agnes.the.foodie
134
ไปมาแล้ว
15
ติดตาม
39
ผู้ติดตาม
My Best
พื้นที่
ประเภทอาหาร
agnes.the.foodie
2018/03/24
Check-In Taipei คาเฟ่
鹽酥雞控出沒注意😍 一次過食哂雙色鹽酥雞、鹽酥雞軟骨、九層塔鹽酥雞。喜歡呢度嘅鹽酥雞唔會炸得乾，咬開有肉汁，炸漿唔厚，非常香口。驚喜位係有特別調配嘅醬料配唔同嘅鹽酥雞，雙色鹽酥雞配柚子蛋黃醬同松露蛋黃醬，而鹽酥雞軟骨就配蒜香蛋黃醬，好喜歡呢幾款蛋黃醬❤️有再令味道錦上添花啊。
鐵板+蛋捲+芝士🍳 大概係無人可以抗拒嘅組合😍 牽絲芝士酥皮蛋捲以鐵鍋盛載，蛋捲外皮酥酥脆脆，類似台灣嘅鐵鍋蛋餅，但呢度嘅雞蛋較厚身，亦富蛋香，食起嚟酥脆+香口，中間仲有大量芝士🧀 邪惡美味🤤
有齊芋圓、愛玉、珍珠、自家製伯爵茶凍、綠豆嘅伯爵茶凍QQ芋圓 😍一碗滿滿的見到就開心！芋圓同珍珠都比想像中煙韌有咬口，伯爵茶凍亦頗香濃，雖然加咗煉奶但唔算太甜，只係我自己麻麻喜歡煉奶🙈
เพิ่มเติม 
9
1
agnes.the.foodie
2018/03/05
Samsen อาหารไทย
全香港最好食嘅船麵真係當之無愧！🍜 今年更成為米芝蓮推介美食🌟
呢度嘅Wagyu beef boat noodles🍜🐮 湯底非常濃郁，味道帶點香辣🌶，用咗好多材料如豬血、牛肉、香料等熬製而成，而非只靠味精嘅湯底。材料方面有和牛肉片、牛腩、牛丸、炸豬皮，非常豐富，但係我覺得用和牛好浪費，因為湯底好濃味，會蓋過牛肉嘅味道🙄🤔 不過個牛肉係軟滑好食嘅。Thin rice noodles 吸收湯底精華非常可口，而麵條仍然頗彈牙，非常喜歡❤️
其他小炒都好夠鑊氣又夠惹味🔥甜品都同樣出色，例如斑蘭湯圓好好食😍 軟熟煙韌嘅斑蘭湯圓皮包住滿滿嘅椰子肉🥥同palm sugar，亮點係加咗warm salted coconut cream，即係好似食芒果糯米飯加嘅cream，味道鹹鹹甜甜好好食😋
不過呢度你一食完，就會收哂所有野，同比張單你埋單要你走，用餐時間一個鐘都無😅。
เพิ่มเติม -
12
-
1
agnes.the.foodie
2018/02/24
Sushi Gin อาหารญี่ปุ่น
二月係生日月，有好多飯聚。今日中午就同朋友嚟銅鑼灣嘅sushi gin食午餐。
朋友上星期已經打電話嚟定位，定位嘅時候已經講咗我係唔食魚嘅。坐低之後，店員亦都有同師傅講返我係唔食魚的，不過成餐午餐之間，都有唔少魚嘅菜式拎咗嚟俾我，每次店員都會過一陣突然醒起我唔食魚，然後又幫我換走返。
今日嘅九件壽司有：白蝦仔、鱈場蟹、天草車海老、赤貝、白象拔蚌、帆立貝、甜蝦、馬糞海膽、松葉蟹。
壽司質素不錯，但不至有驚喜。好幾款食材都以柚子調味，帶淡淡柚子清香。松葉蟹上加咗櫻花蝦，蟹膏又鮮味，個人幾喜歡。
食完蛋之後仲有手卷，因為我唔食魚，所以師傅俾我揀一款我想要嘅食材，我於是揀番覺得幾好食嘅松葉蟹加櫻花蝦。
最後仲有茶碗蒸、味噌湯、同埋抹茶雪糕作結。
เพิ่มเติม -
9
-
0
agnes.the.foodie
