加一！雖然這個價錢可以在酒店吃海鮮自助餐已經不能期望太多，但因為一直都覺得協奏坊水準不錯，故對是次自助餐我還是有所期待
凍海鮮有4款供應，分別有長腳蟹、凍蝦、蟹、翡翠螺和藍青口。
我身為海鮮迷，當然第一時間就來 tongue 。長腳蟹是必食，蟹肉沒有鬆散，非常新鮮，而且啖啖肉，每口都是蟹肉的鮮美，我ENCORE了幾次呢！凍蝦藍青口新鮮美味。蟹的蟹膏不多，但蟹鉗肉量頗多，也有啖啖肉，我們都吃得滿足，只是當晚供應比較少。
每位客人都會有一隻原隻龍蝦，單是這龍蝦已值回票價了吧！龍蝦十分新鮮，肉質爽口彈牙，蝦膏也不少。平時二百多元的自助餐有龍蝦吃已算難得，今次不但不用爭，而且每人都有一大隻，十分抵吃。
#traveltobkk
See more -
1
-
0
2019/05/26
Urban Park (Sheung Wan) Italian
Afternoon tea Time with my girls :)
Parma Ham & Cheddar Cheese Pancake roll
這款外型像一粒糖的咸點一上桌就已經引起我的注意！"糖紙"印上合作品牌Keds，設計可見心思。打開一看，原來是班戟皮包着Parma Ham和厚厚的車打芝士，分明的層次令口感非常豐富，十分好吃，真希望可以多一條呢！
Prawn Cocktail Tomato Salsa Shooter
蕃茄蓉內有新鮮蕃茄粒，酸度適中，大蝦也肉質爽彈，整個tomato salsa shooter 酸酸甜甜，不失為一道開胃的咸點。
Red Velvet minicupcakes
這兒的紅絲絨蛋糕做得夠濕潤，甜度剛好，味道本身已頗為對辦，所以蛋糕上的custard反有畫蛇添足之感。
#traveltobkk
See more -
1
-
0
2019/05/26
Shanghai Po Po, Tuen Mun Chinese
近近地來上海婆婆吃午餐，其中有四小拼，包含了脆鱔，小排骨，烤麩和肴肉。4款小吃的味道也很不錯呢。 脆鱔真的是炸得非常香脆，而且調味帶點甜酸，作爲小吃和前菜來説也很合適。
小排骨也是甜甜酸酸的，而且特別欣賞腌得很入味而且肉質非常淋軟like
肴肉是媽媽在4款當中最喜歡的一款，原因應該是本來她就喜歡吃吧。
但我卻認爲味道未見特別，跟平時吃到的味道是一模一樣的，不過不失。
本來不知道烤麩是什麽，原來是平時經常吃到的齋菜的其中一種。
質感吃下去有點像腐皮和豆卜，軟軟的又帶點空氣感，調味甜甜的充滿豆香。
#traveltobkk
See more -
1
-
0
2019/05/26
味苑（Tsuen Wan） Chinese
餐廳樓底甚高，幾盞水晶燈吊下來，盡顯氣派，我最喜歡這兒統一用上一整套精心設計的餐具，十分有心思。
菜膽雞燉鮑翅 $28
沒有眼花，的確是每盅$28，因為新開張有優惠呢！本身以為只是啅頭，沒有太大的期望，但看到有那麼多翅真的覺得餐廳落重料喔！清雞湯也真材實料，味道鮮甜，我喜歡這兒的湯都不會太濃味，甚有住家的味道。
蒜蓉粉絲蒸扇貝 $56
雖然只是家常小菜，但要做出高水準也不是易事。加了蒜蓉清蒸的開邊扇貝鮮味更加突出，那個穫氣是家裏廚房吃不到的，而大廚火候的控制也恰到好處，所以扇貝煮得柔軟，吃起來一點也不韌。粉絲也絕不失色，每條都完全吸收了扇貝的鮮和蒜蓉的香
#traveltobkk
See more -
1
-
0
2019/05/26
Ramen Bari-Uma (Central) Japanese
來自日本廣島的拉麵店，午市和晚市都不時見到有人龍排隊，於是中午去了試，三個人約等了15分鐘就有位置了，不過是坐卡枱位。
