รีวิวของคุณ Lanki Man

Lanki Man

372 ไปมาแล้ว

0 ติดตาม

35 ผู้ติดตาม

พื้นที่
ประเภทอาหาร

Pandan Leaf Indonesia Food อาหารเอเชีย

「我墮入響往風味的晚上…」雖然我係土生土長香港人，坦白講由細到大都係食廣東住家菜大，自然對其他國家菜式無乜太大感覺。不過正正因為呢個原因，出親去食飯硬係有種新鮮感，尤其是印尼菜我就更加無乜行入門口既衝動。不過聽講銅鑼灣呢間「班蘭葉印尼美食」來頭不小，咁就要試下啦！👇 - 📌Nasi Rice|飯類 - ▪ Grilled Chicken · pandan rice - $98 ▫ 第一個必試印尼最高境界「燒雞班蘭·尖塔飯」，先講隻燒雞先呀，表面燒到非常焦脆，食落肉質完全唔乾，加上面頭蜜糖香味，甜甜地幾香口。而旁邊一定要介紹埋佢個斑蘭飯，用左泰國既茉莉香米，食落有種好獨特既椰香味，幾有驚喜。 - 📌Kuah Perut Ikan|花膠湯粉皮 - ▪ Grilled Fish maw soup and fish · jelly sheet - $88(+10) ▫ 第二道「原條燒魚·花膠湯粉皮」亦係可以一試，我地加左10蚊轉左燒魚，就咁睇賣相份量的確夠哂兩個人食。魚肉燒得非脆身，但同時裡面keep到肉質嫩滑，呢點要讚；而粉皮做得幾細膩，滑身得黎吸收哂花膠湯底，夠哂滋補，好食。 - 📌S a t e|串燒沙嗲 - ▪ Chicken · Satay - $48/3pcs ▫ 嗌埋個「雞肉·沙嗲」就飽哂啦，呢個價錢有3串認真抵食。表面燒到少少微焦，裡面食落非常多汁；而點少少沙嗲醬，份外惹味！ - 📌Minuman|特飲 - ▪ Fresh Coconut - $38 ▪ Mango · smoothie - $48 ▫ 印尼特飲亦都幾有睇頭，前者「新鮮·椰青」飲落超涼爽，椰肉口感爽滑，唔太甜，飲得過；後者「芒果·沙冰」入口非常涼快，芒果味亦夠突出，抵讚。 - 📎 班蘭葉印尼美食 📍銅鑼灣糖街1-5號銅鑼灣商業大廈地下B2舖 เพิ่มเติม

1
0

Caliente อาหารนานาชาติ

「情形如夜色找到街燈，我愛你已開始變成癮…」適逢呢個死唔斷氣嘅疫情稍為放緩，沉寂一時嘅諾士佛臺，終於按捺不住佢嘅寂寞，掀起報復性消費。正所謂踏破鐵鞋盧覓雪，汪明荃不廢功夫，呢次打正旗號挑戰新派墨西哥菜「Caliente」。但自古英雄造時勢，現今當然係時勢造美人啦，火辣辣嘅墨西哥菜又點可能無女神嘅加持，所以相機is ready！👇 - 📌TACOS · TUESDAY - $29 until 9pm ▪ BEEF, CHICKEN, FISH , PORK - ▫ 撞正今日係星期二，食正個「Tacos」優惠日，只要係9點前嗌一杯野飲，每一件Taco都只係 29蚊任叫。而taco食落軟熟唔乾身，口味有五種選擇，我揀左其中四款，包括牛、雞、魚、豬，每一款都做到肉嫩多汁，又夠飽肚，相當抵食。 - 📌A P P E T I Z E R S - ▪ CHILI GARLIC · PRAWNS - $128 ▫ 輪到小食方面，我幾鍾意呢個「Chili Garlic· Prawns」，蝦肉用左蒜頭、辣椒調味，所以食落帶少少辣勁；肉質比我想像中新鮮爽彈，辣中帶甜，前菜黎講真係幾開胃。 - 📌M A I N S - ▪ E N C H I L A D A S - $158 ▫ 主菜「Enchiladas」一上枱相當震撼，就咁睇份量絕對夠3個人食。面頭淋上左大量芝士，所以焗出黎賣相金黃靚仔；而切開中間係豬肉同埋一粒粒墨西哥飯，口感非常煙韌，配搭埋紅辣椒醬汁，份外惹味！ - 📌D E S S E R T S - ▪ C H U R R O S - $78 ▫ 最後甜品整返個傳統「Churros」就一定咖啦，外層炸得相當香口鬆脆，但完全唔會有果種油膩感；但一定要點埋旁邊嘅朱古力醬一齊食，咁就最夾啦！ - 📌M A R G A R I T A S - $68/20 O.Z ▪ CASSIC · LIME - ▪ FROZEN · PEACH - ▫ 食得墨西哥菜唔少得嗌埋經典招牌特飲「Margarita」，佢地有幾種口味揀，最後揀左「Cassic·Lime」同埋「Frozen·Peach」。前者比較清新，易入口，而後者桃味好突出，但唔會太甜，岩岩好；最重點係呢個價錢有20o.z咁大杯，的確係值回票價嘅。 - 📎 C a l i e n t e 📍尖沙咀諾士佛臺 6 號 3 樓 เพิ่มเติม

1
0

Hogology, Causeway Bay อาหารฮ่องกง

「熱の気特約：炊豕店の衝擊？」哼！我從來唔怕熱氣！就算冒住爆哂瘡生哂飛滋既威脅，我都唔會向熱氣低頭！人稱炸物博士既我，正如保錡話齋，一字記之曰：快！吞！轟！今次二訪「炊豕店」你就知我咩料啦，人生既野今日唔知聽日事，食左先講囉…吹呀！👇 - 📌人氣推介 - ▪ 蔥油滑蛋豬扒飯 - $64(+$10) 2▫ 黎呢到首當其衝建議試試「蔥油滑蛋·豬扒飯」，豬扒的確炸得好有料到，食落外層脆卜卜，每一啖肉都夠哂腍滑；再加埋面頭既蔥油、豉油，份外滿足，加$10蚊仲有一隻滑蛋連埋，夾埋一齊食就更滿足啦！ - ▪ 咖喱汁秘製豬扒飯 - $64 ▫ 要直上人間天堂一定要嗌埋「咖喱汁·秘製豬扒飯」，唔同既係今次唔係蔥油上，而係用咖喱汁instead。豬扒一樣食落爽脆無比，肥瘦均勻，但換左咖喱汁黎講，相對無咁漏，而多左一份濃香感，亦唔錯。 - 📎 炊豕店 📍銅鑼灣加路連山道 11 號地下 เพิ่มเติม

1
0

Espuma, Central อาหารสเปน

「疾如風，徐如林；四歸一，暗槓七。」有d野真係講命水，當初你又點估到一個無個人技能，無唱功，無舞技既三爺可以一夜成名。或者呢樣就係我地經常都掛係嘴邊，所謂既"觀眾緣"，又可以話係佢一種獨特既個人魅力。其實星途就好似一埸打麻雀既過程，可能打左八圈你都係坐冷板凳，點知轉個頭就比你食左鋪自摸爆棚，問你死未。而今晚去呢間「Espuma」有幾爆我就唔知，我淨知一定好過癮！👇 - 📌T A P A S - ▪ Chili Crab · Tarts - $85 ▫ 先黎個小食熱下身先，呢個「辣味·蟹肉撻」面頭既蟹份量唔少，賣相精緻；加上底部既花椒配上xo醬，惹味感瞬間提升；再配上 Mozzarella烤焗後，外層食落相當香脆，唔錯。 - ▪ Pickled · White Cod - $118 ▫ 第二款前菜「蕃茄清湯·酸菜白鱈魚」配搭非常創新，用上新鮮白鱈魚連埋酸菜、花椒、墨西哥辣椒將每種辣既感覺集合一齊，食落麻得黎又唔會太辣，好特別；加上魚肉肉質嫩滑，配搭蕃茄清湯唔會太油膩，好食。 - 📌M A I N - ▪ Shan · Shui - $208 ▫ 輪到主菜方面，大廚運用芝士菠菜雞肉卷、芒果紫糯米飯、煙熏糖心蛋連埋菠菜再放係一大個玻璃兜裡面，加埋打造成一幅考有feel既「山水畫」，的確打卡幾有睇頭。而雞肉卷肉質唔乾，口感腍滑；糯米飯連埋芒果煙煙韌韌，甜而不膩，幾好食；雞槌亦唔錯，啖啖肉同個菠菜汁幾夾，成個組合幾有諗頭！ - 📌D E S S E R T - ▪ Darling Pudding · Earl grey custard - $118/Half ▫ 終於到震撼最視覺既甜品「楓糖布丁香蕉· 伯爵窩夫」，一黎面頭有個極巨型棉花糖，顏色睇落略帶粉藍色；而裡面放住既係伯爵味吉士既窩夫，同埋旁邊有個冧酒提子味既 Mövenpick雪糕；而waffle面頭連埋香蕉一齊食，外脆內軟得黎又多左一份口感，打卡控唔好錯過！ - 📎 E s p u m a 📍中環威靈頓街2-8號威靈頓廣場M88 17樓 เพิ่มเติม

1
1

Milksha, Causeway Bay ชานมไข่มุก

「夏日之鬼特約：SHA樂冰」有得揀我真係想以後都係冬天呀！我寧願企係條街都震住咁飲野都唔想一落街就出哂汗，叫人點頂到 10月呀！不過，信迷客夏！唔驚！全新系列 SHA樂冰暫時為我呢個夏天，帶來一點清涼快感，呀～👇 - 📌全新 SHA 樂冰系列 - ▪ 脆脆出雲抹茶芝芝 - $44 ▫ 用上來自日本桃翠園既抹茶黎做沙冰，淨係呢點已經要讚。一入口抹茶香非常濃郁，而茶味帶淡淡既回甘；加埋開心果同埋脆脆米，口感增加不少：而Topping 可以選擇忌廉或者芝士奶蓋，作為奶蓋 fans唔洗問一定係後者；呢個奶蓋做得甜而不膩，芝士味亦夠突出，認真唔錯。 - 📎 迷客夏 · Milksha 📍銅鑼灣利園山道 17 號地舖 เพิ่มเติม

0
0

Cafe (Hyatt) อาหารนานาชาติ

「試圖讓夕陽飛翔，帶領你我環繞大自然…」當一日準備結束之際，窗邊就會凝聚住一股力量，往往有種好浪漫既感覺，而呢種力量我地稱之為夕陽。要充分體驗呢種感覺，唔一定要係海邊既，黎到「尖沙咀凱悅酒店」歎返個dinner buffet，6點零鐘前趁人少少岩岩好，享受陽光透射落黎果種清新脫俗，踏足一人之境，當FF完之後面前就係無數既日式、西式、中式、印度美食等緊你，夫復何求呀！？👇 - 📌Dinner · Buffet - $668/Head ▪ Freshly Poach Sustainable · US Boston Lobster - ▫ 今次buffet全埸焦點一定係任食「即灼新鮮可持續·美國波士頓龍蝦」，只要每次排隊都可以令到半隻，大大滿足一眾龍蝦控。加上大廚都係即時煮熟，而唔係擺係到歎凍哂果種，保證以最新鮮品質比食客。而食落龍蝦鮮甜爽彈，完全無雪藏味，肉質又夠緊緻，staff亦建議加埋泰式辣汁，鮮味份外突出，呀！我感覺大海男兒的氣息了。 - ▪ Special · Assorted Sashimi - ▫ 另一邊去到刺身部份，今日精選有「手釣原條·黃鰭吞拿魚」、「三文魚」、「油甘魚」、「帶子」、「魷魚」。每款魚身光澤鮮明，睇得出絕對係新鮮貨，魷魚有咬口，帶子鮮甜；油甘魚入口肥美滑嫩，食完一轉就梗係要走多轉啦！ - ▪ Seafood · Platter - ▫ 今日既凍海鮮亦有睇頭，都係由自己揀選屬於自己既拼盤啦，我咁大食，一定見咩就掃咩啦。分別橫掃「長腳蟹腳」、「小龍蝦」、「青口」、「海蝦」，要讚既係蟹腳夠多肉，肉質相當鮮甜；青口肥美彈牙，絕對唔會輸比今晚既主角龍蝦兄。 - ▪ Sake Flambeed · Bamboo Shoot - ▪ Teppanyaki Flambeed · Duck Liver - ▫ 輪到熱食環節，今個月餐廳大搞日本主題，分別有我最愛既「鐵板·火焰鴨肝」同埋「清酒· 火焰竹筍」，眼見師傅將熊熊烈火燒起個鐵板就知咩料啦。師傅會將鴨肝連埋多士比食客，而竹筍會一早燒好放係碟上，比你隨意拎埋。鴨肝食到明顯外層焦香，而入口夠哂嫩滑鬆化；而竹筍啖啖爽脆，認真唔錯。 - ▪ Grilled · Suckling Pig - ▪ Slow Roasted · Prime Rib Gravy - ▫ 再行過少少去到熱食環節，去到呢到我戰鬥力已經7788，為左慳肚食甜品我盡量精選另一重頭戲「烤·脆皮乳豬」、「慢燒原條·頂級牛肋骨肉」。前者乳豬要睇時機見到排哂長龍就好行埋去排埋一份，食落皮脆肉嫩，加上油香十足，真係忍唔住想食多舊。而後者「慢燒原條· 頂級牛肋骨肉」肉質呈嫩紅色，師傅燒得岩岩好5成熟，食落肉質軟腍入味，牛味亦夠濃郁；配搭燒汁或者沙嗲汁份外惹味，當然鍾意清新一點可以拎埋「烤·原隻菠蘿」一齊食，層次多變。 - ▪ D e s s e r t - ▫ 點解我話要留肚食甜品？事關佢地甜品選擇係超級多，加上出哂名係超高質甜品buffet，分別揀選左幾款得意甜品黎試，「拿破崙·蛋糕」、「朱古力·車厘子泡芙」、「士多啤梨·芝士蛋糕」、「70度厄瓜多爾·朱古力」。樣樣賣相都相當精緻，作為打卡一族既你，一定唔可以錯過。印象最深刻一定係拿破崙，入口果種酥皮非常鬆化，簡直係一種天堂般的享受！ - 📎 Café · Hyatt Regency Tsim Sha Tsui 📍尖沙咀河內道18號香港尖沙咀凱悅酒店大堂樓層 เพิ่มเติม

0
0

Kikanbo, Causeway Bay อาหารญี่ปุ่น

「即使要蒙著我嘴，我亦可高呼～」自從做左foodie之後，體重不斷上升，感覺離變做肥仔不遠了。但為左不斷發掘好西，唯有犧牲小我，完成大我。我感覺到呢個moment，已經無人可以阻到我向著地獄奔跑，再一次挑戰銅鑼灣拉麵界最頂級既鬼門關「鬼金棒」，麻辣中尋歡！👇 - 📌拉麵 - ▪ 味玉芫荽辣麻味噌拉麵 - $110(+15) ▫ 芫荽好！好芫荽！香港出左一條好菜叫芫荽！其實芫荽係一種好兩極化既東西。只有好感同反感，永遠無中間，而我就屬於鍾情到癲喪程度，事關每次食麵我都一定要落芫荽。而今次亦唔例外，成碗拉麵都鋪滿哂芫荽，感覺好治癒，再加多15蚊要埋粒溏心蛋，成個香味非常濃郁；辣既程度我揀左中麻中辣，而麵條吸收哂湯底精華，軟硬適中；配搭厚滑叉燒，口感軟腍入味，相當好食！ - ▪ 味玉辣麻味噌拉麵 - $100 ▫ 另一碗我朋友唔太食得辣，所以點左個小麻小辣，再加多隻玉子。玉子咬落中間仲有流心狀態，認真誘惑；湯底相對無咁鮮色，呢個辣度岩岩好，又唔會太油膩，唔錯。 - 📎 鬼金棒 📍銅鑼灣謝斐道 530 號地舖 เพิ่มเติม

