Pui Shan Lee
146
ไปมาแล้ว
5
ติดตาม
27
ผู้ติดตาม
พื้นที่
ประเภทอาหาร
2020/03/07
Kobekyu (Causeway Bay) อาหารญี่ปุ่น
之前食過吉列牛覺得唔錯，今次就再同朋友嚟食，順便試吓上次冇食到嘅忌廉烏冬☺️☺️
.
咖喱忌廉烏冬 $78
有牛肉同雞肉揀，我地揀左食雞肉😆😆成碗麵白雪雪，烏冬比厚厚既忌廉包住，忌廉比想像中稀，唔會好膩，撈勻之後，每條烏冬都掛起啲醬汁，唔算好重咖喱味，但口感好creamy👍🏻👍🏻
.
吉列牛定食 $148
定食有吉列牛、配菜、飯同味噌湯，吉列牛已經預先炸好，可以自己係鐵板上煎一煎，吉列牛外脆內軟，唔想食咁熟既話，燒一陣就得，牛味都幾香濃，但我覺得口感就有小小靱～仲有啲醬可以點，食落就冇咁油同開胃啲～☺️☺️
.
咸蛋黃薯條 $38
薯條一上枱已經好香咸蛋味，新鮮熱辣辣，仲好香脆，食完一條又一條，不錯😆😆😆
เพิ่มเติม 
2
0
2020/03/04
羅東肉焿番 อาหารไต้หวัน
行河背水塘前要食飽飽先💕💕
💛綜合丸套餐 $65
套餐有大魯肉飯同綜合丸湯🍲
魯肉飯份量都幾多，每啖飯都可以撈住魯肉食，肉碎冇咩肥肉，但整得幾入味🙆🏻♀️～仲有隻好靚既糖心蛋😍綜合丸湯則有花枝丸同貢丸～
.
💛台灣士林香腸 $32
香腸配自家蒜蓉醬，個醬幾好味💕💕
.
💛台灣鮮蝦卷 $39
用腐皮卷包住蝦肉餡料，金黃香脆，口感幾彈牙☺️
.
💛仙草芋圓2號 $35
以仙草做底，有齊三色芋圓，小丸子同海藻水晶， 芋圓q彈有咬口，仙草好滑，整體味道啱啱好，唔太甜😍😍
.
💛冬瓜檸檬、檸檬蘋果西打
冬瓜茶香醇，第一次飲台灣既蘋果西打汽水😍好想念台灣💛💛
.
💛支持反送中
___________________________________
📸#羅東肉焿番
地址：元朗鳳翔路69號建輝大廈地下5號舖
เพิ่มเติม -
1
-
0
2020/03/01
Little Vegas พิซซ่า
一出𨋢就見到巨型既連儂牆💕
▫️明太子忌廉天使麵 $112
每次黎都會點😆😆忌廉汁好香濃creamy，帶啲明太子既咸香，仲有大量既菇片同木魚碎，口感好豐富呢😆😆
.
▫️雞翼多重奏 $78
可以揀3款味道，我地揀左玫瑰/水牛城/柚子，玫瑰同柚子都好香甜，幾入味架💛水牛地就好惹味，唔會好辣😛
.
▫️牛肉芝士漢堡 $112
🍔Burger好大個，而且幾足料，有牛肉、芝士、蕃茄、生菜，半溶嘅芝士包住大大塊嘅牛肉，味道都算幾juicy💛💛
___________________________________
📸#Little Vegas
地址；銅鑼灣耀華街3號百樂中心25樓
เพิ่มเติม -
4
-
1
2020/02/17
Golden Prince Thai Restaurant, Prince Edward อาหารไทย
同朋友去咗食我好鍾意食嘅泰國菜😋😋有啲套餐都幾抵食，不過我哋鍾意散叫多啲💕
.
酸辣鳳爪 $52
鳳爪好開胃呀，食落酸酸甜甜咁，後勁比較辣
.
迷你拼盤 $98
啱晒心大心細嘅朋友，有蝦餅、春卷、同魚餅，每樣嘢食都炸得幾好味，我個人就好喜歡食蝦餅，因為夠彈牙，點醬汁食就最夾架喇～
.
泰式爆炸軟殼蟹 $118
軟殼蟹炸得好香，味道帶小小辣，用咗好多香料嘅關係，夠晒入味而且都幾惹味
.
海蝦刺身 $88
好鍾意食生蝦刺身，配搭住蒜片同點住醬汁食，好開胃呢
.
芒果沙冰 $30
好清新，唔會好甜，解辣就岩晒
.
黑白芒果糯米飯 $88
糯米飯好有口感，索晒啲椰汁味，唔錯呀，仲有香甜既芒果，唔錯架
เพิ่มเติม -
2
-
0
2020/02/03
Paradise Dynasty, Causeway Bay ติ่มซำ
幾中意食呢間既小籠包同小菜
.
皇朝小籠包 $118
唔想淨係食原味，可以叫呢個1 set 8款味道嘅皇朝小籠包，顏色吸引，有原味、人蔘、鵝肝、黑松露、芝士、蟹粉、蒜香，川味，我最中意係鵝肝同黑松露味，味道突出之餘，肉汁都幾多，小籠包一定要趁熱食，如果唔係凍咗就會痴底，變得難夾起🙈🙈
.
香辣蒜泥白肉 $75
蒜泥咸咸香香，仲帶點微辣，五花肉卷住青瓜絲，惹味而開胃🥰
.
肉碎乾煸四季豆 $85
味道正正常常，醬汁唔算太咸，而且都炒得幾香💕
.
四川辣子雞丁
每次同事都好中意叫呢個，令我漸漸愛試上，雞粒金黃香脆，撈住好多既辣椒乾，我覺得越食越辣，但怕辣又要繼續食😆😆～
.
三絲春卷 $42
幾香脆，但就餡料少咗少少
.
鮮蝦雲吞豬骨湯 $68
豬骨湯鮮味濃郁，鮮蝦雲吞皮薄餡都幾多，想食清少少就可以叫呢個😎～
.
宮廷驢打滾 $42
一定要食埋甜品😆😆😆糯米粉團軟糯清涼，沾滿黃豆粉，香氣十足，中間嘅紅豆蓉亦都唔太甜
.
地址：銅鑼灣波斯富街99號利舞臺廣場6樓
เพิ่มเติม -
2
-
0
2020/01/20
sensory ZERO, Wong Chuk Hang อาหารอิตาเลียน
之前去左呢間黃店，杯朱古力好吸引😍😍晚市有套餐，加$就有餐湯，沙律同蛋糕，個蘑菇湯幾足料架💕～
.
