Edward Yiu's review

Edward Yiu

546 Went

48 Follows

65 Followers

My Best

Area
Category

Cucina, Marco Polo HK Hotel Italian

Cucina: 白蘆筍我太遲來有些餐廳，一直都話好食，個個都讚，但你就係未去過，好多原因，就好似呢間Cucina，說去多次還是沒有的起心肝去食飯。當我去過一次之後，知道原因了，無他，環境無得投訴，開揚海景，服務不錯，價錢唔算係好貴，以尖沙咀酒店餐廳水準來講，好值得推薦。再睇落去，係呢篇文講今次白露筍主題之前，如你對Cucina有興趣，先講K look呢個優惠，$500 現金卷有7折，有效期內任何時間通用，如果你睇完呢篇文有興趣嘅，只要你買完優惠券去食就有七折呢個優惠價。就要朋友B先生講，又係有今生無來世優惠系列。朋友B先生對呢度嘅紅蝦意粉有讚冇彈，係佢個Blog力推，作為朋友日日睇到個blog都睇到真係好想食，不過，突然殺出一個程咬金，叫我暫時唔食住紅蝦意粉住。係網上見好多人已經先拔頭籌食左時令嘅白露筍，5月6號開始，意籍總廚Andrea Delzanno就精挑細選出德國黑森林出產嘅白露筍入撰，而家cucina就做緊呢個promotion ，到六月五日，仲有幾日，喺屋企用盡所有嘅力快啲寫左先。白蘆筍係春季嘅當做時份，唔同區域嘅土壤同天氣種出嚟嘅白蘆筍都會有唔同，而據Andrea 講，德國黑森林出產嘅AAA級別白蘆筍係最粗壯，而且質感好嫩又鮮甜，質感很佳。當然係呢個咁靚嘅環境，食到啲咁高品質嘅嘢當然開心。先上場嘅烚白蘆筍伴荷蘭汁及巴馬火腿，相信呢個都唔使點介紹係乜，個白蘆筍甜到飛起，香氣撲鼻，而且非常嫩，皇子蔬菜呢個朵，不是浪得虛名。而且佢無乜用好多調味，好容易散發出嘅果仁香，加上了荷蘭汁就有另一種唔同嘅食法，再加咸香一流嘅巴馬火腿，無得輸。我自己都幾鍾意點厚身嘅荷蘭汁，配上淡身嘅白蘆筍，出奇地夾。意粉部分雖然沒有紅蝦意粉，但套餐中的Tortellini ai funghi porcini, Prosciutto Iberico 48 Mesi, salsa al madeira, Pure Di Pera，同樣以伊比利亞豬手作的tottrllini，口感一流，加上以梨和馬特拉島葡萄酒做嘅醬汁，每件也好精緻，雖然每件Tortellini可以一口咬下去，但我會建議每件Tortellini切開慢慢品嚐。今日嘅主菜係呢個伊比利亞黑毛豬肩肉伴黑醋，白蘆筍及牛油鼠尾草，又係另一個叫你有深刻印象嘅菜式，同樣以豬肉來配白松露，而今次西班牙嘅伊比利亞豬肉，口感更加細緻，但白露筍係豬肩肉嘅助攻下，香氣更㫒華。而且我特別喜歡那個黑醋汁同牛油鼠尾草醬，感覺有特色，和白蘆筍各有所長。尾聲甜品係就柚子sherbet，加上Pistachio Mousse，同ricotta cheese Ganache，還有朱古力海綿蛋糕，完美作結，平日意大利菜吃嘅甜品通常都會好濃，作一個強而有力嘅收尾，不過今日呢個就好清新，好有夏天嘅氣息。尾聲當然要飲番一杯signature伯爵冰茶，我諗都唔使點樣介紹呢杯野，望著海一片，吃粒土耳其軟糖澎，陶醉於冰涼嘅伯爵紅茶中，還在懷念剛剛白蘆筍嘅香氣。當然最緊要同啱傾嘅人一齊食，特別係好酒之S小姐，期待下次有酒局同你飲。幸好雖然遲到，都好過冇到，說了多年，終於吃到聞名已久嘅白蘆筍，係K look買番張現金卷，下次我想真係要食紅蝦意粉了。 See more

3
1

幸福小食便利店 Take-away/Delivery (Storefront)

幸福小食: 大地魚的幸福味道大地魚可以有幾甜？來這裡便知道。好多人都會成日嚟東大街搵食，食下串燒食下雞蛋仔食下安利魚蛋粉食下甜品，反而好少人喺呢邊講起呢間幸福小食。呢間鋪由兩公婆經營，主打碗仔翅魚肉和韮菜餃，我呢度嘅大地魚湯底堪稱全港最強，咁啱今日經過筲箕灣交收，又未食飯，就停低試試。下午食飯時段，竟然都冇乜人，同筲箕灣東大街度度排隊嘅風格成強烈對比。會唔會係伏呢？我開始懷疑人生。不過，橫掂個人已經嚟到，就試吓啦，一個人，一碗魚肉，一碗韮菜餃。本來想要碗碗仔翅魚肉，但係剛剛開門嘅老闆話俾我聽魚翅未整好。於是食魚肉生菜啦，飲一口湯那個引證，湯頭好鮮甜，滿是大地魚的香氣。最精彩嘅係個魚肉，你食到淡淡都係魚，同出邊落咗好多粉嘅質素係完全不同。聞說呢度嘅韮菜餃非常好食，也不能錯過。但有朋友都有講韮菜餃麻麻，雷聲大雨點少。先講價錢$24有六隻，唔算太貴亦都唔算太平，同另一間我最愛嘅深水埗圓方餃子對比，是一個合理水平。韮菜餃非常大隻，但係入面嘅韮菜十分豐滿，但相反肉就唔係好多。食落去都唔錯，但係你話係咪真係超級好食，又唔係。如果特登過嚟食，應該係為咗碗魚肉多個韮菜餃。仲有個大地魚湯，真係好甜好甜，基本上成碗湯都可以飲晒。如果你像我一樣愛吃辣，來到也不要錯過佢嘅辣椒油，我問老闆娘攞咗少少辣椒油，配上嗰韮菜餃也不錯。如果你咁岩經過，又想食下小食，不想排雞蛋仔排咁耐，一吃無壞，飲一口大地魚湯，都算幸福的。不過冬天去會好似，好似呢幾日咁熱嘅話，應該都會幾辛苦，冇堂食，剩係得街邊企位，烈日當空，陽光普照下吃，就未必幸福。 See more

3
0

Forkers Spanish

Forkers：其實愛對了人情人節每天都過幾天前的晚上，是岳父岳母的結婚周年紀念。要好好慶祝一下，當然要吃好少少，周中晚上，唔想四圍去，最好當然搵吓屋企附近嘅餐廳。如果你看到呢個setting，都知我講緊係邊度。呢一張美金紙巾，可以話係Forkers嘅signature。一講Forkers就會想起大坑的Pheromone，前排試過Pheromone，短期內可以再吃到呢間同樣近來非常有名的bistro，對比下也不錯。朋友南瓜，潮童焗飯，K先生，一大班土瓜灣友都有讚無彈。放喺口袋內已久，今晚攞呢張牌出嚟慶祝，無錯吧。第一樣要讚就係，兩個人就有一支免開瓶，可以淺嘗，難怪這裏都是愛酒之人喜歡的地方，未吃就要飲番杯，畢竟結婚41周年紀念這條路那麼長，一定要toasting下。來這間餐廳吃飯不用想太多，佢只係得一個menu，你只要想你自己嘅主菜就得。朋友說這裡的Omakase 都很不錯，朋友潮童焗飯告訴我，In Loki we trusted ，可惜太遲先相認，所以只有叫這類的正常menu。前菜先來西班牙火腿，以橡果飼養36個月熟成嘅前腿肉，放入口那幽香甘甜鹹香，加上2009的法國波爾多紅酒，夾到天生一對，像岳父岳母一樣。其實應該試後腿，不過始終第一次，試下水準，下次再來到應該要加錢吃後腿。店方送上的麵包都算熱辣辣，不錯，如果同過湯一齊你應該安排會好一點，湯來到嘅時候我已經食晒。是日餐湯係雜菜湯，感覺不錯，如果加$68，就有虎蝦濃湯，呢個就真係非常精彩，係我飲過數一數二好嘅蝦湯，湯唔係太過杰身，但卻濃香得很，大家記得不要錯過。喺個餐之外，點了一個是日海鮮，因為知道呢度處理海鮮都不錯，西班牙辣肉腸蒜片炒虎蝦，好正，肉腸嘅用心同隻虎蝦出其不意地合得來，辣辣地，好開胃。我們四個人都叫了不同的主菜。先講不用加錢嘅美國牛肩扒，叫了medium，也不會太韌，牛味一流，質感俱佳。另外西班牙棕毛豬肩扒煎得非常香，油份幾高，吃兩件都會飽，而且非常大件，相對牛扒，個味更出色，當然不是普通嘅豬扒可以媲美。法式油封鴨腿可以說是非常出色之作，鴨腿的肉質整得好淋，冇牙嘅婆婆都可以食得到，而鴨味好濃，配菜嘅薯蓉更加叫人吃得高興。最後我自己點的美國頂級肉眼，油香肉味也十分強，這個襯紅酒就更加一流。之後聽返loki講，呢度嘅水煮魚又係signature，下次一定要試。在主菜之前有任食嘅新鮮沙律同特選香料薯條，任食薯條非常出色，加咗好似合味道咖喱味杯麵嘅咖喱粉後，不太愛薯條的我都將成碗食晒。相對大坑Pheromone，有好多種出色嘅醬汁，呢度就單調普通左少少。新鮮沙律加左黑醋，更加開胃，等你食主食嘅時候更開胃。最尾嘅甜品蛋糕，勁驚喜，配杯咖啡或者伯爵茶最好。整個晚上，非常滿意，以呢個價錢，可以話係非常超值，特別係區內唔係好多西餐嘅選擇，呢度更加顯得難能可貴。同Pheromone比較有點難，各有各好，但如果以一個平價嘅價錢，可以享用烹調手法非常高嘅扒來說，Forkers似乎較佳一點的選擇。就如紅寶石後的每一天，幸福就是要走得更遠，我問佢地有乜心得，阿媽話:好容易，時間好快就過。我想起梁靜茹的歌，其實愛對了人情人節每天都過。祝你們繼續日日快樂。 PS BTW 個人覺得Loki服務非常好，下次如你去食cher menu，記得搵佢。 See more

3
2

譚仔雲南米線 (Fortress Hill) Noodles

母親節呈獻：蟲草花送阿媽前幾日同個朋友讚碗米線好食，然後佢問我係邊度，我同佢講：譚仔！然後，佢妖左我一聲。嗰種仇恨嘅態度就如正常人見到李小姐坐係個主席位就話自己係主席一樣。當然可能佢見我平時好鍾意食米線，平時讚好嘅米線店如數家珍，以為我會推介一啲小店或者係穩世新店，可惜令佢失望左，唔好意思。因為跟住落嚟我竟然係介紹譚仔嘅米線，可能你會即刻想轉台。不過，我又覺得幾特別，咪寫下介紹下，都有gimmick 。連細So都係IG寫呢個米線，你就知有幾潮。嚟緊呢個星期日係母親節，好多餐廳都推出左唔同嘅promotion ，嗰種熱鬧前所未見，撞正限聚令又解封，人人忍唔住都要出街食飯。基本上每條大街小巷，餐廳大大細細，禮拜六日都高朋滿座，有幾耐冇聽到自助餐分兩個時段都會爆到不行，相信呢個對飲食業來講係一個好消息吧。有好多唔錯嘅餐廳promotion可以講，不過先講過幾特別嘅譚仔母親節呈獻。呢個新攪作，就係蟲草花雞湯米線。見到個樣，好似真係好吸引，而且擺喺你面前呢碗個樣同個廣告都算好似，幾滿意，唔同麥當勞，常常真實情況同廣告相差甚遠，就好似嗰啲網上騙案嘅美女一樣。不過如果你想來吃辣嘅話，呢個湯就未必啱你，因為係飲雞湯嘅為主，冇得點一二三四五六七八小辣。先飲一口雞湯，感覺唔錯好鮮甜。有蟲草花、竹絲雞蛋、雲耳、杞子、雞卷，米線配上蟲草花和雲耳，加上清甜嘅雞湯好夾。不過好食嘅竟然係個竹絲雞蛋，當然你唔可以攞日本拉麵店嘅流心蛋來對比。覺得幾好食嘅仲有呢件雞卷，大大件，全部雞肉冇平常嘅咁乾身，件件都不錯。呢個期間限定，只係兩個禮拜，完咗就冇啦。說真呢碗米線驚喜度甚高，同平時譚仔米線有少少分別，聽朋友講譚仔三哥米線其實都有新攪作，果一碗就係花膠雞湯米線，同樣可以幫阿媽養顏滋陰。如果你訂唔到位，又唔知食咩好，同佢過嚟食碗米線都係一個小小驚喜嘅心意吧。凡事都係講心意，和媽媽簡單吃個飯，其實無論食乜嘢都一樣咁高興。可能你會話，食米線咁cheap，你估而家好好景咩？美國今日剛剛公布嘅首次申領失業救濟人數又話二戰後新高，慳啲錢都好。無論點，食乜好，都在此祝天下媽媽一樣快樂。 See more

2
1

YUM CHA, Central Dim Sum

YumCha: 飲茶自選套餐又有新嘅餐廳加入飲茶大戰優惠，準備好未？聽過飲茶呢間野真係好一段時間，由第一間店開始，那睇住流奶紅遍了IG同FB，紅到連續開咗幾間分店，可惜，一直無機會試。而家飲茶，一係就同阿爸阿媽去開飲過幾間，一係就會想試吓啲傳統或有名氣酒樓和中餐廳，反而真係冇諗過飲茶要打卡，於是呢間餐廳都只是一直有待跟進。不過就因為呢一個武肺，香港飲食界上上下下都提供了破天荒嘅優惠，飲茶也不例外。 $148一位自選套餐，都幾肯定，如果兩到四個人嚟飲茶呢個價錢一定冇可能做到，仲要呢個新優惠免茶芥免加一，由前菜到湯到點心到小菜仲有蔬菜仲有甜品，呢個餐全面到可以一個價錢全包真係非常吸引。因此當晚四個人嚟食呢個自選優惠套餐，基本上可以食盡呢度嘅名作。前菜有幾個，口水雞和茄子相對精彩，但樣唔夠靚，唔影了。湯品有四種，海鮮冬蓉羹同鮮菌冬蓉羹都很好，唔會好杰嗰隻情況，不過最出色反而係燉湯，朋友嘅椰皇老雞同阿毛燩湯原來更正，果然原來加錢更好。點心有五隻俾你揀，有色蝦餃和蝦籽燒賣，你以為好普通，全部都好精美，蝦餃係認真有色更搶鏡，而且皮薄餡靚，菠菜鮮蝦粉果同透明波波都係好靚又好食，證明左呢度嘅點心唔係得個樣。小炒數量非常多選擇，有椒鹽豆腐，舉手雞飯和懷舊蝦多士，仲有蓮藕煎肉餅，鳳梨咕嚕，辣蟻粉絲，如果加錢嘅有椒鹽魷魚鬚，蜜椒牛仔骨，西泠蝦球同水煮辣牛和辣魚等等。一定要讚嘅就係呢度嘅水煮，份量雖然唔會好大，但係非常好食仲要有辣薯粉提供，食到我勁想嗌一碗飯來送。另外懷舊蝦多士和舉手雞花都係好出色，舉手雞花味道非常濃，甜甜的好好食。蔬菜方面，最好食就係呢個煸四季豆，薑汁就相對就普通一點。最後一刻才吃的甜品當然不能錯過呢個睇住流奶，都唔使講有幾好食同埋有幾好影相呃like，必點項目就是了。同場加映另兩個額外點心，叫一籠八戒同鴿呑鳳梨，全部都係又靚又好食，如果呢幾個點心可以喺個自選Menu𥚃面揀埋應該會更加完美。如果你訂不到唐人館或者誠哥個幾任食點心，過來飲茶都不錯呀。 See more

3
1

金寶冰廳 Take-away/Delivery (Storefront)

金寶冰廳: 五一黃金周今日蘋果嘅頭版，或者你今日打開Facebook或者IG，人人都討論五一黃金周。當然唔同立場嘅人，今日有唔同嘅支持活動，自己今日沒有安排什麼節目，於是就找間在家附近嘅茶餐廳支持下。新蒲崗的金寶冰廳，前排在小儀的節目先介紹過，今日都有唔少支持者來撐下場，排隊都排左大約十分鐘。呢間茶餐廳都有唔少歷史，而且本身都係區內名店。去年年尾，因為區內連儂牆被人貼上「撐警」的文宣，此店被誤認為藍店，90幾歲嘅老闆更加因為呢件事而表態，於是有不少媒體報道呢一件事，老闆嘅家人更加回巢幫手，發揮一家人的精神，於是呢間金寶冰廳更為人所共知。我來的原因，除咗因為黃金周，另外一個原因就係呢間係來自70年代嘅茶餐廳，店內的確令人有時光倒流嘅感覺，我最鍾意呢啲餐廳，賣少見少，特別愛地上四十年前的階磚。店内的選擇，大都係一般茶餐廳有嘅嘢，傳統到不能再傳統。叫了一個特餐，火腿奄列，熱奶茶，沙嗲牛肉麵，經典港仔午餐。一如之前聽過，呢度嘅奄烈做得不錯蛋味濃郁。餐包雖然賣相不太友善，但吃下去還可以接受，唔似係放左好耐乾晒柴晒皮嗰隻餐包。沙嗲牛肉麵第一口其實感覺普通，但吃落去後，又會漸漸改觀，沙嗲味都唔算係太濃烈，清新得來又有獨特的沙嗲香，配上煮得唔算太腍又唔算太煙韌嘅大光麵上，不錯。另外叫嘅午餐，主角換上叉燒意粉，賣相也普通但係叉燒卻出奇地好食。吃過叉燒覺得對辦後，叫了一碟叉燒炒意粉。叉燒炒意粉即叫即整，都等左大約10分鐘。上枱的確非常熱騰騰，但係就冇長沙灣我最愛茶餐廳嗰種勁嘅鑊氣。吃落去意粉比較腍身，又不會太過熱，炒過後嘅叉燒更加好食，加上一點黑椒，可以接受嘅質素，但係你話好好食就一定唔係，無辦法，金園嘅炒意粉，絕對係地上最強，我冇食個邊一間能夠媲美。不過呢度嘅熱奶茶最正，入口有茶味，奶味又唔會太搶，整體平衡得好好。整體感覺都不錯，留名下次跟進食菜脯蛋叉燒炒飯，又係名物。有興趣過來撐下黃金周，就來試下吧。 See more