2018/02/24
Stockton Bar and Restaurant
超正嘅hidden bar🍸! (Asia's top8 best bar) 唔係朋友帶路真係幾難揾到個入口🚪。裡面嘅擺設走復古風🏺，好多都係外國運嚟嘅古董，而其中令我最印象深刻嘅係其中一格廁所🚽 去過嘅就會知點解🙈
呢度嘅cocktail款式多味道廣🍹，喜歡偏fruity清新口味嘅我揀咗呢杯Fizzy Rascal，以Martell Cognac, Falernum, Mint, Lime, Absinthe, Strawberry, Champagne調製，酒味不太重果然合我心意。
完全無諗喺一間bar入面會有咁好食嘅甜品🤤 對於呢個Sticky Toffee Pudding真係無抵抗能力❤️ 温暖又濕潤嘅蛋糕外淋上拖肥焦糖醬，焦糖帶點鹹味所以唔會死甜，拌上雲呢拿雪糕一冷一暖令人不住一口接一口。朋友明明話唔鐘意食甜野，但係卻食到最後一口不剩！🤡
เพิ่มเติม -
7
-
0
agnes.the.foodie
2018/02/24
窩子 WoZi คาเฟ่
雖然呢間cafe地點隔涉，但真係值得為咗佢哋嘅梳乎厘pancake再嚟🥞價錢加咗少少，但仍然係高質😍
梳乎厘pancake有原味經典牛油楓樹糖漿同士多啤梨醬兩款，上次食咗士多啤梨醬，今次食埋原味。Pancake厚身亦唔易塌🥞，質地鬆軟輕盈，但又唔會得一陣風咁，而且富蛋香🥚真的好喜歡！楓糖牛油係亮點❤️，令pancake再加分，反而楓樹糖漿偏甜，建議唔好加咁多。食咗兩款味道喜歡原味多啲✌🏻
除咗梳乎厘pancake，呢度嘅咸食都唔錯啊👍🏻 韓式泡菜豬肉脆皮薄餅嘅餅底用酥皮去做🍕，食落酥酥脆脆，泡菜豬肉足料又惹味，味道偏甜，酸酸甜甜的又帶點香辣🌶。酥皮餅底無傳統嘅咁飽肚，所以一個人食完三件都仲食得落其他野😛
เพิ่มเติม -
8
-
1
agnes.the.foodie
2018/02/24
Highstyle Hotpot Restaurant หม้อไฟ
最近興起一股食麻辣火鍋嘅熱潮🌶🍲，呢間重慶火鍋店原來大有來頭，係中國十佳火鍋品牌😮 有傳統九宮格火鍋，亦有唔辣嘅蟲草花花膠雞鍋、黑松露野菌豬骨鍋、鮮茄牛腩鍋同香港限定嘅重慶酸菜魚頭鍋。而我哋就揀咗招牌重慶麻辣鍋同蟲草花花膠雞鍋。小辣麻辣鍋對我嚟講啱啱好，味道香辣，層次分明，但又不會太麻，但食食下鍋底越嚟越濃郁嘅時候都幾辣。花膠雞鍋味道清甜，可以中和麻辣鍋嘅味道，而且有好多蟲草花同半隻雞。
正宗麻辣鍋當然要有牛油，呢度每日限量供應特別造型嘅牛油，而今次我哋嘅牛油係一隻大熊仔🐻 非常趣緻！
火鍋配料選擇多，店員特別推介豬黃喉、新鮮黑栢葉、鵝腸。豬黃喉非常爽脆，本身無咩味，要靠湯底嘅味道。鵝腸粗身爽口，平時唔係好食鵝腸嘅我都覺得好食😋 另外我哋仲叫咗鴨血、頂級安格斯牛肉，同埋紅薯粉。鴨血比一般嘅軟身，但味道一樣佳。頂級安格斯牛肉雪花分佈平均，味道濃而可口，配兩款湯底都好食👍🏻。食麻辣鍋點少得有薯粉，煙煙韌韌嘅薯粉吸盡麻辣湯精華真係好正😍，越食越辣，但越辣越要食！🙈
เพิ่มเติม -
7
-
0
agnes.the.foodie