▫️澳洲和牛肉肩扒溫泉蛋飯
🐮和牛岩岩好唔會過熟，我覺得幾香牛味架，食落比較有咬口，味道唔錯，仲有隻半熟既溫泉蛋🍳，撈飯食就岩晒🥰
.
▫️蒲燒三層鰻魚滑蛋飯
賣相睇落都幾靚仔，有3片既鰻魚🐟，都好厚肉，口感嫩滑，醬汁調得唔錯，幾好幾好☺️☺️
.
▫️痴_線朱古力
成杯朱古力佈滿朱古力碎同白朱古力🍫，好正，聞落好香，朱古力甘醇香滑，唔會好甜，如果再甘啲就好💕💕💕
___________________________________
📸#sensoryZERO
地址：黃竹坑香葉街2號One Island South G01號舖
เพิ่มเติม -
1
-
0
2019/12/15
Hanaki Japanese Restaurant อาหารญี่ปุ่น
朋友想食日本野，又想坐得舒服啲，我哋就揀咗位於尖沙咀嘅花木，覺得呢度幾好環境都幾舒服，食材都幾新鮮！
.
前菜叫左胡麻菠菜油揚沙律，菠菜沙律好好食，菠菜沙律爽口，
豆皮就比較淋身，再加上開胃嘅胡麻醬，都唔錯㗎
.
香蔥吞拿魚腩蓉薄脆，吞拿魚腩蓉充滿魚油香，拌勻香蔥絲，令味道豐富啲，魚蓉份量都幾多，唔洗就住食～將吞拿魚腩蓉放上薄脆上一齊食，軟滑嘅魚蓉再加上脆卜卜嘅米餅，都幾特別～
.
築地壽司8本
分別有池魚、拖羅、帆立貝、三文魚籽、牡丹蝦、玉子、三文魚等等，壽司擺盆好精美，我食咗其中幾件，牡丹蝦口感軟糯爽口，三文魚籽咸咸香香，帆立貝肥美鮮甜，拖羅都好肥美呢！
.
清酒煮大蜆， 大蜆散發住清酒味，粒粒乾淨冇晒又彈牙
.
自家製免治雞肉串好好味，雞肉燒到香噴噴，幾有咬口，可以點埋雞蛋😆😆
.
和風野菜炒麵炒得好香，炒麵汁幾濃郁，又唔會過鹹，麵條彈口，雖然得野菜，但係野菜款式都幾多，所以都幾好食
.
沖繩豚肉炒苦瓜，豬肉片幾嫩，但對我來講苦瓜就有啲苦，但朋友覺得幾好😆😆
.
呢餐同朋友食得幾開心，可以慢慢傾計，侍應都好好服務，會主動幫我哋添水
เพิ่มเติม -
2
-
0
2019/12/09
Skewer Kitchen, Causeway Bay อาหารญี่ปุ่น
我同朋友都好鍾意食串燒，原來銅鑼灣呢度都有一間唔錯嘅樓上串燒店～
.
串燒店環境都幾大，坐得都幾舒服，食物都有好多嘢揀，仲可以揀麻辣味，生啤仲做緊買一送一嘅優惠，整體 價錢都唔算貴，所以同朋友盡情叫咗好多嘢食😆😆😆
.
焦糖鰻魚玉子燒好好味， 玉子燒甜甜地，充滿着蛋香，仲好軟綿，蛋卷入面有鰻魚，不過份量就少咗少少🙆🏻♀️
.
牛油蒜蓉焗雜菇，一打開雜菇包，牛油味香氣四溢，雜菇索晒牛油味，仲好多汁添💚😋
.
雞腎、西班牙黑毛豬、鹽燒牛舌爽
三樣野食都好有咬口，仲好惹味，中意黑毛豬肉味夠濃！
.
蒜蓉茄子好香口，茄子好入味，而且仲好juicy，上面仲有啲蒜粒同埋香蔥味增加香氣🥰🥰
.
羊架朋友話燒得都唔錯，燒到唔會好乾～
汁燒豚肉金菇串，金菇串個汁幾好味，都唔錯
椒鹽墨魚咀都幾爽口
.
檸蜜牛油包，睇落好普通，但係超級好味😆😆 牛油包好香脆，上面有塊芝士，味道咸咸甜甜，都幾夾㗎
.
椒鹽雞軟骨帶點焦香👍🏻
免治雞肉釀冬菇好食，冬菇juicy，雞肉啖啖肉，口感好豐富😋😋
.
椒鹽鴨舌幾惹味
蜜糖雞中翼夠嫩滑，都好入味！
黑豚肉鵪鶉蛋都幾特別，係豚肉包住鵪鶉蛋～
.
我最鍾意嘅嘢食就係雞皮墨魚滑，本來覺得雞皮係勁邪惡嘅嘢，但係燒到超級香脆，雞皮薄到好似張紙咁，咬落去脆卜卜，而入面就係彈牙嘅墨魚滑
.
我同朋友都覺得呢間串燒店好高質，我哋下次都會再嚟食😋😋
.
เพิ่มเติม -
3
-
1
2019/12/02
Hee Kee Crab General อาหารทะเล
早幾日同朋友食晚飯，我哋覺得呢個大閘蟹二人套餐真係好抵食，套餐有大閘公蟹2隻，大閘母蟹2隻，薑汁芥蘭，欖角骨，芝士牛油麵包蟹伊麵同蕃薯糖水，食得好滿足呀！
首先會食大閘公蟹同大閘母蟹，食蟹嘅工具同蟹醋到一應俱備，大閘蟹好肥美，爆晒膏!我就偏愛吃大閘公蟹，中意白膏口感，因為白膏更細膩同綿密，會有粘粘地既口感，好香同好肥美呢～至於大閘母蟹都好大隻，蟹膏色澤金黃，口感比較實，但味道好甘香呢！
餐廳幾細心，會預番啲時間比我地食蟹，之後先慢慢上其他菜式
欖角骨差唔多啖啖肉，味道甜甜地，煮得好入味
薑汁芥蘭幾香薑汁味，可以驅寒，而且幾爽脆同鮮甜
芝士牛油麵包蟹伊麵邪惡得黎好好味，伊麵上有大大隻既麵包蟹，蟹蓋唔算多膏，蟹身同蟹鉗就有事先炒香，幾惹味，而且都幾多蟹肉食，伊麵索晒啲芝士汁，好食呀
最後食埋蕃薯糖水就好飽飽，糖水好足料，薑味都幾重架！
เพิ่มเติม -
4
-
1
2019/11/26
Coffee Art, Po Lam อาหารอิตาเลียน
行山前去黃店食番個豐富嘅早餐🤤
▫️Deluxe all day breakfast $98
份量超多呀，食到飽飽去行山😚，材料有煙三文魚他他、牛奶滑蛋、牛油果、豬肉仔、炒雜菇同法包，味道正常，最中意食煙三文魚他他😝，口感清新，其他食物都好新鮮💛
.