3
0

Walter Bistro International

Walter bistro: 半自助的潮流疫情蔓延，食肆都經歷了翻天覆地的轉變，特別係自助餐，因為鑽石公主號嘅關係，人人話：不了。於是市場開始有半自助餐出現，希望令人安心，大家保持距離，減低風險。當然，昨天政府規定的四人飯聚更加令人唔想出去食飯，令食肆更加雪上加霜。對一個喜歡講飲講食的人來說，無疑更加慘。不過除非你係要隔離，大家都有可能會出下街，食下飯，有機會出去就支持下餐廳，優惠通街都係。就如呢間我從末去過嘅Walter Bistro，原來係觀塘Holiday Inn的出品。不如就一齊睇下新嘅半自助餐有乜玩法。第一位$398和第二位$219，之後更加全單八折，呢個價錢，都幾平，因為平日一位酒店吃a la carte都最少二百幾，仲要有咁多野，真係割喉優惠。有舊同事book 枱時，餐廳員工解說了。而家嘅海鮮部分通常都係由餐廳攞出黎俾你，呢度就會送上海鮮拼盤，有法國來的蠔，龍蝦、蝦、蟹腳、青口和翡翠螺，全部質素都幾好。前菜可任食的還有壽司，有多種不同種類俾你揀，三文魚、呑拿魚、鰻魚、北寄貝、油甘魚、蟹柳、海蝦、玉子等等有十六種壽司。而刺身有四種，呑拿魚、三文魚、帆立貝和油甘魚，係任撈，絕不失禮的質素和份量。外邊還有不少的湯品，熟食如咖哩、沙律，芝士和凍肉等等，隨你喜愛任吃。 Main Course有好多西餐廳A La Carte嘅選擇，樣樣都做得好精彩，呢個先係主角。最有感覺的是這個Confit French Duck Leg, White Bian Cassoulet以油封法國鴨脾為主角伴法式焗豆，呢個係平時法式多見的主菜，鴨脾外表脆到不行，肉質肉汁豐富，以酒店格局，二百幾食到呢個主菜，都已經夠平啦。我最愛另一個係Boston Lobster linguine with asparagus ,lobster bisque，波士頓龍蝦扁意粉配露筍龍蝦汁，好simple 的美感，龍蝦夠彈牙又大隻，意粉條條有鮮甜的龍蝦汁，濃到像龍蝦湯般。外表麻麻的beef cheeks with mashed potatoes & seasonal vegetable都不錯，燴牛面淋到一個點，放入口好似淋到化開咁，個醬汁味道都好搶鏡，配菜如薯蓉和蔬菜都不錯。西班牙黑毛豬扒配普羅旺斯雜燴擺盤又係好靚，豬扒質感夠好，而且好有豬味，普羅旺斯雜燴係乜東東？其實係雜菜盤，不過係普羅旺斯特有名字，食野仲有得學野。另外這個Roasted Beef Tenderloin with seasonal vegetable的烤牛柳又係較硬朗和普通，我較愛燴牛面的細膩。 Pan-fried Seabass with Mashed Potatoes不只有香煎鱸魚，仲有隻帶子係上面，煎得勁香，不過相對剛剛幾個出色的主角，呢個就普通了一點。尾聲的甜品，我沒有吃太多，朋友都說不錯，特別是水果好新鮮。幸好我地係規列出台前吃這餐飯，才可以吃足咁多樣美食換著而家，唔係最多只能吃四款。當然可能，好多人覺得而家出街食都唔係幾負責任，但有時可能有需要食或順便食埋先番屋企的話，剛巧你係呢區都值得來啦。 See more

1
0

Sichuan Lab, Lodgewood by L’hotel Wan Chai Hot pot

川流: 精選假日點心任食有人話，搞任食嘅，品質一定唔好。以前都相信呢個事實，不過係呢段非常時期，好多地方都有可一不可再嘅優惠，以一個價任食嘅自助餐或者任點任食嘅地方都有好多，特別係酒店。川流，就係其中一間近來有精彩優惠的地方。之前大家應該都睇過我寫川流嘅私房菜，我仲係度搞個一個二十人飯局，有幾支持喜歡德哥，你一定明白，知道呢到周末以每位$168任食點心，應該好難唔支持。聽朋友講每個星期都爆滿，二月尾雖然疫情嚴峻，但來到那天聽員工講，周末翻枱翻兩次係常事。 90分鐘用餐時間，其實絕對夠食，特別係一半食物係沙律吧任你攞，要幾多攞幾多，而且落單快，又即叫即蒸，非常方便。茶芥雖然不平，$25一位，但有不少靚茶，特別係來自四川嘅鷹咀茶，解辣去膩。先談沙律吧，我首推一定係酸辣拌闊粉，煙韌無比，每尺都非常有嚼口，酸辣的份量不會太過搶掠味蕾，是最佳之作。同行的川北涼粉配涼粉汁也不錯，只是酸辣拌闊粉太出眾，令你將所有目光放咗喺佢嗰度。棒棒雞，特別配麻醬汁，就如盲人開眼一樣，雖然前晚食到好飽但食完呢個時候真係勁開胃。蒜泥白肉非常大塊，唯蒜泥汁蒜泥味不夠，如果不是，更加完美。五香牛肉配醬麻油汁相對普通了一點，但加點花生伴酸辣拌闊粉，另有番風味。沙律吧嘅甜品有古方紅糖豆腐花，呢個最失色，不過全因之後嘅點心大部分都太好食。之前套餐吃過的蝦汁小籠包，點上一枝醋，味道更鮮明，大大隻蝦，又有肉汁，正。我好少食包，但呢個紅酒京醬燒鵝包，裡面啖啖的燒鵝肉又點會唔好。兩個餃類，蝦餃和鮮蝦豆苗餃都非常足料又大粒，即叫即整，出哂煙，無不好的理由。相對肉多的蟹籽燒賣，看你喜歡蝦多我是肉多，我個人覺得還可以只是吃一粒都已經夠，因為會太飽。幾個特色點心一定要honorable mention ，爆汁芝麻牛肉鍋貼，食嘅時候真係要小心爆汁而且裏面嘅芝麻香好強。百花煎酿蘿蔔糕超級好食，外形漂亮，中間煎酿餡料嘅靈魂提昇左成舊蘿蔔吸引力。麻辣腸葱油餅，不會太過油膩，炸得剛好，香脆可口又輕巧玲瓏。平日我不會吃芋角，但呢個蜂窩魚香茄子芋角好有特色，包著的魚香茄子出奇地match。尾聲要推介吃糊辣殼酸辣抄手，抄手大隻豐滿，配合強烈的酸辣醬，味道精彩，好似我咁，嫌唔夠辣再加少少辣粉，加完美，兒童不宜吃辣的話就叫雞湯抄手，清湯版本人人都可以食。呢個午飯算係近來繼逸東軒後吃個不錯的選擇，絕對推薦，如果你食得快，一定值回票價。 See more

4
2

Gaia Veggie Shop (Tsim Sha Tsui) Vegetarian

大自然素食: 抗疫晚餐這段時間，人人都叫外賣，沒有辦法，顧己及人，少出街，便幫助了社會抗疫。火鍋可以做外賣，日本的廚師發辦可以做外賣，中餐西餐異國菜私房菜都可以外賣，有乜唔可以，貴為素食界的大哥又點會唔做素食外賣。係Facebook看到外賣有半價，吃過多次的我當然要試下，外賣左多款不同的素菜回家抗疫。剛剛放工的晚上便外賣了回家，五個菜，價錢一定仲平過你自己買餸。一定不能錯過秘製鹽焗雞，呢個係必點菜式，如果你未吃過素食，我可以告訴你呢個菜式一定會令你上癮，以豆造的素雞絕對繪型繪色，就算外賣佢嘅包裝都好似鹽焗效果一樣。另外佢嘅沙薑醬汁，送飯一流。我個人覺得鬆化芋頭魚相對普通，可能我唔係芋頭嘅fans，不過，太大鐘意芋頭就覺得好好食，個樣唔駛講，做到條魚咁，不過可惜外賣包裝關係，條芋頭魚外賣嘅時候前後分左一半，影響了觀感，但當然影響不了味道。我冇諗過呢個鮑心花菇一品煲都可以外帶，雖然係素食但係都有鮑片、蝦、冬菇等等，效果好靚，令我想起佢哋新年推出嘅盆菜寶，一樣色彩繽紛，而且好似好豐富一樣。九製陳皮骨就適合愛香口的人士，陳皮骨好彈牙，在咬口，有少少似平時香口嘅送酒菜式，但當然，呢個簡單得多，又健康得多。最尾為不吃牛肉的媽媽點了燒汁雜菌焗牛仔肉，體部多種集菌當然用燒汁炒得香口又好食，最重要係個牛仔肉嘅質感真係勁似牛肉，比鹽焗雞做得更真實，戒緊牛嘅人不妨試吓過吓口癮。剛執筆完，在看Facebook的時候才知，原來大自然素食由25/3到5/4無論堂食或者外賣都有半價，繼續響應抗疫，叫外賣啦，不過當然，如果你想堂食，都可以，只要你冇帶手帶就得啦。 See more

1
0

Micasadeco & Cafe Hong Kong Japanese

Micasadeco & Cafe：遺忘了的飲食潮流從來飲食潮流都像炒股一樣，突然流行幫近來梳乎厘班戟熱潮減退了不少，可能無乜出街食飯連甜品也放棄了，大家記得The Gram吧？從前曾經排大隊，個個都為咗特定時間才供應的梳乎里班戟趨之若鶩，你又記得嗎？我認識 Micasadeco & Cafe係因為大阪，嗰陣時好多人都推介呢間梳乎里班戟，就連香港嘅食評人都寫過幾次，落戶香港之前，都講過嗰幾次。然後有一日，我竟然發現原來香港已經開咗，太失策，於是就懷着期待嘅心情去食。既然呢排又少人，原來你又來到香港一段時間，無理由不去試下。利申，我未食過日本分店，冇得比，反而The Gram就香港同日本都食過。在疫情下，晚市都有五六台客，認真不錯，幾多名店基本上夜晚飯一台都冇發市。我們幾個人來吃，先吃熟食，才再吃期待已久的梳乎里班戟。先飲杯咖啡，抹茶咖啡和焦糖咖啡都很有水準，特別抹茶咖啡，像極在宇治飲過的。前菜吃的水牛芝士煙肉焗薯，水準還好，水牛芝士太過搶鏡。煙三文魚沙律嘅肥美，你想像不了，你好難發現原來自己可以係一間Cafe度食到呢啲咁嘅嘢，煙三文魚就好似係歐洲魚市場上吃到咁肥美。當晚也叫了幾個主菜，蕃茄汁香辣大蝦意粉，像我這樣愛辣之人一定會喜歡，蕃茄汁和黑椒各據一方，大蝦又好吃。鹹蛋黃醬魷魚圈意粉，鹹蛋黃醬令人好開胃，另外又唔會太過油膩，而且意粉做到好有彈牙的效果，al dente的感覺。另外朋友叫的蛋包豚肉飯，我沒有特別吃，不用他說也不錯，下次搵機會食下。同埋兩個意粉都做到日本意式餐廳的意粉效果，好grand而好有心機的風格，係日本獨有的西餐文化。傳統的梳乎里班戟，用上日本直送的雞蛋、麵粉、牛奶和砂糖，造出來的效果又點會唔好，不過相對質感佢較為實在，唔係嗰種食咗好似一陣風咁嘅感覺，看你會不會喜歡。另外新推的焦糖梳乎里班戟，又係不得了，梳乎里班戟當然做到同樣效果，但加上焦糖醬的味道更令人深刻，一上枱的香氣，到我執筆之時都記得，再有點杏仁點綴，令人更開胃。當然，而家冇機會去日本試到原店嘅味道，就更加要支持香港店啦，特別呢排冇乜人講梳乎里班戟，又冇人出街食，又唔使排隊，而家唔去等幾時。 See more

0
0

燈籠滷味：登龍街的燈籠滷味去過台北的人大都認識師大夜市吧，而認識師大的人大都聽過燈籠滷味。小弟不才，成日都喜歡各種不同的台灣美食，又經常同幾位朋友都話想帶呢樣帶果樣返嚟做，可惜永遠得個想字，剩係識食。記得之前同D先生講過可以攞呢個品牌返嚟香港，一定大受歡迎。不過我們都只是限於紙上談兵，幸好有心人將它帶左黎香港。注定不是老闆命，我還是適合坐享其成，有得食就算。當晚來到還在試業階段的燈籠滷味已經大排長龍，就算個個戴口罩，肺炎幾勁都好，都阻不了一班愛好台北滷味的支持者。當然有堂食有外賣，近來還是潮興外賣回家吃，我還是乖乖外帶。看到餐牌大部份嘅菜式都係$9到$10不等，另外也有不少台式飲料和台式美食提供。台式滷味分為麵、肉、菜和火鍋料類。主食當然點了王子麵，加上幾個必吃的台式的美食例如甜不辣、蘿蔔、百頁豆腐、豬耳、杏鮑菇和豬腱肉。加上台灣直送的滷味汁，用上花椒、甘草、桂皮等不同的藥材煉成的滷汁，正到不行。一定要加麵底，絕對會唔夠食。當然你會即刻問我同師大原店嘅味道有冇分别？點都係有少少分別，相對淡身同無咁強嘅滷水香，當然呢個好合理香港就算日本拉麵同原店都有少少分別。最重要係個價錢無想像中冇咁貴，更加令人好易接受。另外點了香炸花枝丸拼貢丸和台式香蒜腸，最經典的台灣美食，特別係花枝丸同貢丸，炸得不會太過油，但入口可口美味。台式香蒜腸同平時在台灣吃到的美味一樣，有癮可以一吃。的確如果愛燈籠滷味嘅你喺香港可以食到一定係一個天大喜訊，而且喺登龍街呢個拉麵戰場，有間與別不同的店俾你選擇都係一件好事。特別係而家你去唔到台灣，係呢件重要隔離14日嘅日子又去唔到台北，咁就不如留港消費支持下啦。 See more

0
0

canton pot Hot pot

Canton Pop: 轉身，最緊要夠快疫情繼續肆虐，不少餐廳都叫苦連天，之前打邊爐家族苦了大部份以火鍋為主打的餐廳。正當大部份餐廳都以外賣火鍋為救援的時候，一些本身有廚可以煮到野嘅餐廳，就轉型提供非火鍋食品。去旅行前，和久未見面聚舊的C小姐在這裡第一次唔係打邊爐，食呢個健怡自選套餐。喺呢個時候推出呢個健怡自選套餐，更加有意思，而家人人追求健康，店方全用嘅手法係全部蒸、炆等家庭手法去煮，油鹽水浸，上湯煮等，好似返咗屋企食一樣清淡，但當然食材就吸引好多。呢個餐可以分一人餐兩人餐或者四人餐，頭先每位奉送呢度名作阿根廷紅蝦一隻，再加花茶暖胃。然後有一個湯有海鮮有肉有菜有飯有甜品，一位都是三百鬆少少，酒店餐廳嘅晚市，食晒咁多野，呢個價錢真係不錯。先來一碗花膠燉響螺湯，甜得透心，花膠非常慷慨又大件，加上響螺，更加係抗衰老保養美顏的首選。海鮮有鮑魚、聖子和蒸扇貝選擇，我們選了鮑魚，陳皮蒸鮮鮑魚，呢樣野，好難出錯，朋友P先生，吃完太好吃，雖減肥都點多一隻。肉類我地試左蘿蔔炆美國牛肋骨，另外試咗荷葉杞子木耳蒸雞，牛肋骨大件到一個點，蘿蔔炆到好腍好柔軟，而且個湯都甜，荷葉杞子木耳蒸雞相對簡單，木耳蒸雞入味得很。朋友說這個沖繩豬手好好食，單點了一個，個豬手好大隻，骨膠原豐富，豬皮可說令人十分滿足，仲有個靈魂係個汁。攞個汁送飯，非常滿足。最後點了兩個菜，有油鹽水浸皇帝菜和上湯蒜子浸娃娃菜，相對正常的住家感覺，但老實，你期望什麼要求，唔通啲菜會好味到飛起咩？在這裏食甜品，每次都會因為打邊爐，搞到冇乜胃口，而今次卻可以細心欣賞，選了個木槺布甸，甜度適中，味道一流，另外朋友的cream brûlée 也非常出色，下次都係唔好食咁飽，留番啲位食多啲甜品。最緊要大家食完都健健康康，平安過渡，也期望呢個健怡自選套餐可以幫助餐廳有多啲客人渡過這個困難時刻。尾聲飲杯紫貝天葵，祝大家百毒不侵。餐廳轉身咁快，一定得，下次希望可以來打番邊爐。 See more

3
2

Tsui Hang Village (Central) Dim Sum

翠亨邨：龍蝦會很久沒有平日放天假，因為網上的傳聞而可以三點就放假，確實非常有趣。本身今晚約了到翠亨邨食飯，放了工以後去邊？又未到時間食飯，於是番了屋企，小睡片刻。雖不是什麼勇武之人，但作為香港人，近來都非常疲累，由於未去過翠亨邨，番屋企好好休息，才可以和朋友今晚談天說地欣賞菜色。翠亨邨就在新世界大廈，非常容易搵，就在從前碗屋附近。晚飯不太多人，有點靜，看著也有點傷心，似乎香港的傷害，尚在蔓延中。朋友C小姐翠亨邨有新菜式以龍蝦為主角，她已經想好吃什麼，完全不用我們擔心。前菜要了蜜汁叉燒，是必點的菜式，有很多間中菜都是以叉燒為自己的首本名菜，三層的叉燒有瘦有肥，燒得脆好的外皮和適當的蜜汁，送飯是一流。 C小姐細心地為我地準備了兩款點心，一個係金箔魚子龍蝦蒸餃，另一個係翡翠龍蝦燒賣，兩個都係精美樣，逼近米芝蓮的星級點心水準，金箔魚子加上薄皮和大粒的龍蝦肉好match，龍蝦燒賣換上綠色衣裳，更漂亮。然後送上的君度橙汁酥炸龍蝦鉗，雖然我不喜歡炸野，但君度橙汁的開胃度，高到一個點，龍蝦鉗的肉好爽，炸得不是太熱氣，依舊維持那個鮮度，只不過，如果你像我一樣吃得論盡會有點麻煩，約女仔食就千祈唔好食呢個啦。黃金有米龍蝦，貴氣的樣子，味道也是同樣貴氣，龍蝦肉雖然無剛才的龍蝦鉗咁有氣勢，但配上炸米，加上生果，勁有夏日氣息，特別如果呢排因為社會關係冇乜胃口，呢個應該都可以為你推薦。反而全晚龍蝦菜式當中，最愛這個香茅金不換炒龍蝦年糕煲，那個香氣味道，首屈一指，fusion嘅煮法，配上濃度高的香茅和來自韓國的年糕，炒上連殻的龍蝦，非常惹味，而且鑊氣非常夠。除左龍蝦菜式以外，今晚我哋亦都食左翠亨邨的名作，醬燒牛肋骨。呢個絕對是我在尖沙咀夜上海之後吃過最美味的牛肋骨，牛肉腍到一個點，肉香又夠強，而且非常大份，一班人share最好，配上配菜和醬汁，又可以送飯，首本名作的地位不用懷疑。尾聲來個刁草龍蝦伴黑松露醬稻庭烏冬，聽名字你以為會好飽，但係你錯了，黑松露醬的香反而令你更開胃，稻庭烏冬的煙韌和龍蝦肉出奇地夾，只可惜，我們怕吃不到太多，只是一人吃了半份，要分的關係，趕不及係最熱辣辣嘅情況食。因此味道失色左少少。點了兩個甜品，蜂蜜蛋散和蓮蓉西米焗布甸也是非常受歡迎的項目，特別是蓮蓉西米焗布甸，面層卻得剛好，蓮蓉瘋湧出來的程度和西米的韌度，叫愛甜品的你一定愛上。蜂蜜蛋散就不過不失，但有朋友愛吃都吃不停。情迷龍蝦的我吃完後是十分滿意，若是這種人請你馬上舉手轉身，來到翠亨邨吃過龍蝦會餐吧。 See more