2018/02/24
VEA Restaurant and Lounge อาหารฝรั่งเศส
食完終於明白點解個個去完VEA嘅朋友都大讚👍🏻！ 之前已經去過29/F嘅lounge飲野，今次去埋30/F真心覺得成個dining experience都好正❤️ 比其他我食過嘅米芝蓮一星餐廳都優秀，由welcoming snacks 到petit four每一道菜都驚喜重重，味道配搭豐富。
第一道welcoming snack靈感來源係林子祥嘅一句歌詞：有了你開心啲，乜都稱心滿意，鹹魚白菜也好好味。由於我訂位嘅時候講咗我唔食魚，所以餐廳為我準備咗另一個口味：茄子味噌(Eggplant miso)。以薄脆嘅小撻載住混合咗味噌嘅茄子蓉，味道食起黎有啲似魚香茄子🍆 另外有一杯茉莉花茶配呢個snacks🍵
第二道welcoming snack係Fried quinoa with crab and caviar。超喜歡呢款小食😍😍 底下嘅炸藜麥就似炸多士一樣，香脆可口不油膩，中間放上奄仔蟹蟹肉🦀 肉質鮮味道濃，最上係魚子醬。一啖放入口嚐盡不同嘅鮮味同口感😋😋
最後一道welcoming snack係Applewood smoked quail egg。唔係講笑，呢個大概係我食過最好食嘅鵪鶉蛋🥚😍 一打開就傳嚟好重嘅煙燻香味💨，鵪鶉蛋外層都充斥住applewood嘅味道，食到中間嘅蛋黃呈流心狀！而且帶醋香，味道酸酸的！好有驚喜，一問之下原來係用咗日本黑醋去醃製，味道由外到内有着不同層次👍🏻
食完Welcoming snacks，第一道嚟嘅菜式Shima Aji亦太精美了吧😍 以冰碟盛載住縞鰺魚刺身，將以龍眼汁同lemon balm oil製成嘅sauce倒落碟之後，會慢慢變成沙冰咁！不但有視覺效果，而味道亦非常香甜清新😋
去到中段，有得揀Charcoal grilled Sicilian red prawn, handmade chitarra with Hokkaido sea urchin, oscietra caviar and gold(+$590) ，新鮮嘅海膽、紅蝦、魚子醬，呢幾款材料嘅配搭真係好正😋，所有用料都非常鮮味，特別係紅蝦個味超濃郁又彈牙🦐，加埋蝦頭嘅精華更加提鮮！而chitarra呢款麵條質地好好，軟熟富彈性又掛汁。雖然要加錢，但味道真係無令我失望，所以下次都一樣會再轉呢個dish🤗
另一道signature：Crispy Sea Cucumber，一上枱就傳嚟好香嘅味噌。用上日本嘅關東遼參，外層脆身而海參中間釀咗深海龍蝦，蝦肉彈牙味道濃，配上小龍蝦汁味道出色，而下面嘅蟲草花同埋韭菜再提升味道同香味❤️。
之後係Poached local yellow chicken breast, crispy chicken thigh, traditional Shanghaiese style milk and butter braised Chinese cabbage & scallion ginger. 白切雞胸、香脆雞腿、奶油津白、薑蓉。無諗過可以將一道咁中式嘅菜式整得咁精緻！