▫️Egg Benedict $78
兩大片牛油法包配上水波蛋，牛油果同煙三文魚，如果蛋再流心啲再好，不過味道都唔錯😙～
.
▫️Salt chocolate
朱古力多左份咸香，幾特別架🧡🧡
___________________________________
📸#Coffee Art
地址：將軍澳貿業路8號新都城中心1期地下G95號舖
.
เพิ่มเติม -
2
-
1
2019/11/20
Mee...lemongrass, Aberdeen อาหารไทย
放工之後，同左屋企人食呢間餐廳，我地食過幾次，水準都唔錯～
.
心思思想食多幾款小食，叫小食拼盤就岩晒喇😆😆😆小食併盤有蝦餅、串燒、雞翼、春卷、無骨鳳爪，超抵食呢！我好中意炸蝦餅，香口彈牙，蝦味十足🥳🥳🥳串燒有雞肉同牛肉，我食咗牛肉串燒，肉味濃郁，雞翼好juicy ，春卷外皮好脆，餡料豐富，無骨鳳爪整得入味，而且好開胃！😝😝
我地好推介蜜汁炭燒厚切豬扒菜飯，超好食呢！😍😍😍豬扒好大塊，啖啖肉又帶點焦香，味道甜甜地，而且肉質非常嫩，好有水準，仲配埋健康嘅菜飯架👍🏻👍🏻
馬拉盞炒通菜好惹味呀，雖然餐牌上有辣椒符號，那就覺得一啲都唔辣😛😛
仲有椰汁西米糕做甜品，西米糕夠凍，仲好香椰汁味㗎🧡🧡
เพิ่มเติม -
2
-
1
2019/11/11
Ajidouraku (Tsim Sha Tsui) อาหารญี่ปุ่น
呢間居酒屋好有風味，食物款式多，如果嚟食最好卜定位先，因為都幾滿座👍🏻👍🏻
厚切池魚刺身，刺身新鮮，味道鮮甜～
炙燒左口魚壽司好肥美呀，好重魚油味～
帆立貝蟹膏卷，味道好豐富，卷物上有軟綿既蟹膏醬，再配合了鮮嫩既帆立貝，卷物既內餡就係蟹柳同青瓜絲，幾好食~
煙肉櫻花蝦煎廣島蠔咸咸香香，都唔錯架，廣島蠔上鋪滿大量既煙肉碎同櫻花蝦，夠晒入味，蠔肉嫩滑，味道好惹味！
炸軟殼蟹蟹子沙律好清新，有超多嘅青瓜絲，新鮮爽脆，仲有大大隻嘅軟殼蟹，加埋沙律醬，其實都幾邪惡下
黑蒜黑豚肉卷，燒到有少少焦香，肉味好濃！
泡菜黑豚肉鍋好抵食，有超多嘅豚肉、泡菜同埋芋絲，分量有好多，味道有少少辣，所以會越食越開胃
流心芝士燒年糕，呢個就要等耐少少，年糕幾有口感，入面仲有鹹香嘅芝士🧡
下次同朋友聚會，我會再嚟呢間餐廳
เพิ่มเติม -
2
-
1
2019/11/06
Betsutenjin (Causeway Bay) อาหารญี่ปุ่น
放工同朋友食拉麵，好彩早左少少黎，等左一陣就入得😆😆😆轉過頭已經長長人龍👭👭👭
.
呢度門口有部購票機，要預先買好想食既食物，我地分別揀左#別天神套餐 同#蝦味噌套餐～🥳🥳
.
蝦味噌拉麵🍜，有兩大片既叉燒，糖心蛋🍳，粟米同蝦乾，湯底好香濃，充滿濃郁既蝦同味噌味，鮮味十足！🧡日式叉燒幾好食，軟腍味濃，麵條軟硬適中，份量都好多，最中意係食糖心蛋😍😍
.
豚骨湯拉麵湯底呈乳白色，飲到有豬骨味🐷，都唔錯架，朋友覺得幾好食😋😋
.
小龍蝦蟹籽沙律，好特別，好似雪糕球呀🤣🤣🤣龍蝦肉爽口鮮甜，味道幾開胃，用紫菜包住食，口感幾好呢😋😋
.
餃子煎得岩岩好，🥟唔會太燶，點埋餃子汁食好正呢😝😝
.
📸#博多拉麵別天神
地址：銅鑼灣告士打道277號地下3A號舖
เพิ่มเติม -
4
-
1
2019/10/26
Beauty in The Pot หม้อไฟ
黎自新加坡嘅美滋鍋🍲
成間火鍋店都係粉紅色架💓
第一次去火鍋店可以咁少女feel
仲有兒童室俾小朋友玩👍🏻
.
呢度有10幾款醬料任揀，有水果同前菜任食，大部份配料都可以揀半份，而且都幾抵食，店員仲好細心介紹每樣食物要煮幾耐，服務好好🥰🥰
.
💗蕃茄鍋 $58
💗雪耳鮮椰子鍋 $78
番茄湯底就開胃啲，椰子湯底就比較清潤🥥
💗芝士蝦丸 $44
食到新鮮嘅蝦肉，好有口感架🦐
💗墨魚滑$88
份量好多，而且好彈牙👍🏻
💗竹笙 $29
索晒番茄湯底，爽口又好味😆😆
💗西班牙黑豚肉$64
豬肉片紅白相間，肉質好嫩🐷
💗白鱔片$49
白鱔15秒就食得，冇咩骨架🐟
💗花膠$69
💗炸響鈴$29
半份有4大條，食一條都飽🤣🤣
💗唐生菜$14
💗椒鹽鴨舌$78
鴨舌好好食，香口得來都幾惹味😋😋
.
飲品可以揀竹蔗茅根/紫貝天葵洛神花，$23就可以任飲，見你飲晒就會好主動幫你倒👍🏻
.
最後仲有柚子沙冰飲，幾清新👅👅
.