1
0

Le Bistro Winebeast อาหารฝรั่งเศส

「為了相處愉快…演好我的每一天。」其實又點止人妻要演..只要有生存既一日，你依舊都要帶住一副偽善既假面具。正所謂見人講人話，見鬼講鬼話。若果有一日你唔需要向你上司奉誠，唔需要為左討好班所謂同事用是非當人情，唔需要怕傷害到人而收埋個自我，你話幾咁好呢？不過…呢間「Le Bistro · Winebeast」可以坦蕩蕩地，用最赤棵既心態去感受佢既美食，我諗已經足夠？👇 - 📌4-Course Dinner · Wine Pairing Tasting Menu - $698/Head ♦️S t a r t e r s - ▪ Perfect · Egg - ▫ 呢到既Tasting Menu都會由chef每日親自精選唔同新鮮食材，今日既前菜由「水波蛋·巴馬火腿」打頭陣。先講主角poached egg真係做到perfect 境界，用叉輕輕刮開蛋白，中間既蛋黃好似瀑布咁湧出黎，視覺相當震撼，加上入口即化，好滿足。而旁邊既青豆蓉同埋炒過既青豆兩者味道相當夾；加上parma ham同埋青蒿作為點綴，清新感瞬間提升！ - ♦️Main · Courses - ▪ Grilled · Seabass - ▫ 輪到兩款主菜登埸，第一道一定要試超高水準既「烤海鱸魚」，時間方面chef的確處理得唔錯。因為seabass好容易就overcooked，但今次呢個外皮煎得夠香脆，裡面魚肉仲保持到嫩滑，完全唔乾，鮮味十足；配搭shellfish sauce入口特別creamy，仲食到一粒粒蜆肉同埋大蔥，份外惹味！ - ▪ Pithivier of Pigeon · Foie Gras - ▫ 另一道王牌推介「法式鵝肝乳鴿·千層酥批」， chef巧妙地運用法式酥皮黎烤製，表面睇好似一個球狀咁，但做法絕對唔簡單。而裡面既餡料除左乳鴿肉外，仲夾雜左鵝肝係，切開中間明顯見到層次分明，而食落除左有乳鴿既肉味外仲有鵝肝既濃香，成個口感相當豐富；旁邊亦有大量雜菌伴菜，實在不得不試！ - ♦️D e s s e r t s - ▪ Mille · Feuille - ▫ 輪到甜品環節，一嚐經典「法式·拿破崙蛋糕」，新鮮出爐既外層夠哂鬆脆，加上中間雲呢拿忌廉，濃香軟滑；連埋旁邊既红莓雪葩清新減膩，無得頂！ - 📎 Le Bistro · Winebeast 📍灣仔莊士敦道 35-45 號利文樓地舖 เพิ่มเติม

1
1

Oyster Cove（Tin Hau） อาหารทะเล

「動了該死的凡心，我用無情力推開快感…」你要明白誘惑係一種好難抗拒既意識，但對住眼前既新鮮生蠔、海產，you never say no！我就當然唔例外啦，雖之我感覺到惡魔就係身邊，但係呢刻，我已經豁出去，黎啦！盡情蹂躪我個胃啦。Come on baby! Come on！You make me hungry！👇 - 📌Oyster Seafood · Platter - ▪ O y s t e r - ▫ 由食客自選組合自己鍾意既生蠔拼盤，當然無乜經驗既亦可以詢問staff幫拖救駕，當晚就介紹左呢6款來自唔同地方既生蠔。由味道淡味至濃味開始食起，第一隻來自南非有石蠔之稱既「South Africa Rock」，味道比較溫和，鮮甜順滑，口感相當creamy，做第一道生蠔非常適合；第二隻來自愛爾蘭東南部「Tia Maraa Pearl」，蠔肉相當清甜，質感偏向爽滑少少；第三隻有法國藍寶石蠔「Speciales Lambert No.1」開始進入重型階段，肉質明顯較前兩隻更加肥美，食落有豐富礦物味；第四隻同樣來自法國「Eske」肉質鮮甜，加埋冰盤上面既檸檬汁，餘韻份外持久；第五隻法國水晶生蠔「Krystale」，海水味較前四隻特別濃郁，staff建議介埋帶子一齊食，口感特別飽滿；最後一隻生蠔界既勞斯萊斯「Gillardeau No.1」，肉質最爽脆最有彈性，海水味係最重最濃，整體生蠔呢part一定係滿分咖啦，無得傾。 - ▪ Hokkaido · Ark Shell - $78/pcs ▪ Hokkaido · Scallop - $38/pcs ▪ French · Blue Prawn - $38/pcs ▫ 而除左生蠔，platter仲可以組合當日唔同既時令水產，staff就建議最好先食刺身先再食生蠔。而今晚就試左餐廳主打既「北海道·活赤貝」食落夠哂爽甜，相當新鮮；「北海道· 帶子」一入口就知絕對唔可以拎冰鮮貨去做比較，果種鮮味相當高質；仲有第一次試既蝦中極品「法國·藍蝦」，蝦身已經事先去除中間殼位，夠哂方便；蝦肉真係呈淡淡既藍色，食落口感黏滑得黎帶少少煙韌，頭段既蝦膏甘香出眾，超級好食！ - 📌Chef · Recommendations - ▪ Clams Soup · Garlic and Sake Sauces - $238 ▫ 食完精彩既頭盤，緊接下去當然係熱食啦。第一道「清酒蒜蓉·煮活蜆湯」以紐西蘭大蜆做打頭陣，每隻蜆肉相當肥厚，食落帶濃郁既清酒味，加埋蒜蓉相當口感份外鮮甜；而且要讚既係蜆肉完全無沙，食得特別放心。 - 📌P a s t a - ▪ Lobster Pasta Cream Sauces - $298/Large ▫ 第二道人氣最高「燴龍蝦·忌廉意粉」擺盤上見到大廚用左新鮮龍蝦鉗做主角，龍蝦啖啖肉之餘；仲用左大量洋蔥、橄欖油煮成，所以每條意粉相當惹味，食落亦好夠咬口！ - 📎 蠔灣 · Oyster Cove 📍天后水星街 28 號耀星華庭地下 1 號舖 เพิ่มเติม

0
0

Fast Gourmet อาหารนานาชาติ

「來自我一種驚世價值，迷惑你粉絲不會免疫。」無論你做邊行都好，Branding、公關、形象是旦一樣撻Q，前途的確足以令你GG。但正所謂人誰無過呢？如果只係需要一個機會比佢改過？又係咪咁難？拿！我唔係無條件撐佢咖！我只係認為Error始終都應該係四子姐…但以下呢間餐廳「Fast · Gourmet」就點都有位比我讚，所以長期爆埸咪就係咁解囉！👇 - 📌3-Layers · Afternoon Tea Set - $258/For Two ♦️S a v o u r y - ▪ Seared Hokkaido Jumbo Scallop · Black Truffle Sauce - ▫ 上次黎試左佢地招牌牛角包後，得知佢地推出既Tea Set用緊優惠價推出，即刻狗衝就梗咖啦。一上枱見到傳統三層架就知相機要出動啦，主要分左鹹點同埋甜點；而頭果層就擺放左「香煎黑松露·北海道珍寶帶子」。食落帶子口感煙韌，肥美嫩滑，加埋面頭黑松露，香味十足。 - ▪ Pork · Apples - ▪ Chicken · Salad Roll - ▪ Crab Meat · Avocado Sandwich - ▫ 中間分別擺放左「西班牙·黑毛豬腩」、「慢煮雞肉·沙律卷」同埋「蟹肉牛油果·三文治」。黑毛豬腩入口鬆軟，油脂香味豐富；而雞肉沙律卷一啖過認真過癮，又夠清新；蟹肉牛油果相當出色，兩者味道配埋幾夾，鹹點黎講水準唔錯。 - ♦️S w e e t - ▪ White Truffle · Cheesecake - ▪ Mixed Berries · Mille-Feuille - ▫ 輪到驚喜十足既甜點，先試左個「白松露·芝士蛋糕」先，一放入口即刻感受到果種軟滑，而且白松露相當突出；「鮮莓·酥餅」賣相精緻，甜得黎唔會太膩，酥餅又夠脆口，正。 - ▪ Sous-vide · Crème Brûlée - ▪ Caramel Popcorns Espresso Mousse - ▫ 跟手再試埋「招牌真空·慢煮焦糖燉蛋」，果然無失望，蛋香濃郁，食落口感夠哂細滑，配搭焦糖層次豐富；而「焦糖爆谷·咖啡摩絲」食落咖啡味相當重，而mousse岩岩好，唔會太軟身，口感一流。 - ♦️D r i n k s - (+$25) ▪ B l a c k i e - ▪ Tiramisu · Cheesy - ▫ 飲品方面Tea Set都會包埋，而特飲只要加少少錢就有得試，選擇亦多，今次揀左「黑墨·咖啡」、「提拉米蘇·芝味特飲」。前者一上枱有雲石紋理，非常IGable，入口有明顯既芝麻味，唔會比咖啡味搶哂；後者真係好似Tiramisu咁，Staff會提供埋餅碎比你倒係面，飲落又唔會太甜，幾有創意。 - 📎 Fast · Gourmet 📍中環善慶街 9 號地舖 เพิ่มเติม

0
0

hEat อาหารทะเล

「當我知道閃耀住既係眼淚，唔係黃金…」我相信好多打工打放完5日復活節假之後都會好氣餒，心中一句點解我老豆唔係李嘉誠！無錯呀…我同你一樣，心中理想職業就係做兒子。正所謂九曲十三彎，波折當三餐，人活係夢裡面太耐，唔係一件好事。何不憑實力離開人間煉獄，係「h E a t」踏上通往天國的階梯，係黑暗之中shining bright？👇 - 📌8 Course · Sharing Menu - $1388/For Two ♦️S t a r t e r - ▪ Crab · Lobster Bisque - ▫ 第一道趁熱食一定係「法式龍蝦·蟹肉濃湯」，就咁睇賣相就知相當濃香，一入口質感順滑，食到明顯一梳梳蟹肉；面頭既忌廉令整體更豐富，口感十足。 - ▪ Tuna · Steak - ▫ 以半生熟「吞拿魚扒」伴隨面頭既芒果莎莎，賣相精緻之餘，食落吞拿魚本身既油香到位，而且質感軟腍；加上芒果既果甜味，中和返油膩感，非常開胃。 - ♦️Hot · Dish - ▪ O y s t e r s - ▫ 熱盤開始就位，第一道「焗法國·生蠔」用左大量芝士焗後，表面夠哂濃香，而裡面生蠔來自法國La Royale，焗完仲保持到好重海水味，有種清甜感；肉質亦夠juicy腍滑，加埋菠菜仔突出當中既層次，唔錯。 - ▪ Foie · Gras - ▫ 好特別既一道「法式·溫泉蛋鵝肝」，平時鵝肝多數配焦糖蘋果又或者肉桂、梨，反而第一次試配搭溫泉蛋既組合，幾有新意。鵝肝用焦糖醬煎香，入口輕盈爽彈，油香十足；再加埋蛋汁一齊食，口感更加嫩滑，幾好食。 - ▪ Seasonal · Clams - ▫ 繼續海鮮唔好比佢停，呢個「白汁·忌廉大蜆」用左大量忌廉加埋香茅、檸檬、薑汁，同平時既白汁好唔同，分別係質感軟綿得黎多左一份鮮味；而蜆肉夠哂肥美大隻，份量又夠多，相當抵食！ - ♦️M a i n - ▪ Whole · Lobster - ▫ 黎緊既主菜驚喜十足，第一道「原隻芝士· 焗龍蝦」表面被厚厚既芝士覆蓋住，食落金黃香脆；而龍蝦肉唔會過熟，食落嫩滑彈牙，加埋芝士既鹹香味，底部既古斯米加強唔少口感，整體絕對係一絕既組合！ - ▪ 45-Day Dry Aged · Greater Omaha Striploin - ▫ 牛魔王唔需要擔心，絕對唔少得呢份「美國· 頂級西冷」，利用45日乾式熟成保持牛肉既鮮味，再經大廚香煎到岩岩好，感覺到肉汁緊緊被鎖住。而上枱時己經幫我地切好埋，每一啖油香係口腔裡面爆發，肉質夠哂軟腍入味，無得輸；另一亮點係旁邊既side dish 用左四川風味既蔬菜，份外麻香之餘顯得中西合璧！ - ♦️Daily · Dessert - ▪ Chocolate · Lava Cake - ▪ Yuzu Lemon · Icecream Tart - ▫ 是日甜品有兩款，今日試左「心太軟」同埋「柚子·檸檬撻」。前者焗既時間好到位，一切開裡面仲呈現緊流心狀態，溫度仲保持熱感，外層又夠鬆軟，好好食；而後者檸檬撻柚子同檸檬味相當夾，清新但又甜而不膩，唔錯。 - 📎 h E a t 📍灣仔皇后大道東202號QRE Plaza 23樓 เพิ่มเติม

0
0

Fûhn, Causeway Bay อาหารเวียดนาม

「回頭看的片段，有一些風霜。」鍾意周圍去食野除左滿足新鮮感外，又可以開下眼界，但間中搵返一種舊有味道，又有歷久常新既感覺，幾令人懷念。尤其是專賣越南河粉既「F û h n」，絕對係我呢d扮工仔既愛好。 - 📌Lunch · Set - ▪ Special Beef · Fûhn - $99 ▫ 一碗神級「特式·牛湯粉」就顯示到佢既實力，先講湯底，一入口感覺非常鮮甜，唔會太重油膩感；而配料份量亦都比足，絕無姑寒。安格斯牛肉夠薄身之餘夠肥美，肉味濃郁；牛坑腩片肉質相當爽口，唔會好韌；牛筋片軟腍入味，無果種硬身既質感；加埋麵條吸收哂湯底精華，每條彈性豐富，特別滋味！ - 📎 F û h n 📍銅鑼灣駱克道459-461號The L. Square 1樓 เพิ่มเติม

0
0

Le reve อาหารญี่ปุ่น

「跌過一次，那怕跌多次…就當我瘋子。」其實每個都市人都有一種隱性既壞習慣，可能你自己察覺唔到，當你發現自己原來我係咁樣既時侯，竟然係覺得無咩問題。我用我自己做一個例子。我對生活上無乜要求、無乜物慾。但偏偏對味道既追求愈黎愈高，雖然作為Foodie 唔可以話係專業，但即使曾經不斷中伏，食過好多不堪入口既餐廳。我依然唔會放棄發掘好西比大家，係銅鑼灣呢間「Le · Rêve」絕對係我食過最高質既法日菜，就係一份執著。👇 - 📌6 Shades of Flavour - $980/Head ▪ Amuse · Bouche - ▫ 法式餐廳一般都會以開胃菜打開前奏，今日係兩款精緻小點，包括「甜蝦他他」、「蕃茄芝士餅」。兩者感覺清新，賣相吸引。 - ♦️S t a r t e r - ▪ Rose · Wagyu Beef - ▫ 接下來就係重點前菜環節，第一道先試左個「慢煮日本·和牛臀肉」先，大廚巧妙運用和牛 rump位，呢個部位食落特別滑嫩；再包住日本水菜、洋蔥打成既mousse；旁邊灑上蘿蔔片、黑松露，再用牛肉清湯做sauce；整體入口濃郁惹味，唔錯。 - ▪ Le Rêve Caviar · “Secret” - (+188) ▫ 跟手再黎個神秘禮盒，原來裡面係裝住個「魚子醬·米通慕絲」，一打開仲有煙霧效果，仙氣十足。其實面頭一邊係米通脆脆，另一邊就係魚子醬；連埋夾心果層既三文魚他他，同埋最底白露荀打成既mousse；所以連埋一齊食，口感係相當豐富，而且有種獨特既鹹鮮味，好滿足。 - ♦️M a i n - ▪ Le · Caille - ▫ 開始展開激烈既對話啦，第一道主菜「法式· 香煎鵪鶉」，用左Sake Soy Sauce做base，明顯聞到酒香既存在；加上煙燻過既車厘茄、黑橄欖、西蘭花蓉，成個擺盤好華麗。而食落鵪鶉肉外脆內軟，肉質完全唔乾，火候岩岩好！ - ▪ M o r e l - ▫ 激情唔好比佢停，跟住「法式羊肚菌·帶子卷」亦相繼上埸，大廚利用鮑魚片、北海道帶子、椰菜連埋羊肚菌一齊包成卷物；再係面頭放上 Truffle Foam、慢煮鮑魚汁做底；成個配搭好特別，羊肚菌食落惹味爽口，估唔到同帶子口感咁夾，好食。 - ▪ Surprise · Dish - ▫ 原來餐廳既Surprise Dish都會有唔同，今晚既驚喜係「和牛面頰肉·意式雲吞」，雲吞當中夾雜和牛，口感煙韌有咬口；再落左松茸湯汁，旁邊放上白露荀、黑松露係面；鹹中帶甜，加埋秀珍菇，濃香入味；成個層次相當突出，一秒愛上！ - ▪ K i n m e d a i - ▫ 輪到充滿日本風情畫既「煎封·金目鯛」，金目鯛經煎香後比刺身食落鮮味更出，魚肉食落入口即融；大廚用埋櫻花蝦做sauce，再用九層塔煮出黎既油，香味相當震撼；當然唔少得配料萵筍、枝豆、金菇；同埋面頭Comte Cheese Foam 令成件事更加豐富。 - ▪ Japanese · Wagyu - (+198) ▫ 當然唔少得重頭戲「慢煮宮崎縣·A5西冷和牛」，要大讚係和牛色澤粉嫩，脂肪分佈平均；就算係西冷位，入口亦相當軟腍，而base用左燈籠椒整成既puree，連埋一齊食，反而加強左果種香甜感，真係好食到想encore多次！ - ♦️D e s s e r t - ▪ Dessert · Surprise - ▪ M i g n a r d i s e s - ▫ 連最後甜品都有驚喜？前者為今晚既「白朱古力· 慕絲」，裡面咬落食到粒粒芒果軟心，口感鬆軟，又唔會太甜；配埋薑味、九層塔雪葩、菠蘿粒，有種減膩既感覺，唔錯；而後者精緻茶點以「玫瑰朱古力」同埋竹炭曲奇完成今日fine dining，可以話人間天堂。 - 📎 Le · Rêve 📍銅鑼灣耀華街 38 號 Zing! 10 樓 เพิ่มเติม