3
0

Centre Street Kitchen, Island Pacific Hotel HK Asian

中西廚:另眼相看還記得某年聖誕和弟弟來吃自助餐，有個小意外出現，對自己說，我要忘記不快的回憶，還是以後不來這間餐廳吧。然後，有天J先生對我說不如來這裡吃餐飯，主題係我最喜歡的台灣加星馬菜。吃自助餐，最緊要價錢可以接受，而且食品質素絕對不求其，這才是我們這些有年紀的人追求的。因為，新陳代謝慢吃不到那麼多，劣食是不可以接受的，以有涯除無涯，結局只有一個。這間位於西營盤的酒店自助餐都算出名，因為價錢相宜，今次的主題有優惠，星期一到星期四一位晚餐連埋折扣優惠只係三百幾。未食嘅情況下真係覺得好抵，不過都要試咗質素算定案。來到先看看必選的部分吧，以這價錢，海鮮無得輸，龍蝦，蝦，翡翠螺，蟹腳等等，以一個絕對唔貴的自助餐價錢，呢間海鮮多而新鮮，絕對是收貨。沙律凍肉的前菜部分是BAU，沒有什麼驚天動地愛戀過，只有生活淡淡似是流水。台灣代表點少得蚵仔煎，大大隻的蚵仔，煎得又脆又美味，要叫自己不要吃太多，因為好容易飽。台北胡椒蝦夠香，當然沒有長安胡椒蝦咁強烈，不過香港質素來說，算不錯。三杯雞用上九層塔和走地雞，絕對不是求其的水準，特別喜歡其酒香。紅燒牛肉麵絕對是驚喜中的驚喜，湯頭油香濃，我不會太誇張，有點相近林東芳的氣息。魯肉飯任你添，你想來肉多又得，汁多又得，飯多有得。燻肉酸菜割包咁地道嘅夜市野都有，你說驚喜幾大。台灣腸仔有幾款，你喜歡大腸包小腸又得，點玩都得，幾隻味任你選擇。鹽酥雞同韭菜餃各有千秋，看你是那個派別。星馬代表有椰漿飯，你可以自己自由加需要的椰漿，各人好味，飯底煙韌美味，同上次係馬來西亞吃過的無乜分別。叻沙又點少得，椰香辣味都夠，當然不是好吃得要命那種，但過下口癮已經很開心。參巴蝦醬蘿蔔糕惹味又夠辣，蘿蔔糕吸盡所有參巴蝦醬的精華，味度強而有力過XO醬好多。馬來西亞炒粿條用上了地道的方式來炒，加上臘腸，好得。肉骨茶係馬來西亞品種，藥材味較重，如果係星加坡的胡椒味重，會較喜歡一點。海南雞飯，雞就麻麻但係嗰油飯勁不得了。中式的菜也有不少，不過中式來說，燉湯最強，飲兩碗不是問題。甜品方面，班蘭味嘅雞蛋仔做得十分好，而且負責人係熟手技工，整嘅過程賞心悅目。仲有即叫即整嘅棉花糖，小朋友實鐘意。台式甜品嘅也不少，只不過吃了太多台灣新加坡粉麵飯，再也吃不了台式甜品。當你求其出街食一餐普通飯都要$300落樓嘅時候，其實呢個自助餐絕對係物超所值，尤其是像我一樣愛台灣同馬來西亞的食物時，你會像我一樣，唔敢坐到尾因為坐到尾一定會食得太飽。 See more

3
0

HAKU International

HAKU：一場飲食的實驗聽過Haku這餐廳的大名已經一段時間，當中有好有差。 fine dining 就一定是好嗎?我也不同意，不會一味讚好才是food blogger 的正常，我吃過兩間所謂米芝蓮一星的fine dining ，同樣我覺得也是多此一舉。我有個朋友J先生，他說他不太喜歡Haku。有位朋友羅太太，她甚至說討厭，她說覺得整色整水，日本廚的西餐Fine dining味覺，全錯。當然我也有一位食友Y小姐講到呢間鋪前世今生幾咁好食，差點以為係佢屋企開一樣，本身我也很相信她的筆，但認識得久一點，也明白那支筆會因利益而變得墨水充沛活力起來。咁爭議性大嘅餐廳同兩個相反意見都引起我不少興趣，和另一位客人講想搵間fine dining的餐廳來個customer lunch ，就這裡吧。 Lunch tasting menu 有兩個，既然來得就當然要吃夠個好少少嘅餐，試多點才感受到餐廳的風格。$850一位，可以wine pairing ，對客人，始終唔所以要有酒精，要萬分清醒，因此我沒有飲酒。 HAKU Curated By Hideaki Matsuo，主理人就是在大阪米芝蓮的三星懷石料理柏屋的名廚松尾英明，講開香港的柏屋，有人覺得係質素保證，也有人覺得只是一間好普通嘅懷石料理。係香港松尾不搞懷石，配上新派的廚司Agustin，卻搞點新意思試fusion菜，Crossover，可以很好，也可以很差，絕對是一場實驗。先來一個somen/caviar ，係素麵，加上紫蘇葉的香和法國嘅cavier，擺位賣相係幾靚，但味道不是特別出眾，素麵滿煙韌，魚子醬冇想像中濃，就如當時Angelababy和曉明也是朗才女貌，天生一對，夾就係夾，係唔夾就係唔夾，好吃嗎？還可以吧。然後是oyster/asparagus ,以Yoga和sake，加上蠔本身的上海水，添上紫蘇，用上的是福岡蠔和以asparagus 來造的醬汁，那福岡蠔是很肥美的，也令這個菜式非常搶鏡，蠔香和個汁的鮮香也算令人深刻。 Dashi /Shiitake，係傳統日本鰹魚高湯為主，下面有醬油大根，伊比利亞豬，炸過的shitake好juicy，幾樣夾在一起食，口感都算幾複雜，cher 叫我地要飲哂高湯，但呢個實驗結果應該未必人人鍾意，我係幾喜歡個湯同shiitake，但整體不太特別，我找不到他們的化學作用可以令我覺得賞心悅目的地方。 Lobster/Olives是我最喜歡的，用上日本龍蝦煮兩分鐘，以栗米和脆米加入煲左龍蝦湯個底，添上olive同鹹昆布，半熟像刺身的龍蝦係好正，個湯可能用上過多材料，鹹左少少，但我還是覺得不錯，特別在處理那個剛好是刺身和熟肉之間的龍蝦口感。 waygu/black garlic就以巴西脆片和主角係A4和牛炭烤過，用上洋蔥來煎，如果以我的角度來說，和牛煎得過熟了一點，如果呈粉紅的溫度，應該會令我的愛多一些，那個巴西脆片反而搶鏡，夾上和牛食，幾funny。 rice/abalaone，湯泡飯用上北海道米，加上鮑魚，就係咁簡單，可能你覺得呢個係最普通的其中一道菜色，但這個就是主廚Agustic 以其家鄉的傳統方式和佢嫲嫲的reciept來煮出這道菜，老實說，吃到的是家庭的味道，是親人的血濃於水和小時候的回憶，的確在這道菜吃到的是滿滿的感情分，再不是一場實驗，又令我對這餐飯添加了不少分數。甜品的Cherry/sake是以日式清酒雪糕加上西班牙酸度高的車厘子，那清新叫人欣喜，也完滿了是日的午餐。最後送上和菓子，鳥結糖和抹茶白朱古力，整體也不錯的味覺令我對面的女客人也十分喜歡，以佢嘅形容，她是喜歡的，當然客人很少吃西餐，因此其標準是相對冇咁準確。至於我，我從來也不是什麼勁人名舌，以一個普通人的角度，不過不失，喺海港城，有個咁靚嘅環境，食一餐不錯的Menu，這個價，我不會投訴，只不過那次講開Haku，朋友說對比Amber的richard，這是另一回事。你會唔會以張學友和鄭伊健比較呀？不會吧，都不是同一件事，都是一場實驗罷。 See more

2
0

Ah Yung Kitchen Chinese

阿翁小館：輕淡淺吃不夜天和P先生之前不久才吃過阿翁親自處理的鮑魚和花膠，實在念念不忘。一路都說想有機會想再去吃，點知，皇天不負有心人，好友C小姐約我同P先生食飯，地點竟然是阿翁的另一間新餐廳，阿翁小館。這間餐廳之前位於天后如心銅鑼灣海景酒店裡面，前排有好多好多的新聞宣傳過，也不多介紹了。不過，今次嘅地方更加舒適，喺酒店嘅大堂行落去就係，酒店又位於地鐵站對面，地點應該係最方便嘅。三個人吃晚飯，約七點半，七點半大家都到齊，立即開動。少人食飯，有少人嘅好處，亦都有少人嘅唔好處，好處係成晚話題集中，暢所欲言，冇小圈子自己傾自己。但叫餸食飯就有難度，吃不多太多東西是真的。不過，C小姐發辦，我當然不用擔心，先吃一個阿翁四寶，吃盡阿翁的名菜，35頭皇冠吉鮑，花膠，北海道關東遼參，鮑汁鵝掌，基本上完全係一個高檔拼盤，特別好似我哋咁少人又想試多幾樣最啱。 35頭皇冠吉鮑的腍身，吸盡芡汁的味道，是這四寶的靈魂，當然花膠骨膠原的美味，還有爽口有彈性的遼參，加上那個入口像化骨棉掌的鵝掌，又點會唔滿足。本身想叫個白飯送咁高級嘅珍饈百味，不過，C小姐點了遠近馳名的阿翁炒飯，那麼便放過那芡汁吧。方魚炒芥蘭，簡單到不行，但方魚的香喺每條芥蘭都發揮到一定功效，那厲害程度猶如抱完貓身上黏上貓毛一樣。 P先生太愛澱粉質的關係，佢喜歡揀可以送飯嘅餸，於是選了陳皮蒸牛肉餅，呢度嘅蒸肉餅絕對非常精美，平時你喺街吃到的肉餅可能會比較粗獷，這裏的卻是細緻，最重要嗰陳皮味好強烈。夏天一定要食冬瓜的菜色，三個人吃不了冬瓜盅，因此P先生細心的選擇了以冬瓜襯托的菜色，香蔥花蟹炆冬瓜對我來講，睇落冇乜驚喜，但入口卻有大發現，那些冬瓜好入味，完全做到解渴的效果，而且和花蟹的鮮味互相糾纏，加上那些香蔥，完美解暑方程式。 C小姐話必食香煎家鄉藕餅，厚重的藕餅又大件又足料，裡面全是大量的蓮藕，爽口又帶肉香。尾聲是阿翁炒飯，這大概是每枱理性的指定動作，一定要吃這裡的炒飯。炒飯乾身，而且才料足，把每一粒飯都炒得美輪美奐，叫你不會失望，我們吃到碟底也朝天。甜品一定不錯過，這裡的木瓜檸檬，唔食點叫來過阿翁。加多碗糖水，腰果露從來都是最佳的養生糖水，又滑又濃又香又甜，無投訴。一路食一路傾，移民，財經，時事，電影，名人乜都講一餐，可以談一整夜。今晚係爭一杯酒，可惜今晚兩位都不是好酒的人，如果唔係我諗一定傾得更耐更開心。輕淡，簡單淺淺品嘗美食，就這樣一個簡單夜。期待下次，幾時再聚？ See more

4
1

Sakurada Japanese Restaurant Japanese

櫻田:沖繩前哨戰每年的生日都會選個地方去旅行，通常都會放一日生日假，夾周末最少多過三日，於是通常都會選擇日本，無論時間天氣都比較合適。本身今年選址大阪，可惜今年機票太貴勁崩潰，結果沒有選擇，反而選擇了想去多年嘅沖繩，塞翁失馬，焉知非福。雖然好多人都話沖繩食嘢麻麻，不過既然末去過，新鮮感自然大，剩係玩都夠，不用太談吃。之前來過幾次帝都酒店，自助餐中餐都食過，唯獨是日本菜仲未食到，難得朋友約喺度食飯，當然不錯過機會。係還未做好功課睇食乜嘢沖繩食物，呢度嘅新主題竟然係關於沖繩，我諗都唔需要諗，當然應約，一來有得食，二來可以做功課，看來和這個地方都有點緣份。先來支sake，今天選的老少咸宜，不辛口，有sake專家在，選的當然放心。水雲玉子卷，吃下去好自然感受到沖繩本土菜特色，濃烈強大的個人風格，和平常的日本精緻不同，玉子不是滑滑那種，但配合了水雲的鹹香，更加充滿風味。鐵板燒沖繩水雲海鮮大阪燒用上蒜，雜菜，海鮮和水雲，這個大約是fusion吧，我吃到的是和大阪燒的味覺，但添上了是沖繩的風采。特上刺身盛合有多種不同的當天最好食材，像極當地仲買人角色，立刻會想起目利之銀次。當日吃到的海膽，呑拿魚，帶子，甜蝦，鯛魚，價錢佳，質素好，由淺入深，由濃到更極致，吃到的是像在沖繩第一牧志公設市場的鮮味。然後是鐵板燒時間，鐵板燒宮崎尾崎A5和牛薄燒，鐵板燒得選的不是石垣牛，有同樣精采的尾崎牛，鐵板燒講的是師傅功架，尾崎牛味夠，不會燒得太老，每口也是強而有力的香氣，比自己在琉球之牛吃到的有過之而無不及當然在琉球之牛係自己燒，又點會好過師傅燒。另一個搶眼的主角是這個鐵板燒阿古豚肉薄燒，曾經有朋友講過這是他一生吃過最好的一隻豬，絕不誇大，因為其質感像牛般，個性好強，味道濃烈，當天如果說這菜決點是這個阿古豬帶點鹹，不過已入門感受來說，一定不同，和我在當地恩納菜附近吃個一間蒸阿古豬分別大得多。不過，最正主角係燒活龍蝦，我冇諗過可以除了吃到美味外，還可以欣賞到一場show，看著師傅燒龍蝦時由拆殻，煎龍蝦肉，再到擺盤，都是一件賞心樂事。龍蝦肉用牛油煎得勁香，肉質鮮嫩，每啖都彈牙，基本上你想會食足整整一隻。龍蝦上的蝦膏醬，點薄煎麵包，好味到震。朋友C小姐說，這裡的定食剛有個優惠做緊，本身八百幾減左差唔多一半到五百幾，意猶未盡的我們當然要照叫，車尺海老、磯煮鮑魚定食有海葡萄野菜沙律、磯煮鮑魚、車尺車海老鹽燒、海鮮茶壺湯、美國牛肉照燒、梅子飯糰、日本果物，聽陣容都飽，全部都像沖繩的風，大件又抵食，當中海葡萄的鹹香，車尺海老如龍蝦般的啖啖肉，加上青檸後海鮮茶壺湯的強勁鮮味都叫人難忘。另外朋友不吃牛，他的尺車海老、壽司卷物定食不同係冇左牛但多了軟殼蟹吞拿魚腩卷和清湯烏冬，同樣好吃，不過就簡單清新點，特別是吞拿魚腩卷，濃郁強烈的吞拿魚鮮味，鮮味係件卷物中爆發出來。餐廳說不上是城中最高質的鐵板燒或日本和食地方，但以一個不算太昂貴的價錢單可以在酒店吃都有咁上下質素的認識和鐵板燒，絕對是驚喜，你知道有時喺尖沙咀比貴價錢都未必食到好嘅日本野，我覺得就算繞道來沙田吃也不為過。這個前哨戰，了解沖繩美食，不錯。遲少少再寫幾篇文介紹下當地美食。 See more

3
0

ICHU International

Ichu: 秘魯的魔法世界秘魯菜，可以說係香港非常少有的菜系。之前有朋友吃過另一間餐廳的秘魯菜，大家都說非常新鮮而且好食，近似墨西哥的風情，又有熱帶的氣息。相信以秘魯菜為主打的餐廳全香港不多過五間，大部份都位於中環區，這間Ichu我認識的原因是五月時和梁同學吃完飯後去快飲一杯，飲完就愛上了這間餐廳。上次看到這餐廳的menu，再看過有人寫這裡以一位靚仔的韓國籍廚作主，我相信女士一定覺得吸引。剛巧新朋友C小姐約食飯，選址係to eat list的Ichu，雙重的原因，我想冇乜理由唔去，上次有人約食飯已經冇咗一次機會，今次一定要瞓身把握。七點多來到，可以話係高朋滿座，滿到不行，不訂位，一定冇得坐。一個亞熱帶的森林氣氛，好chill好蘇豪的感覺，唯獨感覺有點嘈，但傾吓計還是可以接受的。記得上次晚上主力飲cocktail，今晚一於以往，叫左杯幾得意嘅飲品。 Ichu Pisco sour是我的選擇，以Pisco Infused Saffron, Eucalyptus, Corn Syrup, Lime來造的清新感覺，lime的底很強，酸度清新，和上次飲過的Canuflaje一樣不謀而合。朋友叫的另外兩杯，一杯singal Rojo同以香檳為主，colirbi以Golden rum為首，每杯都有各自的粉絲，不過，全部cocktail有同樣共通點，也是非常呃like，剩影都夠。前菜caviche collection 有三種新鮮的魚用秘魯式的方法調教一種前菜，clasico有以Snapper, Choclo, Red Onion, Sweet Potato，鱸魚和秘魯粟米，番薯等配上，較為重鹹香味。 pez limon以油甘魚、柚子油醋汁、粟米來夾雜，酸味重但非常醒胃。 salmon以醃製的三文魚加上秘魯紅辣椒和檸檬，酸度和辣度都夠。第二個前菜，Concha al Coco更加走得前，以扇貝、椰子奶、青檸、芫荽幾樣完全聽落不會夾的東西來放在一起，愛青檸和芫荽的我當然喜歡，特別係夏天，那扇貝令人愛不釋手。我們人不多，吃完就上主菜，個主菜係Bistec de wagyu，上菜已經夠吸引，牛腹肉扒在石上熱辣辣的感覺非常香，面頭加上秘魯青辣椒、阿根廷青醬和煙肉，那種感覺垂涎欲滴，吃上去，又煮得剛剛好，那青醬和青辣椒非常搶鏡，將牛肉味都提煉到另一個層次。如果Bistec de wagyu令你有驚喜，接下來的菜更加令人驚嘆這裏的技巧。 Arroz Con Pato 是fine dining 的路線，不過大份像中餐的數量，烤鴨下面有大盤的秘魯鍋飯，加上蕃茄莎莎醬，先講烤鴨，非常淋身，皮也是半脆，而且鴨味濃厚，配上秘魯鍋飯濕潤得很，蕃茄莎莎醬影響下較開胃，同鴨互相影響，越食越多。你可能會覺得食嘅種類非常普通，只是吃一些中菜常見的烤鴨，但魅力和魔法就是廚師將其簡單的菜變成秘魯的氣息。吃點蔬菜吧，Cales de Bruselas有抱子甘藍、舞茸蘑菇、柚子，一些較少看見的蔬菜，煮法就算簡單也新鮮。人人都叫甜品，當然也不能錯過，同樣是platter，和前菜一樣，煙霧彌漫，你係唔係都會影相。 aji cigar最搶鏡，以煙燻朱古力慕斯、辣椒朱古力啫哩、朱古力脆來造，味道濃烈而且非常強，重重的男人味甜品。 Lost in lima以多種甜的東西入手，焦糖、炸香蕉、焦糖榛果、零陵香豆、百香果，愛這些味的不要錯過。 tres leches就是更可人一點，較傳統的甜品款式大雜燴，以椰子朗姆酒雪葩、黑糖海綿蛋糕、青檸忌廉，入口fresh得來又不太甜，同支雪茄一樣出色。吃完飯行，出去餐廳更加有洞天，原來這裏除了有酒吧外還可以食水煙，而且地方更舒適，更像一個森林，喺中環可以有個咁嘅地方其實都幾難得，我想，短期內很快我們會再聚。 See more