📸#美滋鍋
地址：旺角登打士街56號家樂坊8樓803號舖
เพิ่มเติม -
3
-
1
2019/10/24
雪山冰廳 Hong Kong Tastes คาเฟ่
去行山前，我哋決定咗去雪山冰廳食午餐💛
餐牌有好多選擇，有常餐，快餐，中西式飯類等等，因為我唔係太肚餓，所以淨係叫咗芝蛋牛肉漢堡包同避風塘炸雞肶，男朋友就叫咗南洋咖喱吉列豬扒蛋包飯💛
芝蛋牛肉漢堡包
漢堡包嘅材料睇落好簡單，有雞蛋、芝士、牛肉，但係味道豐富，要試下！
漢堡包即叫即整，熱辣辣， 牛肉好juicy好多肉汁，一啲都唔會乾爭爭，配埋半溶嘅芝士，真係好正㗎😍😍如果加一兩片番茄，漢堡包食落就冇咁膩～
原本諗住淨係食少少野，但係食完一個漢堡包，我已經好飽💖
避風塘生炸比肶
生炸肶好大隻呀，雞皮脆卜卜，肉質嫩滑，味道好香口，帶少少辣，醃得啱啱好呢！就算唔點醬都好食！
男朋友既南洋咖喱吉列豬扒蛋包飯，睇落好大份，仲有兩大塊吉列豬扒，金黃香脆，幾好食架💖💖咖喱好惹味，唔會太辣，配埋炒飯底，超正呢～
香滑樽仔奶茶都唔錯，夠晒冰凍香醇～下次都會再嚟食💛
เพิ่มเติม -
3
-
2
2019/10/19
Dazzling Café, Windsor House Causeway Bay ของหวาน
岩晒同朋友黎食飯，靜靜地傾下計💖唔少椅子都有個兔仔耳，幾得意🤣
.
▫️#柚子蜜雞翼 $75
最鍾意就係食雞翼💛，單骨雞翼沾滿柚子醬，所以食起嚟香香甜甜，雞肉嫩滑，仲有好清新嘅柚子味架🍋
.
▫️#軟殼蟹沙律 $75
沙律開胃， 軟殼蟹炸得金黃酥脆，味道岩岩好😊
.
▫️#明太子意粉$98
呢款意粉幾好食🥰，明太子忌廉汁好惹味同creamy，仲有啲一粒粒既口感，如果同男仔食既話，分量就可能唔夠😎😎
.
▫️#草莓鬆餅 $98
鬆餅熱辣辣，有啲後悔冇加到麻糬🤪，我估加左會更好食，比左3款醬點住食，我覺得點糖漿同雪糕係最好😗😗
.
▫️#鮮果葡萄氣泡飲$45 #現榨奇異果香蕉汁 $55
前者顏色有層次而且幾靚🍹，味道好fresh，後者夠晒健康，做咗新鮮水果打成👍🏻👍🏻
.
___________________________________
📸#Dazzling Cafe
地址：銅鑼灣告士打道311號皇室堡3樓313-314號舖
เพิ่มเติม -
2
-
1
2019/10/09
Jin Gong Guan อาหารจีน
早排去咗太古探屋企人，表哥話金公館唔錯，所以我哋一齊去咗金公館食晚餐☺️☺️
.
蒜泥白肉好惹味，每一片既五花腩厚度一致，中間卷住青瓜片，所以口感好豐富，醬汁好開胃，蒜蓉味好香，雖然對我來講有少少辣，但會好想再食～
.
炸饅頭睇落好普通，但整得好好食😍😍😍饅頭外層金黃，咬落去有少少酥脆，但入面仲好軟熟，而且一啲都唔油膩，要點好多煉奶食
椒鹽鮮魷香脆邪惡，魷魚嘅炸粉幾薄，所以唔怕食到成口粉☺️魷魚彈牙，味道吸引，咸咸地好滋味，不過怕熱氣，就唔敢食太多喇
我哋仲叫咗半隻北京烤鴨，烤鴨嘅配料有好多，例如有青瓜條，京蔥絲，蜜瓜條，西芹絲，甜麵醬，冰梅醬，麻醬同桂花醬，可以整出唔同嘅配搭，一定有一款鍾意，北京烤鴨皮香肉嫩，外皮頗脆，味道香濃，加上青瓜就可以解油膩，京蔥絲令味道更濃郁，西芹爽脆，蜜瓜條清新，冰梅醬甜甜酸酸，都可以減去油膩感
我地另外加左生菜包鴨崧，用西芹、蘿蔔同鴨肉粒粒炒成，用西生菜包住食，口感比感有咬口爽脆，而且都幾香，不過就略嫌油左少少~
เพิ่มเติม -
2
-
1
2019/10/02
Maruju Sushi Japanese Shokudo อาหารญี่ปุ่น
係超得意嘅蛋黃哥！
知道呢間餐廳用蛋黃哥做主題，所以一早同定男朋友講，搵日放假一定要去食😍😍
.
我哋叫咗幾樣嘢食，雖然有啲貴，但每一樣食物都有蛋黃哥嘅圖案，實在太可愛，忍唔住叫晒🤣🤣🤣
.
特選三色紫菜包，紫菜上有XO圖案，好特別啊！三色拼盤有三文魚籽，吞拿魚茸同海膽，最鍾意海膽，好新鮮一啲腥味都冇，而且食落好鮮甜！吞拿魚茸軟綿綿，魚油味好香，三文魚籽粒粒晶瑩剔透，帶點鹹鮮，建議係將紫菜包上呢3隻餡，不過我就覺得三文魚籽就有啲難包🤣🤣
.
我哋叫咗兩款手卷，其中一款係xo大廚究極手卷，用了好豐富呀，手卷同樣有XO圖案，上面有可愛的蛋黃蛋玉子燒，仲有超多既三文魚籽，吞拿魚茸同海膽，非常鮮味，食到中間仲有大蝦刺身，真係幾有驚喜😆😆另外一款係xo大廚加州手卷，有蟹子、牛油果、蟹柳同玉子，望落去賣相都唔錯㗎！👍🏻👍🏻
.
我哋仲叫咗一個梳乎玉子燒便當，便當入面有兩件可愛的蛋黃哥玉子燒，味道甜甜地，仲有三件細細粒既波波壽司，係三文魚、吞拿魚同油甘魚，過吓口癮都唔錯，旁邊就係燒冬菇，都幾好味，免治雞肉串卷都唔錯，口感十足💕💕
.
最後呢一個係玉子豆腐蕎麥面，玉子豆腐上有蛋黃哥嘅樣，好得意！中間就係XO圖案的蒟蒻，口感彈牙，仲有啲三文魚子！蕎麥麵配埋冷麵汁食，味道雖然偏淡，但好開胃架～🤤
เพิ่มเติม -
2
-
1
2019/10/02
Oyster Cove （Tsim Sha Tsui） อาหารทะเล
朋友升職加薪，邀請我一齊食晚飯慶祝，我哋好耐冇食過生蠔，所以揀咗位於尖沙咀嘅蠔灣，一於就食蠔啲😄😄😄
.