當然甜品同petite four同樣出色，成個dining experience都好滿意，一定會再返嚟！
เพิ่มเติม -
7
-
0
agnes.the.foodie
2018/02/23
Co Thanh อาหารเวียดนาม
唔知味道算唔算正宗，不過真係幾好食😋 Banh Mi嘅法包外脆内軟🥖，完全唔會過硬過韌難咬開。
法包中間夾住豐富嘅材料，如自家製肝醬、酸瓜、蘿蔔、幾款唔同嘅切肉、芫荽、洋蔥等，食落啖啖肉而不失清新。
調味惹味帶點香辣，但食到中間有啲辣椒好辣🌶🙈
除咗越式法包，仲叫咗牛肉粉(Būn Bō Hue)同炸春卷(Cha Gio)。
牛肉粉湯頭味濃帶點香辣🌶 麵條似粗身嘅米線但偏硬身。配料滿滿的有彈牙嘅牛丸、肉質又稔又軟嘅厚切牛腩，附一層綿綿嘅油脂、牛肉片、魚肉春卷、炸香葱等，非常豐富，感覺餸料比麵條多。味道其實還不錯，但食完口渴咗好耐🙈
炸春卷一客5件，春卷皮較一般厚身，咬下非常香脆亦不會膩，中間係滿滿豬肉芋頭餡料，感覺非常實在。
เพิ่มเติม -
10
-
2
agnes.the.foodie
2018/02/21
鍋心粥底火鍋 (Tai Wai) หม้อไฟ
價錢超抵，用料又新鮮，每人$198免加一，包括有7款時令海鮮、5款配料，最後會加埋南瓜、芋頭、粟米、豬油渣、榨菜等落去煮返個粥。
當晚嘅7款海鮮有：膏蟹、貴妃蚌、鮑魚、多寶魚、大蝦、花甲、蜆。膏蟹每人半隻🦀，中間爆哂膏😍，非常滋味。大蝦隻隻都仲好生猛🦐，打間個蓋啲蝦自己跳出嚟。貴妃蚌同鮑魚都好大隻又有鮮味，貴妃蚌質地爽甜。花甲同蜆就一般，但其他海鮮都好正😋 其實未食完海鮮都飽咗大半，條多寶魚我哋完全冇食過打包拎走。
配料可以揀5款，有手打雞骨丸、西班牙黑毛豬、美國肥牛、黑毛豬肉丸、美國雞件、花枝丸、貢丸、響鈴、油炸鬼、獅子狗魚蛋、炸魚皮、午餐肉、炸魚腐、多款蔬菜等。
而我哋就揀咗手打雞骨丸、西班牙黑毛豬、美國肥牛、黑毛豬肉丸、花枝丸5款。大愛手打雞骨丸！肥牛同黑毛豬腩片都唔錯。
打完邊爐之後，最後會加埋南瓜、芋頭、粟米、豬油渣、榨菜等落去煮返個粥，個粥底充滿海鮮嘅鮮味，非常和味😋
เพิ่มเติม -
7
-
0
agnes.the.foodie
2018/02/21
Spicy Spirit หม้อไฟ
台灣過江龍麻神麻辣火鍋🍲🌶 前兩日約咗一大班朋友，你呢度食開年飯。一坐低睇到菜單真係有啲嚇親，因為呢度嘅湯底唔係續鍋計，而係人頭計，所以基本上如果多人，一坐低已經成＄1000落樓啦！
因為湯底咁貴，所以我哋叫火鍋配料嘅時候都就住就住叫，唔算叫得好多嘢食。食完第一輪，即刻不斷encore ,因為又真係好好食喎。
鴛鴦鍋底有麻辣同埋普通清湯，馬辣湯底辣喺口唔辣喺喉嚨，辣到其實亦唔高，佢聲稱係用水果去烹調嘅，所以味精感唔重。清湯就係昆布堅魚湯，味道真係幾淡，我就唔係好啱啦，不過有同行朋友唔食辣，所以我哋都係叫咗呢個鴛鴦湯底。
火鍋配料方面，雜錦丸拼盤，菜拼盤、餃拼盤呢啲都非常一般，最有驚喜係響鈴、鴨血果凍，同埋牛肉。馬勒湯底本身每人有一件鴨血，如果想再食，就要再俾錢加了，相比其他傳統台式麻辣火鍋店，人哋係免費任加架！不過真係好好食，所以唯有俾錢。另外我哋叫咗烏冬，索價＄62個，叫兩個已經120幾蚊，超級貴哦！