2
0

Soi Lou Weng Hot Pot Restaurant（Jordan） Hot pot

水佬榮:再一次坐航母很久之前已經試過去水佬榮，試過一大班人吃火鍋，料又靚，價錢尚算正常，而且地點方便，絕對係一個不錯的朋友聚會最佳選擇。當然大家都知道香港實在太多打邊爐的地方，而且很多地方也非常高質。要吸引到我來幾次當然其質素有返咁上下，不過我覺得重要唔剩止係嘢食好食，仲好有趣。航母海鮮盛宴，一年多前已食過一次，那次印象也非常深刻，咁啱吃壽司時C先生問我有冇興趣來這裡吃個晚飯，當然答應，特別係一年四季也是打邊爐的時節，無需要考慮。今次最正係安排左五樓一個私人房間，空間感更多更舒適，六個人食飯，又有得睇電視，最啱一班朋友或者一家人來吃。我們五個人吃這個航母海鮮盛宴，湯底選了經典的水佬榮辣汁湯底，由於今晚有女士不好辣，因此就選了小辣就算。先來一杯檸檬薏米，下火同去濕，打邊邊最好。混醬當然少不了。另外可以在呢個餐裡面選不同的打邊爐材料，我們都是嘴刁的人，當然要些少見同靚的材料，安格斯特級肥牛，新鮮牛仔粒，一口梅菜豬肉丸，手打蟲草花雞肉丸和相對普通但人見人愛的炸響鈴卷。講番個航母海鮮盛宴，相比起上次，今次外型更加揼本，完全係一隻航空母艦咁嘅造型，非常有趣。有一大批海鮮係呢一個航空母艦上邊，鋪滿大半張枱，非常壯觀。加上湯之後，蓋上那個頂，裡面的食物熟了的時候那煙通便會出煙。非常好玩，啱晒一班朋友玩下食下又一晚。海鮮有多種，鮑魚，青口，花蟹，大蜆，貴妃蚌，扇貝，墨魚仔和蝦，每樣的海鮮都非常新鮮，我個人特別鍾意鮑魚，大得來不會過韌，貴妃蚌和扇貝的鮮甜也令人印象深刻。牛肉也好靚，丸類也很特別，梅菜豬肉丸非常出眾，牛仔粒肉味也夠。不過要數最吸引人的應該是煲裏面的蔬菜，無論冬菇，生菜和西芹，都像吸血鬼，吸收了水佬榮湯底的日月精華，我全晚不停吃，最正係多到食極唔完咁。尾聲來個烏冬和出前一丁，各有愛好者，不過今晚我較鍾意公仔麵，和那微辣湯底完全match哂。食咗一晚，價錢也只是二百多，和外面靚少少料嘅邊爐質素有得fight，但價錢相對值租又咁有趣，你又怎能不試坐這航母呢。 See more

4
0

Mr & Mrs Fox Seafood

Mr and Mrs Fox: 狐狸夫婦的新裝世間上，凡事都講緣份。 Mr and Mrs Fox 這間餐廳，我應該去過好幾次，每次都和不同的朋友去過，記得當時候勁期待去的原因係因為有個好靚嘅Bar，那種英式的風格令我諗起<閃靈>那間bar，當然這裡一點也不haunted。每次來都有不同的感覺，可能同唔同嘅朋友吃有不同的化學作用，想起了從前在鰂魚涌工作的一位朋友，總係會有點若有所失，不過正如我說，可能就是連朋友的緣份也差點。當然同桌食飯也講緣份，有機會就要珍惜。今晚來正是和新朋友C小姐，她是我的師妹，又靚又叻。剛巧她說Mr and Mrs Fox 換了新風格，提議一齊來試下，有人約又唔使自己諗，何樂而不為。雖然食品的風格換了，但這間餐廳的所有裝潢完全冇變，還是保持係英倫風，還是很適合風花雪月，我經常想，如果這間餐廳開在蘇豪，應該火爆得多。這裡的cocktail 都幾有趣，最喜歡係朋友的這杯，附上炸豬皮，可愛嗎？麵包也是熱辣辣的溫度，配上牛油，也是不錯，雖然不是自家製，但也值得試試。先來三個前菜，Tuna Crudo, Fox “Chopped” Salad 同Home smoked salmon。煙三文魚係我最愛，那個煙燻過的香味在口內久久不散。呑拿也是很可愛，味道濃烈又夠鮮，另外的沙律，絕對不是你平常在西餐見到的那些菜的選擇，我告訴你一定會有大驚喜，來到必要試。的確前菜上菜那刻，你會知道那個風格已經完全不同，之前吃過的前菜都是比較小巧精緻，但剛剛吃到的前菜就好像是美式風格一樣，大件夾氣勢，你會想起在紐約車廂內見到的肥佬，或者特朗普在貿易戰裏的氣派。如果你曾經覺得這裏的嘢比較細碟，你過來一定會改觀，廚師就好似特朗普加關稅一樣，最少三成。 Steamed Mussels & Clams，碟上的蜆和青口又甜又鮮，都不是重點，下層有點米，口感特別，你不能不吃，那口感我想起日本新潟米。重有1.2kg的Tomahawk絕對是今晚的最佳主角，燒過後的斧頭扒，剩係上場已驚歎全場，氣勢如虹，絕對叫你驚豔，牛扒呈嫩紅，又有炭香又有肉香又有肉汁又軟又嫩，邊位更帶脆身，絕對是燒得非常精美。配一杯house red wine，完全係無懈可擊。食魚最能夠食到其大廚的水準，Whole lemon sole 的魚以強勁的檸檬來調味，魚肉香而且嫩滑，酸度適中，一點腥也沒有。就算不喜歡吃羊的我對這個Australian rack of lamb非常有好感,羊肉絕對抵讚，羊肉絕對是剛剛好的medium rare，羊肉帶點血紅而肉質鮮美，羶味也不算太重，食得過癮。吃得牛扒當然不能錯過side，由於我們今晚咁多人，所以叫幾多個也可以，選了Butter mashed potato /Charred broccoli /Creamed spinach /French fries /Mac & cheese ，基本上最常見的全吃了。我最喜歡的就是菠菜和薯條，特別係薯條完全食到停唔到口，點上那個牛油薯蓉，感覺更佳。吃完意猶未盡，當然要食甜品，Baked Alaska絕對係呢度嘅得意之作，很久之前已經吃過一次，當時候比較小巧的小山丘而家份量Double左，亮亮的火光令你心心眼，加上酒香，燒得有點焦香，但內裡是非常的甜美，說真，不愛甜品的我也抗拒不了。換了新裝的狐狸夫婦的新裝，絕對是華麗得令人難忘，大份得來又不會是求其的美式餐廳味道，加上如果桌上的朋友談得愉快，我又會想起快樂頌的歌詞，這應該是這一個美麗的夜晚。 See more

3
1

The Farmhouse International

The farmhouse: 飛越·法國自助餐北角的Hotel Vic開幕了應該差不多一年，之前吃過的自助餐和西餐都水準正常，不過印象不是特別大，剛剛又已經傳來酒店的新消息。相信應該也有不少人都知道這間酒店已經是Hyatt Group旗下的一間酒店吧。因此這裏的中菜，西餐，自助餐，都將會有一番新景象。當然貪新鮮的我當然會去拜訪一下，最受歡迎的一定是自助餐，試水溫這個當然是最適當的選擇吧，轉了會，點都會生龍活虎。剛剛過了法國五月，但全城依舊被法國的氣氛籠罩著，Farm house的主題也用法國做主角，加上了其殖民地越南做另一大主角，為你帶來多款越南和法國的特色經典。餐廳的裝修和佈置基本上沒有改動，還是一年前來的樣子，還是海鮮，甜品，熱葷每個部份細緻分明，先來每部分介紹。海鮮是必看的部分，加拿大龍蝦，翡翠螺，法國藍蝦，鱈場蟹等等當然不能錯過，特別是龍蝦，當晚吃到的絕對新鮮。生蠔迷一定會問有無得食，最重要這裏有蠔供應，以法國的紛迪加生蠔為主角，不過，每位客人可享用三隻，可能生蠔迷會有點失望，但其肥美和海水味重的香氣和甜味，你會明白為什麼只是有限度供應。是晚的選擇滿多，特別是三文魚和吞拿魚並不是泛泛之輩，其三文魚的肥美少見，甜蝦，八爪魚，呑拿魚和池魚都吃不停，太太從不吃呑拿魚，但吃了兩件的她也讚了幾句。壽司方面，特別在越晚的時間，壽司的選擇越正，開頭你看到的壽司陣容冇乜特別，但後期吃到的海膽壽司和帶子壽司，好得，就算食到幾飽都要食。沙律當然是必定有的選擇吧，任你攞任你撈，而且不要錯過，在那個近海鮮的大玻璃櫃有勁多芝士和凍肉的選擇。燒味也是必有的項目，呢度冇好出名嘅燒味師傅或者中菜做後盾，但水準也算可以。當然最重要係睇下呢一個theme有乜嘢特別嘢食，法國美食可以好闊，最出色的當然有紅酒煎鴨肝和法式焗田螺配黑松露薯蓉。法式燒羊架絕對精彩，加上香草芥末燒得外脆內軟，愛羊人是必吃首選，另外一個選擇應該係油封鴨腿，平日吃西餐一個main動輒修理五六百，但呢度水準和外面的西餐有過之而無不及，老實說咁花功夫嘅菜式竟然出現係自助餐，真係好有誠意。越南嘅菜式就更加出色，淨係呢個燒越南大蝦，食番十隻八隻已經值回票價。越式沙爹串燒，不用多說，那沙爹香一擊即中愛越南味道的你。還有即場造的越南生熟牛肉粉檔，那些札肉，牛腩，牛筋，牛丸，說不上超級好吃但絕對過癮。很多小食如越南甘蔗蝦，米紙蝦春卷和香炸豆腐豬肉沙律都非常迷人。即場炒意粉，還有必定提供的牛扒檔，都是受歡迎的項目。不過最重要星期六日同場會加映而家最潮流興嘅即劏嘅黃旗呑拿魚，又有表演睇，又有得食，訂周末一定著數好多。其他如法式朱古力梳乎厘和越式紅綠豆糕，當然少不了那個經典的雪糕機，今次的陣容以Haagen-Dazs為首，也是受甜品愛好者支持的對象。今次吃的感覺的確比上次進步得多，至少上次吃的主題相對沒有那麼令人深刻，特別是延續法國五月的氣氛和攻勢，定必比之前更大受歡迎吧。如果你熱愛越南小吃，又愛高高貴的法國菜，不想來試試這個crossover，供應期到7月10日。 PS小朋友黎應該開心，仲有得角色扮演，等閒玩下。 See more

4
0

LEVELthirty Lounge & Bar Seafood

Level thirty :願海鮮和天遇上石門，一個不是人人會去的地方，如果你不是在東鐵線那邊住，老實，對於石門，一無所知，非常正常。偏偏這個不太多人認識的地方，越來越多公司在這裏紮根。記得小弟效忠的公司有幾個部門搬過來嘅時候，石門還是一個美食沙漠。現在，越來越多不同的餐廳進駐，梗有一間適合你。當然，就如我一些同事，愛好出入高尚的地方，又唔介意食品質高一點的選擇，通常都會介紹他們來到石門的這間酒店。無論中菜，自助餐也寫過，反而我自己的私心就很喜歡這裏頂樓的一間酒吧，level Thirty。之前幾次都和同事來講happy hour，感覺良好之餘，仲要有一次試過咁食生蠔，配上品質尚佳的sparkling wine，再踏上這裏無敵的的沙田景色，絕對值得推介。今晚和幾位朋友在附近想吃飯，好自然就選擇了這裡，剛巧星期二至四晚上六到十點推出美酒生蠔夜。雖然現在並沒有飲吃生蠔package，但海鮮依然唔貴。去到朋友已經叫了一盤蠔，三五知己分享最好。叫了一個海鮮拼盤，有即開生蠔，北海道帶子，法國黃金螺，花甲皇，加拿大海膽，和風鮑魚，鱈場蟹腳，喀嗲蝦，全部都新鮮又美味。另外叫了一些送酒小食，北京填鴨卷，是非常出色的選擇，皮薄餡靚是最簡單的形容。另外帕爾馬火腿火箭菜薄餅也是精選，薄得來非常脆，而且火腿火箭菜同樣非常慷慨。酥炸蟹餅是我最愛小食，非常豐富的蟹肉，愛蟹者必喜歡。和牛禮物盒啖啖牛肉香，吃完絕對不夠喉，加上菇菌和黑松露，不能錯過。黑松露烏冬，又係香到震，齒留香，大約是這意思。在場兩位女士要試甜品，當然奉陪，法式蘋果撻配雲尼拿雪糕和藍莓芝士蛋糕，不錯也值得吃。就這樣一個快樂晚上過去，望著夜景，天空和海鮮多開心。 #traveltobkk See more

2
0

MoMo Café (Shek Mun) International

Momo cafe：有實力，又駛乜怕風浪常說石門這個地方，如果冇乜朋友係呢頭住過，又或工作的公司位於石門，你實在冇乜可能認識這個地方。呢幾年石門知名度高左好多，的確越來越多人知，特別係荒蕪嘅地方多咗過百間餐廳，當中不乏一些知名食店。酒店方面，呢幾年雖然都係得Courtyard by Marriott 一間酒店進駐，但原來另一間酒店準備係年底開幕。頓時，這個地方即刻有番更多嘅生氣，入石門食野，隨時成為一個潮流。除了石門的一間泰國船河我很喜歡之外，另一間餐廳就必然是萬豪酒店的Momo cafe，百吃不厭。剛剛之前在頂樓吃過一頓海鮮餐，happy hour 飲番杯之外，如果碰巧在這裡番工，另一個選擇常去的我都必然會吃一下這裏的自助餐。無論個主題係乜，或者個晚不是好肚餓而食唔多野，我都會照食這裡的自助餐。因為以四百幾蚊的價錢，有一餐豐富而選擇多的自助餐，你絕對唔會投訴，而且仲會十分滿足。自助餐當然會有不同的沙律和前菜，最好的是辣雲耳和有千張，很少會見到咁有辣到咁有鄉土風味的序幕。這裏的燒味雖然沒有什麼米之蓮名廚的眷顧，但吃下去燒鴨香脆，叉燒和雞也不錯。從來海鮮都是這裡的代表作，我唔可以話全部都係好名貴嘅項目，但大部份大路受歡迎的龍蝦蟹腳也有，而且選擇很多。其他海鮮青口，蜆，翡翠螺和甜蝦各樣都應有盡有。熟食選擇也不少，每次來我也很喜歡吃蒸魚，來得快去得快，常常我也可以見到一條完整的蒸魚任你食，淨係呢一點你就知道呢個自助餐幾有誠意。南乳炸雞，味道非常濃郁，應該是你在外間餐廳少見的東西。熟食還有很多，但經常吃的我寧願留肚吃點自己喜歡的。魚生刺身也是必點項目，只不過今晚狀態麻麻，所以沒有吃。兩個即叫即整的檔口也是每次我來的選擇，一個是炒意粉一個是粉麵檔，炒意粉的選擇雖然不多，但味道很好，Q小姐和我吃兩次都知我愛這裡的湯粉，最開心係有喇沙和酸辣湯的選擇，而且粉麵種類多元化，特別是新鮮的柚子麵。燩湯也是不能錯過，飲兩三碗是常識吧。另外有個燒烤檔有燒龍蝦鉗，多春魚，牛肉，腸仔和不同的青椒紅椒黃椒等等，受歡迎程度很高。甜品方面不同的葡國蛋撻，丹麥酥，中式酥餅，格仔餅，麵包布甸，芝士餅，選擇多元化，還有不同的蛋糕，美麗又搶鏡，多到你唔知想食邊樣。我自己心水就是簡單的吃豆腐花和雞蛋仔，每次來也不得不吃。朋友說，這裡價錢咁平咁多選擇，將來酒店新開後會不會有改變？我認為大家路線不同，有實力，又駛乜怕風浪或怕其他競爭對手，我只係知道，如果我返工或喺石門附近開飯，外間的餐廳吃飯也完全不便宜的情況下，但只要四百多就可以在酒店吃豐富的自助餐，那夫復何求？我不希望俾幾百蚊係中式酒樓食流水作業的中餐，這裡更顯值得來吧。 See more

2
0

Avanti Pizzeria, Wan Chai Italian

Avanti Pizzeria：慢活的西餐如果問你，喜歡餐廳有什麼裝修，有什麼特別prefence的著迷，你會有什麼選擇。我會告訴你,我十分喜歡有落地玻璃的餐廳。那種開洋的感覺，就如星期一你瞓醒，來過下午才吃的late breakfast，然後一到陽光徐徐的投入窗內，你感受到的是陽光的溫暖，和假期自由自在的氣息。所以本人其實很喜歡pizza express，幾間大的分店都是落地玻璃做裝修，那種感覺令人絕對是心曠神怡。薏廊就是一間因為落地玻璃我才會留意的餐廳，每次經過759，我都會有望望這間餐廳的環境，客人也算多，只不過不是常常有機會特地來到這裏吃晚飯。今晚在灣仔工作晚了一點，本來很想吃Pici的意粉，但人滿之患，我自已又十分肚餓的關係，那麼就求其選一間意大利菜，Avanti Pizzeria就突然在我的腦海裏面出現。大概就是這個樣子，我便來到。前菜當然要飲海鮮湯，龍蝦湯的底子配合了多種不同的海鮮，有鱈魚，有蝦，有帶子，有青口，老實說，已70多元的價錢來講這個湯實在是交足戲，味道還可以，我覺得鹹了一點，但每種海鮮的味道也很可人。另一前菜點了美式香脆蟹肉餅，完全係啖啖蟹肉，又不會炸得太熱氣，值得一叫。吃意大利菜點可以不飲湯，選了龍蝦海鮮湯，內容非常強勁，基本上結合了最多的海鮮，青口，蝦肉，魷魚，湯底鹹了一點，不過，也算不錯的。看過意廊的食評幾篇，大都讚頌佢嘅薄餅，於是乎必定叫海鮮薄餅，配上濃烈芝士，沒有用上厚身的厚邊，薄身更顯得美味，脆身的薄餅剛剛好。除了薄餅外，威士忌火焰岩鹽焗36安士美國斧頭扒係枱枱必點的，用烈火燒過後的，樣子更加令人覺得垂涎欲滴，威士忌和岩鹽的交雜下，色香味俱全，不過，點了medium rare的我們是有點失望的，因為熟了過頭，如果你像我愛較生的牛肉，就會有落差了。另外一個主菜係烤大蝦黑松露伴野菌意大利飯，黑松露香和野茵味極濃，意大利飯粒粒好有咬口，不過食完個薄餅食完牛扒，都食唔哂了。甜品是經典滋味窩夫，配合兩個雪糕，以味道來講，是最普通的，有點失望，特別係窩夫，呢個絕對質素最普通，真係唔需要特別叫。慢慢活的吃下談下，不錯的食物，不俗的價錢，可以去享受個開揚的晚上，灣仔的夜晚，總是很令人覺得寫意的。 #2019復活節 See more