店員推介左6款蠔：South Africa Rock, chile Montt L, lambert N2, fine de claire, majestic, pousse en claire， 呢個蠔set好新鮮，我哋由淡味食到濃味，每款生蠔都各有特色，食到層次感，有啲比較爽口，有啲口感較creamy，肉質肥美充滿海水味，好快就比我地清晒😃
.
當中嘅龍蝦刺身都好推介，晶瑩剔透，口感爽口，味道唔太重味，但好鮮甜💖💖
.
北海道赤貝好彈牙，仲有大大隻既活北寄貝，顏色光澤，都幾爽口架😆😆
.
巴馬火腿卷多士，呢個多士味道好豐富，咸香既巴馬火腿包住鮮嫩既帶子，再加埋脆脆地嘅多士，都係一個唔錯嘅配搭👍🏻🤤
.
食咗龍蝦刺身，當然要試埋龍蝦湯，未食就聞到好大龍蝦香味，龍蝦湯味道濃郁，真材實料，應該用咗好多龍蝦黎炮製，仲有龍蝦肉食💛
.
龍蝦意粉炒得乾身柔軟，唔油膩，龍蝦份量都好多，好滿足呀😍😍
เพิ่มเติม -
3
-
1
2019/09/30
Pastaholic (Causeway Bay) อาหารอิตาเลียน
同朋友去銅鑼灣行街，原來皇室堡有一間西餐店，位置唔顯眼，平時行街都唔多覺，今晚一於同朋友試試佢☺️☺️☺️
我哋揀咗2人餐，2人餐都有三款選擇，我哋揀咗$318套餐👍🏻有湯，沙律，前茶，薄餅同意粉，甜品同飲品，都幾豐富👍🏻👍🏻
朋友叫咗南瓜湯，聞落都幾香，而我叫咗洋蔥湯，非常足料，而且有一塊芝士多士可以索住洋蔥湯黎飲
沙律係雞肉沙律，加上沙律醬，好開胃呢
小食要左蜜糖雞翼，煎得啱啱好，雞肉甜甜地都幾嫩滑，我哋都叫多咗個魷魚圈，外表金黃，炸粉都幾薄，魷魚彈牙幾有口感！
Pizza揀左Parma ham味，幾好味呀，批底唔算厚，上面鋪左Parma ham，食落帶點咸香又有芝士同茄汁味👍🏻👍🏻
意粉就揀左溫泉蛋蘑菇意粉，蘑菇嘅份量好多，溫泉蛋幾流心架，即刻趁熱撈勻啲意粉，味道岩岩好，但如果有少少醬汁就好，因為食到尾就有小小乾
最後仲有少少朱古力蛋糕做甜品～
เพิ่มเติม -
2
-
1
2019/09/09
Star of Canton Restaurant (Causeway Bay) ติ่มซำ
日式放題就食得多，反而好少食中式粵菜放題🥟
.
2小時既晚市放題，每人包1份花膠響螺雞湯💛，原隻鮑魚花菇，奄仔蟹🦀，另外有50幾款既中菜即叫即做，有煎炸炒煮炆浸烤等煮法，花多眼亂😍😍，有點心、小菜、甜品，仲有片皮鴨任食，質素一啲都唔差😆
.
爆膏奄仔蟹有3款做法🥺，清蒸/雞油花雕蒸/油鹽焗，我揀左油鹽焗，奄仔蟹細細隻但爆晒膏，咸咸香香🥰🥰花膠響螺雞湯好清甜，而且好足料，有勁大塊既花膠，厚身滋補😆原隻鮑魚花菇用左蠔油炆，鮑魚彈牙都幾入口👍🏻
.
簡單介紹其他野食🤣🤣#八味茄子，金黃香脆，細細粒又咸咸地😋😋乳鴿任食真係好正，肉質香嫩唔會好肥😏，燒腩仔好夠脆，香辣蒜香蝦好惹味，我幾中意個豉油皇炒麵，夠鑊氣，馬拉糕好軟熟💕💕
.
仲食左海鮮卷、雞翼、叉燒、醉蝦、流心蛋、咕嚕肉、楊枝甘露、芒果布甸、紅棗糕😂😂😂😂樣樣都唔錯，每樣食少少過下口癮👍🏻💛
เพิ่มเติม -
3
-
1
2019/08/30
Mini Bangkok มินิบางกอก, Prince Edward Kowloon City อาหารทะเล
同朋友去九龍城食晚飯，我哋揀咗小曼谷泰國菜，因為餐廳門口有個吹氣公仔，好吸睛啊😆😆
.
鐵板豬頸肉通菜好有鑊氣🤩，上到枱時仲會渣渣聲，通菜好惹味而且好香，仲有好多豬頸肉😋
.
泰式鐵板蠔餅就有小小失望，因為蠔仔嘅份量唔算多🤧，幸好蠔餅整得唔算油膩，點埋個醬就會好食啲👍🏻
.
我幾鍾意食泰式炸蝦餅，蝦餅金黃香脆，肉質彈牙有口感，仲食到少少既蝦粒🥰
海鮮孖寶好抵食💕👍🏻👍🏻，我哋揀咗泰式燒盲鰽同燒脆皮白鱔，白鱔肉質肥美，而且都好新鮮，不過我比較喜歡將魚皮燒得乾身香脆，如果可以燒到脆卜卜我一定更加鍾意！😝😝😝
燒盲鰽唔錯呢，啖啖魚肉，而且好嫩，一啲都唔乾，火候拿捏得好，醃料足夠，所以唔點醬汁，都已經好好食😆😆
同朋友叫左椰青同椰皇，同樣清甜解渴😍
如果唔係因爲太飽，我地都想叫埋芒果糯米飯🤤🤤
.
เพิ่มเติม -
4
-
2
2019/08/28
Steam Fresh 九重鮮, Whampoa Garden Hung Hom อาหารทะเล
10重海鮮蒸塔😆
.
之前去左黃埔食蒸海鮮🐟🐟
套餐仲包括了韓式既自助吧☑️
海鮮方面有龍蝦、蝦、鮑魚、龍躉、象拔蚌、花甲、沙白、元貝、椒鹽肥牛、蔬菜拼盤，都好豐富☺️☺️
.