整體來說味道其實係好食，但部份收費令人側目。
เพิ่มเติม -
7
-
1
agnes.the.foodie
2018/02/19
ก๋วยเตี๋ยวเรือป๋ายักษ์ อนุสาวรีย์ชัยสมรภูมิ เมนูเส้น
勝利紀念碑旁邊嘅地道船麵店：The Best Of Noodle Boat🍜 沿路有好幾家唔同嘅船麵店，店員都穿上唔同顏色嘅制服，我呢間係着橙色制服嘅。
正宗船麵三兩口一碗，每碗THB$12，即係港幣＄3 ，可以揀牛肉／豬肉、肉湯／酸辣湯、枱面上仲有6款唔同嘅麵，落單嘅時候指一指想要嗰款麵，店員就會知道你想要乜嘢喇。
個人喜歡牛肉船麵，配料除咗肉片，仲有肉丸同通菜，湯頭濃厚帶點酸味夠開胃，配粉絲同寬河粉都好食，泰國嘅粉絲同埋河粉都好煙韌，同香港食到嘅質地好唔同。另外仲有炸豬皮同炸雲吞皮兩款小食，浸湯食索晒啲湯一流😋👍🏻
最後我哋四個人食咗32碗，平均每人8碗，埋單Thb$400都唔駛，好抵食🤗
เพิ่มเติม -
7
-
0
agnes.the.foodie
2018/02/18
Lamlamli Bakery ของหวาน
終於食到大人氣千層蛋糕😍！ 為表決心，我12:30就嚟到排隊，但前面已經有8個人排緊隊，大家都好早🙈 一點開鋪，13:20二十分鐘就賣哂，真係好誇張。不過食完個蛋糕就明白小店真係紅得有道理。
抹茶流心千層蛋糕大概有15層，crepe係除Lady M以外做得最好嘅一間👍🏻！質地食落唔厚亦有蛋香🥚，每層之間嘅忌廉平均份量亦足，重點係忌廉打得好輕盈甜度低唔會覺得滯。說到抹茶味亦算非常出色，面頭有一層滿滿嘅抹茶粉，味道偏苦而非回甘，始終呢隻抹茶粉唔係飲用級，不過味道濃郁無誤，而蛋糕中間嘅流心絕對係一大亮點，茶味香濃又唔甜😋。
Lady M唔再出Earl grey crepe cake都無有怕，因為呢度嘅出品不單拍得住Lady M，而且伯爵茶千層蛋糕嘅茶味更突出更香濃。說到伯爵茶味亦非常出色😍，茶味馥郁醇厚，各方面都完勝市面上其他嘅出品，價錢只係$32一件，絕對係價廉物美嘅代表👏🏻
เพิ่มเติม -
7
-
1
agnes.the.foodie
2018/02/17
L'Eclair de Genie อาหารฝรั่งเศส
Let the Eclair party start 😎🎉 我同屋企人一向都喜歡呢度泡芙嘅質地👍🏻，一啲都唔鬆散，比較軟身，一咬落去所有材料唔會跌哂出嚟，但如果你喜歡酥脆嘅質地，呢個泡芙就未必啱你了🙃。餡料做得非常creamy厚滑，又唔會太甜，大家食完都表示滿足😉😌！
.
Raspberry:
紅桑莓上面加咗crispy raspberry，味道酸酸甜甜，而且顏色吸引😻
.
Passionfruit:
熱情果口味絕對係清新之選😍！ 酸甜清新，刺激味蕾❤️
.
Choco Petillant:
中間係軟滑嘅牛奶朱古力忌廉，最特別係上邊有爆炸糖！
.
Hazelnuts:
味道比較甜，牛奶朱古力片同榛子忌廉都有一定嘅甜度，上面加咗金箔顯得雍容華貴🎆
.