1
0

EL Dining อาหารนานาชาติ

「我要為我活下去，也代你活下去…」人類本來就係有物慾既生物，利益永遠往往係向上游既動力，如果呢個世界人人平等，世界就會大亂。既然一定要有高低之分，貧者愈貧，富者愈富既意識形態，點解我唔嘗試努力改變未來？同樣你對野食只要你有要求，自然食到好西，所以今日二訪「 𝑬𝑳 · 𝑫𝒊𝒏𝒊𝒏𝒈」，理由好簡單…有能者居之。👇 - 📌𝐖𝐞𝐞𝐤𝐞𝐧𝐝 · 𝐋𝐢𝐭𝐞 𝐓𝐚𝐬𝐭𝐢𝐧𝐠 - ♦️𝗦 𝘁 𝗮 𝗿 𝘁 𝗲 𝗿 - ▪ 𝘓𝘰𝘣𝘴𝘵𝘦𝘳 · 𝘛𝘢𝘳𝘵𝘢𝘳𝘦 𝘊𝘢v𝘪𝘢𝘳 - ▫ 頭盤先黎個「黑魚籽龍蝦·牛油果他他」，賣相夠哂精緻，成個小蛋糕咁，好特別。面頭既黑魚籽口感十足，將龍蝦同牛油果中和油膩感，整體配合得宜。 - ♦️𝗦 𝗼 𝘂 𝗽 - ▪ 𝘋𝘢𝘪𝘭𝘺 · 𝘚𝘰𝘶𝘱 - ▪ 𝘓𝘦𝘮𝘰𝘨𝘳𝘢𝘴𝘴 𝘓𝘪𝘮𝘦 · 𝘊𝘳𝘢𝘣 𝘓𝘰𝘣𝘴𝘵𝘦𝘳 𝘉𝘪𝘴𝘲𝘶𝘦 - (+48) ▫ 輪到上湯啦，分別同朋友點左「南瓜·忌廉湯」、「香茅青檸·蟹肉龍蝦濃湯」。前者南瓜味夠重，入口忌廉幼滑，質感又唔會太"杰"，唔錯；而後者龍蝦湯非常濃郁，鮮甜到位，仲有一梳蟹肉，口感豐富。 - ♦️𝗦 𝗮 𝗹 𝗮 𝗱 - ▪𝘋𝘢𝘪𝘭𝘺 · 𝘚𝘢𝘭𝘢𝘥 - ▫ 今日是日沙律為「田園·沙律」，生菜夠新鮮，而且醬汁夠開胃，為之後既主菜帶來更多健康元素。 - ♦️𝗲 𝗻 𝘁 𝗿 é 𝗲 - ▪ 𝘏𝘰𝘬𝘬𝘢𝘪𝘥𝘰 𝘚𝘤𝘢𝘭𝘭𝘰𝘱 𝘗𝘢𝘴𝘵𝘢 · 𝘡𝘶𝘤𝘤𝘩𝘪𝘯𝘪 · 𝘚𝘶𝘯-𝘋𝘳𝘪𝘦𝘥 𝘗𝘰𝘮𝘰𝘥𝘰𝘳𝘪 𝘚𝘢𝘶𝘤𝘦 - $198 ▫ 主菜方面先黎個「蕃茄乾·香煎北海道帶子· 義大利麵」，佢地既帶子外面煎得帶少少焦香，裡面肉質相當嫩滑，完全唔乾身；大廚係帶子面頭加左用金巴利紅椰菜整成既泡沫同埋蕃茄乾黎增加成個賣相同味道，感覺清新；而意粉有咬口，唔會太腍，好食。 - ▪ 𝘗𝘢𝘯-𝘍𝘳𝘪𝘦𝘥 𝘋𝘶𝘤𝘬 𝘉𝘳𝘦𝘢𝘴𝘵 · 𝘖𝘳𝘢𝘯𝘨𝘦 𝘎𝘯𝘰𝘤𝘤𝘩𝘪 𝘊𝘰𝘤𝘰𝘯𝘶𝘵 · 𝘔𝘢𝘯𝘨𝘰 𝘚𝘢𝘶𝘤𝘦 - $218 ▫ 第二道要大讚既「香煎鴨胸·香橙薯丸·芒果汁」比我想像中有驚喜，事關鴨胸外層咬落夠脆口，完全唔無肥膩感；而且用左鴨肉既肉汁黎做 sauce，感覺好juicy；配搭埋芒果汁、甘荀乾、香橙薯丸令成件事更加fresh，層次更豐富。 - ▪ 𝘚𝘦𝘢𝘴𝘰𝘯𝘢𝘭 · 𝘍𝘪𝘴𝘩 - $238 ▫ 第三道「精選季節·時令魚」大廚會按當日最靚品質既時令魚做主菜，今日就撞正係食我最愛既比目魚。食落魚肉爽滑彈牙，旁邊配上𝐰𝐚𝐬𝐚𝐛𝐢 薯蓉、椰菜花蓉，令質感更加smooth；而sauce 用墨魚汁調味，濃中帶鮮，相當吸引。 - ▪ 𝘚𝘰𝘶𝘴 V𝘪𝘥𝘦 𝘐𝘣𝘦𝘳𝘪𝘤𝘰 𝘙𝘰𝘢𝘴𝘵𝘦𝘥 𝘎𝘳𝘦𝘦𝘯 𝘛𝘦𝘢 𝘖𝘯𝘪𝘰𝘯 𝘚𝘸𝘦𝘦𝘵 𝘗𝘰𝘵𝘢𝘵𝘰 𝘗𝘶𝘳é𝘦 - $258 ▫ 第四道必定要讚既「慢煮黑毛豬柳·綠茶洋蔥蓉·甜薯泥」，黑毛豬質感嫩滑又夠厚身，配搭肉桂甜薯蓉、乾雞髀菇片、綠茶洋蔥蓉，鹹與甜之間拎到個平衡，好特別；而個醬汁主要用左豬肉打出黎既肉汁同埋青豆蓉，令整體層次更分明。 - ▪ 𝘎𝘳𝘪𝘭𝘭𝘦𝘥 𝘈𝘶𝘴𝘵𝘳𝘢𝘭𝘪𝘢𝘯 𝘙𝘪𝘣 𝘌𝘺𝘦 𝘚𝘵𝘦𝘢𝘬 · 𝘋𝘢𝘪𝘭𝘺 𝘗𝘰𝘵𝘢𝘵𝘰𝘦𝘴 & V𝘦𝘨𝘦𝘵𝘢𝘣𝘭𝘦𝘴 - $278 ▫ 最後呢道「澳洲牛肉眼扒·是日薯菜」顯得大廚控制火候岩岩好，首先切開色澤粉嫩，完全無過熟；牛味亦濃郁，肉質軟腍唔靭，唔錯；加埋薯菜，整體質素絕對係性價比甚高！ - ♦️𝗗 𝗲 𝘀 𝘀 𝗲 𝗿 𝘁 - ▪ 𝘚𝘶𝘳𝘱𝘳𝘪𝘴𝘦 · 𝘛𝘪𝘳𝘢𝘮𝘪𝘴𝘶 - (+$158) ▫ 最後share埋佢地最頂級人氣甜品「雪崩·提拉米蘇」，基本上每日都係售完即止。Staff一抆開張紙有一個好震撼既雪崩式爆發，完全係視覺同味道既多重享受！ - 📎 𝑬𝑳 · 𝑫𝒊𝒏𝒊𝒏𝒈 📍銅鑼灣告士打道230號宇宙商業大廈9樓 @el_dining321 #Lankistyle #LankiCWB เพิ่มเติม

0
0

Seorae (Causeway Bay) อาหารเกาหลี

「燒不燒肉，喜來稀肉？」有時食午飯無乜時間，尤其是我呢d扮工打得一個鐘唔通仲同你坐係到慢慢燒咩？雖之我係食肉獸姐…但我都要保住個飯碗咖麻。所以銅記既「喜來稀肉」設計埋午餐餐單，任均選擇，三隻字講哂，快靚正！👇 - 📌된 장 찌 개 - ▪ 차돌·해물·된장찌개 - $75 ▫ 要顯得大將之風一定要食韓式最地道既「海鮮·牛胸肉·大醬湯」，先講湯底，大醬味夠哂濃郁，而且相當足料；當中有豆腐、蜆肉、大蔥同埋蟹肉，唔怪得入口好鮮甜；而牛胸肉食落夠爽，唔會好韌，呢點抵讚；價錢亦都合理，午市選擇又多，成個感覺好似走左轉韓國咁，增添左唔少韓仔既影子，嘿嘿！ - 📎 喜來稀肉 · Seorae 📍銅鑼灣登龍街41-51號金龍大廈地下3號舖及1樓 เพิ่มเติม

1
0

Superdon อาหารญี่ปุ่น

「爆喇爆喇，爆爆爆爆爆爆硬！」識爆一定係咁爆，爆咩呀？爆丼呀！長期都滿座既「スーパー丼」當然有佢既奧妙之處啦。話明Superdon點可以唔嗌返個丼飯呢，睇緊我呢篇reviews既你又會唔會忍唔住爆埋一份？👇 - 📌人気和牛丼 - ▪ うなどん生玉子·和牛丼 - $98 ▫ 人氣招牌之一既「鰻魚玉子和牛丼」絕對係我今日既目標，面頭既鰻魚非常厚身，食落夠肥美，口感唔錯；配上隔離既肩板腱和牛，可以話錦上添花；食落牛味十足，軟腍彈滑；配搭流心玉子就無得輸；當然蛋汁撈埋d飯一齊食就梗咖啦，仲要粒粒都係日本米，呢個價錢抵比！ - 📎 スーパー丼 · Superdon 📍銅鑼灣駱克道 501 號地舖 เพิ่มเติม

2
0

SP Flower & Tea Room คาเฟ่

「三目共賞，賞花賞月賞秋香。」正所謂雨雨風風花花葉葉；年年暮暮朝朝，都只為求紅顏一笑，但要哄得女生們開心，又點可能淨係靠把口呢？都係果句啦，行動最實際，無得去旅行咪自製旅行囉，係尖東就有一間花系文青茶室「SP Flower & Tea Room」每一個打卡位都充滿花藝擺設，加上特大落地玻璃外牆，將日光盡收眼底，當然夜晚亦有唔同感覺，浪漫情調就少不免咖啦！👇 - 📌Homemade Soup · Salad - ▪ Pan-Fried Duck Breast · Beetroot Salad · Honey Balsamic Vinegar - $138 ▫ 沙律基本上係我每次dinner必點，呢到沙律既選擇都幾多，揀左款新推出既「香草蜜餞·鴨胸· 紅菜頭沙律」。平時紅菜頭我怕好腥，但呢個唔會，而且配搭蜂糖醋，酸酸甜甜份外好食；鴨胸亦唔會煎得太乾身，口感到位。 - 📌Savory Waffle · Pancake - ▪ Grilled Japanese Style · Eel Waffle - $142 ▫ 用上鰻魚主題既「烤日式·鰻魚窩夫」相當有驚喜，一定要讚既係個格他waffle即叫即烘，所以影耐左相都唔會腍哂，入口仲索索聲，鬆脆無比；而鰻魚亦要讚，肉質肥美，口感軟滑得黎入口仲夠哂彈牙；連埋伴隨既素菜沙律、意大利青瓜、蜜糖，整體非常豐富！ - 📌Risotto in · SP Style - ▪ Hokkaido Scallop Risotto · Butterfly Pea · Cream Sauce - $208 ▫ 試埋最新推出既「北海道帶子·海洋蝶豆花· 忌廉燉飯」，一食落帶子就知道係刺身級數高水準之作。兩邊煎得相當焦香，而中間肉質柔軟，生熟程度岩岩好；而燉飯口感軟腍，當中吸收哂忌廉既精華，口感滑溜得黎又唔會太膩，唔錯；加上有蝶豆花既點綴，賣相非常吸引。 - 📌Petite · Cake - ▪ Petite · Kyoto - $48 ▫ 當然要試埋招牌Petite Cake之一既「抹茶· 柑桔」啦，入口外層食到濃郁既抹茶香；而裡面既柑桔酸酸地中和返甜膩感，幾特別。 - 📌Tea · Poetry - ▪ Self · Love - $58 ▫ 花朵方面我建議可以一試「玫瑰菊花蜜· 樹茶」，就咁聞落帶有陣陣既清香，菊花同玫瑰既味道分別都夠突出；飲苟有種放鬆減壓既功效，呢晚都特別好訓呀。 - 📎 SP Flower & Tea Room 📍尖沙咀麼地道66號尖沙咀中心地下G64-66號舖 เพิ่มเติม

1
0

Little Bao Diner, Fashion Walk แฮมเบอร์เกอร์

「每晚High到聽朝，We Will Stay Tuned！」我份人好簡單，追求生活節奏唔一定要趕頭趕命，每日一落街就要追巴士。每日返工 lunch hour又要睇住時間食飯，排隊等位落單又無左半個鐘，我受夠啦，我有我態度，跟住我腳步。趁新年假期比條生路我行下，黎到「Little · Bao」最新銅鑼灣旗艦店，比我認認真真享受一餐台式burger， okay？Rolling now！👇 - 📌To · Shares - ▪ “OEUF EN POT” Crab Crispy Noodles - $198 ▫ 適逢新春當然要拎返個好意頭啦，呢個「Crab Crab聲·窩蛋脆脆麵」就夠哂好聽啦。當中用上全蛋面炸成既既麵餅，食落相當鬆脆無比；而淋上蟹肉、黃酒、來自日本既大陽蛋、本地豆苗；成件事層次豐富，每條麵條吸收哂醬汁既精華，味道濃香十足，呢個一定要試！ - ▪ Beef Bourguignon Bao - $138 ▫ 我Meat你又Meat之「搣Meat·面珠墩包包」，一定要試埋佢地既招牌baobao啦。佢地既餡料相當豐富，裡面牛頰肉係經過紅酒燉煮超過十幾個鐘，肉質超級軟腍入味，入口即化；再配上紅蔥、火箭菜、芥末醬；而外層麵包輕輕烘過，帶少少脆香，唔錯。 - ▪ Little Bao Poutine Fries - $98 ▫ 必定要試埋加拿大地道名物「加國經典· 肉汁薯條」，每條薯條淋上加左洋蔥肉汁同埋格魯耶爾芝士，豐富既拉絲令擺盤更加吸引，每一啖薯條食落將邪惡感提升到最高層次。而伴隨既炸豬腩肉條油脂香味十足，口感爽脆，無得輸！ - 📌S h a r e s - ▪ Drunker · Clams - $158 ▫ 就連海鮮都難唔到佢地，呢個「酒煮·大蜆」用上紹興牛油湯，離遠都聞到酒香；新鮮蜆肉入口啖啖肉，配上日本金菇、薯蓉，多重口感一試難忘，要大讚既係份量多得誇張，呢個價錢黎講絕對公道。 - 📌Ice Cream · Baos - ▪ Salted Ice-Cream Bao - $38 ▪ Rose Milk Ice-Cream Bao - $48 ▫ 兩款甜品「鹽味·雪糕包」、「玫瑰·牛奶雪糕包」亦有驚喜，前者為招牌經典鹽味，鹹甜適中，幾特別；而情人節限定既「玫瑰· 牛奶雪糕包」，外形精緻，特別吸引。外層經過油炸，食落香脆無比，夾雜冷熱之間，瞬間滿足整合個味蕾，一啖過認真滋味！ - 📎 Little Bao · 小包包 📍銅鑼灣京士頓街9號Fashion Walk 地下H1號舖 เพิ่มเติม