未食海鮮前每一台都會送一客泡菜煎餅🤣
🔺第一層既肥牛肉味香濃，蝦幾新鮮，🔺第二層嘅元貝蒸得過熟😭🙈🙈，但店員見到熟得滯，即刻換左兩隻再蒸過，好貼心👍🏻🔺第三層龍蝦好鮮甜而且肉質彈牙😆😆🔺第四層有花甲、沙白同龍躉，龍躉肉好肥美，啖啖肉，不過覺得花甲有啲洗得唔乾淨🤧，仲有啲沙，🔺最後一層就有鮑魚同蔬菜🥗
.
自助吧有年糕同魚糕串，搞到我都好掛住韓國啊🙈🙈，仲有啲蔬菜、冷麵同甜品等💕
.
當每一次有新食物時，店員都會敲鼓話俾全場聽🥁，好特別，我覺得佢哋嘅炸雞好好食，都係熱辣辣啱啱炸好😆，有黑松露味同韓式辣醬味，食炸雞食到好飽🤣仲有醬油鮑魚仔都可以試吓☺️☺️
.
📸#九重鮮
地址：紅磡黃埔天地聚寶坊(第11期)地下G26號舖
เพิ่มเติม -
4
-
2
2019/08/25
G One Sushi Japanese Restaurant (Tsim Sha Tsui) อาหารญี่ปุ่น
半價食到丼飯😆
.
#痛風丼 有海膽、三文魚子、拖羅蓉、同雞蛋，鮮味十足，三文魚子岩晒撈飯食😍😍海膽就中規中矩☺️
.
#A5和牛刺身丼，有超多既A5和牛🐮，除咗食過韓式嘅拌生牛肉之外，今次算係第二次食和牛刺身🤣🤣🙈🙈，和牛油脂比倒好完美，雪花紋好靚，可以先唔點醬汁食，之後再加上蛋汁或酸汁，入口即溶，不過就冇平時燒和牛咁香，都係過下口癮🙈🙈
.
#日本活海膽，我覺得超好食，海膽原汁原味😍😍，色澤金黃，味道很濃郁，入口即溶很creamy，幼嫩鮮甜💕💕#石垣貝 爽脆鮮甜😆
.
#宮崎縣甜粟米，呢款嘅粟米外表白雪雪，甜度很高，食落去亦都好爽脆清新🌽🌽
.
📸#鮨一日本料理
地址：尖沙咀厚福街12號藍馬商業大廈18樓
.
เพิ่มเติม -
3
-
1
2019/08/24
Cheng Du Old Pier Hot Pot หม้อไฟ
好有風味既打邊爐
第一次同朋友嚟，覺得環境幾好幾舒服，而且侍應服務都好主動！呢度出名食紅油湯底，不過我同朋友都唔太食得辣，所以就揀咗豬骨湯做湯底☺️☺️！
豬骨湯好豐富，材料有好多，有好多嘅香菇同火腿片等👍🏻👍🏻～
呢度嘅食物都好新鮮，而且都有好選擇😊😊
好耐都冇食鵝腸，鵝腸好乾淨，
一啲都唔腥，滾10秒鐘就可以食，口感爽脆😋
老友鬼鬼墨魚滑，將墨魚滑釀喺油炸鬼上面，再加埋蟹籽，墨魚滑彈牙好吃，油炸鬼就會索晒啲湯汁😄
手工黑松露牛丸，牛丸食得出黑松露嘅味道，不過黑松露味更濃就會更加好😚，手工打既牛丸果然好彈牙😄
老碼頭筷子牛肉，已經預先用腌料腌好，味道香濃，幾惹味架，口感幾嫩滑，不過越食越辣，我就唔係太食得😭😂
澳洲肥牛雪花，賣相唔錯，牛味濃郁💕💕
老碼頭黃金炸蝦墨，黎到先知原來係熟食，蝦墨炸到非常金黃香脆，好食😋😋😍
我哋叫埋菊花龍眼蜜，清甜解渴～
佢地仲有水果任食😆
เพิ่มเติม -
2
-
0
2019/08/19
Umai Sushikan อาหารญี่ปุ่น
收工去咗尖沙咀海港城行街，就同朋友隨意去咗其中一間日本餐廳食晚飯，我地都覺得好滿意☺️☺️
.
我哋叫咗芝士玉子燒，原先以為雞蛋卷再加芝士餡，原來只係雞蛋上面鋪一層芝士輕輕燒過，不過幸好玉子燒幾好食，蛋香十足！
.
海鮮海草沙律好有驚喜，材料好多，有大蝦、帆立貝、吞拿魚粒，三文魚籽等，超豐富，底下有一啲海草同青瓜絲，食落去好爽口，而且芝麻醬都好開胃
.
.
燒雞翼好出色，仲好香脆，加啲檸檬汁落去就更加好食！
.
牛油果軟殼蟹卷好大份，軟殼蟹既香脆加埋軟綿綿嘅牛油果，係一個唔錯嘅配搭，仲有好多嘅蟹籽
.
壽司方面我哋揀咗豐州壽司盛，一共有12件壽司，質素超高，大拖羅壽司入口即溶，海膽壽司一試難忘，海膽鮮甜無比，其他壽司都好出色
.
今餐有少少貴，但係同朋友食得好開心
เพิ่มเติม -
4
-
2
2019/08/12
Warren
睇新聞睇到好負能量🥺🥺
望住啲野食希望會開心番🥺
.
▫️羽衣甘藍牛油果藜麥沙律，🥗沙律好清新，而且非常之健康有營養😆牛油果幾creamy，仲有啲酸酸甜甜嘅醬汁，所以幾開胃👏🏻
.
▫️餐前麵包暖笠笠，配上黑松露牛油，不錯呢🍞
.
▫️湯有洋蔥湯或海膽龍蝦湯，兩者都好足料，尤其係龍蝦湯好香👅👅
.
▫️芝士黑松露焗帶子，放咗喺熱石春上面，保持到帶子嘅溫度，芝士味好濃郁🧀，夾雜着黑松露味，帶子都幾彈牙😋
.
▫️香煎美國西冷配芝士忌廉薯仔，🐮每件牛都好厚切，肉味濃郁，幾有口感，千層薯仔幾好食，中間就夾住啲芝士忌廉🙊🙊
.
▫️香煎石斑魚配茄汁燴菜，顏色好鮮艷，石斑魚外皮微脆，魚肉嫩滑，塊魚脆皮好好食🐠💕💕
.
📸#Warren
地址：大坑華倫街9號地下1號舖
.
.