拉麵我選了雞叉燒味玉雞白湯拉麵（$88），開頭以為是雞湯豚肉叉燒，沒想到的確整片都是雞肉。主要是用一層層雞腿肉圍圈，令到外觀和豚肉叉燒類似。雞肉保持肉汁，肉質軟腍滑嫩，但拉麵配雞肉總沒有豚肉來得配合。湯底方面，雞骨湯底雖由日本烹調後空運到港，但總感覺和日本吃到的還有距離，雞湯味不夠濃郁，味道較一般。而味蛋原隻上，半熟流心狀態，亦都入味，不過拉麵份量不太多，如果男生來吃應該要再加了。
#traveltobkk
See more -
1
-
0
2019/05/26
汀汀烤活魚 (Tsuen Wan) Hot pot
最近香港很熱，熱得每天也流很多汗，
可是不知爲何，越是熱的天氣，就越想吃一些更熱的食物。
例如雞煲，越熱就越要吃，越吃就越出汗，好像很爽的感覺lol
這夜便相約了好友來了荃灣吃雞煲止一下癮~
這家汀汀烤活魚其實招牌菜好像是魚煲，可是這夜是因雞煲癮起，還是毫不猶豫地決定吃雞煲。
雞煲的款式也有很多，可是卻讓我們看到雙雞煲（$198）！
向職員查詢一下才發現是雞&田雞放在一起吃！雞煲平日也吃得多，但「雙雞煲」即雞&田雞兩款一起吃是真的第一次試！
職員看到我們兩個女孩仔竟然喜歡吃田雞也有點驚訝！
雞有半隻，田雞也很足料，田雞腿早已切好。
職員首先會幫忙負責把雞炒熟，再教細火煮一會，可以吃的時候會再通知我們！
想不到炒香了的田雞肉吸收辣汁後來味道更佳，芹菜味好香呢！
雙雞煲香氣十足，微辣口味很適合我們這種想吃惹味的但又不能吃太辣的人！
調味剛剛好！我還食了很多洋蔥，因為吸收了雞煲的精華，很好吃！
#traveltobkk
See more -
1
-
0
2019/05/26
Tea WG Salon & Boutique (Central) Cafe
姊妹和我補祝生日，原先計劃去rubochon吃afternoon tea，但原來3pm才開始，我們又想早一點坐低傾計，故我們決定去到ifc再作打算。
揀茶方面令我們大傷腦筋，因為這兒實在太多選擇，令人眼花撩亂。TWG Tea把茶分為白茶、黃茶、綠茶、紅茶、藍茶等不同種類，也有分不同產地，例如雲南、日本、韓國、印尼、老撾、巴西等等，每款都在"tea bible book"有詳細介紹。碰巧姊妹見到有款黑茶叫"happy birthday tea"，哈哈，可以不選你嗎？姊妹繼續選擇困難症，holiday in New York, Holiday in Hong Kong... 這時親切友善的店員走過來，針對喜好和心情推薦合適的茶，只見他對每款茶都瞭如指掌，每款都能肯定自信地答到種類和味道，實在專業，我也不禁佩服店員的記憶力！
我的"happy birthday tea"味道淡雅，帶有雜莓的天然果酸，十分開胃，不錯喔。
#traveltobkk
See more -
2
-
0
2019/05/26
Po Kee Yakiniku
一直久仰波記的大名，但一直嫌遠未有食過。這天難得在西營盤上課，就趁著1小時的lunch break來到波記，吃一碗傳說中的美味燒鴨瀨。
雖然是星期六，但幸好人不算多，一行3人竟然不用等位。
一坐下，大家不加思索就立即點了燒鴨瀨（$30）。
燒鴨份量甚多，密密麻麻地鋪滿在瀨粉上才不過$30一碗，絕對是街坊價！鴨肉味道很香，吃落啖啖肉，確是滿足。我也喜歡這兒的瀨粉滑溜得來還有彈性，質素不錯，而且吸收湯底的鮮香，入味又好吃。但可能因為有了米芝蓮光環，期望太高，反而失望也多。鴨皮燒得不夠脆，略為腍身，如果鬆化一點會更完美。鴨肉肉質亦不夠軟滑，部分肉質比較鞋口。
#traveltobkk
See more -
0
-
0
2019/05/26