4
0

Séan Cafe Sweets/Dessert

Sean cafe: 最喜歡虹吸壺人生常會有奇怪的事情發生，奇怪的人，奇怪的地方，奇怪的經驗，總會有。今晚就是一個例子。碰巧和朋友回家前想飲杯東西，在赫德道附近，你知道大把野飲，要乜嘢款都有，平貴又有，想食水煙又有，總之，不愁寂寞。偏偏朋友不想飲酒，想飲杯咖啡，我當堂打個突，碰巧在這條街有間cafe。我想就是命運把我拉到了這裡，一間平日冇可能會去到的cafe。入到去，我想它是人氣的IG cafe，兩個男人來會更加奇怪，因為全間餐廳都•係•女•人•。嚇親的我，係覺得有少少格格不入。餐牌其實食物像是幾吸引，可惜我真的不能再吃一餐晚飯了。於是，點個甜品吃吧。杞子紅棗桂圓茶，樣子真係好靚，飲落也算對辦，如果你是少女心派，這一定適合你。我叫了杯男性點外間少見的虹吸壺咖啡，咖啡豆有危地馬拉和埃塞俄比亞給你選擇，我選擇了後者。飲落味道不錯，厚身的咖啡杯添加了與別不同的口感。看別人介紹過甜品不錯，這個綠茶梳乎厘是可以接受的，只不過樣貌沒有外間的好，流心做得不錯，綠茶味勁濃。傳說中出色的玫瑰班戟，很多cream，很多cream ，很多cream，很重要所以講三次，如你是忌廉我愛好者，你應該很開心。至於好不好見人見致，我吃了一口，不太評論了。太特別的關係，我還是要記下這晚的經歷，是因為虹吸壺，還是因為這裡全部都是一班班的女人令我覺得與這裡格格不入? 我不得而知，笑臉我還是給虹吸壺的。 #2019復活節 See more

3
1

Ramen Cubism Japanese

Ramen Cubism: 立體派愛拉麵的朋友在香港生活一定十分開心，久不久就會有新的拉麵店開張。年頭已經聽過Ramen Cubism 這大名，也看到很多關於這店的排隊消息，只不過一路害怕排隊，寧願慢過潮流一點，好過浪費時間排隊，聽說這裡開張時曾經排過最少一小時以上。我想主要原因是日本大阪的著名拉麵大師林隆臣和松村貴大一的創意真太吸引吧。林隆臣的店在日本排隊是得閒，於大阪開設的旗艦店，長期有百幾二百人等，無論當地人還是遊客都非常支持。松村貴大一的日本營運八個品牌，例如人類拉麵，敗壞大叔的最後一擊，無名拉麵店和世界初忙的拉麵店等等，全都是排隊店。星期三的晚上七點多來到，幸好早到達，還有坐位，因為十五分鐘後，這裡已經完完全全滿座，外表那樓梯也有一條人龍出現。原來這裡依舊是勁好人氣，來吃的記得有心理準備。店家非常容易找，就在前排開的蔡瀾越南牛肉河轉角落樓梯就係，當你見度那些像檳城的塗鴉後，就是這裡了。店裡麵的選擇有幾種，不過當然要吃singature首選。特別推薦的是林隆臣先生所呈獻的特級白湯，白湯拉麵以三大片低溫煮過的慢煮日式叉燒，加上半隻流心蛋，仲要個碗幾大碗。可能你會想，雞白湯到底有冇傳說中香港最好吃的座銀咁正呢。飲一口湯，滿口都是濃濃的雞香，不會有一點鹹，入口又滑又厚身，令人神往。叉燒勁大塊，肥瘦縱橫交錯，叉燒燒得依然有肉汁又帶著點焦香。流心蛋雖然不是我喜歡的狀態，但不過不失。麵質彈性高，不算厚身但掛湯能力高，不過碗雖大，麵則不算多，隔離枱的男士很快吃完更要添麵。如果要對比，這碗個性強一點，而且外表打卡呃like更容易，切合番立體派源自藝術的風格。另一碗海體醬油湯則由松村貴大一主理，以九款不同的醬油湯底，再加上松村貴大一為香港店調較的風味，口味獨特，濃郁的醬油香叫掛湯更加強，味道有濃烈的醬油味，重身好多。而叉燒更加是慢煮的厚切叉燒，整件叉燒肉質軟淋淋，就算做不到入口即溶，更慢煮過後，煮汁和肉香纏綿得很，特別係近腩位就像東坡肉一樣，有過之而無不及。另外叫了兩個小食，名古屋風雞翼和松林餃子都是不錯的選擇，松林餃子雖小但十分飽滿，滿口吃到是脆皮和豐富的肉汁，名古屋風雞翼炸得剛好，令我想起名古屋最有名的雞翼店，但這裡做得好的原因，味道適中，不會太鹹。食左咁多野，飲番杯啤酒最爽，見這裡的啤酒選擇不錯，於是點了三得利啤酒和札幌啤酒，兩種都是厚身麥味重的款式，夠凍夠重，送拉麵和小食都一流。立體派令人感覺絕對深刻，無論餐廳外表的塗鴉，以木材為主的裝修令人感覺好輕鬆自然，而且感覺冇其他拉麵店咁細，開揚得多。今日吃了兩款不錯的拉麵，有時間絕對下次可以試埋另外三款選擇，我想那時候，那立體派的印象會更深刻吧。 #2019復活節 See more

5
1

Hassun Japanese Restaurant Japanese

八寸料理：在香港做日本料理是一樣非常艱難的工作前幾年，大坑是一個美食集中地，臥虎藏龍，無論大至小的食物選擇都有，熱鬧到一個點，你會奇怪為什麼一個小社區可以容納這麼多食店。幾年過後，大坑相對失色了一點，除了近來很出名的糧草意外，好像沒有什麼震撼大坑的餐廳。八寸料理在前幾年都有很多博客曾經讚頌過，不過係日本菜實在太多太氾濫的情況下，就算做得幾好，也很快會被人遺忘。或許這是香港做食肆的一個悲歌。特別這晚再來這間餐廳，吃了一頓不錯的晚飯，才覺得香港做食肆真的很難，一間做得幾好的廚師發辦，應該要寫番篇文，講下我的感覺。先來前菜是海葡萄，絕對是沖繩風味，店家提供豉油，我覺得不用點也夠味。刺身部分開始，全都是最時令的飛機貨，淡到濃的味覺，帶子，目張，黑鯥，深海池魚，牡丹蝦，瑩光魷魚和拖羅。帶子厚身，切功非常好。目張用上蔥香來襯，更加清甜。深海池魚如果是切得厚身一點應該會更加好口感。燒過的黑鯥最難忘是其魚皮。牡丹蝦新鮮又大隻，蝦頭的膏多得要命。瑩光魷魚一口咬下去是爆炸的墨汁，非常幸福的感覺。拖羅入口溶化，完全無痕，我想起了那句歌詞，像是經歷過最溫柔共震。然後是兩個驚喜的選擇，鯛魚白子和鮟鱇魚肝。沒有想過在這個時間還可以吃到白子，鯛魚的白子味道更加濃烈，肥大得很，如果可以兩食，另外一款燒過的感覺應該會更佳。鮟鱇魚肝加上蔥花，回甘的濃味和魚肝的香，配襯紅酒就應該會不錯。然後是壽司時間，不過只有一款，淡身的真鯖壽司以棒身形成包裝，味道秀麗外表貴氣，鯖魚也非常大件，吃落去口感唔錯。熱葷三個也非常impressive，絕對值得寫多一點，大根松葉蟹棒是全入門的好了，浸得透的蘿蔔配上厚身的蟹棒肉，味道匹配。外表精緻的鰻魚天婦羅，你沒有想像過做法新鮮，炸過的天婦羅包著一層年糕，那年糕煙韌細緻，成件事夾得很。汁煮雞肉非常嫩滑，美味得雞皮你也不會放過，生海苔的配對是大驚喜，那個海苔的感覺像是吃到海洋的大千世界。最尾的甜品是奶奶豬炸蛋，感覺滿特別，不過冇前段的出色。特別一讚的是這裡的服務非常好，細心而且介紹算詳細，唯一不好的是廁所沒有想像的好，大概是台北日本料理的廁所都是美得令人捨不得走吧，環境不是差，只不過要說不好的地方，這一點是毋庸置疑。可惜整晚店內都不太多客人，特別是明天假期，應該是很坐滿人才對吧。希望店方繼續努力，維持最好質素，可能是天雨關係才冇乜人吧，做得好總會有支持者的。 #2019復活節 See more

6
1

Queen's Kitchen Thai

皇后泰國廚房: 鬧市中嘅清泉尖沙咀基本上什麼菜式也百花齊放，但每次我找泰國菜都比較頭痛，因為選擇並沒有想像的多。今天晚上，由於全家人都在尖沙咀有自己的事要辦，那麼就索性在尖沙咀辦完事後找晚飯吃。天氣開始熱，泰國菜就是我們的首選。但問題來了，大部分尖沙咀的泰國菜也去過，也沒有特別大的驚喜，於是就看看有新店有新衝擊。這個皇后泰國廚房是在Openrice的新店中看到的，勁似私房菜的模式，而且位處的地方比較清靜，又係新店，我想應該沒有太多人，最適合一家人靜靜的吃飯。上到去，幸好一如預期。食物選擇非常多，和平常在泰國菜見到的大同小異。飲品對我來說幾驚喜，招牌泰式奶茶，青檸梳打和熱班蘭葉特飲，各有千秋，最重要係奶茶味道濃郁和在曼谷Night market飲到的感覺很像。先叫了泰式脆魚仔青芒果沙律，這個比你平時吃到的多了一份心機，特別那勁脆的脆魚仔。海鮮冬蔭公，基本上是一間泰國菜好與壞的寒暑指標，這裡的酸辣皆備，而且料又足，你睇到相中啲餸仲多過湯就知道，絕對是你必點的菜式。當然不放過吃菜的機會，金寶魚露炒青菜，清淡一點的選擇，魚露從來都是東南亞菜式的最好朋友，沒有馬拉盞菜的狂野，但有一種脫俗的清純，最重要唔止炒菜，其他配料也很多，淨係吃嗰幾隻大蝦也值回票價。馬沙文咖喱雞令我想起澳門的葡式雞感覺，咖哩風格走辣度高的路線，配上薄餅三件就最精彩，雞件也算滑，送飯也十分一流。不過相反，我們叫了完全係馬拉風格的薄餅，沒有飯送也感覺不錯。最後簡單叫了芒果糯米飯，雖然不是什麼驚天動地，但小甜品給了的是美好的小確幸。整天晚上客人也不算太多，感覺不是太擠迫，老闆娘有少少都非常愛吃之人，因此開了這間泰國店，可惜我們晚飯時間不是太長，如果唔係就可以交流一下。有心機煮野的人，總係一個清泉，就算在鬧市中也會俾人看見的。 #2019復活節 See more

4
0

Shanghai Wing Wah (Sze Chung) Restaurant Chinese

上海榮帶川：重建能帶來希望嗎？香港的舊區，往往具有非常特別的魅力，有舊香港的味道，有人情味，有舊事舊文化的氣息。這些地區，往往受一眾文青追隨，上環和深水埗就是一個好例子。可能對你來講，觀塘未必係一個這樣的地方，但當中係有不少可愛和為人津津樂道的地方。上海榮華川就是一個這樣的老店，可能你會認識慈雲山的詠梨園，但你未必會認識這間。相對來說，這裡是家庭形式經營，就是和你平時吃過的不同。記得我第一次來的時候，是看食評家KC介紹，我估如果沒有看過那本書，我倒不會認識這家店。記得上次來的時候，高朋滿座，上星期日不知是不是金像獎人人都在家看電視，還是落雨的關係，七點半，人不多，坐得幾舒適。坐下便飲杯豆漿，有點失望是這種包裝的，不過豆香味濃，如果是自家做的，我會開心得多。幾年前，我記得佢個小籠包非常好，當然要叫一籠，座上每個人都喜歡充滿肉汁的小籠包，而且內容非常充實。另外也點了前菜醉雞，香醇的酒香叫人迷倒，肉質新鮮又嫩滑。酸辣湯一定要叫，爸爸說酸和辣平衡得宜，不過我覺得辣味重一點，如果你像我太太不好豬紅，那應該是佳音，這裏的酸辣湯是沒有豬紅碎的。獅子頭是這裏的另一道名菜，以慢煮的方式來煮獅子頭的方式應該較少見，肉質勁淋，而且味道十分好，和平時千篇一律的獅子頭感覺完全不同。擔擔麵的味道不會太過搶鏡，屬於柔和一點的類型，花生醬味不夠強，可你是否花生醬粉絲了。上海粗炒則驚喜不斷，油份不強，而且蔬菜很多，炒得出火紅的鑊氣，質感很對辦。炒鱔鰗絕對是叫你難忘，韮黃和醬汁的合成，如虎添翼。吃完那麼多菜式，當然非常飽肚，也不能錯過這裡的甜品豆沙鍋餅，豆沙陣容強勁，煎得十分香脆。最後完結前整杯上海獨創的八寶茶，足料又有得添，一路坐，一路飲番杯消滯解膩，看看牆上日本人幫老闆娘畫的畫，和老闆娘談談觀塘區的變化，談談她的家庭和這店的前世今生。你會發現這裡很可愛。可惜重建令這個區域客人少了很多，別人說重建為這區帶來了生機，到底是嗎？或者就等歷史來定案吧。 #2019復活節 See more

3
0

JW Cafe International

JW 咖啡室：黃鰭吞拿魚之夜朋友M在WhatsApp中看到我又去JW cafe吃自助餐，然後就有個問題:”有冇咁好食呀，你又去，你有股份咩!” 當然，我沒有酒店的股份，但我的確覺得萬豪的自助餐每次有新主題都值得到訪，上次吃過那個以蟹蟹蟹為主題的已經難以忘記，今次轉了主題後，更加深刻。今晚的主角係呢條即劏原條捕獲的黃鰭吞拿魚，足足43公斤，自助餐未開始，已經見佢成條霸氣呈現。本月直至到4月22號晚，呢度每晚都會上演即劏黃鰭吞拿魚的戲碼，可能你會話點解呢排你成日都介紹吞拿魚，無辦法，直劏直食咁新鮮無理由唔介紹，如果你唔鍾意吞拿魚，又或者你今日睇到新聞覺得食呑拿魚刺身唔乾淨，那我也無其他辦法。首先以萬豪咖啡室的檔次，再加上這個主題，無得輸。還記得上次有同事睇完我篇文之後想訂，已經非常爆，我希望今次你睇完我篇文後去訂位，可以訂到心儀的日子同有位，祝你好運。（M先生，特別希望你訂到位吧。）全條吞拿魚用了10多分鐘便劏完，不同的部位赤身，腩位，背部，拖羅也有，靚位手快有手慢無，全晚都不停會有吞拿魚一路切一路供應，你食到幾多，便有幾多。的確有得睇有得玩有得食係賞心樂事，怪不得越來越多餐廳潮興即劏吞拿魚作表演。當然吞拿魚只是一部份的主角，睇番其他陣容，一樣精彩。海鮮的陣容依舊係全港數一數二，爽口的加拿大龍蝦，滑嫩龍蝦鉗，爆哂膏的加菲蟹，長而多肉的皇帝蟹腳，全隻上的花蟹，還有凍蝦和青口。刺身有甜蝦、油甘魚、三文魚丶帶子、八爪魚、墨魚、與榮螺，你好少見內容咁多元化的刺身。壽司方面有吞拿魚、三文魚、平目魚、平政魚、深海池魚、伊佐木、綱池魚、油甘魚、鱲魚及章紅魚，全部都是比較特別或是你在omakase才見到的款式，看完你知道這裏的檔次真的是比其他的自助餐高一小過格調。你唔好唔記得出邊仲有條好靚嘅黃鰭吞拿魚在等你。粗俗啲講，食刺身壽司都食懵你。燒味從來都是萬豪自助餐的必殺技，這裏的叉燒，乳鴿和北京片皮鴨，還有海南雞，都絕對是頂級之作，睇番之前餐廳10篇文，個個都讚你就知呢個檔口一如以往咁正。當然除了燒味受到讚頌之外，另一個回本咪就係呢度嘅熟食。未講本身最出名嘅熟食，一定要介紹呢個theme獨有嘅蒜蓉蒸蝦，用上了大大隻的虎蝦，以蒜蓉開邊蒸的手法放入蒸籠蒸，色香味一樣俱全，對我來講反而這個比吞拿魚更加難以抗拒，吞拿魚你最多吃十件八件，但呢度嘅蒜蓉蒸蝦美味到叫你起碼食十隻以上。仲有一大盤的花膠，鮑魚，海參，龍躉，每一樣菜都有本事叫你預留有一個空位給它，樣樣都咁名貴樣樣都咁好食你，絕對係應接不暇。麵檔是比較普通的項目，自家包雲吞，粒粒脹卜卜，雖然冇上次咁大隻咁好食，但都不是普通貨色，其他如豆卜魚蛋貢丸蟹籽包魚腐魚片等都不錯，麵的選擇有油麵烏冬米線銀針粉生麵等多種。熟食還有香煎魚柳，香煎雞胸，燒牛扒和燒羊架，還有次次都不會錯過的海鮮意粉，海鮮意粉的海鮮不是泛泛之輩，而是超美味超名貴的龍蝦鉗，這個我每次都會吃一個a la cart的份。湯有三種，冬瓜燉豬展湯，燉豬展湯和忌廉蘑菇湯，其實正常人可能都無位飲湯了。其他的前菜，沙律，不同的火腿如黑森林火腿沙樂美腸意式肉腸，三文魚煙三文魚，你有空才講才吃吧，因為還有強勁的甜品還在後面。甜品先必推這個芝士撻，每晚出三次，是不可錯過的必食甜品。其他如Mango and Coconut Mousse Cake和Red Velvet Trifle和Cheesecake和Hong Kong Opera和Poached Re Wine Pear Cream Brulee和Florentine和Brownies和Lemon Meringue Tart和Puff和Hazelnut Financier和Chocolate S'more Cake和Raspberry Cake等等，數之不盡，每樣食一啖你都會飽，你諗下個和字我寫咗幾多次知。還有豆腐花，龍眼糖水，水果又有多種，菠蘿，火龍果，西瓜，哈密瓜，我想寫到這裏，你都會覺得自己再食落去係會挑戰人體極限。總之，這裡的自助餐是從來沒有太多投訴的地方，我想要投訴的，就是自己的胃太小，容納不了太多吧。無謂講太多，快點訂位，來個黃鰭吞拿魚吧。 #2019復活節 See more