2
0

Amico 1890 พิซซ่า

「跟我放逐前程，你可以更配合我熱吻甦醒～」早就知道旺角Café佔據最多，而型格得黎又主攻大件夾抵食既既「Amico · 1890」絕對係久仰大名。店鋪有成兩層高，空間感十足之餘，配合港式懷舊霓虹燈牌，打造獨特情調，成個熱情氣氛瞬間飆升。都係果句啦，食野最緊要係講mood，同最岩玩既朋友一齊去邊都一樣咁chill！👇 - 📌掂過碌蔗 2 人套餐 - $398/抗疫價 ♦️A p p e t i z e r - ▪ Parma Ham · Salad - ▫ 前菜先黎個「巴馬火腿·沙律」就基本啦， Parma Ham夠哂鹹香，加上旁邊既沙律菜中和一下，就更加開胃；而旁邊仲有粟米、蕃茄仔、青瓜片，清新怡人，撈埋芝麻醬層次更加豐富。 - ▪ Crab Shell · Toast - ▫ 第二道前菜「松葉蟹蓋·多士」相當有驚喜，先講個多士先，即叫即烘，一咬落係脆到不得了；而配上濃厚既蟹膏一齊食，果種鹹鮮味絕對係令你食唔到口，不過份量都唔差，店主絕對唔姑寒！ - ♦️First · Course - ▪ Spaghetti Carbonara · Black Truffle - ▫ 輪到主菜先食個「黑松露卡邦尼·意大利粉」，一上枱賣相已經吸引到我，食落就知道每一條意粉都沾滿厚厚既黑松露醬，濃郁入味；而意粉口感適中，夠哂煙韌，又唔會太膩，唔錯。 - ♦️M a i n s - ▪ US Angus · Rib-Eye Steak - ▫ 直接殺入重頭戲「美國安格斯·肉眼」，對我黎講佢地處理今次5成熟幾到位，切開裡面仲有少少粉嫩色，而肉汁同時亦保留返，唔會太乾身；食落肉質完全唔韌，軟腍彈滑；加埋旁邊既薯條山，可見大廚砌得幾有心思，呢個可以話係誠意之作！ - 📌Draft · Beer - ▪ H e r o - $76/1Pint ▫ 黎得呢到一定要試佢地生啤，呢杯「Hero」集合鐵觀音、柑橘、蘭花，入口帶有茶香，質感順滑，幾岩我飲。 - 📎 Amico · 1890 📍旺角洗衣街 24 號地舖 เพิ่มเติม

1
0

Ciacoe อาหารอิตาเลียน

「麻木到一邊乾香檳，一邊抽煙觀看地震…」飲酒有時要講Mood，有時要講對手，但肯定唔洗等到夜晚既。今次帶大家黎到意大利北部風味既小酒吧「Ciacoe」，呢到集合超過百多款意大利葡萄酒、啤酒、意式地道小食，係一片悠和既日光底下整返啖酒暖下胃，加上weekend vibe既魔力，自然酒不醉人人自醉！👇 - 📌Our · Recommendations - ▪ Crudo E Tartufo - $128 ▫ 係咁moody既環境底下整返份pizza 就基本啦，佢地既pizza有得由自己調配，分別可以揀返自己鍾意既Base同埋Topping。如果選擇困難症既朋友亦可以揀返餐廳 Set既「Our·Recommendations」，今次我揀左「Crudo E Tartufo」，用上Mozzarella做base，topping放上 Parma Ham加埋Truffle Sauce令成個層次昇華不少。食落餅皮夠脆身之外， Parma Ham既鹹香同埋黑松露味覆蓋成個口腔，絕對係高質水準！ - 📌C o c k t a i l s - ▪ Aperol · Spritz - $75 ▫ 作為wine bar點都要飲少少酒精怡下情ge，如果唔太好紅白酒既朋友都可以一試意式風情既「Aperol·Spritz」。基本用上Aperol用底，配搭Prosecco、落埋Soda water加爆冰，入口冰涼透心，酒味適中唔會太重；加上有陣陣既果香，岩哂一眾女仕們呀！ - 📎 C i a c o e 📍灣仔月街 1 號地下 A 舖 เพิ่มเติม

2
0

Shanghai Yu Yuan ติ่มซำ

「小小春天…渡過冬渡過秋。」今年冬天凍冰冰，加埋疫情仲未回落，真係一個唔覺意失守中招真係手尾長。呢個時侯最重要係保護自己、身邊最親既家人、朋友少左見面，唯有靠多一份關懷，儘管只係噓寒問暖，都已經好足夠。可能呢個新年夜晚唔能夠係出面熱熱鬧鬧慶祝，或者可以改係連續兩年榮獲米芝連推介既「豫園」，新推出既午市行政套餐，心意搭夠啦！👇 - 📌美食薈·午市行政套餐·五道菜 - $238/每位 ♦️頭盤 - ▪ 無錫脆鱔 - ▪ 紹興醉雞 - ▫ 脆鱔炸得夠鬆脆，入口似足魚仔乾咁，帶少少甜味，鱔香十足；後者醉雞離遠都聞到酒香，雞肉嫩滑唔多骨，單係頭盤都相當精彩。 - ♦️點心 - ▪ 蘿蔔絲酥餅 - ▪ 豫圓小籠包 - ▫ 輪到點心亦唔會失望，酥餅層次分明，每層入口細滑，金黃鬆脆，裡面既蘿蔔絲保持得夠熱，高水準之作；小籠包下面墊住一塊紅蘿蔔片，外皮做得唔會太厚，咬開裡面餡料充足，肉汁豐富，成個上海風味份外突出！ - ♦️主食 - ▪ 砂窩鹹肉菜飯 - ▪ 蟹粉豆苗拌麵 - (+58) ▫ 去到主食環節，我同朋友分別揀左一個飯同埋升級左要個拌麵。砂窩菜飯雖然望落無乜特別，但每粒飯粒入口都夠哂惹氣，而且鹹鮮味特別濃厚，相當好食；蟹粉拌麵面頭鋪放一大羹蟹粉，相當搶眼，將成個拌麵撈勻，食落每條麵條夠哂彈滑，口感認真唔錯。 - ♦️湯 - ▪ 鮮魚羹 - ▪ 竹笙花膠紅燒翅 - (+$98) ▫ 呢個鮮魚羹真係無得輸，裡面相當足料，食到啖啖魚肉、冬菇，鮮味十足；一見到有紅燒翅，就算要加價都唔可以錯過啦，竹笙、花膠燉得非常軟腍，口感相當滑溜，絕對係養顏首選；湯底濃稠度岩岩好，火候到位，絕對要試！ - ♦️甜品 - ▪ 豆沙鍋餅 - ▪ 桂花酒釀丸子 - ▫ 上海菜無理由唔試埋佢地既招牌甜品ge，首先鍋餅裡面紅豆餡好多，餅皮又夠薄，入口熱辣辣，抵讚；酒釀丸子帶有濃厚既桂花味，丸又煙煙韌韌又咬口，整體比我想像中更加有驚喜！ - 📎 豫園 📍銅鑼灣登龍街18號 V Point 26樓 เพิ่มเติม

2
0

Mamaday, Causeway Bay อาหารนานาชาติ

「快樂嗎？你還是記得你跟我約定吧。」已經係我人生第四次食完再返黎「Mamaday」，可能你會問，你唔會厭咖咩？但我好肯定答你，食好野乜你會厭咖咩？事實打卡 Cafe黎講佢的確唔算貴，而且絕對對得住價錢，呢d咪贏哂一班消費者既心，自然咪得到好似我呢d死忠囉！ - 📌C a r b o h y d r a t e - ▪ Crab Crab Crab · Meet Crab Butter · Fettuccine - $128 ▫ 我好欣賞佢地呢份自我，「有蟹GO· 又有蟹肉的·蟹蟹蟹·意大利扁麵」呢句真呀，呢個時勢有得你食就食啦，仲咁多嗲。不過最欣賞當然係個意大利扁麵啦，配搭蟹膏、蟹肉、醬汁成個賣相好靚仔，食落麵條鬆軟唔乾身，相當滿足。 - 📌R i c e - ▪ Mamaday Unagi Omurice - $124 ▫ 一份好有人氣大熱既「唔好抱咁大期望· 蒲燒鰻魚·蛋包飯」真係為之一振呀，半條鰻魚加上嫩滑無比既炒蛋夠哂滋味；每一啖飯粒都充斥住辣勁，成個配搭清新又開胃，水準唔錯。 - 📎 M a m a d a y 📍銅鑼灣霎西街28號必發大廈1樓 เพิ่มเติม

2
0

汴京茶寮 อาหารญี่ปุ่น

「在我懷疑世界時，你給過我答案。」唔經唔覺今次已經係我第三次到訪「汴京茶寮」，每一次都感受到店主既創新、心意，尤其是經過漫漫寒冬既季節下，手執一杯抹茶，一絲絲溫暖由心底裡感受得到。我唔需要再懷疑到底會唔會中伏，唔需要擔心仲有無野吸引到我。因為我完全相信店主既眼光、實力，尤其是岩岩新推出既「和風木盒下午茶」，絕對係驚喜之作！👇 - 📌Japanese Wooden Box · Tea Set - $438 ▪ Japanese Red Maple · Sweet - ▪ Japanese Tiramisu · Mochi - ▪ Mini Sweet · Potato Roll Cake - ▫ 打卡一族必會愛上「和風木盒·下午茶套餐」，當中包括七款精選日式甜點同埋一款招牌手沖茶。三層式既擺設，令成個賣相和風十足，其中一層由「紅葉·和菓子」、「Tiramisu·大福」、「迷你·紫薯蛋糕」組成，底部灑滿食鹽扮演雪花裝飾，突顯秋冬氣息。Tiramisu食落甜度適中，咖啡香顯著；而和菓子質感煙韌，裡面有吉士餡料，味道好特別；而紫薯蛋糕非常香甜，女生們一定會愛上。 - ▪ Bamboo Mango · Pudding - ▪ Uji Matcha · Pudding - ▪ Uji Matcha · Red Bean Yokan - ▫ 另外一層由糕點日式糕點為主，包括「青竹· 芒果布丁」、「宇治·抹茶葛切」、「紅豆宇治· 抹茶羊羹」，而當中由抹茶主題為多，尤其是抹茶葛切面頭滲上大量抹茶粉，香味濃郁；而抹茶羊羹外層做到外層晶瑩剔透，加埋紅豆點綴，甜度適中，又唔會太膩；芒果布丁外面被竹筒圍住，質感好似玉子相當滑溜，打卡一流。 - ▪ Uji Matcha · Red Bean · White Jade - ▪ Hand-drip · Shizuoka Tencha · Green Tea - ▫ 最後要介紹既一層由「靜岡·手沖碾茶」主力擔當，其實碾茶係演變抹茶過程之前既狀態，茶色相對較淡，茶香清幽，幾岩我飲；而額外送上既「抹茶·紅豆·白玉」亦有驚喜，白玉食落好有咬口，加埋抹茶紅豆既配搭，層次更加豐富，不得不食！ - 📌Winter · Special - ▪ Shizuoka · Uji Matcha · Nama Chocolate - $268/Box ▫ 今次有幸試埋岩岩新推出既冬季限定「靜岡· 濃厚抹茶·生朱古力」，原料由日本直送到港，全部由人手親自製作，每一粒都非常珍貴。一入口感覺到朱古力既濃香之外，質感軟滑即融；加上滿滿抹茶香，簡直係人生一大樂事。不過由於工序繁復，每日只會限量供應，大家要入手就要趁早啦！ - 📎 　汴京茶寮 📍中環雲咸街36-38號雲慶樓地舖 เพิ่มเติม

1
0

Cafe Zense อาหารนานาชาติ

「謝謝你曾經，是我的幾分之幾。」一個心如果無左一忽，佢仲係咪一個完整既心？要知道真心唔難，但真愛好難；但當你需要真愛既時侯，往往佢都唔會出現。聖誕都就黎殺到埋身啦，單身狗既你搵到另一半未？其實大時大節又有咩可怕wor，一個人既浪漫你會慢慢會習慣。呢個聖誕「C a f e · Z e n s e」就陪你渡過一個又一個最不平凡既平安夜。👇 - 📌S w e e t · T r e a ts - ▪ Dutch Baby Pancake · Caramelized Banana - $88 ▫ 一份pancake有時真係賜我無窮力量，呢個「德式班戟·冧酒脆糖香蕉·朱古力碎」。表面睇pancake焗得金黃香脆，面頭上既雪糕因高溫，同pancake融化為一體，冷熱之間令口感特別豐富；而配上焦糖香蕉，成個味道更加香濃；就算影耐左相，質感仲保持鬆脆，唔錯！ - ▪ Hazelnut Chocolate · Croissant Pudding - $68 ▫ 甜品黎講呢個「焗榛子朱古力·牛角酥布甸」絕對份量十足，明顯食到濃厚既朱古力味，再配上奶油同雪糕，多重口感返哂黎；而布甸亦有驚喜，質感鬆軟，特別有咬口，唔會係果種過腍既感覺，整體惹味又醒胃，可以一試！ - 📌C o f f e e - ▪ Café · Mocha - $44 ▫ 一入口令我有深刻印象既「特濃朱古力· 咖啡」，真係比起平時cafe更加好飲，朱古力味係相當濃厚，絕對唔係hea你果種，絕對係誠意之作。 - 📌T e a - ▪ Cinnamon · Apple Tea - $44 ▫ 冬天整返杯「玉桂·蘋果茶」絕對係最奢華既享受，茶香十足，份外多一份蘋果既清甜；同樣亦飲到清幽既玉桂香，酸酸甜甜，特別暖胃。 - 📎 C a f e · Z e n s e 📍銅鑼灣謝斐道460-462號楊耀熾商業大廈4樓 เพิ่มเติม

1
0

Dodam Chicken อาหารเกาหลี

「性價比極高既韓國菜，咁高質冇人講？」當我諗緊每日最煩既難題，lunch time 食咩好之際，腦海忽然衝出上年食過既韓國菜「Dodam · Chicken」，因為三個字講哂「平靚正」。係放飯期間正當踏出門口果刻，就撞到個同事，佢第一句就彈埋黎，「妖…又唔叫..」，我9秒9 駁反佢「橫掂都係..一齊啦？」，佢竟然答我「而家叫就無癮啦！」 Okay Fine最後我自己享受一人午餐，好好活用一下最近呢篇世紀潮文。👇 - 📌 밥 - ▪ 소고기 · 갈비탕 - $92 ▫ 一碗「牛排骨湯」從寒冷天氣下拯救出黎，一上枱新鮮滾熱辣，撈底仲出哂煙，非常足料。加上湯色清澈，唔會肥腍腍太油膩，抵讚；排骨食落質感軟腍，調味亦適中；而粉絲吸收哂成個湯既精華，相當入味，另外仲附送一碗白飯，作為大食鬼既岩岩好醫飽我個肚。而出面仲可以免費拎泡菜同小食，你話咁樣抵唔抒啦？ - 📎 Dodam · Chicken 📍銅鑼灣波斯富街99號利舞臺廣場18樓A號舖 เพิ่มเติม

1
0

Fast Gourmet อาหารนานาชาติ

「這十年來做過的事，能令你無悔驕傲嗎…」十年前我很喜歡熱鬧，十年後我愛上了孤獨；十年前只執著眼前成與敗，十年後得不到便學會放低；十年前認為錢並不代表人生；十年後才發覺人生離不開錢。人生每天都是個循環，根本無所謂既終點，飯一樣要食，錢一樣要搵。所以今日終於比我一嘗所願，黎到我最愛既泰國菜餐館「享慢煮意」搵返我呢十年既人生意義。👇 - 📌Hong Kong Tourism Board · Winter 2020 · Lunch Menu - $148/Head ♦️S t a r t e r - ▪ Signature Lobster Bisque · Lava Croissant - ▫ 黎得呢到走唔甩我最愛既「法式龍蝦湯· 流心牛角包」，牛角包焗到岩岩好，一切開裡面既龍蝦湯好似巨浪咁瞬間湧哂出黎，豐富既視角畫面。成個牛角包濕潤得黎口感又唔會好定軟腍，外層保持到鬆脆。 - ▪ Winter Edition · Japanese Crab Paste · Lava Croissant - (+$48) ▫ 另一款「冬季限定·日本蟹膏·流心牛角包」亦有驚喜，外層灑上大量蟹籽，而裡面唔同既餡料變左係蟹膏；食落蟹膏相當濃香，加上牛角包既口感，令整體層次感昇華。 - ♦️M a i n - ▪ Iberico Pork Belly in Mustard Seed Gravy · Butternut Squash Puree - ▫ 輪到主菜環節，第一道「香煎西班牙黑毛豬腩·芥末籽燒汁·奶油瓜蓉」絕對係必食推介。佢既黑毛豬腩肉質非常爽口，每層腩肉之間既油脂非常鬆化軟腍，一入口係有種好似食緊啫喱，瞬間融化；加上旁邊既奶油瓜蓉，入口夠哂smooth，食得過！ - ▪ Crab Meats · Superfood Risotto · Salted Egg Yolk - ▫ 秋冬季必食既「咸蛋黃蟹肉·高纖穀物· 意大利飯」，每一啖飯粒明顯食到新鮮藜麥、薏米，連同蟹肉一齊食，同時有多重口感；加上咸蛋黃既香味，整體感覺邪惡得黎又夠健康，唔錯。 - ♦️D e s s e r t s - ▪ Sous-vide · Cheesecake · Fresh Fruit - ▫ 甜品方面絕對要試佢地既「真空慢煮· 法式芝士蛋糕」，就咁睇賣相夠哂靚仔，表面金黃香脆；表面鋪滿動人既木糠，口感十足，加上食落甜而不膩，絕對係一眾女生們既恩物呀！ - ▪ White Truffle Gelato · Freeze-dried Strawberries - (+$48) ▫ 另外要推介呢個招牌人氣甜品「白松露雪糕·風乾草莓」，離遠都聞到好澴厚既白松露香，雪糕質感幼滑，兩者味道毫無違和感，每一啖都係幸福既感覺呀！ - 📎 享慢煮意 · Fast Gourmet 📍中環善慶街 9 號地舖 เพิ่มเติม