I Love Istanbul International
土耳其是我暫時去過最喜歡的一個國家，除了當地人熱情好客的精神令我難忘外，棉花堡的夢幻、cappadocia滿天熱氣球的奇景及奇岩怪石亦令我讚嘆不已。很想再訪土耳其，但成為上班一族後，放一個悠長假期去如此遙遠的地方又談何容易呢？
最簡單的方法莫過於讓舌頭過一個『土耳其式旅行』－－食土耳其菜！
旺角確是臥虎藏龍，『我愛伊斯坦堡』地點甚僻，如非有人帶路，實很難察覺。我們在某唐樓沿著狹窄的樓梯上一層去A室按鈴，入內卻另有小天地。裝修簡單卻帶點溫馨，這是我對餐廳的印象。
特色沙律配白芝士
沙律擺放甚有心思，外型像一朵花，色彩鮮豔，單是賣相已令我食慾大增！新鮮的青瓜和菜，多汁的蕃茄以及白芝士粒的微微鹹香，配搭清新，如果芝士可以再多一點相信會令味道更加提升！
梅爾辛紅飯釀烤雞
單看賣相還以為雞烤得過熟，卻叫人喜岀望外，雞肉非常滑嫩，而且充滿肉汁，咬落仍然juicy，用上十多種香料卻不會遮蓋雞味，調味恰到好處! 飯也十分岀色，吸收肉汁，十分入味。
#traveltobkk
See more -
0
-
0
2019/05/26
L'Eclair de Genie French
L’Éclair de Genie是來自巴黎瑪黑區的名店，招牌閃電泡芙好味到不少當地法國人都會慕名排隊，連DidDid姐都有點名讚好。
N89脆脆紅桑子面層的紅桑子漿微微帶酸，混入了少許白朱古力，令到泡芙吃來酸酸甜甜，十分開胃。入面的忌廉也很重紅桑子味，味道天然，一點也不人工。
N117至尊黑朱古力面層用上80%濃度的朱古力，而且朱古力用料優質，帶有微微苦澀，深得我心。上面幾片黑金朱古力薄片也令到泡芙更顯名貴。咬一口泡芙，入面的朱古力漿雪凍了，吃來卻不就像流心度高的朱古力醬般膩，香濃不膩，是我最喜歡的一款。
#traveltobkk
See more -
0
-
0
2019/05/26
L'Eclair de Genie French
創辦人Christophe Adam甚有來頭，兩度獲法國最佳廚師名銜，可見出名對甜品要求高的法國人也十分肯定他的甜品。我見到每款eclair的名字前面都有一個數字，好奇問了一下職員，原來這代表Christophe Adam設計eclair的先後次序，換言之，他已經設計了過百款口味！創意無限！
N22 熱情紅桑子內裡的熱情果忌廉一咬立即洶湧而出，口感香滑輕盈，重點是味道帶酸，所以食落非常開胃清新，果香十足，完全不像一般的eclairs 般過甜和太膩。粒粒香脆的紅桑子放在上面點綴，令口感上層次提升。
#traveltobkk
See more -
0
-
0
2019/05/26
PUTIEN, Ma On Shan Seafood
一直聽過莆田的大名，在朋友間也口埤載道，這天和家人晚飯，就選擇來到莆田品嚐正宗福建菜。
莆田雖主打福建菜，卻是來自新加坡，更在新加坡發揚光大，最近新加坡吉真那路分店還成功摘到米芝蓮一星！（個人覺得新加坡的中菜過江龍實在不錯，經過改良後，令中菜也可以吃得健康和摩登。）
原來這段時間正正亦是吃頭水紫菜的最佳時候。第一次長成的紫菜，頭次采割就是『頭水紫菜』，矜貴程度媲美紫菜中的黃金。既然如此，我們亦專門點了一些頭水紫菜的菜式。
蝦苗拌頭水紫菜($58)
頭水紫菜口感很滑，加了細細隻紅尾蝦苖，入口鮮甜，口感豐富。加上菜式是涼拌上，而且下了醋，味道酸酸的，所以非常開胃。
九轉小腸（$78）
一直最愛吃豬大腸，所以一見到這道菜式就毫不猶疑點了。原來這兒用傳統「九摺式」穿套滷製而成，可以見到豬腸層層折起，口感爽口彈牙，甚有嚼勁卻不會太韌。滷水味很香濃，調味剛好，好吃！