5
1

WHISK, The Mira International

Whisk: 味蕾在藝術三月後的延續大家都知道藝術三月，全城都藝術家上身，什麼Art central /art basel/電影節，通通傾巢而出，就算好冇藝術氣息的你，都會覺得突然間藝術好關自己事。雖然那邊廂三月藝術已經完結，但其實城中還有其他藝術的盛事還在舉行，同時美麗華的Whisk亦搞左一個pop up exhibition，”reflection by Szabotage，而香港主廚味力遊藝就喺3月29號至4月27號正式展開，配合番呢個主題。藝術展你去得多，但當睇藝術同味覺crossover到底會有乜嘢新體驗?來Whisk你就可以感受到了。非常有才華的主廚Oliver li，就打造了以舌尖遊走藝術世界的旅程，將藝術和光影美學，美食等融合製造了一頓非常有玩味的晚宴。這個六道菜的晚餐將會喺四月大部份時間都有供應，時間到4月27日，六道菜都可以說非常有驚喜，也和藝術息息相關。先介紹Szabotage，他貴為視覺藝術家和街頭藝術家，他的創作以香港市區和街頭景象啟發，是次的展覽也可感受到非常具有香港特色的展品，而吃的餐單當然也受其風格啟發，在這裏也不拋書包講太多關於藝術的東西，我諗大家都關注呢個Menu究竟食乜多少少。先來的這個第30罐1994年五月一日過期的罐頭已經是非常大的驚喜，如果你喜歡王家衛的電影，你一定無法忘懷金城武所吃的罐頭，這個菜式受電影<重慶森林>和安迪沃荷的啓發，以炭烤玉米，蜜糖，焦糖合桃，馬麥醬等造成的這個前菜，外表已經叫你嘩然，就如一件活生生的藝術品，當然請你要立刻吃這道菜，因為這道菜最啱一定係新鮮熱辣品嚐才會吃到那粟米的美。不要打太多卡啊，以免影響那新鮮和美味。第二道菜也是非常具有本土特色，熱鴛鴦，象徵永恆不渝的愛情象徵，這個又是味蕾上的一大驚喜。一杯熱鴛鴦配合了一塊薄餅，先吃那脆脆的薄餅，薄餅上強烈的磨菇香，配合那酸酸甜甜的醬汁，非常開胃，然後最重要的是那杯鴛鴦，當然這杯不是咖啡和奶茶的混合體，而是鵪鶉和乳鴿的清湯，到你吃到那味道的時候，才知道這個真是天造地設的完美伴侶兩種味道水乳交融令到個清湯特別好飲，鹹香肉香俱備，一點也不油膩，以茶餐廳的瓷杯奉上更是一絕。第三個菜式是簡單的包，可能你去過什麼little Bao覺得呢個菜式冇乜特別，但這個又香又軟熟的中式饅頭，包着的是矜貴的日本黃牛而且炸得非常香脆的深色紫菜，那個文化交流和藝術層次都有一個非常大的刺激，而且最重要佢真係好好食。食咗三個菜式你都會搵到呢餐大概共通點係，佢哋個樣真係好似藝術品，而味道都真係唔係好食咁簡單。去到呢個石斑魚先係主菜，這個概念源自這個藝術家Szabotage所創作出名的錦鯉塗鴉，將抽象的藝術透過呈現在菜式上，將簡單的石斑魚配合多元化的食材和將澎湃斑斕的色彩強烈呈現出來，你就如吃一幅潑墨創作，石斑魚煮得剛好，比藝術更來得出色。不過，又係靚到令人唔捨得食。之後的這個燒/滷味以地道的美食和藝術碰上，將三款不同的經典燒味放上一個充滿地道風味的飯碗上，以中式的醬汁去處理三種不同的豬雞鴨，每個人吃的位置也不同也因應當日主廚的心情走決定，玩法非常多端而且生動，唯一不好個人覺得係醬汁有點鹹。最後的甜品，以一個字來形容，甜。以雪糕，中藥和山楂餅來為主軸，甜品從來係我們治理心靈的最佳良藥，酸酸甜甜的山揸餅絕對可以勾起你的童年回憶，加上那中藥店見到的藥包，包著的是西班牙油炸鬼，還有那酸度剛好的甜點，你睇相片未必知道係乜，我強烈建議你過來試，這個甜品用來作結堪稱完美今晚成個菜單。而這個優惠價錢$890就吃到六道菜食，又可以欣賞不同的藝術作品，絕對超值，如果身邊的朋友特別喜歡街頭藝術和香港文化交流，又鐘意食，那麼就不要錯過這個期間限定的Menu。就算冇機會來食，不妨在這個依然瀰漫着藝術氣氛的四月過來Whisk，期間酒廊可以觀覽大部份的Szabotage作品，不過當然我都是絕對建議你最好以舌尖感受到藝術帶給你的震撼，這樣還是最實際。 #2019復活節 See more

7
1

Wing Nin Noodle, Causeway Bay Ramen

永年士多: 走到港島最前線我們這些半港島人，有一半時間都是在香港區，要吃新界的東西，可說是一種奢侈。就像女友從前說想吃華嫂，過了這麼多年，最後都是在觀塘才吃到，元朗，這麼近那麼遠，去台北應該比新界西都易，我在想，應該有一年沒有去過元朗了。永年士多，係女友其中一個想吃已久的checklist，其實尖沙咀都早有分店，不過，是我們沒有緣份吧，未去過就是未去過。元朗的本店當然去過，我都想試試是否一樣，會不會有質素上的分別。星期五晚，當我們知道銅鑼灣剛開了分店，還要開在方便到震的銅鑼灣廣場一期附近，碰巧沒有東西做，就不如去試試，了左個心願。當然，不負眾望，排隊是必然的。不過，排隊時間又不是太耐，還是可以接受的。本來好想食十寶麵，但和女友之後想再食多一間，於是輕食一下便算。永年除了出名辣之外，有幾個餸都做得好的，經典的菜式如蘿蔔，豬皮，豬紅，陳皮魚蛋，當然要試試。我點了粗麵加魚蛋，蘿蔔和冬菇，吃盡所有汲盡辣汁的食物，魚蛋細細粒但經常彈牙，雖然小巧都有陳皮香。蘿蔔鮮甜，入口一點渣也沒有。冬菇就較軟綿綿，點上辣汁後，好吃得多。粗麵加上辣，麵條沾上辣的面積多，於是味道更好，飲一口湯，更是滿足。女友叫了流心蛋，牛筋和豬紅，加上幼麵。流心蛋係同日本拉麵的效果一樣，看到都覺得非常吸引，味道也不錯。牛筋和豬紅各有千秋，個人喜歡牛筋，佢係偏硬身爽口的一種。豬紅就沒有台灣的鴨紅般好吃了，但以香港越來越少見的好味道豬紅，這裡是合格的。幼麵也不錯，和辣可能無咁夾，但質感不錯。同時叫了個菜，價錢和味道都相宜，對比其他銅鑼灣三大車仔麵，以佢個名氣，係佛心價錢吧。平平地，就飲多杯熱柚子蜜，每人都是五十多。走到港島最前線，以名氣，價錢，味道，均成正比，絕對值得推薦，而且沒有敗壞本店的名聲，是最難能可貴的。 See more

8
3

Bistro on the Mile International

Bistro on the mile :聖誕自助餐第三擊第三間推薦，又點少得我覺得幾時都咁優秀的bistro on the mile 。一年三百六十五日食都平嘅地方，聖誕當然係一樣超值。沒有特別華麗的包裝，用最平實的方法做聖誕主題，環球美食節日海鮮自助餐，一定最適合大眾。海鮮的數量依然很多，龍蝦任你攞，任你食。其他長腳蟹，大蝦，翡翠螺，龍蝦鉗，一如以往，質素高而且refill得很快。我成日覺得，呢度最好食之項目，一定係生蠔，又係唔食番一打半打對唔住自己。呢度嘅燩湯，又係依舊出色，今晚係花膠燉雞湯，每碗燉湯都有大大嚿花膠，飲到如痴如醉，成口都係膠質。熟食有兩個項目，有兩個也最喜歡就係西蘭花蝦仁同蒸蒜貝，每次我也要吃才安樂。還有應節的羊腩煲，同每次都食嘅咖哩。拉麵檔雖然不是什麼驚天地泣鬼神的選擇，但是吃一碗也令你很comfort 。扒房當然不能錯過，食肉獸最適合，而且熱度溫度也剛剛好，唔會係唔好食質素參差嘅牛。前菜又係款式多，不過新款的小龍蝦蟹肉咯嗲，最令人印象深刻。甜品有炒雪糕呢個新環節，不過要排下隊啦。其他應節甜品，全部都美淪美奐，勁有聖誕節氣氛和色彩。葡撻，朱古力和其他甜品選擇都幾精美。而且價錢最相宜，比起之前吃過的兩間，這間價錢是最超值的。朋友W吃完後，佢更加即刻訂了平安夜當晚的自助餐，和家人一起分享。如果你還未有著落，就快啲打電話同上網預訂啦。 #2018聖誕 See more

12
0

千房 Japanese

千房：終於你來到香港了去過大阪都知道，吃大阪燒是遊客必定做的事。當然再到道頓堀或心齋橋一帶吃大阪燒的地方有非常多，不過質素當然是良莠不齊。香港都開個一間以大阪燒為主的餐廳，然後結果就是排隊排隊同排隊。如果你喜愛大阪燒，你應該知道我講邊間。好吃不好吃，我不夠膽去講，因為我還未去過。看到那條永遠都看不到終點的隊伍，對不起，我無能為力。然後剛剛在旺角的新商場，我看到大阪最出名的千房，我眼睛發了光。大阪燒其中一間大阪市內最出名的同名分店，的確令人興奮。不過出奇的是三個月前，我已經看到了這間餐廳，不知是否宣傳不足，開幕了也不太多人知。當然喜歡大阪燒的我，對於這個消息念念不忘，一有時間就去拜訪。星期二的晚上，我和女友就去了吃，同大阪不同，在大阪夜晚十一點幾都要排隊，在香港，八點多竟然不用排隊便可以進場，勁興奮。兩個人，當然一人叫一份。我叫最經典的千房燒，以豚肉，牛肉，大蝦，帶子為主角。這個感覺非常大份，而且就如蛋糕一樣大件。沒有麵條的感覺下，麵粉較多，感覺就像吃餅一般，只不過以豚肉，牛肉，大蝦，帶子撈在一起，是有醬汁，感覺較鹹，和外表脆脆的一件燒物。一般來說，大阪燒是用上低筋麵粉，和不同的蔬菜、肉類和一些海鮮配料炒埋一碟，放到鐵板上煎熟，通常會盡量煎成圓形，最後淋上醬汁、美乃滋再撒上點日本海苔粉及柴魚後即可吃，這裏的大阪燒完全沿用這個道理。因此我喜歡的反而是這裏的廣島燒。由於我太喜歡炒麵的關係，所以我叫了個蛋包麵。由大阪燒到廣島燒，最好係吃麵做一個過渡。說真，以這裡的功架，你覺得炒麵會不好吃嗎？我也不用再說你聽蛋包麵有幾好吃，你來吃就知了，總之這個是必點的項目，我寧願講多一點廣島燒。廣島燒比大阪燒就複雜一點。一塊圓形薄餅，將青菜堆到薄餅上，中間可以加一些炸麵粉來增加口感，放上蔥、牛肉豬肉，點醬汁，炒成一個山咁。然後將食材放在堆疊的小山，再將炒好的炒麵都放在山上。再煎一隻蛋，然後再將那個山一齊燒多次。這個海鮮廣島燒，就是這樣誕生了。當然我是用最港式的方法，將這個製造過程完全道出來，用上不同的海鮮，製造出不同的口感，其實你也不用看我怎樣形容，味道你一定試過的。但這一個廣島燒就絕對是真真正正像在大阪吃的一樣。就是這個原因，足夠我來了。就如將來一年，我去旅行的機會應該大大減少，如果我懷念廣島燒，來千房一定沒有錯。多謝你終於來到香港，起碼不用像尖沙咀的那間大阪燒般，排到七彩，仲要唔知好唔好食。 #2018聖誕 See more

10
1

Golden Valley Hot pot

駿景軒：無辣同樣精彩記得半年前和女友的爸爸媽媽來過這裏吃一次晚飯，印象非常深刻。當晚吃了幾個菜式，水煮魚，白胡椒蝦和酸菜魚，感覺非常不錯，價錢不是太過離地，以酒店餐廳來說，個人覺得算好抵食。半年不知算不算久別重逢，朋友約這裡吃晚飯，吃過覺得不錯的我當然會赴會，問題是繼續吃辣，還是吃menu上的其他菜式。駿景軒這餐廳其中一個魔力，是常常可以見到明星，上次食飯見到，今次食飯依然見到，絕對是這餐廳的一個大特色。喜歡看明星送飯的，絕對適合。冬天雖然未正式來臨，但合時令的菜色一定要叫，雙冬扣鮮羊腩煲是我們幾位必吃的選擇。羊腩非常大件，雖然羶味不算太強，但吃到羊皮的那一刻必然會感受到那味覺。你知我有時都太強的羶味也會怕，不過呢個我handle到。個湯非常濃，加上枝竹，冬菇和筍，溫暖在心頭，是冬天的最佳選擇。我就咁飲左幾口湯，暖得立刻大䄛也放下。這個時份竟然尚有蟹粉菜式，生拆蟹粉大蝦球美得很，蝦球的晶瑩剔透，加上大量蟹粉撈埋一齊，夾著食，令人覺得好幸福到漂漂然的感覺。陳皮咕嚕肉是我朋友的最愛，她說不得不吃。之前食咁多次都冇想過叫這個菜式，原來幾有特色。炸得厚但脆的外層，有股陳皮的香氣，而這件咕嚕肉咬下去有層次，又不會太肥令你嚇怕的。尾聲來個煲仔飯吧，又係一個好冬天拍擋，面醬黑木耳斑球煲仔飯同平時吃到的有點分別，平時用最多係鱔和龍躉，但今天用的是斑球，多了份細膩，沒有粗豪的氣勢。甜甜的豉油和那黑木耳的夾擊，令個飯添加了其多面性。飯焦很脆而且好靚，好此道不能錯過。慢慢地吃，配合著酒店的良好服務，整個經驗還是非常優秀的。只可惜，人不多，吃不了其他辣的菜式，但我相信絕對再有下次。 #2018聖誕 See more

12
0

The Point, Tsim Sha Tsui Italian

The point: 簡單滿足的聖誕餐幾篇文都講過吃自助餐做聖誕大餐，不如又同大家分享一下，如果唔食自助餐有乜嘢選擇。講下西餐最應節，前幾天行過The one，行得有點累，找一個地方吃午飯，於是，選擇了吃過一次都算幾好食的the point 。這是間人氣手工Pizza店，之前吃意粉和薄餅覺得好滿足，今天再下一城。不過來到才發覺，十二月原來已經有火紅烈焰聖誕晚餐供應，應下節，當然要試下好唔好食。香草蕃茄濃湯，好濃香草味，口感溫暖動人。叫了一個頭盤，這個小拼盤好精美，有多種食物好多元化，樣樣都好靚做得好仔細。家鄉火雞肉丸伴雜莓醬，酸甜醒胃，火雞味濃。巴馬火腿伴無花果意式烤麵包同小紅莓石榴意式烤麵包各有粉絲，我就覺得乾身一點，反而羽衣甘藍紅菜頭香橙片沙律就清新可口，又健康，啱減肥的我吃。原隻火焰龍蝦絕對有聖誕氣氛，火燒得紅紅，又靚又搶眼，上次來吃飯吃不到，熱賣到不行，今次就同佢來個了斷。原隻龍蝦彈牙得很，加上菇菌，薄薄的薄餅加上面的海鮮粒，口感一流，紅紅綠綠，真係好襯個theme。另外叫多一個煙三文魚草忌廉芝士醬比薩配溫泉蛋，那溫泉蛋和忌廉芝士醬味道好夾，而煙三文魚塊塊肥美，不油不會太飽，夠健康。上次吃意粉都不錯，今次選了香煎帶子扁意粉半牛油果香草醬，佢個樣真係好似聖誕樹咁，香口帶著強烈的牛油果果香，每條都沾上了那強烈的牛油果果香，每條都有強烈震撼，帶子輕輕一煎，好香好柔軟，完全不肥膩，比Pizza更早清場，是我全晚最愛。紅酒燴羊膝就是愛羊佳音，用紅酒熬足1.5小時，味一定夠，口感吸滿紅酒汁和羊香，我就麻麻，同場愛羊的人很多都叫好。澳洲的和牛西冷，厚切而又有強烈牛味，牛迷絕對會迷上，我反而支持牛好多。最尾以一個聖誕雞尾酒作結，紅色的伏得加，士多啤梨蓉，石榴糖漿和氣酒，白色一邊就係海鹽，奶和接骨木利口酒溝成，香辣有奶香，兩個cocktail，唔飲得都睇得。還有個聖誕甜品白朱古力慕絲半泡芙或意式奶凍伴雜莓醬，選了後者，感覺還可以，不會是甜到死的那種甜品。最好不用想太多而容易點餐，而且選擇太路，個個都啱食。每個聖誕晚餐有湯有兩個主菜還有甜品，每兩位都是$698，尖沙咀商場呢個價絕對係吸引，直到1月2日都有供應，要試就訂啦。 #2018聖誕 See more

10
0

永利清湯牛腩 Noodles

永利清湯牛腩:隨筆習作在馬來一和女友吃飯吃到非常飽，但當去到港大附近的時候，她立刻非常眉飛色舞。然後說這清湯腩是她最愛。說到這樣，難得過來西環當然要和她吃一下。我們即場叫了剩蘿蔔，入口鮮甜無任何無渣。十五元，有六七舊，平過深水埗。由於太飽的關係，我們買了一碗牛腩返屋企食，只有普通腩位，沒有坑腩。五十蚊，牛腩味濃又有嚼口，值得路過一吃。一碗有十舊，說真，小店來說，是勁抵食。下次有機會，再過來吃多一點，寫一篇詳細的食評吧。原諒我這篇隨筆相片太求其，因為相機沒有電了。 #2018聖誕 See more