เพิ่มเติม -
2
-
1
2019/08/12
Shake Shack, Admiralty แฮมเบอร์เกอร์
Shake shack既burger 好好食🤤🤤
我覺得最好食一定係shack stack🥰
呢個burger係超級邪惡呀，
口應好豐富😋
入面有流心芝士大菇🍄，
大菇炸到好香脆，仲好juicy，
輕輕一咬就有好多芝士(小心熱呀)
芝士味都幾香🧀🧀
牛肉幾多肉汁，入口都嫩唔會乾爭爭 ，
配搭住半溶既芝士🧀🧀
仲有清新蕃茄同生菜
食到最尾覺得有啲膩，
但真係好好食😋😋
.
Smokeshake burger ，係煙肉加牛肉既漢堡，入面加左辣椒粒🔥，
對我黎講就有啲辣🤣🤣
.
可以叫埋芝士薯條食
正正常常，夠晒熱🍟
📸Shake Shack
地址：金鐘金鐘道88號太古廣場一期1樓105A號舖
.
.
เพิ่มเติม -
3
-
2
2019/07/27
Meet Fresh ของหวาน
鮮芋仙有我中意食既芋圓😍，而且好大碗，都好抵食👀
.
#招牌仙草沙冰，💮有齊芋圓、仙草同沙冰，仙草滑溜，芋圓好qq，味道天然，食完沙冰好透心涼☃️，#熱芋圓4號 ，有紅豆沙、珍珠、芋圓同芋頭，芋頭幾綿密架，不過超飽肚😂😂😂
.
#芋圓麻糬牛奶冰，🍧材料好豐富，有好多配料，有牛奶雪糕又有湯圓同麻糬等🤣，牛奶冰幾好食，都算幼細，味道甜甜地，仲有小小黑糖味💕💕，成個甜品都好有咬口，食到好攰呀😂😂最中意煙煙靭靭既麻糬，同細細粒既芋圓，最好就搵人share，因為真係好大份😈🙊
📸#鮮芋仙
地址：銅鑼灣登龍街18號V Point 地下1號舖
.
.
.
.
เพิ่มเติม -
3
-
1
2019/07/23
Goobne Chicken (Causeway Bay) อาหารเกาหลี
超多芝士既烤雞，好邪惡啊🙊
.
▫️UFO芝士烤雞 $258
一大盤既芝士烤雞，
🧀芝士份量好多，
睇住店員慢慢將啲芝士炒溶，
即刻覺得好邪惡😈
烤雞可以喺6款口味中揀2款，
我地揀咗甜辣烤雞同蜜糖烤雞🥳
全部都係雞搥仔，
甜辣烤雞比較好食🤤，
味道甜中帶辣，比較惹味，
蜜糖烤雞就有啲普通，
對比下就冇咩味[撇嘴]
不過最開心都係，
將啲烤雞點住勁多嘅芝士醬黎食[色]
好香芝士味！
.
▫️韓式雞蛋卷 $148
每次都好鍾意叫呢個蛋卷🍳，
蛋味好香，
蛋卷入面有蘿蔔、餐肉、青瓜同芝士等，
外軟內有咬口，口感好豐富架💕💕～就算唔點醬都好好食
.
仲叫左2杯沙冰，飲完好透心涼！
📸#Goobne Chicken
銅鑼灣登龍街18號V Point 25樓
.
เพิ่มเติม -
5
-
2
2019/07/21
Kedai kopi Semua Semua อาหารเอเชีย
終於食到蘇媽蘇媽👵🏻，
好彩唔洗等好耐[吐舌]
下次再去食想試下個老鼠粉同炸肉卷🤩
.
▫️#椰香咖央多士 $27
多士一定要趁熱食🤩，鬆脆可口，
咖央醬幾香，唔算好甜，
未食過正宗咖央多士，
覺得呢個好好食🤤🤤
.
▫️#檳城福建蝦麵 $55
蝦湯幾濃郁，🦐材料都好豐富，
有豬腩肉、通菜、蝦、魚片、蛋，
雖然寫住湯底微辣，
但就唔覺得，
反而就好香好惹味🤤
.
▫️#馬來沙嗲串燒 $45
串燒可以揀豬/牛/雞🐽，
主要都係食佢個沙嗲醬，
味道甜甜地，唔錯[爱心]
.
▫️#話知你啦薄餅 $45
薄餅熱辣辣，夠香脆，
一定好食[笑哭]🤤，
我反而鍾意點串燒個沙嗲醬，
多過佢個咖喱汁[吐舌]
.
▫️#魚仔醬蘿蔔糕 $42
蘿蔔糕外脆內軟，
魚仔醬咸咸香香，
都唔錯架😆😆
📸#蘇媽蘇媽馬來西亞茶餐室
地址：荃灣大壩街71號地舖
.
.
.
เพิ่มเติม -
2
-
1
2019/07/16
本佐日本燒肉料理 อาหารญี่ปุ่น
今晚同班好姊妹一齊食晚飯，我哋就諗住去食燒肉，所以預先book咗尖沙咀嘅呢一間燒肉😋
呢度主打食燒肉，仲有刺身、燒海鮮、壽司同小食等等，都係任食架，不過美中不足就係嘢飲就得一一罐，想任飲就要另外加錢☺️
刺身有大路嘅三文魚、北寄貝、八爪魚、帶子等等，質素還好，最好食係八爪魚～
燒肉就會預先比一個拼盤，牛小排，同埋一口牛粒都唔錯，口感juicy，味道啱啱好! 鍾意食豬嘅朋友，就一定唔好錯過橡果一口豬，豬味濃郁，油脂豐富！五花肉燒到香噴噴😋
海鮮都有好多選擇，有蜆、帶子、龍利柳、三文魚頭、蠔同青口等，選擇花多眼亂，大蝦口感彈牙，帶子蒜蓉味好香😄😄
蔬菜類一定唔好錯過燒菇同埋牛油粟米😋😋燒菠蘿都好多汁，又夠晒甜
我哋仲叫咗幾款小食，有蟹子沙律、芝麻八爪魚同螺肉等，都唔錯㗎～可惜我哋已經好飽，食唔到太多嘅炸物，甜薯好食，炸蝦夠晒金黃香脆！如果有埋甜品食就更加豐富啦🤤🤤
เพิ่มเติม -
4
-
2
2019/07/15
God Of Sushi อาหารญี่ปุ่น
壽司之神既omakase 💕💕 分別有前菜、刺身、壽司、湯同水果😆
.
第一次食北海道白栗米，粟米甜度高，又帶點爽脆！靜岡蕃茄好開胃，蕃茄上有水菜，令顏色更豐富💜
.
▫️蝶魚刺身，可以點上酸汁，我比較喜歡原汁原味
.
▫️八爪魚竹鬚，好新鮮呢，用上小小梅醬，令到味道酸酸地，更加開胃啲，味道特別
.