Lime coconut:
喜歡呢款新嘅泡芙💕 中間係青檸椰子忌廉，上而有椰絲同棉花糖😍
เพิ่มเติม -
6
-
0
agnes.the.foodie
2018/02/16
Rech by Alain Ducasse อาหารทะเล
洲際酒店去年3月新開嘅餐廳，係法國米芝蓮大廚Alain Ducasse旗下嘅餐廳👨🏻🍳，以海洋為主題，餐廳由佈置到餐具都走簡約海洋風🌊🐚 有別於一般Fine dining，呢度感覺比較casual。餐廳飽覽維港景色🌃，望住呢個景食飯真係好開心❤️
嚟呢度當然要食海鮮，呢度嘅海鮮都由法國Brittany空運到港，呢款供2位用嘅海鮮拼盤真係超級豐富😍 有四款生蠔共12隻、麵包蟹、小龍蝦、粉紅蝦、小蝦、花蛤 、蛤蜊、翡翠螺、海螺，我哋四個人share都好足夠，仲包450毫升白酒去配海鮮🥂
雖然呢度出名食海鮮🦀，但都有照顧到喜歡食肉或者唔食魚嘅人(即係我)嘅需要😚。主菜方面除咗有魚同其他海鮮，另外有呢款野鴨配牛肝菌🦆 (Wild duckling and ceps) 同香焗酥皮頂級牛柳🐄(Beef chateaubriand in brioche) 選擇。
野鴨胸肉質又嫩又香😋切開中間呈粉紅色，外皮富彈性帶微脆，上枱後會淋上牛肝菌汁，味道非常香濃，同鴨胸味道相輔相成👍🏻 呢道菜式另配蒸鴨肉包子兩個，可謂中法特色融合。
去到晚餐嘅尾聲又點少得一個美味嘅甜品😋 雖然已經食到好飽，但呢度嘅signature甜品Mr Rech (Hazelnut icecream & chocolate sauce)真係好好食😍😍 自家製嘅榛子雪糕香滑不太甜，旁邊沾滿香口嘅榛子碎，上下均夾上蛋白脆餅，食起上嚟唔會淨係得雪糕咁單調，最後淋上微暖濃滑嘅朱古力醬，讓人不住一口接一口食哂成份甜品❤️
เพิ่มเติม -
5
-
1
agnes.the.foodie
2018/02/16
Wolfgang's Steakhouse Hong Kong อาหารทะเล
美國有名嘅過江龍扒房🐄呢度嘅牛扒用上USDA prime beef，再dry-aged28日。熟成牛扒肉質會比一般嘅牛扒更綿更嫩，味道亦有分別。
嚟到呢度當然要食佢嘅signature Porterhouse。 Porterhouse一份牛扒食到西冷(sirloin)同牛柳(tenderloin)兩個部位。牛扒一上枱就傳嚟陣陣牛油香😍 牛扒切得厚厚的，富肉汁味道香。牛柳比西冷熟少少，但卻更軟熟😋 Side dish方面有German potatoes, creamed spinach 同cream of corn選擇。
呢度嘅甜品絕對唔可以錯過，尤其係呢個New York cheese cake😍😍 味道又香又濃，入口質感細滑，比一般NY cheese cake輕盈，味道太討喜了😋
除咗cheese cake，chocolate mousse cake又濃又滑，都很不錯！
เพิ่มเติม -
4
-
0
agnes.the.foodie
2018/02/16
KYO JAPANESE อาหารญี่ปุ่น
唔食魚嘅我每次嚟呢度係都食得好開心😍❤️ 因爲每次訂位，師傅知道我唔食魚，都會好用心準備非魚類嘅食材，絕對唔會hea我👍🏻(要揾Leo師傅👨🏻🍳)
今次嘅午餐有北海道仙鳳趾生蠔、北海道噴火灣帶子、赤貝、北寄貝、北海道響螺、鹿兒島車海老+蝦膏、筋子、燒吞拿魚面珠、文蛤、鮟鱇魚肝+馬糞海膽，全部都好新鮮😋 圖中嘅係赤貝，師傅以金橘調味，肉質又厚又滑爽👍🏻