10
0

The Window Cafe Other

倚窗閣:聖誕魔法餐桌尋日介紹咗香港區嘅聖誕自助餐，今日就介紹返九龍區。今年10月的時候去過一次九龍酒店倚窗閣吃自助餐，感覺不錯，和我朋友講開這裡是不錯的時候，想不到佢有興趣，那麼，就約再過來吃多一次吧。聖誕魔法餐桌，非常有氣氛的一個theme，與摯愛分享這個滿注歡樂的佳節，一齊食大餐就最好。一如以往先講海鮮，刺身係離門口最遠的counter ，就先吃它吧。蟹子，玉子，希靈魚，吞拿魚，劍魚腩，三文魚等等，你估不到刺身這樣多選擇。壽司同樣令你眼前一亮，而且仲有火焰session，火焰三文魚，鯛魚和帆立貝，我吃過全部款，也是有水準的。紐西蘭和美國兩種蠔，看你喜歡濃定淡身，我還是喜歡紐西蘭的creamy。海鮮類有多種，紐西蘭青口，鮮海蝦，藍青口，加拿大翡翠螺，鱈花蟹腳，應有盡有。沙律吧和前菜陣容不錯，當中有精選雜肉拼盤，尖椒秋葵半意大利陳醋都不錯。特色聖誕前菜有黑松露宮崎和牛薄片、黑魚子伴北海道帶子魚生薄片及冰鎮海膽吞拿魚，當然要食多幾件，特別係宮崎和牛薄片，像上次剛剛吃的韓牛一樣高質。上次吃過的主題，再下一城，韓式慢煮牛尾湯煮得好濃，一定要飲番碗。另一聖誕精選係雞樅菌栗子燴火雞，出奇地好好食，雞樅菌味道充滿雞肉粒裡面，又有栗子香，吃了幾轉也不夠。干炒叉燒河粉，相對係失望，不過對炒河粉，我有好高要求，呢個你有位喜歡才吃吧。豉汁蒸龍脷柳係我喜歡的熱葷之一，豉汁勁入味。酥炸生蠔睇個樣都夠好，吃也是高水準。烤火雞又係節日必定要吃的，點埋甜甜的火雞醬，又係自助餐必吃作品，香煎鴨肝配蘋果蓉又係人人鐘意的，排下隊是必需的吧。香煎露絲瑪莉羊扒和燒雞翼是食肉獸天堂，成晚不停煎，不停攞，香味四散。燒味也是驚奇地好，上次無食太多，今次試左，蜜汁叉燒加豉油雞，加薑蓉，送碗飯最好。當歸牛腩煲和剛才的韓式慢煮牛尾湯有異曲同工之妙，當歸牛腩彈牙有力，不過當歸味不太夠。法式海鮮海龍皇湯，我飲左兩碗，裡面海鮮多到一個點，食完會好飽，要小心謹慎處理，這個也是今個theme推薦之一。每位敬送的法式焗龍蝦米多及宮崎和牛牛肉串燒，又係回本作品，一人一客，不要錯過，特別是和牛串，大件肉味濃。再講甜品，朱古力沙樂美腸、雪人冬甩、聖誕老人窩夫餅與聖誕朱古力棒棒糖都是應節作品，又靚又好食。最後不要錯過火焰焗雪山，人山人海行過去就知係火焰焗雪山出場時間，好睇有誠意，味道也不錯。這個聖誕魔法餐桌也是多元化得來又好味，適合一家大細食，前菜主菜甜品好平均，也是一個超值價錢，我想這也是一個魔法吧。 #2018聖誕 See more

12
1

Harbour Grand Café Seafood

Harbour Grand cafe咖啡廳:聖誕大餐第一擊推薦聖誕節最開心食大餐，食得大餐當然要吃自助餐係最開心，每年聖誕的自助餐都多如天上繁星，今年一如以往為大家推介幾個城中優質選擇。去過這間harbour grand cafe自助餐幾次，但吃聖誕自助餐的機會就係首次。呢間餐廳絕對可以用平靚正形容，而且最喜歡佢地方夠大，而且種類多，和之前hotel vic吃過的，都有幾大距離。不過，貴為北角酒店大阿哥，冇理由要太多比較，餐廳依然繼續做好自己。特別係今晚食呢一個聖誕自助餐，依然係做得非常好的情況下再加添一些新的元素。先講一些Business as usual的食品。海鮮種類依舊非常多，絕對是這裏的一個好處，剩係蠔同波士頓龍蝦源源不絕。蠔有肥美有creamy ，來自不同地方的愛爾蘭Irish rock，法國fine de oyster ，還有美國pacific rock，一定有你喜歡的種類。龍蝦隻隻多膏，而且源源不絕添加。其他還有加拿大蟹腳，翡翠螺，麵包蟹，青口，甜蝦等等，老實說海鮮陣容已經嚇親了不少胃口不大而又喜歡海鮮的人。刺身同樣豐富，不過我始終最愛的是這裏的阿根廷七吋紅蝦，每次也要食起碼五隻先罷休。前菜方面，三文魚木瓜牛油梨沙律、新加坡燒牛肉菠蘿沙律，辣肉腸意大利青瓜沙律，加上一系列不同類型的凍肉盤，如果以前菜來說，誠意可嘉。熱吃一定要食鴨肝，每次攞兩份，我又係要行多兩轉。吃過自助餐多次也沒有試過這裏的點心，吃過燒賣和餃類以後感覺也不錯。幾種不同的熱葷如西蘭花，北京片皮鴨，燒味，蝦，牛肉，和一些常見的菜式，最重要係樣樣味道都不錯，唔會好似有啲自助餐咁得個樣完全冇食。麵檔的叻沙湯，依然是這樣迷人，一定要食碗，好似朋友P說：幾飽都一定不能錯過這裏的粉麵檔。其實每位自助餐的客人都能有一客佛跳牆送給你，不過我自己就偏愛這個法式龍蝦湯。牛肉當然有，不過最應節一定食火雞。甜品區又係令人眼花繚亂，日本芝士蛋糕、法式栗子撻、綠茶意大利芝士蛋糕和12 款不同口味的 Mövenpick 雪糕，加上其他港式甜品如豆腐花等等，多到你食唔哂。講返少少聖誕特色食物，我當晚食左鮮帶子配尤魚青沙律露荀紅菜頭芝士沙律和慢煮三文魚伴芒果沙沙，三個各有特色，令前菜更為豐富，當中我最喜歡紅菜頭那前菜，甜得人心花怒放。最好嘅係就算聖誕嗰幾日價錢都唔係特別貴，第一輪和第二輪成人價錢也是$798和$768，我聽過有尖沙咀的酒店聖誕自助餐差唔多索價要千三一位，仲要係後輪。如果以呢個價錢，有咁高質素嘅嘢食，絕對係超值。有興趣就快少少上網上商店訂位，仲會有優惠，如果未打算，這絕對係一個好選擇。快啲訂，唔係一定好快爆㗎啦。 #2018聖誕 See more

11
0

Chop Chop 食神叉燒 Yakiniku

食神叉燒：北角的黯然銷魂飯食神呢部電影，上映左廿年都有，其黯然銷魂飯呢個名，傳頌到今日，依然未減其流行程度。特別係今年，這個黯然銷魂飯更加發揚光大，香港區幾個角落，都有出名嘅食神叉燒飯。而係北角呢間餐廳，打正旗號，話自己係食神叉燒，最有霸氣，而街上面好多正面評價。 IG又有好多間鋪嘅靚相，值得一來影下相，呃下like。一路想去，不過無時間，剛剛的周日下午，因為有空檔，過香港行下，兼且去下午茶。食神叉燒位於炮台山站附近，並不近北角，在那個文青影相樂園附近。餐廳好modern，走文青咖啡店裝修路線，不過多了個斬料檔。先來個剩燒腩仔，脆口有點乾身，而且好大份。當然要吃個signature 黯然銷魂飯，我應該不用多說是什麼吧。叉燒飯有兩種，黯然銷魂飯係半肥瘦，玫瑰叉燒你以為用玫瑰露處理過的叉燒?對不起，其實佢係梅頭肉。我當然選半肥瘦，好食好多。個餐外形勁靚，我看到另一枱個女仔就影飯影左半個小時。是日餐湯好清又不會太油，係家鄉飯煲個種湯類。叉燒的確好靚，半肥瘦燒得香而邊位脆，肥位應肥就肥，瘦又不會太乾。蛋反而係最弱一環，我覺得可以煎香一點。蛋黃撈飯，粒粒靚的飯，加一口叉燒，還有附送的秘製醬汁，整體感覺不錯。只不過，黯然銷魂飯來說，價錢不算平，這是一個未必人人接受的價錢。我覺得翠華冇咁好食都七八十蚊，呢個較有質素保證的算是可以接受了，你想黯然銷魂一下的話，來試下不會太錯。我和朋友L先生說開，佢話灣仔那間同樣食叉燒飯的陣容，口味卻有點差天共地，令到我好有興趣，試下是否如朋友所說咁奇特。北角的黯然銷魂飯暫時我覺得是不錯的，下次有機會去食灣仔的叉燒飯，再和你分享。 #2018聖誕 See more

17
2

Prohibition Grill house & Cocktail bar Steak

Prohibition： JW Marriott Ocean Park 的最新驚喜一連兩個星期來海洋公園的萬豪酒店晚飯，吃完兩餐後，我會話，驚奇絕對是一浪接一浪。 JW酒店餐廳的質素當然有保證，你不用太過擔心，完全唔會你失望。上次在南海小館吃的中菜令人幾驚喜，但想不到原來這裏的西餐令人更加意想不到，選擇多，每樣食物都不錯，而且吃完後找不到什麼批評的空間。很少餐廳令我吃完後第二天就執筆去寫，識我都知道我寫野慢得很，剛剛的米芝蓮廚師叫我可以喜歡到即食即寫，我想今晚的晚飯同米芝蓮廚的驚喜一樣多，我才可以這樣快吧。這裡就是主打食西餐的Probibition Grill House & cocktail bar。個名咁得意有乜意思，其實餐廳主題係以之前美國禁酒令為一個主題，詳細不多說，你自己來慢慢發掘就會感受到。未吃飯先來杯cocktail，聖誕前後當然要叫signature 的Mull wine ，一股暖意，卻上心頭。朋友的聖誕熱飲，好靚好有氣氛。這裡的cocktail 和mocktail 選擇很多，一定有款適合你。就是連drink menu也有一種神秘的氣息，切合其禁酒令的主題。前菜Scallop Ceviche, mango lime sauce 以生帶子為主角，配上芒果青檸汁，那種清新非常可愛，如果夏天食那個感覺將會更好。另外令我覺得驚豔還有這個Beef Tartare, slow-cooked egg yolk & potato chips ，生牛肉他他你吃得多，但配上慢煮蛋黃及炸薯片，將薯片和蛋醬攞埋係咁新鮮嘅牛肉他他上，是好開胃又令人滿意的效果。蟹餅都是同平時吃的有些分別，Lump Crab Cake, yuzu & cod roe tartar sauce 這個特色蟹餅外表好脆，靈魂係呢個柚子鱈魚子他他汁，脆脆的蟹肉餅裏便包住大量蟹肉，點上那個汁，如虎添翼。可能剛才三個前菜都太勁，這個Beer Battered Tiger Prawns, lime chili sauce 就相對冇大驚喜，香脆啤酒炸蝦球配青檸辣椒汁，只能說是穩中求勝，沒有令我有一個深刻印象。開始吃一些肉類，Pastrami Meat Platter, pickles, house mustard & rye crostini是雜錦煙燻牛肉拼盤加上醃酸瓜, 旁邊有自家製芥末及黑麥麵包條，當然煙燻牛肉非常精彩，但M小姐和我偏愛那些可愛的醃酸瓜。 Seafood Chowder 這個周打海鮮湯又係推薦，濃郁到好似會漿住左個口咁，海鮮多而每口都是湯的鮮甜，味道濃到無朋友。全晚最愛應該一定係呢個Black Truffle Tagliolini ，黑松露自家製幼蛋麵，係全晚最impressive的環節，幼蛋麵加上松露當然是焦點，但當場用上一件件的黑松露磨成一塊塊，放上意粉上，那霸氣實在太強，而且每條全蛋麵的質感也是令人拍案叫絕，加上松露自然是無敵。另外一個主菜為Line Caught Whole Holland Sea Bass, herbs & lemon oil，原條荷蘭海鱸魚配香草檸檬油，剛剛最適合愛海鮮的人，鱸魚每口也是淡淡的肉，一點也不腥，總覺得佢有一點葡萄牙處理魚那種風味。 Spit Roast Free Range Chicken也是精彩，慢燒走地雞肉質非常鮮嫩，雞皮絕對薄過一張A4紙，慢煮的雞肉有一陣香氣，至於佢用上乜嘢來做呢個薰香，我留待你自己來發掘，但這個絕對是必點的主菜之一。吃主菜外，我們另一個目標係吃牛肉，今晚試了三款牛扒。USDA Prime Bone-in Ribeye, 28 days bourbon & oolong tea dry-aged 為主角美國頂級帶骨肉眼排28天美國威士忌及烏龍茶乾式熟成，烏龍茶味道不太強，不過喜歡那一口肉眼的澎湃和凶湧。 Canadian Certified Angus Beef Porterhouse 係加拿大頂級帶骨腰肉牛排，帶點嚼勁的腰位，味道算幾濃而且肉味重。 USDA Prime Bone-in Ribeye美國頂級帶骨肉眼排係我最鐘意的一種牛，強烈牛肉味，仲要好濃好香，吃得不停口。 Side dish 選了三種，芝士通粉，忌廉菠菜配慢煮蛋黃，美式薯蓉配車打芝士, 煙肉及香蔥，各有特色，不過最好食係薯蓉。甜品吃了火焰雪山，本來因為太飽也不想吃了，但試了一口，雖然很飽，還是吃多了一半，三層不同味道的雪糕和外層的cream，甜度剛剛好，不過可惜甜品不是我主場，吃一點便算了。試左咁多野食，結論係好值得入黎一試，特別係個意粉，襯冬天入來食黑松露，又可以試新餐廳，何樂而不為。如果你很久沒有來過海洋公園，而家又咁方便，專程入來吃過飯，都不錯吧，絕對係城中吃飯的一個熱點。 #2018聖誕 See more

13
2

Prompt International

Prompt: Nicholas Isnard的米芝蓮專屬體驗每年年尾的時候，城中都是關於米芝蓮的盛事，剛剛上個月尾才講開東京的三星，然後上個星期就是揭曉香港的新星星，跟住個個人談論澳門的六星廚師cross over的gala dinner。當個個人都喺度討論呢D消息的時候，這邊廂很多酒店和餐廳也密鑼緊鼓做左很多樣米芝蓮的活動。一個月前看到喺數碼港艾美酒店邀請到法國著名米芝蓮一星廚師Nicholas Isnard 來港做客席廚師的時候，已經十分期待。去年在法國旅行選擇餐廳時候，佢嘅L ‘auberge de la Charme係我wish list 之一，當然最後時間只能去巴黎，去不到法國東部，吃不了Nicholas的手藝，但竟然在香港能有機會遇上他，又怎能錯過。講下關於Nichloas，在法國南部普羅旺斯，佢憑着天賦的烹飪技巧和努力， 25歲已經受到米芝蓮三星名廚的賞識，他在法國東部的餐廳一年營運輕易便獲得了一星，他廚藝綜合了傳統與創新，令很多人都會輕易愛上佢煮的東西，其signature 湯，叫人勁津津樂道。今個月16至到20號，為期一星期專屬的餐廳體驗周，有lunch，有wine pairing dinner，也有個星光晚宴。最後時間只能夾到第一晚去到，今晚也提供了一個5道菜的晚餐，時間無多，所以即刻同大家先睹為快。六點半到步，係酒店的Prompt餐廳舉行，餐廳環境非常不錯，地方闊落空間感十足，落地玻璃望住外邊的泳池，非常寫意。先來一杯welcome champagne 送熱辣辣的麵包和牛油，很適合今晚有點寒冷的天氣。第一道菜係Red tuna Ceviche, Apple & piquillos ice cream，配合那金色的貴氣碟子，以橙色的ice cream蓋著那主食令整件事更加神秘。切好一粒粒的吞拿魚就係柿子椒雪糕底下，用香檸醃過過的金槍魚，清新無比，金槍魚上的蘋果整塊切得很優雅，夾着金槍魚食，有另一番滋味。不用5分鐘，基本上全個前菜也清掉，特別喜歡那蘋果，令整個菜來得更吸引，帶起了整個菜的開胃感。送這個菜的係joseph mellot的白酒，清香撲鼻，未算太甜。第二個菜式係foie gras and corn，鵝肝配粟米到底有什麼化學作用呢？答案係非常新鮮，而且吸引的配搭。煎得勁香的鵝肝十分大件，加上處理好的粟米蓉，甜美暖胃，中和鵝肝的肥膩，而鵝肝上的粟米用檸檬醃過，感覺酸酸的，令呢個菜更平易近人。我很久已經沒有試過將整塊鵝肝完全吃掉，今晚我竟然整件吃掉，你可以想像到有幾好食。第二個菜的紅酒最impressive，Maison les Alexanderis，丹寧強又餘韻強。驚喜一浪接一浪睇，之後以雞為主的菜色也是令一個焦點。未放上枱面的一刻，已經聞到一股非常香的氣味，那股香氣就好似平時煎牛扒一樣咁強，完全冇諗過之後吃嘅原來只是雞。外表為漂亮長長的雞胸肉，加上紫紅色的花蕊般的紅椰菜，美不勝收。雞胸煎得勁香，條裝非常精緻，雞皮勁薄，點上那個濃濃的茨汁，再吃一口紅椰菜，和那件估不到的金橘，整體感覺好令人滿意，夾埋一起最適合。第三支的紅酒反而冇咁full body，相對薄身，我自己還是喜歡第二支。第四個菜係創新mojito，聽個名完全唔知係乜。其實係像mojito雪葩般，內層有的是強烈rum酒香，那股力量，愛酒的人必定喜歡。最後上甜品前，也是最後一支酒，香檳也不用多說，說的是配不配那甜品吧。強的葡萄氣味，氣泡足夠，飲完一杯只想再加。最後的Moka，非常可愛，像咖啡豆的咖啡味蛋糕，一股moka香，特別喜歡蛋糕的Texture，旁邊的朱古力點綴令整個甜品更昇華一格，分開和一起吃也各有所長。吃完飯更加可以和Nicholas Isnard 親身談談是晚經驗，感覺很不錯，最重要係價錢係勁超值，連wine pairing都只是$588，平時係外邊的餐廳，有時可能那幾杯酒也已經呢個價。雖然你可能覺得去到數碼港吃飯有點遠，但吃過今晚的晚餐後，也值得來的。時間不多，但認真值得來拜訪一下，就算地方遠了一點，pre Christmas dinner 也很值得。 #2018聖誕 See more

13
1

Westwood Carvery American

Westwood carvery: 一年一聚去年還記得在這裡和一大班人在這裡慶祝過聖誕節，非常高興，話咁快就一年。十二月又開始，快樂的時光又再來臨，雖然今年太早，未話搞乜嘢party，但每當想起去年Westwood carvery 的party food，我又想再過黎食了。特別係又到加拿大海膽開始係season的時候。約了幾個未食過的朋友來食，大家都勁期待個prime rib同海膽意粉。天氣有點冷，先飲碗湯是常識吧。homemade Beef Barley Vegetable Soup的牛肉多到一個點，令個湯有好濃郁的牛香，感覺好似好多汁嘅肉咁。不吃牛肉的你，一樣有好野，Zucchini Soup，味道十足，好creamy。健康一點，今晚不飲酒，飲一杯Classic Lemonade就算了。吃個沙律係最好的健康吃飯模式，Westwood Carvery Salad，不過，呢個沙律不同你吃開的，這個沙律有燒牛肉，燒雞，燒蝦，基本上就如一個雜錦拼盤一樣，如果你的朋友不愛吃菜，這個沙律都一樣咁適合佢，皆大歡喜。我選了Fisherman’s Crab Cakes做前菜，厚厚的蟹餅充滿了強勁的蟹肉，我只會嫌為什麼這樣細件，吃兩啖就沒有。上枱充滿了奇怪的氣味是這個Portobello Fries with Raclette Cheese ，不過如果你肯衝破呢個枷鎖，可以接受新奇的氣味，是有趣的，送白酒就最好，愛芝士的人必吃。開愛海鮮的我建議吃一點做海鮮，Steamed US Fresh Clams，新鮮又大隻的蜆，又怎會不令人滿足呢。主角係USDA Prime Rib Westwood Cut，呢個絕對係這裡屈機之作，粉紅色的嫩肉，切下去，肉味濃郁，每口都是軟綿綿的牛肉，prime rib的香和高質，滿佈整塊cut裡面。今晚已經不是最高峰的好吃，但你都已經覺得值回票價。 Side一定要叫creamed Corn同Creamed Spinach with Bacon，兩樣都係濃味之作，邪惡朋友，減肥者千萬不要碰，我可以幫你食哂佢。 Chef Spaghetti來到了海膽的季節，Canadian Sea Urchin上場，我和兩位朋友朝思暮想都是為了這個而來，每條意粉都沾上了那海膽強烈的鮮味，加上忌廉的香氣，不用一會就吃完了，承宗很多地方都開始有海膽意粉，但以同樣價錢，做得最好一定是這裡。吃過三次，還是質素十足，怪不得越來越受歡迎。而且今次發覺這裏的客人一次比一次多，很多在蘭桂坊飲兩杯的人happy hour之後都會過來吃晚飯，8:30pm還是人頭湧湧，如果你要來的話記得要先訂位啊。一年一聚，吃個意粉和Prime rib，似乎要成為傳統吧。 #2018聖誕 See more