1
0

Tiew Ruea Tor Charm อาหารไทย

「在這秒鐘…仍一起看夕陽。」既然而家夜晚6點只可以嗌外賣，晏就盡量爭取坐低享受呢一個鐘放飯時間。我記得係年半前「船皇」岩岩開張就試過一次，果陣印象唔錯。因為我都好鍾意泰式濃湯呢d重口味，唔知隔左咁耐，水準有無保持到呢？👇 - 📌和牛 x 船麵 - ▪ 和牛·船皇·湯麵 - $58(+1) ▫ 而家做緊最新升級優惠，只需要嗌一碗招牌船麵湯麵，加1蚊雞就有和牛既終極體驗，作為新鮮感派系既我當然唔會錯過啦。一碗裡面有齊和牛、牛丸、雞翼、雞絲、豬肉、豬肉丸、豬潤，每樣食材有唔同口感，的確幾過癮。雞翼夠濃味，質感軟滑；豬潤夠鮮甜，唔會淡而無味；和牛有咬口，口感夠彈性；加埋成碗牛骨濃湯同蛋麵既配搭，的確係無得輸！ - 📌飲品 - ▪ 泰仔·奶茶 - (+$8) ▫ 加多8蚊就有杯飲品送埋，幾抵玩，飲返杯泰仔奶茶即刻變成正宗泰仔！入口幾順滑，奶香味又夠，唔錯。 - 📎 船皇 📍銅鑼灣謝斐道526號地舖 เพิ่มเติม

2
1

鮨真 อาหารญี่ปุ่น

「風景就算改變，別要改變人物地點…」大大話話都係第三次到訪「鮨真」，有時我覺得食一餐飯，除左享受本身食物既味道之外，仲係一份感情。當人生經歷過唔同既階段，或多或少都有唔少領會，同樣對味道亦多左一份執著。「鮨真」亦係我認為比較高質既主打Omakase既日本料理，塵世間如果能夠比我一個再黎多次既機會，我會係呢份刺身上面上加一個期限，我希望係…一萬年。👇 - 📌おまかせ · 鮨 - $1580/位 📌おまかせ · 櫻 - $1480/位 ♦️先付け - ▪ カトルフィッシュジュース·茶碗蒸し - ▫ 雖然所有餐廳都停左晚市堂食，但如果想食個是靚午，Omakase set都可以係個好選擇。而今次推介兩款價錢相近但有少少唔同既廚師發辦，比較兩者分別，邊款岩你心水多D呢！今日兩個Set既先付都係「墨魚汁·蒸蛋」，蒸蛋食落嫩滑無比，師傅巧妙地加左墨魚汁、墨魚肉令成個香味更加突出！ - ♦️刺し身 · 10点 – (鮨·限定) ▪ たちうお、さば、さより - ▪ かれい薄切り、きんめたい、ぶり - ▪ しらこ、大トロ、さけ蒸アワビ - ▪ 北海道·スカラップ - ▫ 「鮨」廚師發辦既刺身環節由10款時令刺身打頭陣，「太刀魚」用左火槍燒過，面頭用柚子胡椒灑面，食落彈牙惹味；「鯖魚」放上三升漬，將鮮甜更加提升；「針魚」要配上薑蔥豉油，口感就最fit啦。另一邊就係「右口魚薄切」配上酸汁啫喱，酸酸汁汁幾特別，而附送一粒右口魚邊，口感煙韌。「金目鯛」色澤鮮明，純粹食佢鮮味都夠哂；「鰤魚」係我最鍾意既淡水魚系列，口感係最爽彈。最後4款既其中一款係男人不能錯過既「白子」，佢加左酸汁、以昆布放底，入口酸酸甜甜，白子質感濕潤，相當好食；「大拖羅」入口即融，油脂瞬間爆發；「清酒蒸鮑魚」以蒸左超過4個鐘，質感爽彈，唔會話咬唔開；「北海道燒帶子」香味份外濃厚，帶子有咬口，驚喜滿分！ - ♦️刺し身 · 8点 - (櫻·限定) ▪ かつお、たちうお、えんがわ、きんめたい - ▪ 大トロ、さば、さば、北海道スカラップ - ▫ 而「櫻」廚師發辦則改為8點刺身，同樣有齊「太刀魚」、「金目鯛」、「大拖羅」、「鯖魚」、「針魚」、「北海道燒帶子」。而只係「右口魚薄切」改為「左口魚邊」，口感更爽滑；「清酒蒸鮑魚」、「白子」改為「鰹魚」，特別以火槍燒過表面，甘香鮮甜。 - ♦️寿司 · 8貫 - (鮨·限定) ▪ しろえび、春の鯛、ツブ貝、グルテンシード - ▪ マグロ·ほほ肉、マグロ·脳天、北海道·馬糞海ウルチン、チャイブ·ドラゴロン·おしすし - ▫ 輪到壽司環節，「鮨」廚師發辦同樣以數量取勝，以8款壽司迎戰，先試左「白蝦」，配上薑蓉帶起成個鮮味；一生第一次試「春子鯛」，昆布擺面，增強成個口感；「粒貝」面頭灑上備長炭鹽，份外濃香；「筋籽」亦姐係新鮮既三文魚籽連埋膜，入口爽甜，幾好食；「吞拿魚· 面頰肉」連埋蔥芽一齊食，油香十足；「吞拿魚·腦天」口感煙韌，連埋紫菜食，特別爽脆。而期待已久既「北海道·馬糞海膽」亦係我最愛，連埋飯一同入口，完全融化我的心呀！另一亮點「香蔥· 拖羅蓉·手卷」餡料充份，油脂香十足。 - ♦️寿司 · 6貫 - (櫻·限定) ▪ しろえび、春の鯛、グルテンシード - ▪ マグロほほ肉、マグロ脳天、北海道·馬糞海ウルチン - ▫ 而「鮨」廚師發辦雖然壽司款式較少，但後期既和食會拎返少少優勢。同樣以「白蝦」、「春子鯛」、「筋籽」、「吞拿魚·面頰肉」、「吞拿魚·腦天」、「北海道·馬糞海膽」出陣。 - ♦️和食 · 二点 - (櫻·限定) ▪ 唐揚·げフグ - ▪ ヘアリークラブ·カブ煮 - ▫ 「櫻」廚師發辦優勝點就係多兩款和食，「唐揚·雞泡魚」炸粉相當薄身，食落裡面完全唔乾，口感一流；另一必食既「毛蟹· 煮小蕪菁」好似吸物咁呈上，呢個秋冬就係時令當食，第一次試呢個小蕪菁，口感好特別，一疏疏好似魚翅咁；而蟹肉份量落足料，成個煲夠哂入味，層次即刻昇華不少！ - ♦️季節湯 - ▪ たつお·ハクサイのミルク煮 - ▫ 吸物「鱲魚奶湯」，用左大量新鮮鱲魚肉同多款海產、白本菇一同熬成，飲落每啖湯頭質感起膠，黏性十足，鮮甜入味呢碗吸物絕非等閒之輩，果真真材實料呀！ - ♦️水菓子 - ▪ ふらのし·メロン - ▫ 新鮮清甜既「富良野·蜜瓜」當最後既尾聲，總括黎講個人會比較鍾意「櫻」廚師發辦比較優勢，可以試多幾種唔同食材，如果lunch time帶客戶黎呢到整返個set又夠體面、氣派，的確係個唔錯既選擇。 - 📎 鮨真 📍尖沙咀亞士厘道17-19號20樓 เพิ่มเติม

1
0

Coffeelin อาหารอิตาเลียน

「能重做時光，只需倒流一句話就足夠。」如果有人同你講就算時光倒流幾多世都好，都會願意將你當做終生伴侶，你會感動嗎？原來一句說話可以改變好有野，所以我呢刻唔會再猶豫，即刻同「C o f f e e l i n」講聲我愛你先。因為佢擁有最小清新既特色，將綠白色加上雲石、木系主題完美呈現，完全係我想像中果種大自然氣息！👇 - 📌Unicorn · Twins - $62 ▪ Ice · Latte - ▪ Pistachio · Gelato - ▫ 黎呢到必試招牌人氣大熱，召喚獨角獸系列！賣相係以一杯飲品再加埋一球 gelato & cone掛住係個杯隔離。飲品有四款，我揀左「拿鐵」同埋「開心果」味雪糕；要影相的確要趁手，食落雪糕夠哂綿密滑溜，甜味岩岩好；而Latte 幾有驚喜，奶味唔會搶左咖啡既香，成件事睇得又食得，呢個一定要試！ - 📌Bakeries · Panini - ▪ Truffle · Mushroom Panini - $62 ▫ 以最香脆既口感出名意式地道小食「蘑菇松露·帕尼尼意式三文治」，係呢個Saturday vibe就最好不過啦。食落外層非常鬆脆之餘，裡面既餡料非常充足，尤其是松露同埋蘑菇既配抬，兩者將香味提昇到極緻既層次，加上Staff 已一早切開一半，夠哂方便！ - ▪ Lemon · Cake - $18 ▫ 再黎多件小小「檸檬·蛋糕」，的的骰骰既外形最岩打卡咖啦，入口夠哂refreshing，甜得黎又唔會太膩，仲好醒胃呀！ - 📌Normal · Coffee - ▪ M o c h a - $46 (H) ▫ 一杯Mocha一份窩，配上動人既拉花，喝下一口，彷彿飄進小鹿亂撞的狀態，這刻我感覺到巧古力跟幼滑的奶在交換溫柔，喔！多麼的浪漫醉人喔！嘿！咁樣先夠Moody咖麻！ - 📎 C o f f e e l i n 📍西環西營盤高街99號地下3號 เพิ่มเติม

1
0

Season Oyster Wine & Bar อาหารทะเล

「想到我讓深愛的你，人海孤獨旅行…」如果有機會將心底裡既說話講出黎，你又會唔會想知？無論將來定現在，有緣既話你一定會聽到。仲好記得曾經呢間「Season Oyster · Wine Bar」係我地相識既，兩年後既今日我故地重遊，發覺所有野都都無變，只係坐係我對面既唔再係你，而係一大盤生蠔呀！我最愛既生蠔呀！今晚枝白酒終於大派用埸啦喂！👇 - 📌Oyster · Set - ▪ Raleigh Chardonnay - $198 ▫ 黎到呢到必點既生蠔套餐，只係需要任揀餐廳一枝紅/白酒，就可以用極平優惠價換購半打中碼或一打精選生蠔。我今次揀左呢枝南非品牌既白酒，聞落有淡淡既果香味，屬於容易入口既級數，適合唔經常飲酒既女仕們；而後勁仲帶點清甜感，配上生蠔就無得輸啦。 - ▪ Daily Selected Oyster - $50 (12pcs) ▫ 今晚餐廳是日既「精選·生蠔」來自南非產地，本身賣點唔係肥大肉厚，而係sell 個味道同層次感；食落海水味非常突出，而口感偏向creamy少少，呢個size一啖一隻果種滿足感令人難以抗拒。仲可以以$9一隻無限添食，不過要嗌一打起步，咁抵玩仲係邊到搵呀？ - 📌Main · Course - ▪ Baked Lobster · Cheese Butter · Rough Fries - $99 ▫ 性價比一絕既限定套餐「芝士焗波士頓龍蝦·粗薯條」，半邊龍蝦肉配上半溶芝士，而且芝士滲透哂龍蝦肉裡面，味道相當惹味；而肉質食落爽口彈牙，配上炸到金黃色既粗身薯條，外層爽脆，成個口感兩者相當之夾。 - ▪ Pasta · Aglio E Olio · Claims - $128 ▫ 就連意粉都幾有驚喜，呢個「牛油·蒜香蜆肉·意粉」份量比我預期中多，兩個人都夠哂有突。而且上到枱仲非常夠熱，食落蒜香牛油味十足，每條意粉口感又夠軟腍，認真唔錯。 - 📎 Season Oyster · Wine Bar 📍銅鑼灣信德街14號地舖 เพิ่มเติม

1
1

Something Wild - The Farm พิซซ่า

「夏至秋天的距離，月與倒影的距離…」有時我覺得太刻意既浪漫往往好似做多左，尤其是我呢D崇尚佛系人生觀既凡夫俗子。真係一動不如一靜，隨遇而安，今晚巧遇尖沙咀「野玩田店」，佢地以農莊推動呢種自然風格，將Farm to Table主義配合新鮮有機概念，為枯燥既生活增添不一樣既風貌，呢種就係我想像中既活出生命！👇 - 📌R i s o t t o - ▪ Japanese Scallop · Tomato Sauce Risotto - $198 ▫ 何謂頂級？或者你試下呢個「日本頂級帶子·蕃茄汁·意大利飯」，你會得到答案。帶子屬於刺身級數，表面睇落煎得夠香脆又厚肉，食落相當鮮甜彈牙；而個飯底既番茄味非常突出，酸酸甜甜好開胃；飯粒口感做到正宗Risotto既感覺，值得推介！ - 📌P a s t a - ▪ Pappardelle·Veal·Wild Mushroom· Veal Cream Sauce - $168 ▫ 另一招牌意粉「牛仔肉·野菌·闊條意大利麵」亦有驚喜，個蘑菇汁係我食過暫時最出色既；加上寬條麵吸收哂牛仔肉既香味，同埋野菌忌廉汁既配搭，成個口感特別煙韌腍滑，份外濃香入味，無得輸。 - 📌D e s s e r t - ▪ Waffle · Fresh Fruit · Mövenpick Vanilla Ice-Cream - $108 ▫ 最後甜品揀左呢款「鮮果·窩夫·雲呢拿雪糕」，成個賣相色彩繽紛。窩夫食落相當脆口，仲帶少少焦香，唔錯；中間加左大量雜莓，口感豐富；配上 Mövenpick品牌雪糕，質感滑溜，整體相當滿足！ - 📎 野玩田店 · Something Wild -The Farm 📍尖沙咀河內道18號K11購物藝術館2樓201號舖 เพิ่มเติม