▫️深海池魚配上酸汁啫喱，兩者都好夾，，夏天嘅池魚肉質會特別好，魚肉好爽口，肉質細緻
.
▫️沙甸魚刺身，魚味比較濃啲，魚肉質地好滑
.
▫️燒左既鯖魚刺身，魚味好濃，新鮮肥美
.
▫️富山灣白蝦壽司，好矜貴而且好鮮甜，細細隻但蝦味好夠
.
▫️新鮮北奇貝，新鮮度不得了，好有海水味之餘，爽口甜美
.
▫️活赤貝，美味可口，食到赤貝既咸鮮
.
▫️池魚仔，比深海池魚更濃味
.
▫️白海膽，超好食🥺🥺
好creamy，入口即溶，香味好突出
.
▫️赤海膽，唔錯
.
▫️拖羅壽司，壽司飯用左燒拖羅既魚油去整，勁香口，超好食呀，好想食多一件😢😢
.
▫️醬油漬舌拿魚，口感會滑啲同濃味啲
.
▫️燒蝶魚邊，我好中意呀😆😆入口即溶，油份好重
.
▫️海鰻魚，好香
.
▫️洋蔥湯，真材實料，淡淡洋蔥味！仲有蜜瓜做甜品，今餐真係好豐富，我同朋友都覺得值得一試，呢餐飯好滿足呀！
.
寿司の神
地址：元朗馬田路安寧大廈20-30B七號地舖
.
.
เพิ่มเติม -
3
-
1
2019/07/13
Manya Japanese Restaurant (Causeway Bay) อาหารญี่ปุ่น
之前銅鑼灣嘅滿屋食放題(*´∀`)~♥
.
放題嘅選擇包括有刺身、壽司、卷物、串燒、天婦羅、一品料理、煮物、炸物等等😆😆
.
刺身幾新鮮，而且冇咩雪味，我個人幾喜歡帶子，大蝦同埋鮑片，覺得啲鮮甜☺️☺️
.
番薯仔燒得好香😛，芝麻雞翼好香脆，唔太油，芝士年糕入面有好多芝士，幾好味！比目魚好好食，有魚油香😝😝
.
雞軟骨同燒牛舌🐮香口惹味～燒蝦香噴噴，帶小小鹹味，唔錯💕
.
天婦羅炸粉好薄，一啲都唔油膩，蝦天婦羅好好食～之前食過燒鰻魚覺得幾好，不過今次就咸左啲😫😫～最後食埋甜品就心滿意足啦!❤️
เพิ่มเติม -
1
-
1
2019/07/01
How Fish Gong Fang หม้อไฟ
[好惹味既烤魚🐟🐟]
唔係好食得辣既我，就揀左食#蒜香酸菜味烤魚 😊$268😆😆魚嘅種類分別可以揀清江魚、海鱸魚、江團魚同桂花魚，我地唔識揀，揀左海鱸魚🙈，所以魚肉偏實，後尾先知想食嫩滑啲就要揀團魚🤣🤣
.
烤魚味道好香蒜味同好惹味，煮愈耐就會愈濃味👀，上面有好多炸蒜同埋酸菜，烤魚微微煎過😗，所以更香口🥰～我地仲要做年糕同金菇，索晒啲汁幾好食🤤
.
串燒就叫左雞腎$22、雞軟骨$26、🦐海蝦$40，用左孜然粉，都幾重口味，不過燒完唔會太乾身☺️☺️魷魚鬚$46香口彈牙，份量好多而且好大條！🍆烤茄子$40好好食，有好多蒜蓉，不過就偏油左少少～想解喝就可以叫健康百香果🍹，好大杯而且好清新🌼🌼
.
📸#烤魚工房
地址：元朗教育路37號南天大厦地下8-9號舖
.
เพิ่มเติม -
4
-
2
2019/06/30
HeSheEat, Causeway Bay ของหวาน
上次去Hesheeat好似轉左新餐牌，冇左最中意既食既檸檬班戟👉🏻👈🏻，多左幾款新甜品，好彩抹茶心太軟都好食😝～
.
#單骨蜜糖芥末雞翼 $55
雞翼炸到好香脆，一定要趁熱食，味道甜甜地又幾好食，會食唔停🥰🥰
.
#燒烤BB豬肋骨 $128
🐽豬肋骨多汁juicy，而且都幾厚肉，燒烤醬汁開胃，整得好入味，豬肋骨夠腍，好輕易就切得開😛😛
.
#虎蝦墨魚汁意粉 $95
食呢個意粉一定要小心，因為會食到個咀好污糟🤣🤣，墨魚汁幾香濃，而且辣辣地都幾惹味，食材新鮮，都唔會太咸🤤
.
#抹茶心太軟
心太軟好流心🥰🥰，味道清幽，加上冰凍豆腐雪糕，同埋白玉同嶡餅，係唔錯嘅甜品🍮
仲有抹茶飲品都幾好💕💕
.
📸#HeSheEat
地址：銅鑼灣記利佐治街2-10號銅鑼灣地帶2樓201號舖
เพิ่มเติม -
3
-
2
2019/06/05
Chicken Wings Mountain, Mong Kok สตรีทฟู้ด/รถเข็น
如果日日叫我食雞翼，我都願意🤣🤣
搵到朋友同我一樣都係咁鍾意食雞翼，同佢一齊食晒四款嘅雞翼！
.
今次再點番上次既#玫瑰文青雞翼，雞翼好大隻🤤，新鮮炸起，賣相幾靚，上面有啲玫瑰花瓣，亦都有好香嘅玫瑰花味🌹，味道甜甜地，外皮仲有啲脆，雞肉多汁，我覺得係咁多款入面最好食個隻味！😆😆
.
#港式避風塘蒜香，🌟雞翼鋪滿炸蒜同少量辣椒，好香口同惹味呀，不過愈食愈辣，我食左一隻就頂唔順🤣
#黑松露蒜香武士，黑松露味幾濃郁🍄，同雞翼好夾，不過蒜味就唔係太特出，如果可以變成黑松露沙律醬唔知會唔會再好食啲呢💕🤤
#濃味三重芝士，雞翼帶有芝士嘅鹹香，🧀唔會太膩，不過一定要趁熱食！因為凍左就冇咁好食😝
呢度嘅雞翼每一隻都好大隻，咁啱見到有人有五隻雞翼，原來因為啲雞翼細隻咗，佢哋就會比多一隻比客人🤤🤤
เพิ่มเติม -
4
-
0
1 / 1
ค้นพบร้านอาหารแนะนำ