相比貝類，其實我更喜歡食蝦🦐 師傅將鹿兒島車海老嘅膏拎咗出黎，放蝦下面，蝦膏好甘香，青海老爽甜彈牙，加咗蝦膏鮮味大大提升😍
食到最後又點少得海膽😍 今次有馬糞海膽，下面配埋鮟鱇魚肝 😋 為午餐作完美句號。不過上次嚟有北海道牡丹蝦、毛蟹+蟹膏，仲有北海道馬糞白海膽+赤海膽，覺得正過今次🙈
เพิ่มเติม -
5
-
1
agnes.the.foodie
2018/02/16
ÉPURE อาหารฝรั่งเศส
初頭以為呢個3 courses lunch唔會食到好飽，點知我真係大錯特錯！因為一坐低會有兩款canapés、amuse bouche、仲有一藍有好多款式嘅麵包🥖🥐，不得不說佢哋嘅麵包pastry都好出色👍🏻
Appetiser 我揀咗Honey glazed wild duck leg🍗，份量好似一個main course咁😱，不過就咸咗少少。
午餐嘅main都食到佢哋嘅signature puff ring太高興了😍 呢個 'vol au vent': flaky butter puff ring真係好正，puff ring非常酥脆！！食落又唔會覺得油，中間放咗兩款時令海鮮，本身當日嘅海鮮係帶子同魚，謝謝朋友訂位嘅時幫我講咗唔食魚，所以師傅將魚換成龍蝦，兩款海鮮都又嫩又鮮味😋 上枱後倒入以海鮮、甘草、蔬菜等煮成嘅濃湯，味道就似超級濃郁嘅龍蝦湯，感覺每啖都係海鮮嘅精華，而且加咗甘草所以味道甘甜！不過食到中後段開始覺得有啲滯同咸。
食完main course個puff ring已經好飽，點知甜品係每人可以喺甜品車度揀3款甜點！！真係好誇張！有食過Dalloyau都知佢哋嘅opera cake同修女泡芙都好出名，另外仲點咗一件passionfruit cake都好清新有驚喜😋雜莓撻同macaroon就不過不失吧。
เพิ่มเติม -
4
-
0
agnes.the.foodie
2018/02/16
Tasting Court Chinese Cuisine อาหารทะเล
約咗好耐先約到一班人嚟食天一閣，因為想一次過食到多幾款菜式。當初係被呢道香醉紅蟳🦀（雞油花雕蟹）吸引，食完覺得真係如大家所講，好多道菜都好出色👍🏻
香醉紅蟳用上25年嘅花雕酒，再加入雞油去蒸花蟹配陳村粉。一上枱就傳嚟好香好香嘅味道😍 花雕味道又香又醇，本身以為個陳村粉會好吸味，不過可能個陳村有一定嘅厚度，所以未算好入味，反而花蟹本身好出色😋 肉質飽滿又鮮甜，味道完全冇被花雕酒同埋雞油嘅味道所覆蓋！記住要飯撈埋啲汁，真係好正🤤
另一款驚喜菜式有呢道「天一五椒瀨尿蝦」🤤，用上紅青辣椒、同幾款胡椒，入口先感受到胡椒嘅麻香，辣勁隨後而上，惹味非常😍 瀨尿蝦鮮甜肥美，而且超級大隻，仲長過我隻圓碟！重點係上面已經去咗殻👍🏻 可以啖啖肉咁食😚 而下面嘅殻亦脆卜卜又入味，好味到我連殻都食埋🙈
食到最後已經好飽，但係呢道蝦油蝦子蔥油伴麵又叫人欲罷不能🍜！麵條爽口富彈性，拌上咸香惹味嘅葱油、味鮮又香嘅蝦油蝦子，真係飽都食咗兩碗🤤
▫️
$880net per head
蜀香鮑魚仔
白玉紅蟳金盞（蟹釀橙）
網油百花蟹鉗
古法义燒
當日燉湯
粵式海鹽焗雞
香醉紅蟳（雞油花雕蟹）
葵花斬肉
"天一"五椒瀨尿蝦
荷塘吐艷
蝦油蝦子蔥油伴麵
甜品
เพิ่มเติม -
4
-
0
1 / 1
ค้นพบร้านอาหารแนะนำ