1
0

ULURU อาหารนานาชาติ

「個個犯罪，誰會沒罪…誰壞到要死？」本來人生就係一個十字路口，因為呢個世界根本無絕對既黑同白，因為物質、利益、慾望蒙蔽理智、思維、自我，從此衍生灰色地帶。自此社會上充斥住爾虞我詐，到底點樣脫離呢種困境？我唔知，但至少係「U L U R U」只有黑白主題既世界，或者我可以諗得簡單d，睇得通透d！👇 - 📌Uluru · Afternoon Tea - $338/Two - ♦️S a v o r i e s - ▪ Katsu · Shrimp - ▪ Deep Fried · Thai Fish Cake - ▫ 先黎兩款熱食打頭陣，分別試左「泰式·炸魚蛋」、「吉列·炸蝦」，兩者炸得夠香脆，唔會話太油膩；炸魚蛋食落夠爽口，幾鍾意呢道既鹹點。 - ♦️S w e e t s - ▪ M a c a r o n - ▪ Mocha · Cake - ▫ 輪到甜點開始，由「馬卡龍」帶領我地出發，呢個質感夠鬆脆，甜度適中，圓碌碌既身型，幾靚仔；而「摩卡·蛋糕」香味濃郁，入口散發住咖啡般既氣息。 - ▪ Yuzu · Cake - ▪ Blueberry · Yogurt Cake - ▫ 之後係小清新系列既「柚子·蛋糕」、「藍莓·乳酪蛋糕」，前者一入口柚子味幾豐富，明顯食得出；而後者藍莓味道夠哂fresh，質感非常鬆軟，內裡亦夠濕潤，女士們一定鍾意！ - ▪ Uluru Truffle · Chocolate - ▪ Mini Rose · Panna Cotta - ▫ 招牌自家製「Uluru·朱古力」入口即化絕對唔係講笑，加上濃郁松露香，口感更加幼滑甘香；而「迷你·玫瑰奶凍」以滑溜誘人既姿態出埸，一身散發住淡淡既玫瑰香，入口幾清甜。 - ▪ Mini · Croissant - ▪ Mini Chocolate · Greenhouse - ▫ 女神們必備打卡既「迷你·朱古力溫室」，將Brownie當係盆栽咁種植係玻璃球裡面，根本係藝術品黎。食到明顯既餅碎，加上濃濃既朱古力味，睇得又食得；最後一個甜品「朱古力·牛角包」結合酥皮同朱古力既結晶品，每一啖入口都相當鬆軟，仲保持到熱度，好好食。 - ♦️D r i n k - ▪ Tiramisu · Coffee - ▪ ULURU · Rose Tea - ▫ 兩杯足以你令爆發少女心既特飲「Rose · Tea」同埋「Tiramisu · Coffee」，要大讚既係Rose Tea賣相帶出高貴既格調；飲落有淡淡既玫瑰清新香味，又唔會得果種死甜，解膩一流；而Tiramisu Coffee本身既咖啡味無蓋過朱古力既甜度，反而加強整個感覺，可以一試。 - 📎 U L U R U 📍灣仔春園街1-11號春暉大廈1樓 เพิ่มเติม

2
1

七福神和食亭, Nathan Road Jordan อาหารญี่ปุ่น

「滄海月的想念，羽化我昨天…」兩個人於不同空間告別，可是永遠想著下一次見面既時間，係夏季既完結，開始步進秋天既氣息；隨後既冬風吹起著寒冷的節奏，難免有一種淡淡然既憂傷。今晚我係「七福神和食亭」又再次勾起呢份情緒，但同時又享受住日式既地道風情，呢種矛盾比詩情畫意黎得更有意思。 👇 - 📌刺身盛り合わせ - ▪ 刺し身 5 點 - $218 ▫ 日式最地道風味又點可能少得「刺身· 五點」呀，先黎個半板海膽先，份量比我想像中多；食落果份鮮味瞬間爆發，而且入口即溶，完全無腥味，唔錯；再黎就係三文魚同埋左口魚刺身，肉質肥厚均勻，帶淡淡既清甜；而赤身鮮嫩爽口，相當新鮮；甘蝦甜味十足，成個拼盤絕對係推介之一！ - 📌揚げ物 - ▪ ゴマ手羽先 - $62 ▫ 一份熱食帶出暖暖既窩心感覺，呢個「芝麻·雞翼」炸得外層爽脆，又夠乾身，食落肉汁仲係返到；而且入口溫度夠熱，就算影相耐左，都keep到咁香，唔錯。 - 📌ご飯もの- ▪ かつ丼 - $75 ▫ 人見人愛既「滑蛋·豬扒飯」亦係重點推介既丼飯之一，表面濃罩住滿滿既滑蛋，食落蛋香十足，質感仲非常滑溜；而豬扒炸得夠爽身，肉質唔會太老，兩者配搭埋，一齊送飯真係無得輸！ - 📌麵もの - ▪ 辛い海鮮うどん - $98 ▫ 一碗引人入勝既石窩「香辣大蝦· 海鮮烏冬」就係最佳例證，烏冬同海鮮份量豐富，唔洗撈底都見到大蝦、帆立貝、青口；每樣食落都幾新鮮，加上湯底辣辣地，口感幾過癮；而烏冬質感爽彈，沾滿湯汁份外惹味呀！ - 📎 七福神和食亭 📍佐敦彌敦道311-313號1樓 เพิ่มเติม

2
0

G One Sushi Japanese Restaurant (Tsim Sha Tsui) อาหารญี่ปุ่น

「拖了天國下來地底，不再受騷擾…」無窮無盡既邪惡意欲，試問有邊個抵擋得住刺身既誘惑，唔好話港唔港女，就算係麻甩佬都一樣要跪低。我亦唔例外，所以沿住天國的階梯前進，去到尖沙咀超人氣壽司店「鮨一日本料理」。體驗一下何謂天國般既享受，由味蕾刺激到全身感官，為既只係一啖日本地道風味，呢一樣就係表達 "鮮"字既最佳證明。👇 - 📌サラダ - ▪ 富士りんごサラダ - $98 ▫ 鍾意清新感既朋友一定要試「日本蘋果·沙律」，用上日本富士蘋果，質感特別鮮甜爽口；配搭大量蟹柳絲、蟹籽，令成個口感透心涼，特別開胃。 - 📌おまかせ - ▪ すずき刺し身 - $168 ▫ 適逢秋季當造既「秋刀魚·刺身」，有驚喜既係估唔到秋刀魚比我想像中肥美，師傅將魚肉起左後再砌成心形，賣相一流。而食落魚肉既油脂十足，每一啖都魚香相當濃厚，認真好食！ - ▪ しらこ刺し身 - $138 ▫ 好多人未必鍾意食既「白子·刺身」，但我試過一次後真係返唔到轉頭，可能我係男人啦，我朋友就好抗拒，咁就真係益哂我啦，以形補形呀麻。一入口感受到豐富既蛋白質，口感軟綿細密；加埋酸汁一齊食，份外香甜！ - ▪ メカジキ刺し身 - $198 ▫ 呢到仲有幸食到相當罕見既「女梶木· 刺身」，其實姐係香港人叫開既劍魚腩，以厚切形式呈上。食落肉質相當結實，比平時食開既刺身更加爽口，係我食過目前最高質既白身魚。 - ▪ イワシロール - $138 ▫ 之後輪到卷物出埸，我好鍾意呢個「沙甸魚·小卷」，將沙甸魚混合薑蓉、香葱、壽司飯卷起。多層口感集合埋一齊，入口同時食到豐腴既油香、濃厚既魚味，唔洗點醬油都夠殺呀！ - ▪ あんきも - $138 ▫ 平時食開既「鮟鱇·魚肝」食完都硬係有種好油膩既感覺，但呢到反而做到口感滑潤得黎無果種好飽滯咁，唔錯；加上賣相肥美夠肥美，一入口濃香油脂相當突出，鍾意最純正魚香既朋友，呢個一定要試！ - 📎 鮨一日本料理 📍尖沙咀厚福街12號藍馬商業大廈18樓 เพิ่มเติม

3
0

Sashi Japanese Yakiniku Restaurant อาหารญี่ปุ่น

「極度的快樂，也許不必真的上天國！」有人問人生既意義究竟係咩？其實人生意義就係你係人生裡面不斷尋找意義，咁姐係話，無論結果係點，都只係一個個過程。計我話，能夠係醉生夢死既「尚鮮日式燒肉漁市場」，毫無顧忌咁盡情任食燒蠔、刺身壽司、炸物小食，呢種極上既快感，就係我覺得最有意義既人生！👇 - 📌120分鐘A5和牛放題 - $398/Head ▪ 和牛任食 - ▫ 由我入座果刻開始，我就知道呢個半鐘我要好清楚自己想食d咩，因為係美食當前下，時間過得特別快。要把握落單既節奏，所以今次我重點擺左係呢個和牛身上。首先一埋位， Staff好細心送上一盤集合哂今次和牛任食既A4鹿兒島黑毛一口牛、肩頸肉、牛三角、牛肩胛、A5鹿兒島黑毛和牛牛小排、貝身肉、外腹肉、薄裙肉既拼盤，而完哂後仲可以不斷 encore返你鍾意既和牛部位。 - 說時遲那時快，即刻撻著火就開波啦喂，和牛既紋理大部份都好鮮明，而比較少食到既A5黑毛和牛貝身肉、外腹肉、薄裙肉脂肪分佈均勻。大概每邊燒分半鐘，油脂特別豐腴，入口即化，好好食；而肉質最爽彈鮮甜既A4黑毛和牛牛小排，加上肉味香濃，完全無得輸呀，淨係和牛都翻左幾轉！ - ▪ 海鮮拼盤 - ▫ 而每枱食客都有一盤海鮮拼盤，一次過食勻鮑魚、扇貝、虎蝦、甲羅燒、燒蠔。而整體質素唔錯，賣相夠新鮮，而Staff亦會係你燒之前細心指導應該點樣燒，呢點相當抵讚。 - 而最出色係個扇貝，雖然自己燒但味道一樣高質，虎蝦肉質爽彈；鮑魚煙韌彈牙；重點個甲羅燒蟹膏味濃，鹹鮮味十足。而成個放題仲有以呢個價錢黎講，認真抵食！ - 📎 尚鮮日式燒肉漁市場 📍銅鑼灣謝斐道496號金利文廣場3樓 เพิ่มเติม

2
0

Rakuen อาหารญี่ปุ่น

「沾濕我眼睛，有人祈求我歸家…來互抱。」無論你係出面捱生捱死，任風吹任雨打你，為將來用生命換取成就，到最後你都需要一個家。屋企既一碗簡單既住家飯，能夠比到一種溫馨、溫暖既感覺，係幾咁難能可貴。無錯！今次就係同大家介紹銅鑼灣呢間傳統家庭式沖繩料理「樂宴 · R a k u e n」。以沖繩特產、食材為香港人多一份住家、地道風味，感覺置身於家中既無拘無束既感覺，係一份窩心一份愛呀！👇 - 📌いっぺ～ま～さん - ▪ ゴ一ヤ一チャンブル一 - $98 ▫ 要體會家的感覺，第一道必點既就係「家庭料理·苦瓜炒豬肉」。用左當地盛產既沖繩苦瓜做主角，當中加入日本蛋、島豆腐、豬肉，食落蛋香十足，苦瓜鮮嫩完全唔覺苦澀，成個配搭夠哂原汁原味。 - ▪ フー(麩)チヤンブルー - $62 ▫ 第二道沖繩風味，我點左個招牌菜「沖繩風炒·豬肉麵筋」，用左大量麵筋、豬肉一齊炒，離遠聞都聞到香呀。每條麵筋食落爽滑彈牙，加上豬肉片夠哂薄切，口感爽彈，唔會太韌，唔錯。 ▪ 沖縄ソーキそば (小) - $58 ▫ 輪到湯麵必試既「沖繩豬肋骨·湯麵(細)」，先細嚐湯底，入口特別濃郁，加上豬軟骨經過長時間烹調，食落相當腍滑入味；麵條亦夠彈性，唔會太硬身，整體幾有驚喜。 - 📌こだわリの沖縄鶏 - ▪ 沖縄鶏唐揚げ - $85 ▫ 呢個「風味沖繩·炸雞」完全無果種好乾爭爭既口感，做到我預期中果種酥脆感；而裡面雞肉食落夠嫩滑，調味亦岩岩好，唔會話太鹹，一啖一件真係停唔到口呀。 - ▪ 沖縄鶏と大葉の串焼き梅肉ソ一ス - $68 ▫ 沖繩縣當地亦有好多人氣串燒店，所以必定要試埋「沖繩雞大葉串燒·梅子醬」，肉質食落鬆化香口，而油香滿溢，肉味又夠濃，果然無嗌錯；加埋梅子醬，仲有多一份酸甜感，幾有驚喜！ - 📎 樂宴 · R a k u e n 📍銅鑼灣登龍街28號永光中心12樓 เพิ่มเติม

3
0

Bellevue Bar and Grill สเต็ก

「堅持學單純的小孩，靜靜看守這份愛。」每個人係起跑線努力奔前既同時，我反而只係想做返個平平無奇既細路，每一日過住d 唔洗用腦既日子；人地叫我做咩就做咩，唔需要分辦是非，唔洗理對與錯；食完就訓，訓完就食，大個左先發現呢種生活係非常奢侈。既然幸福唔係必然，今次二訪「Bellevue Bar and Grill」為我個胃爭取眼前既食福！👇 - 📌Bellevue · Brunch Set - ♦️S t a r t e r s - ▪ Soup of the Day · Daily Dessert - $28 ▫ 前菜只係需要$28就有齊是日餐湯、甜品，呢個「蕃茄·忌廉湯」湯身同平時果D餐湯好唔同，飲得出係真材實料既蕃茄熬成，而唔係用普通現成茄膏，相當有誠意。而飲落味道清甜，質感順滑，加上有法式麵包粒既配搭，口感十足；而甜品亦唔錯，「布朗尼·蛋糕」面頭既白朱古力塊，甜度適中，質感鬆脆裡面又夠濕潤，加埋旁邊既藍莓、士多啤梨，口感層次豐富！ - ▪ Greek · Salad - $30 ▫ 比較少有充滿希臘神話既「希臘·沙律」成個賣相綠柔柔，好吸晴；最鍾意佢地個羊奶芝士，食落鹹鮮味十足，帶少少羶味，好好食；仲有大量橄欖、車厘茄，健康又好味！ - ▪ Slow-Cooked Octopus · Greenhouse Cucumber · Balsamic - $38 ▫ 第三個前菜試埋「慢煮八爪魚·溫室青瓜· 黑醋汁」，八爪魚經過慢煮，肉質保持爽彈，唔會太淋身，口感爽彈；配搭青瓜片同埋黑醋汁，清新感即刻返哂黎。 - 📌Main Course - ▪ Pan-Seared Sea Bream Fillet · Capers Tomato Sauce - $158 ▫ 主菜我點左「香煎鯛魚柳·水瓜柳·蕃茄汁」，鯛魚表面煎到相當香脆，外皮食落好脆口，裡面魚肉唔鬆散；配上口感滑溜既水瓜柳同埋蕃茄汁，份外惹味。 - ▪ Grilled New Zealand Lamb Chops · Gravy Sauce - $228 ▫ 仲有我最愛既「炭燒新西蘭羊扒·燒汁」，羊扒點左5成熟，口感就岩岩好啦；調味適中，食落唔會太鹹，幾到位；羊肉夠軟滑入味，又唔會太重羶味，連埋燒汁一齊食，無得輸！ - 📎 Bellevue Bar and Grill 📍旺角彌敦道558-560號譽發廣場23樓 เพิ่มเติม

3
0

南瀛水產 อาหารญี่ปุ่น

「繼而平靜到訪，這一人之境。」能夠做到一人之境既精要，首先你對凡塵再無牽掛，無慾則無求；你會開始發現所有野都可以用平常心黎看待，一切是與非、喜與樂都唔再重要。唔好FF咁多啦…到日日宅係屋企，食好野既機會都無，咁高境界我真係做唔到。好似呢間「南瀛水產」咁高質素既日式居酒屋，試問一人之境又點會體會到果種喜悅同快感呢？👇 - 📌サラダ - ▪ 海鮮サラダ - $88 ▫ 先黎個「海鮮沙律」有助消化之餘，仲可以為之後既美食打返個底。用上大量三文魚切粒配上柚子醋，入口酸酸甜甜，好清新既一道開胃菜，唔錯。 - 📌漁師の刺し - ▪ ひらめ薄作り刺身 - $238 ▫ 再黎來自北海道既「平目薄切刺身」，師傅刀工細膩，表面睇落透光度高，每一片厚薄均一。而食落魚肉味道清甜，配上三文魚籽多左一份鹹香既層次，相當好食！ - 📌烏冬 - ▪ 牛肉うビん蕎麦 - $78 ▫ 熱食黎講我幾鍾意呢個「牛肉蕎麥」，先講每一塊牛肉厚度十足，生熟程度岩岩好，唔會話太韌亦唔會太乾身；蕎麥麵亦唔錯，入口滑溜，配搭湯底既加持，入口特別鮮甜，食得過。 - 📌炉端焼き - ▪ カニ味噌甲羅焼き - $78 ▪ 大えび焼き - $68 ▪ ホタテ焼き - $78 ▫ 每次黎到居酒屋我都必點既「蟹味噌甲羅燒」，呢到亦無令我失望。同樣Staff幫我地將蟹膏、蟹籽、鵪鶉蛋、蔥花一路攪拌同埋全程細心咁來回幫我地燒，呢個已經抵讚。食落蟹味濃郁，鹹鮮味豐富；另外嗌多份「大海老殼燒」、「帆立貝殼燒」，大蝦燒過質感爽彈，亦唔會太老， Staff燒慣燒熟，無難度；而帆立貝相當新鮮，係燒既過程Staff已經幫我地調味好，唔需要額外點醬汁入口已經好好食，保留原始鮮味無得頂！ - 📌酒肴一覽 - ▪ ほたろ烏賊沖漬け - $58 ▫ 令人精神一振既佐酒小食「酒釀蛍烏賊」，入口潤滑鮮嫩，每一啖都食到果份鮮味，一啖魷魚一啖梅酒，口感可以話係最夾既！ - 📌特色卷 - ▪ うにかに身卷き - $228 ▫ 充滿日式風味既特色卷「雲丹蟹肉卷」，用左海膽覆住係卷物上面，就咁睇已經好吸晴，海膽食落濃郁鮮甜；而蟹肉連埋珍珠飯一齊放入口，果種滿足感真係食過你就知咩料！ - 📌天ぷら - ▪ 天婦羅盛り合わせ - $198 ▫ 炸物亦有驚喜，呢個「什錦天婦羅盛合」，包括大蝦、秋葵、魚、茄子、冬菇。每一款都炸得相當薄脆，入口脆卜卜之餘，唔會有好油膩既感覺；配上自家製既天婦羅醬汁，真係食到停唔到口呀！ - 📌梅酒 · 燒酎- ▪ 梅酒ソーダ - $58 ▪ 梅干し燒酎 - $68 ▫ 飲品我地分別揀左「梅酒梳打」、「梅乾燒酎」，前者梅酒梳打頭果啖清清地，慢慢滲透住梅酒既香甜，好特別；以Highball杯盛載既燒酎充滿住梅乾既香氣，酸甜味適中，幾易入口，認真唔錯。 - 📎 南瀛水產 📍尖沙咀金馬倫道5號太興廣場5樓 เพิ่มเติม