#traveltobkk
See more -
1
-
0
2019/05/26
Market Hotpot Hot pot
通常在家打邊爐都是在街市買火鍋材料，餐廳裝潢就玩味十足，竟然是模擬地道香港街市！應該是想帶出主題－－『鮮』入圍煮，火鍋食材全都新鮮入貨吧！原隻鮮雞花膠湯(小:$238)是我主要的目的，看Openrice 不同食評都見到花膠非常足料，想不到我準備下單時，店員告知已售罄了！才6:30pm呢！幸好虛驚一場，原來男友很醒目地在訂座時已預留一鍋！店員也解釋因爲貨源不定，最穩妥還是先電話預留。很快，湯底就上枱了，單看那黃澄澄的顏色，已知湯底極其濃郁！店員舀一碗給我們先飲，湯底用上原隻雞和多不勝數的花膠，難怪如此鮮甜，而且帶點滑稠，骨膠原豐富。
#traveltobkk
See more -
1
-
0
2019/05/26
El Cerdo International
一向愛吃西班牙燴飯paella，但在香港卻不多令我滿意的出品。只見每枱客人都必點一盤，Paella應該是這兒的招牌菜吧？這兒共有三款Paella，分別是El Cerdo Paella，Seafood Paella及Meat Paella，問店員El Cerdo Paella和另外兩者有何分別，原來El Cerdo Paella是『超級燴飯』，有齊海鮮和肉，材料非常豐富，店員誠意推介，我們也不多想就決定要試。黃澄澄的西班牙飯上，鋪滿了青口、魷魚、大蝦和青豆，色彩繽紛，單看賣相已教人垂涎三尺。海鮮飯吸足高湯的鮮味，有著濃濃的海鮮的鮮甜味，入味非常。 加一兩滴檸檬汁，更能有提鮮的功用。除了海鮮，還有羊肉串和豬腩仔，兩樣都是較濃味的肉類，故比平時常見的海鮮飯更加惹味，味道更為豐富。我最喜歡這兒的西班牙飯亦加上切粒的西班牙辣肉腸Chorizo，更添鹹香和口感。可能是因為這兒的廚師是名副其實的西班牙廚師，我覺得做法頗為正宗，水準甚高，而且$188兩個人分享絕對飽肚，十分抵食。
荃灣大壩街一向美食雲集，尤以平民美食居多，但最近竟發現新開了一間西班牙餐廳，主打正宗西班牙菜，並由西班牙廚師主理，吸引了我的注意。於是這天放工後，我便提議去一試。
餐廳裝修頗為高級，樓底算高，但價錢卻是平民價。如果同類西班牙菜在九龍或港島區應該起碼會貴兩倍吧。
Pork belly tapas
西班牙豬腩仔是我喜歡的tapas呢！一客有兩件，每件都尚算大份，價錢合理。豬腩仔上菜時已皮肉分離，皮烤到乾身，未夠金黃酥脆，略為扣分，但整體肥瘦肉分明而且肉質嫩滑軟腍，和蜂蜜蛋黃醬味道搭配，不錯。
Ham Croquetas
黑毛豬火腿薯蓉球炸得外脆內軟，薯蓉軟滑，加上火腿的鹹香，吃下去一點也不油膩，配合特製的沙律醬，非常惹味。
#traveltobkk
See more -
0
-
0
2019/05/26
The Pudding Nouveau French
相約相識20多年的好友去大坑看舞火龍，我們兩個元朗人難得出城，當然要順道去大坑覓食。我第一時間想到The Pudding Nouveau。
一年前在pudding nouveau初試蟶子意粉($178)，已覺驚為天人，今次再訪，也不禁要encore，因為這些心機菜，外面實在很難吃到。這碟蟶子意粉沒有令我失望，依舊煮得al dente，彈牙得來略有嚼勁，是我喜歡的質感。每條意粉都掛有濃稠惹味的蒜蓉白汁，帶有少少香辣，非常creamy美味。蟶子仍然下得毫不吝嗇，為整道菜添上了鮮味。蟶子洗得乾淨無沙，可以食得放心。
#traveltobkk
See more -
0
-
0
1 / 1
Discover recommended restaurants
