มิลุกุ คาเฟ่

Lanki Man 35 Followers

มื้อเย็น

Can you tell me how long didn’t take THAI’S Food? - 睇左我個fd個食評,搞到比佢燒到我,忍唔住要去下呢間餐廳睇下佢咩料, 究竟有咩咁吸引到我呢?咪就係佢最top既招牌菜,火焰燒雞囉! 真係比佢燒到興恰恰呀!即刻睇下佢究竟仲有D咩野值得推介先👇 - 📌火焰燒雞 (原隻) - $198 👉原隻農家雞以香茅,芫荽,辣椒,魚露,花奶等醃至少一日,大大隻燒雞擺係你面前,唔係唔食呀?等陣先,staff拎左類似帶有酒精既野淋左隻雞,跟手就用火槍on fire,既肉汁鎖住,仲要用高溫將外皮煎香,而且帶陣酒香,令香味再次昇華,肉質細嫩,的確唔錯,口感同味道都滿意,Staff會安排師傅幫我地切埋!正! - 📌咖哩三重奏 - $198 👉好似海鮮鍋物咁將個鍋分開3格,分別係紅/黃/青咖喱,紅咖喱加左紅辣椒粉,有少少辣香味,黃咖喱椰漿味濃D,質感會滑D,青咖喱落左檸檬葉,泰國粗皮檸皮,青辣椒粉,食得出香草味好出,每格都會放滿哂d海鮮,例如我最愛既基圍蝦,鮮魷,扇貝,帶子,青口,我麻麻地既軟殼蟹同埋1大塊龍脷柳,基本上海鮮控係會食得好滋味,而且食材幾新鮮,呢個價錢太抵了吧, 餐廳仲送左一兜蒜蓉麵包粒比你逐粒叉落去點汁食,幾過癮! - 📌大頭蝦冬蔭功湯(細) - $118 👉冬蔭公一向都係我最愛!!真係食親泰國野必點既,混合左香茹,香茅,辣椒,紅椒,芫茜各樣香料同配料令成個湯既口感豐富左,呢個甜味比例都岩岩好,仲要大大隻蝦,肉質唔錯又新鮮! - 📌馬拉盞炒通菜 - $78 👉炒得夠鑊氣,又有香味,送個飯食都唔錯!去到呢到我已經飽飽地haha - 📌蟹肉炒飯 - $88 👉呢個鋪滿哂蟹肉既炒飯本身已經夠香,夠哂味,我貪心d再淋哂咖哩三重奏果d咖哩落去,果種滿足感大大提升!另外我地嗌左椰汁冰同珍多冰都係每杯$28,好飲,甜得黎唔會好”流” 最後埋單$800幾,呢餐真係超滿足而且性價比都好高,結果都係要棒住個肚走LOL