2
1

Moreish & Malt (Hung Hom) แฮมเบอร์เกอร์

「也許不應該只為昨天，放棄現在？」香港人奴性重呢個就必然，但正正因為呢個缺點，漸漸遺忘左Work-life-balance既意義。憂鬱、焦慮、狂燥亦成為最常見都市病，但我地竟然將習慣變成自然，如果可以，我寧願賺少幾個錢，都要好好放鬆自己。尤其是去呢間酒店級數既餐廳「Moreish & Malt」，能夠將我昨天的煩惱全消，走明日更長既路。👇 - 📌Small · Bites - ▪ Crabmeat · Avocado · Bruschetta - $108 ▫ 呢客「三文魚蟹籽·蟹肉牛油果多士」完美呈現左咩叫做黃金拍檔，三文魚籽既鹹香配上蟹肉既爽甜、牛油果既清香，三種唔同口感既層次加埋，將整個味蕾提升唔少；而且多士烘得非常脆口，一啖過層次分明而且唔會好heavy，認真，呢個不得不食！ - 📌Snacks · Appetizers - ▪ Truffle · Fries - $68 ▫ 另一款小食必點既「香蒜黑松露·薯條」，我呢d黑松露控，往往見到有佢既存在，我都會相當著迷。薯條炸得好香脆，就算影相影耐左，食落都唔會太軟淋，口感仲係到；加埋蒜香同truffle味，香味瞬間突出！ - 📌Main · Sides - ▪ Yuzu Sous Vide · Pork Chop - $258 ▫ 要學會慢活既態度，首先要掌握慢煮既節奏。就好似呢道「慢煮柚子·加拿大有骨豬鞍」，切開裡面既肉質相當通透多汁，食落嫩滑爽彈，完全唔係我想像中果種好乾身好硬既質感；認真好食。配搭埋清新既自家柚子蜜同埋烤薯角，整個份量夠哂2人食用，果然無令我失望！ - 📎 Moreish & Malt 📍紅磡蕪湖街83號逸·酒店1樓 เพิ่มเติม

2
0

Ashoka Indian Restaurant อาหารญี่ปุ่น

「曾跟你約定下個淡季，浪漫旅遊。」係每次見到日本，都會好想狗衝過去嘆世界，但今年唔好講話去旅行呀，就連上個月中秋都過住一個死氣沉沉既氣氛。如果想人生多返一點色彩既話，可以一試筲箕灣呢間「皇子印度餐廳」，咪當係多一份異地體驗，唔洗好似黎黎去去都係果幾味，比你日日食龍肉，你都覺得無味啦六師弟！👇 - 📌S e t · D i n n e r - ▪ Baby Mutton · Ribs Curry - $83 ▪ Garlic Naan ▫ 識食一定食羊，呢個「咖哩·羊仔腩· 蒜蓉烤餅」煮到質感非常軟腍入味，配搭香濃郁既咖哩汁，而且入口唔辣，反而係香甜，唔錯；加埋帶蒜香既印度烤餅一齊食，外脆內軟，可以話係絕配呀！ - ▪ Curry · Fish - $78 ▪ Paratha - ▫ 另一招牌「咖喱魚·千層餅」亦令我有深刻印象，事關佢既魚入口非常惹味，再浸係咖喱裡面，食落特別香濃細膩；而魚肉亦夠入味，配上煙煙韌韌既印度千層餅，幾有驚喜；口感酥脆之餘，加埋吸收哂咖喱既精華，兩者既配搭發揮到極點。 - 而家逢星期一都有Mutton Promotion，凡點選Mutton Curry 都可以任食Plain Nann；另外每逢星期二晚6點至11點，只需要$80 就可以任食Tandoori Chicken連埋Plain Nann、 Curry Sauce，鍾意食印度野既朋友千其唔好錯過呀！ - 📎 皇子印度餐廳 · Ashoka Indian Restaurant 📍筲箕灣筲箕灣道251-261號都城大廈地下F舖 เพิ่มเติม

2
0

February อาหารยุโรป

「今宵多珍重…聽日又另外一個樣。」人生唔係一條直線，有高自然有低。如果因為停留係自己既Comfort zone，你既世界就係得咁大，慢慢你會發覺世界係唔會遷就你，只有你去遷就個世界。要擺脫昨天的我，就要提升今天的我，因為的以且確係人係無做唔到既事，只有你唔想做既事。係呢一秒鐘開始，我同自己講…我要係呢間「F e b r u a r y」食盡我人生所有。👇 - 📌S n a c k - ▪ Clam·Garlic·Chili·White Wine Sauce - $98 ▫ 以白酒汁煮過既「蒜片辣椒·煮大蜆」可以話係最吸引眼球既前菜，大蜆既份量相當多，入口新鮮肥美；加上連埋蒜片、辣椒一齊煮，味道更加香濃惹味。而每一粒蒜片輕輕煎過，口感特別豐富，配上白酒就一流啦。 - ▪ Parma Ham · Melon - $118 ▫ 第二個前菜我會推介佢地既「意大利巴馬火腿·蜜瓜」，蜜瓜皮以香蕉船既裝飾載住切左件既蜜瓜，成個賣相都好華麗；而巴馬火腿鹹香味十足，再連埋新鮮既蜜瓜一齊食，柔軟甜美，同時中和油膩感，感覺非常清新！ - 📌M a i n - ▪ U.S. Prime · Sirloin 10oz - $188 ▫ 當然要試埋呢個「10安士美國·頂級西冷」，就咁睇牛扒顏色燒得好均勻，熟度岩岩好；食落牛脂香味濃郁，肉實結實飽滿，而且表面煎得帶少少焦香，顯得大廚功架十足，抵讚！而配上旁邊既質感幼滑既薯蓉，兩者配搭得恰當好處，認真食得過！ - 而且好難得呢到個老闆相當隨和，同員工打成一片，以家庭式既經營手法，每一個食客都當朋友咁招待，係香港咁人情冷暖既地方，可以話係清泉呀！ - 📎 F e b r u a r y 📍觀塘駿業街56號中海日升中心2樓A號舖 เพิ่มเติม

3
0

Bingo & Cook, Causeway Bay อาหารเกาหลี

「隨星星閃過，流行曲中擔當主角往往太多…」雖然韓流文化無以前咁誇張，不過勝在有你「B i n g o & C o o k」，令我激發起對炸雞既狂熱。我相信係無論咩年代咩世紀都好，味道係一種最純真最貼地既感覺，唔理佢係咩國家既菜式，只要係好食既，我相信都一定會源遠流長，細水長流。👇 - 📌Bingo · Special Menu - ▪ 족 발 - $290 ▫ 能夠令我置身於香港都搵得到既韓式風味，第一樣必試佢地招牌菜「韓式·豬腳」。賣相睇落非常正宗，而且原隻上份量十足，足夠應付2-3人食呀，絕對唔姑寒，呢點已經對得價錢先；豬腳切片，每一塊都夠厚肉均勻，食落外皮帶少少脆口，肉質腍滑，非常好食；加埋旁邊既秘製辣醬，將個味道提昇更多，又唔會太膩，值得一試！ - ▪ 떡 볶 이 - $170 ▫ 年糕愛好者必點既傳統「韓式·炒年糕」，呢到既年糕口感爽彈，加上水煮蛋、泡菜、辛辣麵既配搭，整體層次豐富；沾上辣湯既麵條吸收哂醬汁精華，入口特別香濃惹味；再食埋粒幼滑既水煮蛋，整體平民得黎，又有地道風味，唔錯。 - ▪ 해 물 파 전 - $140 ▫ 韓國菜最出名就係份量大，呢個「海鮮·蔥餅」亦唔例外，面頭鋪滿哂蝦、紅椒、青椒、魷魚，淨係賣相已經餵飽雙眼。而食落表面煎得非常香脆，而且師傅一早切好哂，一啖一件咁先夠過癮呀！ - 📎 B i n g o & C o o k 📍銅鑼灣駱克道487-489號駱克駅2樓 เพิ่มเติม

2
0

The Grill Room, Tsim Sha Tsui สเต็ก

「你的香味一直徘徊，我捨不得離開。」愛不一定要擁有，但人係自私，當你設身處地，你又係咪做得到？同時要學識擁有，就要先要識得爭取。聽落好似好矛盾？其實唔難，係「The · Grill · Room」我學識到呢種心態，因為呢份味道，令我知道點解要堅持三訪呢間扒房！因為我真係唔捨得呀，我好想問你一句，我可唔可以一日三餐都擁有你呀呀呀呀！👇 - 📌S t a r t e r s - ▪ Mussels · Bucket ½ KG - $198 ▫ 一桶「香草白酒煮青口·黑松露薯條」為我展開美食既節奏，佢地既青口每隻賣相都肥美均勻，加左白酒所以煮出黎味道特別濃香惹味。而旁邊既薯條亦唔錯，配上黑松露醬就定律黎咖啦，食落份外爽脆呀。 - 📌Mains From The Land - ▪ Angus Rib Eye · 16oz - $338 ▫ 每一位黎到既食客都必定會嗌既「16安士燒美國安格斯肉眼扒·黑松露薯蓉」，佢地既肉眼扒grilled mark突出，肥大肉厚，烤得非常靚仔；而食落質感嫩滑多汁， 5成熟黎講我覺得岩岩好，而切開裡面仲保持到粉嫩既色澤，認真專業。另外要大讚既係配上阿根廷青醬，份外惹味；旁邊既黑松露薯蓉亦唔輸蝕，入口即化，又唔會太鹹，非常好食！ - 📌Mains From The Sea - ▪ Grilled Tuna · Steak - $188 ▫ 另一招牌作品「燒吞拿魚扒·香草意大利黃瓜」充滿驚喜，首先要大讚個質感唔會煮到全熟，保證口感保持到最嫩滑既狀態。而外層輕輕烤過，所以有陣陣既焦香，而中間明顯做到軟腍入味，呢點絕對顯得大廚既功架。加上用左香草芝麻油、茴香、檸檬，令整體香味更上一層樓；而配搭意大利青瓜，仲有消膩既功效，認真高質。 - 📌S w e e t s - ▪ Choc Mud Truffles · Macaron Mess - $88 ▫ 一份甜品一份窩心，要捕捉呢份窩心，我相信「朱古力布朗尼·法式馬卡龍」可以幫到我。Brownies上面既加左粒 Macaron令賣相好過癮，再灑上棉花糖，成個氣氛變得好歡樂；而Brownies食落朱古力味濃郁，甜不而膩，唔錯。 - 📎 The · Grill · Room 📍尖沙咀堪富利士道6-6A號爵寓2樓 เพิ่มเติม

2
1

On time coffee & kitchen คาเฟ่

「永生間、彈指間，時光裡盲目地遠征…」當你明白人生過去十年都係盲目咁過，完全無珍惜到時間既重要性，你就會發現一切已經太遲。可能呢個時侯朋友會安慰你仲有大把時間，可是啞巴吃黃蓮，有苦自己知。所以珍而重之，將時間永遠放係人生既第一位，準時黎到「On Time · Coffee & Kitchen」，唔會錯過任何一分一秒，影盡靚相，咁就無悔啦。👇 - 📌R e f r e s h m e n t s - ▪ Avocado · Smoked Salmon Croissant · Balsamic Vinegar Salad - $52 ▫ 必定推介呢個「牛油果·煙三文魚牛角包· 黑醋沙律菜」，原個香軟既牛油果非常吸晴，質感軟腍，唔錯；加上煙三文魚充滿油香，連埋一齊食，完全係雙重滿足；而牛角包烘得夠熱，食落口感岩岩好，夠哂香脆；沙律加上黑醋汁，酸酸甜甜，整體非常好食。 - ▪ Black Truffle · Scrambled Egg Croissant · Balsamic Vinegar Salad - $48 ▫ 如果牛油果配煙三文魚係定律，咁黑松露配炒蛋就係道理啦。呢個「黑松露·炒蛋牛角包· 黑醋沙律菜」份量比我想像中大份，而炒蛋充滿淡淡既松露香，蛋汁入口熟度均勻，而且唔會太油膩；加上牛角包既鬆脆，口感相當豐富。 - 📌On Time · Signature - ▪ All Day · Breakfast - $98 ▫ 有輕食又點少得「英式·全日早餐」呢？呢個集雞蛋、大啡菇、肉腸、煙肉、沙律、忌廉薯蓉批、茄汁豆、丹麥多士一身既豐富盛宴絕對滿足我呢D大胃王。大啡菇烤得帶少少焦香，質感爽彈；而肉腸份量夠大，口感香脆；亦唔少得烤得鬆脆無比既多士啦，成個full Set完全無失望，make me a day！ - ▪ Hojicha · Latte - $39(H) ▫ 不得不試佢地招牌「焙茶·鮮奶」，佢地既拉花好有特色，可以做到唔同既圖案，就連"連豬"都比成拉到出黎，實在太利害！ - 📎 On Time · Coffee & Kitchen 📍上環蘇杭街93號東利商業大廈地下2號舖 เพิ่มเติม

2
0

The Balcony อาหารญี่ปุ่น

「經過蘇美女神身邊，我以女神之名許願。」中環一向都係美食雲集既天堂，基本上你諗得到既你就食得到，係皇后大道中呢間「The · Balcony」將日式、西式兩種不同主義完美融合；加上藍白色主調，帶出希臘愛琴海小屋特色，無論日光定晚燈，都絕對係一眾女神既打卡熱點，加上性價比高既 2人套餐，可以話係近年來中環最抵食既Fine Dining！👇 - 📌Set Dinner For 2 - $638 ♦️Chef’s Recommendation Salad - ▪ Smoked Duck Breast · Peach Salad - ▫ 先黎個廚師精選既「燻鴨胸 · 蜜桃沙律」打響頭炮先，爽口既沙律菜配上鹹香到位既鴨胸，而且肉質燻得有咬口，腍滑入味，加上醬汁亦夠清新開胃，唔錯。 - ♦️A p p e t i z e r - ▪ Parma Ham · Buffalo Cheese · Fig’s Balasmic Reduction - ▫ 開始踏入前菜既節奏，第一款「意大利風乾火腿 · 水牛芝士 · 無花果黑醋汁」擺盤精緻，要大讚既係粒水牛芝士造型可愛；而巴馬火腿食落鹹鮮味濃，配搭濃郁既芝士、黑醋汁令整體層次即時提升。 - ▪ Traditional Baked Escargot · Truffle · Wasabi Mashed - ▫ 另一款人氣大熱既菜「法式焗田螺 · 黑松露 · 日式芥末茨茸」，以匙羹仔做裝飾，打卡一流。食落螺肉爽口彈牙，仲食到濃香既牛油味、黑松露香；底部仲配上日式Wasabi薯蓉，呢個組合相當特別。 - ♦️S o u p - ▪ Homemade · Lobster Bisque - ▫ 第一次試到用杯裝既「秘製 · 龍蝦湯」，表面仲有個小型拉花好吸引。而飲落龍蝦味夠濃，質地唔會太"杰"岩岩好，我幾鍾意。 - ♦️M a i n - ▪ 14oz Australian · Rib Eye Steak - (For2) ▫ 而Main Course可以隨便挑選兩款或者揀一份二人份量既Steak，作為牛魔王既我就梗係走唔甩呢個「澳洲肉眼牛扒 · 14安士」啦。黎到既時侯真係嚇親，份量相當驚人，Steak岩岩好煎到五成熟，切開裡面帶粉嫩色，食落牛肉鮮嫩香濃，而且油香十足；表面仲帶有焦香感，配上海鹽做調味，口感認真唔錯。旁邊既配菜仲有南瓜、甜番薯，兩者既配搭令人相當滿足！ - ♦️D e s s e r t - ▪ Balcony Deluxe Dessert Platter - ▫ 最後既甜品「芒果椰汁奶凍 · 朱古力蛋糕」，奶凍既質感夠creamy，淡淡既芒果味配上杏仁碎、藍莓，感覺相當清新；而另一邊既朱古力蛋糕甜而不膩，口感軟腍，幾好食。 - 📎 The · Balcony 📍中環皇后大道中118號3樓 เพิ่มเติม