13
0

Toripon Japanese

TORIPON:精彩的串燒發辦現今流行食廚司發辦，大家都以為廚司發辦就一定係壽司刺身，而且一定係刺身。或者有時諗法太過窄，其實呢個形式，日本好多燒鳥店都會有，驚喜仲大過好多壽司店，因為更考師父的功力。而且基本上更老少咸宜，唔食生野嘅人都可以一綱打盡。朋友C小姐唔係好食魚生，但都約食日本廚司發辦，就正正係選了一個俱有這樣背景的餐廳。可能你覺得無生野，好無癮，但你知道燒鳥的水準，是可以極之高超的。愛日本菜的我當然係去日本前為個胃準備一下，是晚來到TORIPON。 TORIPON主打日式烤雞串，每天新鮮運到的日本頂級雞肉即點即做。首先地方已經令我十分驚喜，在Pong的隔離，飲前飲後都可以食飯，食完最好過去玩beerpong。在那個bar枱吃着日本師傅為你準備的串燒特別興奮，係呢個位吃可以欣賞佢燒嘅手勢同技術，成件事更完整，C小姐絕對係好安排。不過首先第一樣野要說好，就係你喺呢度可以一個比較平嘅價錢去飲十四代，平係因為可以細樽咁叫，不用1.8咁飲，係窮L如我的一大喜訊，而且不同種類嘅十四代都有提供。但今晚就冇飲十四代，反而試左呢到house嘅sake，武藏野，酸甜有致，好適合配合串燒。廚司發辦餐松，竹，梅三個餐各有愛好者，我地貪吃的當然吃最多野嘅松餐。先上的前菜和沙律，沙律好大碟，新鮮又美味。刺身兩點一白身魚一紅肉魚，說真，相對冇乜特別，只是普通了一點。串燒時間開始。先來的雞頸肉串，少見的位置，味道煙韌有致。雞心串，味道勁濃，口感極強勁，本身冇諗過吃，但一食難忘。免治雞肉串，細細件小巧玲瓏更吸引。燒冬菇，看樣子以為好乾身，但吃落依舊有水份而充滿燒三文魚，配上近似沙律醬的汁，好開胃。溏心蛋豬肉卷，香氣四溢，燒得美味，溏心蛋流出蛋黃，沾上豬肉，絕對誘人。個餐有的和牛肩肉香烤得動人，味道嫩又惹味，沾上佢秘製的醬汁，好食到震，不用一分鐘便吃完整碟。尾聲的蒲燒鰻魚飯，當然是最重要的角色，看著師父的準備，係賞心樂事。鰻魚過左兩round醬汁，再前後燒，色香味俱全，加上那碗飯，非常美味，當然和日本吃的有距離，但香港來說，絕對是城中最好之一。鰻魚的濃郁味覺，甜甜地，送飯更一流。食到好飽滿，甜品幾好都變得不再重要了。離開先發覺有一間勁正的private room，地方舒服，而且min charge 唔高，我已經plan緊搵班飲得之人來個串燒清酒之夜，你有冇興趣？ PS呢度仲有得食shisha，選擇同樣多，仲有酒做base嘅水煙，如果你係愛好者，食完飯唔好錯過。 #2018秋 See more

12
3

Ichiban Japanese Restaurant Japanese

壹級日本料理:圍爐取暖沒有想過，一年前來過這裡以吃日式菜為主，又平又靚，吃著大大隻的花竹和拖羅刺身，以一個優惠價錢，在港式的冬菇亭食日本野，成為一時佳話。你還記得我寫過的這間位於大圍日式料理嗎？冬菇亭吃日本野是非常特別的，之前有朋友在這裏搞個一次窮L，正面迴響也很多。朋友D住在附近，常常說得閒就過去食下野，佢同我講餐廳而家提供了新菜單，我以為有新的日本廚師發辦，但喜出望外，唔係食日本野，佢話食過了這裡的打邊爐，質素好好，全部用上靚料，搞到我心郁郁來試下。四口子一家人呢排冬冬地去圍爐取暖，就選址這裡，吃得滿高興的。店員推薦這裡的火鍋最好係用上海龍皇湯，睇個樣就普通，飲落真材實料，濃濃的龍蝦湯，好夠味，飲落冇乜味精最好。海鮮好多種類，暖下個胃，點了中蜆和特大蜆，非常鮮甜，中蜆甜大蜆肥。最期待係隻特大虎蝦，係街市買都冇咁大隻，可能你係識得邊間街市呀姐先會有嗰種靚貨。呢隻蝦，你黎得就千萬唔好錯過，除非你屋企附近嘅街市有咁大隻蝦賣，你又鍾意係屋企打邊爐，如果唔係你喺呢度一定抵食。蟹籽墨魚滑新鮮打得好有力度，墨魚味勁濃。推薦還有爽脆鯇魚腩，大件爽口又好食，愛魚愛啖啖肉的不要錯過。廣島蠔和松葉蟹棒都是海鮮類吃過覺得不錯的，而且最重要價錢不貴。當然要點蔬菜類，又不想煩，於是叫了蔬菜雜菜拼盤，樣樣有齊。吃拼盤的時候有幾樣都不錯，就安歌了白蘿蔔，金菇，鮮冬菇。其他吃過的嚮鈴卷，熊本魚餅，滑豆腐都好好，絕對抵食。我不會告訴你佢牛肉是國色天香有九龍城李乜記咁好，不過你不會太多怨言，只是會覺得手切頂級肥牛有點細碟，但牛肉夠濃郁味道，一試無妨。黑豚腩片正正常常，沒有什麼特別驚喜或者驚嚇。日本拉麵和手打烏冬單尾來送牛肉和豚肉就最好，特別是那個烏冬你完全不能想像那種煙韌的程度就有如在日本吃的那種，當我們想再叫的時候，廚房已經售罄了。如果你跟我的推介，記得要盡早點烏冬啊。近來的天氣咁凍，打邊爐當然是最好的選擇，如果你住大圍沙田區，來圍爐取暖吧，準是不會錯的。 #2018秋 See more

10
0

Sushi Tachi (Mong Kok) Japanese

立鮨:一個字，爽有朋友來香港，本身想排吃過一次的爆丼屋，不過，想不到一年後依然有人潮，於是，轉個角落，另一個潮流在等我們。先前在尖沙咀出了名的立鮨，原來在旺角也開了分店，又竟然這裡完全不用等。似乎又沒有原因不來這裏參觀吃一下。餐廳非常簡單，沒有座位只有一排的企位。整個餐廳的setting 就像日本築地的餐廳一樣簡單，和充滿日式風味。餐牌有多種壽司的選擇，牆上有當日的廚師推介。點了幾件價錢普通的壽司先試試吃水準如何，芥辣八爪魚壽司，北海道帶子壽司，蟹棒壽司，都是不錯的心水選擇，平嘢唔一定冇好野。燒過的火炙左口魚壽司，油脂芳香，正到不行。蟹棒壽司燒過後加上海膽，更活潑跳躍。最喜歡的活赤背，吞拿魚腩，珍寶牡丹蝦這些較為高級的選擇絕對不會大而無當。活赤背的精彩絕對攞全場最佳壽司獎。另外金目鯛壽司也是精彩，吃完一夠不夠再吃一件燒炙的，一樣係肥美不行。當然要試特上海膽壽司，食日本野唔食海膽就好像會輾轉反側無眠般，壽司當然沒有失望。試下食刺身便叫了油甘魚腩和肥大的牡丹蝦刺身，冇飯下，刺身魚生更加吃得完全無顧忌。最後的大滿足海膽特盛，係最精彩，用上北海道的馬糞海膽，但放入口那刻個滿足只能夠用爽字形容。尾聲來個鮮蝦味噌湯暖胃，那個感覺，多麼快樂。如果真的要說一個缺點，那麼就是不能好好坐低吃一餐吧。這裡不適合喜歡企的人，如果你唔介意企但可以以一個非常平的價錢來這裏吃令你非常滿足的壽司，值得來。怪不得尖沙咀會有人潮，旺角的客人未習慣所以不用排隊，但我相信有人潮是遲早的事吧。 #2018秋 See more

10
0

New Shanghai Vegetarian

新滬坊：蟹季的尾班車在灣仔食飯，你自己本身一定有很多的心水，不過，係會展北區，有好多人會覺得這裏係一個美食的沙漠。特別是會展個頭，那個很多打工仔的區域，如果你要選一間值得推薦的地方，你會選擇哪裏呢。我就會選擇有米芝蓮車軚人美食推薦的新滬坊。很多人大概也不知在這裏有一間這樣的餐廳，仲要係米芝蓮車軚人美食推薦咁有份量會展去得多行街睇展覽睇得多，要係度食飯可能就以為剩係得一間茶餐廳，自助餐和中菜，其實有一間餐廳要吃滬菜為主，叫新滬坊。餐廳舒適度高，有私人房而且保證環境好好。當中以十月吃過的這個以蟹為主的餐單最好，可惜之前memory卡有問題，好耐先攞到啲相，要而家先寫到呢篇文介紹。不過，呢個menu做到十一月尾，仲有幾日，如果你想喺呢個蟹嘅季節趕上尾班車，就快啲睇下我上次食左乜，然後黎食啦。當晚和一班朋友嚟食飯，人強馬壯先食得多。先來的前菜有滬坊小碟，排名不分先後有涼拌海參，河鮮燻魚，麻將西紅柿和舟山頂級海蜇頭。麻醬西紅柿整到蟹咁嘅樣，味道鮮甜又靚，麻醬味濃但都吃到其紅柿的清新。舟山頂級海蜇頭爽到不能，配一條西芹，加點麻油香，更好吃。涼拌海參的高貴和整到好精美的一件件河鮮燻魚，美味之餘更吃得出食物的高質。整個前菜無論外貌，品質都非常令人驚喜。驚喜係不斷的，之後的花膠魚翅蟹黃羹，係我吃過最濃郁的羹，蟹味強而有力，配合大塊的花膠和粗壯的魚翅，整體的感覺好好，食完後會好掛住，到今日，還記得那迷人的味覺。如果呢個花膠魚翅蟹黃羹係menu一年365日都有，我估我得閒就會過嚟食吓。接下來的蟹肉金汁豆腐，更精彩絕倫，蟹肉金汁味道超強，豆腐炸得脆，點上那個蟹肉金汁，就如劃龍點睛，更有深度。上海古法蒸蟹鉗叫我感受到的是幸福，吃完一度有一度的蟹粉蟹黃，接下來吃到的原隻蟹鉗的美味，清新自然的海鮮香氣，加上花雕酒和雪菜肉絲夾雜芬陣的芳香，肥大的蟹鉗肉質的鮮嫩又怎會不要你難以忘懷。芙蓉相思蟹呢個咁靚嘅名你估唔估到係食乜?同時間食蟹公和蟹乸的時候，再加上相思生南國的紅豆和勁煙韌的黑糯米，啖啖充滿蟹香，感覺浪漫氣氛滿載。當然要吃點菜，上湯時蔬質素自然好，要說更完美可能就是呢個菜可以加埋蟹湯和蟹肉絲感覺會更好吧。最後的高湯小籠包完整了我的回憶，有時你不一定要吃飯和麵才是最好結局。其實已經好飽，但為了不錯過這裡的甜品，簡單加多一個甜品，湯丸的煙韌和腰果香就是令人感動。可能因為地點的關係，你未必會聽過這裡，而正因為這樣，你隨時會錯過這裡的米芝蓮的堆薦，剛巧這裏有一個咁好的蟹menu，就特地來一下都不會令你失望。 #2018秋 See more

11
1

canton pot Hot pot

Canton Pop:旺角火鍋秘點剛剛結婚的朋友C小姐，識飲識食，曾經推薦過一間旺角的火鍋店給我。雖然說是旺角火鍋秘點，但其實很多人也已經知道這間食物不錯，坐得舒適而只是位置有點秘密的地方。旺角火鍋店多到不行，但要講地方好，數一數二方便，仲要唔係龍蛇雜處的旺角核心入面，首推Canton Pop。兩年前同其他同事吃過一次，感覺不錯，是晚去日本前和一班食友再來，吃下最港式的邊爐止癮才去日本旅行。由於多人可以試多幾種鍋底，因為呢度嘅鍋底出名多而樣樣有得色。打邊邊最好飲啤酒，隊杯少爺鹹檸啤就夠襯。選了特別的火焰太白醉翁蝦鍋，呢個鍋色香味俱全，就如睇show一樣，把一大堆新鮮生猛的蝦，加上酒後當場堂煮，火燒紅紅係影相位，如果你係覺得殘忍，看不了這些場面，可能你就吃不了這鮮味。蝦的新鮮和酒香叫人吃得愉快，加點上湯就可以打邊爐啦。另外點了個鴛鴦鍋底，星加坡肉骨茶鍋和松露百靈菇野菌湯，各有特色，不過當然肉骨茶更加少見，沒有太強的藥材味，但就帶點肉骨茶的香。講番食材，今晚幾個朋友都係健康之人，叫了很多菜類。當晚吃了大陸常常吃到的花生芽，打邊爐吃完特別清新。還有香港打邊爐都比較少食的新鮮黃耳和有機奶白菜，黃耳感覺厚身有咬口。超甜粟米人如其名，就如之後在日本吃的超甜粟米一樣粒粒靚。上次吃過這裡的丸類和餃類都不錯，今晚點的是酒香孜然羊肉丸，重慶豚肉餃和黑蒜京蔥羊肉餃。最正係重慶豚肉餃，一放入口就有強烈的辣味和香味，酒香孜然羊肉丸就有股濃濃的深圳氣息，難得喺香港都吃到好有大陸地道的美食，唔講以為係大陸打緊邊爐。四合丸聽名都估到係雜錦丸，當中最喜歡的係彈牙又爽口的墨魚丸。在這裡試過吃牛頸脊，感覺好不錯，今次當然再接再厲叫了本地新鮮牛頸脊，看紅紅的紋理就已經知道好，輕輕幾秒一上水，就已經好了。另外匈牙利綿羊豬肩胛肉，相對味道沒有這樣粗獷，但感覺柔弱細緻，和牛頸脊對比幾大。頭先食咗熟嘅蝦，今次點番個阿根廷紅蝦，刺身和打邊爐兩食都可以，我就當然選擇生吃，鮮味無窮無盡好多。朋友S小姐說福袋不能錯過，松茸野菌福袋整個都是每口野菌和松茸，雖然已經太飽，但吃到⼀個大福袋都不是大問題。最後當然不能錯過響鈴卷和烏冬這兩樣打邊爐必備的好友，響鈴卷來自樹記，烏冬就係稻庭，加上那個肉骨茶湯就是自然是好，撈埋肉骨茶湯烏冬，有創意地夾。意想不到的是這裡竟然有一系列的甜品給你選擇，我點了法式的cream brûlée ，估不到以港式打邊爐店標準來說又做得不錯。雖不是什麼旺角火鍋秘點，可能很多人也知道同吃過這裡，但以地點的方便，價錢和舒適度，canton Pop絕對是出色，特別係冬天，喜歡圍爐取暖的你，過來享受下不同的鍋底和精美的食材吧。 #2018秋 See more

11
0

Du Hsiao Yueh (Causeway Bay) Noodles

度小月: 最傳統當度小月來到尖沙咀的時候，記得所有人都非常期待。剛剛開幕的時候，門庭若市，曾經有朋友說排過你死我活，我當然也是希望可以朝聖的那位，但完全沒有時間，排隊對我來說，有點遠。當我在OpenRice銅鑼灣新店開業後，簡直是天大的喜訊。而且銅鑼灣的分店有幾個非常特別的菜式指定在這裡推出。那麼沒理由不去吃一下，懷念我上次在台南度小月吃到的滋味。熱潮有點過了來，是最好的。先來一杯珍珠奶茶，原裝的台式風味，台迷點會不喜歡。作為專業台灣愛好者，當然要試晒所有味道的擔仔產品，擔仔麵，擔仔米粉，擔仔粿條，味道當然各有千秋，不過我最喜歡的是傳統的擔仔麵。祖傳肉燥飯，用上祖傳的秘方，當然是滿滿的古早味，肉燥飯的肉汁和肥瘦各有的肉碎，無敵。吃了咁多澱粉質，當然要飲傳統的台式湯，綜合丸湯，傳統的台灣味，那貢丸彈牙都爆，湯底是那個你猜到的原味。安平鮮蚵湯，隻隻肥美的蚵仔，又多又大，你可以想像到那個湯是多麼甜。三杯雞煲的酒香，雞肉的鮮嫩和滑度，還有那些配料如蔥香等叫人覺得迷人。香蔥炸大腸，粗獷得來又豪邁奔放，大腸煎得香香脆脆，是無人抗拒，除非你不吃大腸。特別這裡才有的蒜泥鮮蚵，之前openrice有片介紹過呢個菜式，當然係主角，一定是你未吃過的經驗，蒜香一流，配上豆腐和迷你的蚵仔，不吃便會錯過人間美味。最後點的櫻花蝦九層塔煎蛋，又係特色之作，那個全滿滿是櫻花蝦的美味，加上九層塔的香，又係愛死人。今晚全部的菜式也是最傳統的台式味，如果我說百分百是吃到台灣的感覺我是欺騙你的，但如果在香港要吃台式的傳統美味，度小月絕對是一個適合的選擇。就是來看那經典的矮矮的煮麵區，感受下老店的味都夠了。 #2018秋 See more

15
0

雲貴川風味 Noodles

剛回香港，一定係吃我最愛的comfort food。碰巧和媽媽吃飯，佢冇所謂，我當然選擇我最愛食米線來做午餐。最經典的酸辣米線配上我最愛的腐皮，蘿蔔和芽菜。那湯頭十年如一日的好。今次還叫了那個皮蛋，唔辣但滋味無窮。貴為土瓜灣十大最愛的餐廳，當之無愧。 #2018秋 See more

15
1

1 / 1

Discover recommended restaurants

Area Category Special Contents Popular restaurants New restaurants New reviews