2
0

汴京茶寮 อาหารญี่ปุ่น

「風花雪月不肯等人…要獻便獻吻。」經過短短一年既時間，人氣爆燈既「汴京茶寮」亦瞬間成為深受中環OL熱棒既日式茶舍。基本上你想搵個位都要排下隊先呀，而呢一個正正係香港獨有既文化，唯有高質小店先存在排隊既價值。今次就趁晚市，唔飲啤酒唔飲Wine，改變一下新意，跟隨新派養生之道，以茶代酒。係呢個生於亂世既時代，彷彿踏進忘我境界呀！👇 - 📌期間限定套餐 · 每日限量 - ♦️冰磚明太子 · 抹茶蕎麥麵套餐 - $228 ▪ 櫻花胡麻豆腐 - ▪ 特濃水月冷煎茶 - ▪ 手工茶凍 - ▫ 雖然已經步入入秋既節奏，識玩既當然要捉緊夏天既尾巴啦，今次二訪最大原因就係要試試呢個香港首創既「冰磚蕎麥麵」。之所以能夠成為人氣大熱，或多少係成個冰磚既設計相當精緻，而且工序繁複，要重複將水煮熱後再冰凍；加上夏日限定，變得更加難能可貴。而冰磚旁邊配上店鋪自家製既梅酒汁，淋上後，入口更加開胃；而且口感爽彈，同時冰磚既溫度令每條麵條食落有種透心涼既快感。 . . . 套餐仲包埋一個「櫻花胡麻豆腐」，食落味道幾特別，不過香港人可能會唔係太習慣，但我覺得口感好似布甸，相當幼滑；而「水月冷煎茶」採用日本當地農夫既新鮮茶葉，茶香十足，淡淡清香，唔錯；最後仲有一個手工茶凍，今日試左呢個「玫瑰花桂花茶凍」，桂花味清新得黎唔會太甜，仲散發住玫瑰既香氣，成個套餐非常滿足。 - 📌和風定食套餐 - ♦️壽喜燒 · 和牛定食 - $128 ▪ 海老味噌湯 - ▪ 厚燒玉子 - (+28) ▪ 星野抹茶鮮奶 - (+$20) ▫ 將傳統融合新派飲食文化，就點少得香港人最愛既「和牛丼」呀，來自兵庫縣既和牛非常誘人。每一塊和牛食到濃香既牛肉味，加上肉質鮮嫩，入口腍滑，可以感受到油香係味蕾既衝擊，相當好食；配搭日本岩手縣米飯，可以話係完美既組合。而附上既「海老味噌湯」蝦味豐富，同樣出色； . . . 另外加左$28單點一份「厚燒玉子」，店主亦處理得岩岩，質感幼嫩，蛋香十足，唔錯；最後呢個set加$20可以轉其他茶飲，我揀左來自星野村既「抹茶鮮奶」，入口有種回甘既清香，配搭鮮奶令質感更加濃郁細緻，相當好飲！ - 📌精選私房茶 - ♦️山政小山園 · 宇治抹茶薄茶 - ▪ 白豆蓉和菓子 - ▫ 如果鍾意飲抹茶既朋友不得不試呢個招牌私房茶「宇治抹茶薄茶」，事關所採摘既茶葉都係一等一珍貴。而店主會係你面前手沖一次，然後飲完後第二次會由客人自己試沖，亦係一個好好既體驗。不過暫時就未有，黎緊就有呢個機會啦，大家一定要惜目以待！ - 📎 汴京茶寮 📍中環雲咸街36-38號雲慶樓地鋪 เพิ่มเติม

2
1

Flying Pig Bistro อาหารนานาชาติ

「城裡的月光把夢照亮，請溫暖他心房。」音樂可以陶冶性情，又可以帶動氣氛；我好鍾意聽jazz，因為貪佢有種spirit令人有種moody感。有浪漫既音樂自然有浪漫既 resto，呢個時代咩都係講個mood。尤其是我會覺得食飯其實係為求飽肚，有時想食好少少基本上係真係食個vibe、食個氣氛。就係呢個原因令我黎到西環呢間Bistro 「Flying Pig · Bistro」，今次真係唔洗 Fly me to the moon，都可以Flying me to the pig！👇 - 📌S p e c i a l s - ▪ Pork · Cheek - $246 ▫ 最欣賞餐廳能夠善加利用唔同烹調風格，今日試左呢個既「Pork · Cheek」就係用左泰式風味既。而豬面頰質感肥瘦相間，而且表面燒得非常香，口感完全唔油膩，味道鹹香到位；加上泰式醬汁既配搭，份外惹味，配上果味好重既白酒，完全係味蕾既滿足感呀！ - 📌M a i n s - ▪ Lamb · Wellington - $298 ▫ 威靈頓牛肉就試過啦，但轉左用羊肉既「Lamb · Wellington」就真係第一次試，賣相就咁睇已經非常IGable。切開唔會好易鬆散，裡面依然保留到層次感，相當紮實；而羊肉整得非常腍滑入味，味道唔會太羶，加上夾雜住大量菠菜，口感增加唔少。而旁邊配菜例如茄子同烤薯絕對係亮點之一，令整體顏色生色不少！ - 📎 Flying Pig · Bistro 📍西環西營盤高街62號地下 เพิ่มเติม

2
1

Lockcha ติ่มซำ

「柔弱莫弱於水，水轉動…卸去了心痛。」係水流之間領悟人生意義，恐怕係我年少氣盛既時侯，始終未能參透得到。一動不如一靜，係大館裡面呢間「Lockcha · 樂茶軒」由大師傅親自選茶、沖泡、品嘗三部曲當中，或者會比我領悟出少少真締。超！講咁易咩！黎得大館不如都係輕輕鬆鬆鄧梓峰，搵下d打卡位影相好過啦。餐廳成個格房中式茶館格局，但同時揉合Café 同酒吧既破格風格，成個vibe都係哂到呀！👇 - 📌New Chef · Recommendation - (3pcs) ▪ Vegetarian Beef Roll · Cheese & Spinach - $58 ▫ 感覺好似去左素食既天堂，今次主要都係嗌返佐酒小食，呢款「芝士菠菜 · 牛肉卷」，麵皮咬落質感軟滑；裡面仲有豐富既芝士香，素牛肉口感亦唔錯，彷真度極高。 - ▪ Vegetarian Beef Pancakes · Onion - $58 ▫ 以中式手法製成既「洋蔥牛肉 · 手抓餅」，餅皮做得鬆軟，唔會太硬身，入口幾煙韌；而洋蔥同素牛肉既配搭亦好夾，口感到位。 - ▪ Fried Wontons HK Style · Sweet Tomato Sauce - $58 ▫ 終於輪到我最愛既傳統炸物「錦鹵雲吞 · 懷舊甜酸醬」，佢既炸粉非常薄脆，入口完全唔覺太厚岩岩好；而連埋甜酸醬一齊食，香脆得黎酸酸甜甜，口感係無得輸！ - ▪ Seasonal · Green Skewer - $54 ▫ 呢個「樂茶 · 串串貢」賣相睇落真係同BBQ 果D無咩分別，其實以三色椒、菠蘿、素肉丸混合而成，幾可亂真。最鍾意三色椒烤得夠惹味，菠蘿又有解膩既功效，整體幾特別。 - ▪ Vegetarian Meatball · Huizhou Minced - $48 ▫ 講到夠特別一定係佢地既「惠州梅菜 · 小丸子」，素肉丸口感彈牙，好似食緊魚蛋果種質感；而真係釀左d梅菜係裡面，彷彿有種家鄉既感覺呀！ - ▪ Vegetarian Dumpling · Tomato Soup - $48 ▫ 中式情懷又點少得「蕃茄湯煮 · 牛肝菌水餃」，水餃經過熬煮既過程，吸收哂蕃茄既濃湯精華，特別香甜；而裡面既牛肝菌食落質感爽彈，味道幾夾。 - 📌Crunchy · Dim Sum - ▪ Vegetarian Shrimp Roll · Cheese - $48 ▫ 咁多款點心我最鍾意「芝脆 · 素蝦卷」，除左本身芝士味濃郁外，佢既素蝦做得非常出色，完全好似真蝦一樣；加上卷皮炸得夠香脆，特別邪惡呀！ - 📌A La Carte - ▪ Boiled Noodles · Soy Bean Sauce - $45 ▫ 以我咁大食既人，有返碗麵是常識吧，呢個經典「麵豉醬 · 撈麵」揉合港式風味，睇落同「炸醬麵」有少少似。而食落每條麵條沾滿醬汁，汁多味濃，撈埋一齊食，非常滿足。 - 📌D e s s e r t - ▪ Wolfberry · Mango Serradura - $35 ▫ 同平時食既芒果布甸絕對有唔同既體會，事關佢地既「杞子木糖 · 芒果布甸」底層質感好似硬身既雪糕咁，口感冰脆，好特別。而表面蓋滿左芒果醬；加埋一粒杞子既裝飾，打卡一流。 - 📌LockCha Beer 500ml - $68(HH) ▪ Pu’er English · Strong Ale - ▪ Jasmine Tea · Wheat Ale - ▫ 必定要推介佢地既重頭戲，新推出既「普洱 · 英式啤」同埋「茉莉 · 麥啤」。能夠將茶葉融合啤酒裡面，的確幾有突破性，而前者既普洱飲落初頭有啖啖苦澀味，慢慢會有陣回甘既香氣，好特別；而後者既茉莉反而有花香既茶韻，滲透住少少焦糖既香味，但又唔會蓋過啤酒既甘甜，認真唔錯。而佢地仲有罐裝上市，而家只係做緊$48一罐，買四送一抵到笑呀！ - 📎 Lockcha · 樂茶軒 - 📍中環荷李活道10號(舊中區警署)大館總部大樓地下01-G0 เพิ่มเติม

3
0

Sky726 อาหารฝรั่งเศส

「遊過浪漫時代，新世紀中蓋上塵埃。」感情就好似建築物，總會有離別一刻，難以估計下一秒會否被轉上新裝。新人事新作風，留戀係凡間既快快樂時光，可能永遠被埋葬。噓！唔好講呢d衰野，其實人既步伐應該要跟貼時代，浪漫呢家野唔係淨係得情情塔塔先有既。好似呢間空中餐廳「S K Y 7 2 6」，無論日與夜既時光，都有一份筆墨難以形容既浪漫氛圍，而家仲要係12點至3點半Brunch Menu仲有7折呀，相當抵食！👇 - 📌S a l a d - ▪ Smoked Salmon · Salad - $148 ▫ 一個靚既Brunch time，當然要整返個「煙三文魚 · 沙律」開下胃先，水準一樣keep住，砌成玫瑰既賣相，特別吸晴。而質感夠肥美，又夠亮澤，食落感受到每啖油脂既口感；連隨既沙律好新鮮，唔錯。 - 📌P a s t a - ▪ Assorted Seafood · Spaghetti - $178 ▫ 不得不試既「海鮮什錦 · 意粉」，以青口、大蝦、菇菌一齊炒，黎到既時侯都聞到香呀。每條意粉沾滿蕃茄醬，食落口感爽彈，份外有種濃郁既既惹味感；加上大蝦同青口夠新鮮，多重口感特別吸引！ - 📌B r u n c h - ▪ Eggs Benedict - $128 ▫ 又一招牌傑作「賓尼迪蛋 · 鬆餅」出埸啦，佢地既benedict口感滑溜，用刀輕輕吉穿中間，仲有大量蛋汁流出黎；視角非常治癒。而底部既鬆餅烤得非常香脆，配搭煙三文魚加強油潤軟綿既口感，令整體有多一份鹹香，食得過！ - ▪ Belgian · Liège Waffles - $118 ▫ 估唔到係呢到都食到我最鍾意既甜點「士多啤梨 · 香蕉比利時窩夫」，呢到既Waffle都係即叫即烘，所以黎到既時侯外層非常香脆，口感一流；配搭士多啤梨醬同藍莓既配襯，旁邊仲鋪上大量香蕉，賣相瞬間變得更有色彩。 - 📌M a i n - ▪ Confit · Duck - $168 ▫ 輪到主菜出埸啦，呢個「油封 · 鴨脾」真係食過返尋味，呢到既鴨脾肉非常香濃，鴨肉外層帶少少微脆，而中間肉質經過慢煮，變得更加軟腍，加上鴨既油香瞬間被迫哂出黎，相當惹味。 - 📌D e s s e r t s - ▪ Strawberry · Parfait - $78 ▫ 最後兩款甜品打卡真係一流，第一道「草莓 · 芭菲」以士多啤梨為主題。誘人既賣相真係令人欲罷能，底層既雪糕加上草莓醬、大量脆片，令成個口感更豐富；而雪糕夠冰凍涼快，又唔會太甜，幾好食。 - ▪ Baked Cheese Tart - $68 ▫ 呢個「半熟流心 · 芝士撻」暫時係我食過最滿意既一次，事關一入口芝士味好濃烈，就算影相影耐左，裡面既芝士仲保持得非常微熱，唔錯；而餅底亦做得有驚喜，焗得非常靚仔，仲帶少少焦香，呢個一定要食！ - 📎 S K Y 7 2 6 🎈旺角彌敦道724-726號25樓 เพิ่มเติม

3
1

Lex Coffee คาเฟ่

「有種旋律叫捨不得，有種捨心如刀割…」唔知你有無試過，一聽到某d melody既歌，就會一秒愛上。果種感覺就好似被戀愛既節奏，當首歌完左之後你會好想PLAYBACK，然後不斷無限loop，因為你唔想呢種感覺停落黎。而我對呢間Coffee shop亦有不捨既感覺，就係講緊你呀「Lex · Coffee」，去過一次就返唔到轉頭，尤其是佢果種藝術風極重既裝潢，完美切合西環呢種環境氣氛，特別陶醉。👇 - 📌Gourmet Dishes · A Taste of Italy ▪ Lobster · Risotto - $198 ▫ 帶你遊走意大利最地道風味，識嗌梗係試呢個「龍蝦 · 意大利飯」啦，成個Risotto 重點就係半隻龍蝦肉。食落肉質爽彈，比我預期中新鮮，唔錯；加上意粉處理得岩岩好，口感夠煙靭，Cream sauce 打得又夠幼滑，非常好食！ - ▪ Prawn Linguine in Tomato Sauce - $158 ▫ 另一亮點「大蝦 · 意粉」亦夠搶眼，每隻大蝦並排連成一線，成個擺盤都好乾淨利落；而蝦肉同樣食落彈牙，加上蕃茄醬營造酸酸甜甜既夏日氣氛，零舍開胃；而意粉質感扁身，軟硬適中，完全係開正我果範呀！ - 📌Creative · Coffee - ▪ Artsy Print · Coffee - $88 ▫ 呢杯驚天地泣鬼神既「藝術打印 · 咖啡」絕對係呢個品牌既Signature呀，可以自行朱古力或者咖啡做base。加上隨自己鍾意既圖案黎打印，呢點絕對抵讚；而飲落濃郁既咖啡香，奶夠滑，同普遍飲開分別唔大，又可以打卡，一舉兩得。 - 📌Homemade · Dessert - ▪ T i r a m i s u - $68 ▫ 食過返尋味既「意式 · 提拉米蘇」必點既，事關佢地賣相做得特別精緻外，亦係我食過咖啡味最濃厚；加上酒味適中，入口濕潤度夠，所以特別腍滑；呢個甜品令成餐飯帶有一份額外既滿足感呀！ - 📎 Lex · Coffee 📍西環堅尼地城卑路乍街100號地舖 เพิ่มเติม

3
0

1 / 1

ค้นพบร้านอาหารแนะนำ

พื้นที่ ประเภทอาหาร รวมบทความแนะนำร้าน ร้านยอดนิยม ร้านเปิดใหม่ รีวิวล่าสุด

หน้าหลัก